Татаж авах

• Дууны ноот, үг

1. 1. Нарны туяа бүхнийг гийгүүлж

   Навчис дунд шувууд жиргэнэ

   Уулын бэлээр бид зугаална

   Урсгал усны дэргэд амарна

   Хайртай хүнтэйгээ уулзах

   Хамгийн гайхамшигтай мөч

   Тийм ээ, бидний найдвар биелж

   Дэлхий диваажин болжээ

2. 2. Өндөр уул, өргөн тал хөндийд

   Өнгө өнгийн байшин босжээ

   Баясал хөөрөөр бялхсан дэлхийд

   Булгийн ус мэт ивээл ундарна

   Алтан тариа шаргалтаад

   Аль хэдийн хураах болжээ

   Бурхны амласан бүхэн

   Биелэх цаг ойрхон байжээ

   (ТҮРЛЭГ)

   Хайртай дотнын хүмүүстэйгээ

   Хамаг сайхан бүхнийг хүртье

   Уйтгар гуниг, өвчин зовлон

   Урьдын бүх юм өнгөрөн оджээ

3. 3. Анд нөхдийн маань инээд баясалд

   Анхилам цэцэгс дэлгэрнэ

   Халуун ам бүлээрээ цуглаад

   Хамтдаа шинэ өглөө бүрийг угтана

   Энэ бүхний төлөө Еховад

   Энгүй ихээр талархъя

   Тэсэн ядан хүлээсэн

   Диваажин биеллээ олжээ

   (ТҮРЛЭГ)

   Чамтай уулзах өдрийг хүлээж

   Чанга тэврэхийн хүслэн байлаа

   Нэг л мэдэхэд мөрөөдөл биелж

   Нэг нэгнээ бид тэврэн авлаа

4. 4. Шинэ ертөнц ойрхон байна

   Шагналаа харж амьдарцгаая

   Үүнийг амласан Ехова

   Үгээ заавал биелүүлдэг Бурхан

   Ирээдүйгээ бодох тусам

   Итгэл төрж, бэрхийг давна

   Тийм ээ, бидний найдвар биелж

   Дэлхий маань диваажин болно