Ngunayimono ni Meso
1. Ngunevu tujila memba,
Ni kumona malelwa.
Muze ngunende mu jila,
Tangwa kwilu linapeyima.
Afu kanahinduka
Ngwe ngunaloto wika,
Kuma ye Paraisu
Yize twakushimbwila.
2. Ku milundu kweswe neko
Kuli nawa mazuwo.
Ngunevu atu kanembi
Muze meya anapalika.
Mihuko nawa yahia.
Tuyenu tuyihele.
Ayino Paraisu,
Ye te tunashimbwila.
(CHAU)
Cho kuwaha kupwa hamwe
Ni masepa jetu eswe.
Muze lamba mulikahwa,
Cho kuwaha, mwono waha.
3. Tunevu miaso yipema,
Ni vumba lia yitemo.
Hita tangwa tuli hamwe
Ni akwetu twazanga chinji.
Mutusakwila Yehova,
Mumu ha zango lienyi.
Yuma yino yipema,
Ye te tunashimbwila.
(CHAU)
Hita tangwa na kunyonga
Chize muchikapwa muze,
Mutukapwa hamuwika
Ni masepa ni asoko.
4. Te nakushimbwila
Chifuchi chaha chize
Atulakenya Yehova;
Chili lume chamwenemwene.
Muze nakunyonga yino
Yakungutakamisa.
Mumu tangwa liacho lie,
Nguli ni kushimbwila.
