Buufadhu:

• Nootaa Wajjin

1. 1. Faaruu simbiraa dhageessa,

   Duumessa kaatu laalta.

   Aduun samii ʼrraa yoo iftu,

   Sulula keessa bashannanta.

   Kan duʼan yoo simattu,

   Amanuu hin dandeenye.

   Jannanni lafa ʼrraa kun

   Baayʼee dhihaatee ture.

2. 2. Manni gaara ʼrraa mulʼata.

   Jira sulula keessa.

   Lagni sagaleen faarfata,

   Bishaan baabura daaku kaasa.

   Midhaan maasii bilchaate,

   Haamaan haa jalqabamu.

   Jireenyi amma qabnu

   Baayʼee dhihaatee ture.

   (CEESISA)

   Waan abdanne dhandhamanne;

   Michoota wajjin gammadne.

   Imimmaan keenya haqame.

   Addunyaan hundi haarome.

3. 3. Ni dhagaʼama ililchi,

   Fooliin marga haamame.

   Guyyaa haaraan yommuu dhufu,

   Michoota kee wajjin gammadda.

   Yihowaa galateeffanna

   Jaalalaaf kunuunsa ʼsaaf.

   Eebbi argachaa jirru

   Baayʼee dhihaatee ture.

   (CEESISA)

   Guyyaa hunda seeqaan jedha:

   “Si arguutti gammadeera!”

   Wal arginee si hammachuun

   Abjuu ture kanaan dura.

4. 4. Natti dhihoo jira

   Addunyaan arguuf hawwu.

   Abdii Yihowaan kenne dha,

   Hin jiru raawwii ʼsaa kan dhowwu.

   Waan na eeggatu yoon yaadu,

   Gaddi na ʼrraa badeera.

   Guyyicha eegaan jira

   Baayʼee nutti dhihaateera.