Ñallami paraisopi causashun
1. Sisacunaca lomapi
huairahuanmi huajianga.
Sumaj inti llujshishpaca
tucuitami achijyachinga.
Amigocunahuanmi
cushicushpa cainashun.
Cai Allpaca ñallami
paraíso tucunga.
2. Sumaj huasicunatami
tandalla shayachishun.
Dios tamyata cachajpimi
granocunaca⁀alli huiñanga.
Tucui chagracunapimi
alajata pˈucunga.
Cai Allpaca ñallami
paraíso tucunga.
(SHUJTAJ TONO)
Llaquicuna, nanaicuna,
huacaipish na tiyangachu.
Jovencuna tucushpami
achca fuerzata charishun.
3. Cushilla sintirishpami
shungumanta cantashun.
Diosca cˈuyashcamantami
tucui allicunata cunga.
Achcata bendiciajpimi
paitaca pagui nishun.
Cai Allpaca ñallami
paraíso tucunga.
(SHUJTAJ TONO)
Causarishca familiata
cˈuyaihuanmi ugllarishun.
Paicunahuan tupashpaca
dimastijmi cushicushun.
4. Paraisopi cashcata
punllantami yuyanchij.
Jehová Dios cusha nishcata
cushicushpamari shuyanchij.
Chaica mana muscuillachu.
Tucuimi pajtaringa.
Ñallamari huiñaita
paraisopi causashun.
