Éemse:

• Yéetel notaʼob

1. 1. Táan u káajlu jóokʼ le Kʼiinoʼ,

   táan u kʼaay le chʼíichʼoʼoboʼ

   yéetel jach yaan kiʼimak óolal

   teʼ jatsʼuts Luʼum tuʼux kajaʼanechoʼ.

   Teʼ kʼiinaʼ táan a páaʼtik

   u kuxtal a láakʼtsiloʼob.

   Jach sen naatsʼ bakáan yanil

   le Luʼum u yaʼalmaj Diosoʼ.

2. 2. Jach yaan jeetsʼelil teʼ Luʼumaʼ,

   yaan yotoch tuláakal máak.

   Tsʼoʼoleʼ kiʼibok xan a wuʼuyik

   bix u book le looloʼob a pakʼmoʼ.

   Ku tsʼáaik u yich le luʼumoʼ,

   yaan xan baʼal tiaʼal jaantbiliʼ.

   Jach sen naatsʼ bakáan yanil

   le Luʼum u yaʼalmaj Diosoʼ.

   (ULÁAKʼ CORO)

   Minaʼan muʼyaj, minaʼan okʼol,

   tuláakal máak ku biskuba.

   Tsʼoʼok xan u kaʼa antal a muukʼ,

   ku tsʼoʼokoleʼ jach táankelmech.

3. 3. Cada kʼiineʼ táan u pʼáatal

   maas jatsʼuts le kuxtalaʼ.

   Jéeoba Dios xaneʼ teʼ kʼiinaʼ

   yaan u yeʼesik jach u yaabiltmech

   tumen yaan u kaʼa kuxkíintik

   le máax a sen yaabiltmoʼ.

   Jach sen naatsʼ bakáan yanil

   le Luʼum u yaʼalmaj Diosoʼ.

   (ULÁAKʼ CORO)

   Teneʼ mantatsʼ tin yaabiltech,

   jach sáamsamal tin kʼaʼajsajech.

   Teneʼ mantatsʼ tin tsʼíiboltaj

   in kaʼa ilkech, in méekʼikech.

4. 4. Jach natsʼaʼan u kʼiinil

   tiaʼal k-ilik le Luʼum jaʼtsaʼ.

   Baʼaxoʼob kiaʼalik Jéeoba Dioseʼ

   yaan u béeytal jeʼex u yaʼalmiloʼ.

   Yaan in tsʼáaik in wóol in páaʼte

   kex jach yaj le kuxtalaʼ.

   In wojel jach naatsʼ yanil

   le kuxtal u yaʼalmaj Diosoʼ.