I-download:

• Walay Nota

1. 1. Dengeley kansion na manok,

   Nengnengey katawenan.

   Amin ya walad paliber

   Mararakep, makapaliket.

   Agka makapanisian

   Dalin Paraiso la.

   Singa karuman labat,

   Natan asingsingger la.

2. 2. Balibali kaabungan,

   Pati kiew tan tanaman.

   Malinlinis la ray ilog,

   Amayamay la so naakan.

   Saray datin bengatla

   Amin et linmabas la.

   Singa karuman labat,

   Natan asingsingger la.

   (BRIDGE)

   Kakaarom, wadtan iran

   Miliket tan mantalaran.

   Naandi lay ermen tan lua,

   Balon mundo et wadia la.

3. 3. Sankarengel so elekan,

   Istoryaan, kansionan.

   Kakaibam so pamilyam,

   Malikeliket so ulopan.

   Pisalamatay Jehova

   Lapud panangaro to.

   On, amin ya bendisyon

   Diad tua, asingsingger la.

   (BRIDGE)

   Nagawa la so kioli

   Tan abetey pinabpablim.

   Legay bilay lan kaibam

   Tan nalakap na malmalet.

4. 4. On, say balon mundo

   Magano lan onsabi.

   Insipan ’tan nen Jehova,

   Segurado sirin ya ontua.

   Tan iisipen kon lanang

   So nagawad arapen.

   Tatalaranan ko ’tan,

   Tan amtak asingsingger la.