Download:

• Iring Musik

1. 1. Ku ninga burung belagu,

   Ku meda langit biru.

   Ku bejalai teperindang,

   Mata panas manchar ngau terang.

   Semua nya amat manah,

   Tusah deka pechaya:

   Dunya baru Paradais,

   Diatu amat dah datai.

2. 2. Ngaga rumah atas bukit,

   Tauka ba tebing tasik.

   Nyawa orang ke belagu,

   Didinga aku ari jauh.

   Umai padi dah mansau.

   Aram meh sama ngetau.

   Laban dunya Paradais,

   Endang amat dah datai.

   (BRIDGE)

   Semua utai ke dianti,

   Endang ngasuh kitai gagit.

   Nadai agi nyabak ngulit,

   Dunya baru udah datai.

3. 3. Semua orang ketawa,

   Lantang ngau manjung gaga,

   Begulai ngau pangan diri,

   Rindu ati dani tiap pagi.

   Kitai beterima kasih,

   Ngagai Apai Jehovah.

   Berekat ti belimpah,

   Diatu amat dah datai.

   (BRIDGE)

   Tiap hari, puas ati,

   Nyambut bala pangan diri.

   Semua tu ukai mimpi,

   Tang ’ndang amat udah nyadi.

4. 4. Ku nganti ngau sabar,

   Laban ku amat andal,

   Semua semaya Jehovah,

   Tentu dikeamatka Iya.

   Nyadi ku ’nda asa ati,

   Ku seruran ngambarka:

   Dunya baru Paradais,

   Endang amat deka datai.