Djis Tras di Porta
Download:
1. Disfrutando di⁀un paisahe
ku⁀n’ ta parse di bèrdat;
airu fresku⁀i seru bèrdè.
Bo ta topa tur bo⁀amigunan.
Un dushi paraiso!
Bo no por a imaginá
kon serka⁀e tabata:
Ei, djis tras di porta.
2. Tin un kas na punt’i seru,
unu mas na kant’i riu.
Yen di stèm kargá pa bientu
den un kanto di⁀alabansa⁀ayá.
Kunuku ta bonando;
nan ta kla pa kosechá.
Wak kon serka⁀e tabata,
sí, djis tras di porta.
(INTERLUDIO)
Bin wak akí i kompartí
Dios su futuro primintí.
Dilant’i nos, at’é akí,
e bida real; e ta kumplí!
3. Trupialnan ta pustando
kua su kanto ta mihó.
Skucha bos felis kantando,
sin tristesa, duele ni doló.
Gradisiendo Dios, Yehova,
pa un bida yen di⁀amor.
Esta serka⁀e tabata:
Ei, djis tras di porta.
(INTERLUDIO)
E tempu⁀ayá mi tabata
soñando ku b’a regresá.
I wak awor, ata bo⁀akí,
brasá ku nos i bon primí.
4. Serka, tras di porta,
tin un mundu primintí.
I Yehova su Palabra
no ta faya ni ta bai pèrdí.
Mi remedi pa tristesa
ta di bisa den mi mes:
‘Djis un poko tempu mas.
E ta djis tras di porta.’
