Yab ne’ets ka owey
Ka pa’ba’:
1. An tsabál lej alabélits
ani tajk’an tsamamál.
Jumumúl an tsakam ts’itsin,
a met’ál axé’ xi ít tsabál.
A tsu’tal a ja’úbchik
abal k’wájat ti wichél.
Patal jawa’ a met’ál
yab owey ani ultsits.
2. Alabél tatá’ a tsu’tal
an atáj tin ok’ an ts’én,
ani u pa’íl an itse’,
an tsabál in binál i k’apnél.
Xó’ patal u kulbélchik
al axé’ xi ít tsabál.
Axé’ xi kulbetaláb
yab owey ani ultsits.
(PUENTE)
Pél jun i ít ejataláb.
Yabáts a yajchiknál tejé’.
Yabáts it uk’nal kom xowé’,
it lej kulbél k’al a yanél.
3. Tin yanél an atiklábchik
lej kulbél u ajat xó’.
Niwiwíl an tsakam witschik
ani junax patal u k’wajíl.
A Jehová tu lej pidhámal
yan i k’anidhomtaláb.
Axé’ xi lablixtaláb
yab owey ani ultsits.
(PUENTE)
Chudhél u tsu’tal it kulbél,
it k’wájatits xó’ k’al wawá’.
Kulbél ti k’wájat u ichích,
u lé’akits tu muts’ukna’.
4. Yab ne’ets ka owey
an tsabál xi alabél,
ani chubax ne’ets ka putun.
a Jehová jats in olnámalits.
Tam ku tsálpay k’al axé’ xi
alabél ejataláb,
in t’ajál kin kanatbéj
kom axé’ yab ne’ets ka owey.
