Niżżel:

• Karta bil-mużika

1. 1. Hekk kif timxi ġo wied aħdar,

   Tara x-xemx fis-sema ċar.

   U l-għasafar tismaʼ jgħannu,

   Bejtiet jibnu dawn fis-siġar kbar.

   L-art kollha issa ġenna,

   U qed tilqaʼ l-maħbubin.

   Dawn il-jiem tant ferħanin

   Kienu wara l-kantuniera.

2. 2. Ħdejn il-bajja dwejra sbejħa,

   Tara dar hawn f’nofs il-wied.

   Fuq iż-żiffa tismaʼ għanja,

   Kif iddur il-mitħna fuq l-għoljiet.

   L-għelieqi kollha sofor,

   U għall-ħsad il-ħbieb ġejjin.

   Dawn iż-żminijiet tajbin

   Kienu wara l-kantuniera.

   (BRIDGE)

   M’hemm ebda inkwiet

   Biss il-barkiet

   Li aħna konna nistennew.

   M’hemm xejn imwiet,

   U m’hemmx mardiet,

   Għax kollox ġdid, u nithennew.

3. 3. Tistaʼ tismaʼ l-ferħ fil-vuċi

   Kif it-tfal jiġbru bukkett.

   Għax familtek hawn madwarek

   Hekk kif terġaʼ tibda jum perfett.

   Ngħidu grazzi lil Ġeħova;

   Jieħu ħsiebna lkoll kuljum.

   Il-barkiet li għandna llum

   Kienu wara l-kantuniera.

   (BRIDGE)

   Nitbissem spiss,

   U nieħu gost,

   Li aħna fl-aħħar hawn flimkien.

   U ngħannquk b’ferħ,

   U nithennew,

   Għax darba dak biss ħolma kien.

4. 4. Wara l-kantuniera

   Naf li kollox hemm li rrid.

   Hija wegħda minn Ġeħova;

   Ċert li hu se jagħmel kollox ġdid.

   U m’hemmx ċans li nħossni mdejjaq

   Meta naħseb x’ġej dalwaqt.

   Dan il-jum se jiġi daqt.

   Naf li wara l-kantuniera.