Ichikllana shuyärishun
Jorqë:
1. Imaläya kushishqaraq
alistapakur kashun
wanushqa kastantsikkuna
kutiyämuptin chaskinapaq.
Kuyashqa kastantsikwan
yapëmi tinkurishun.
Kushishqa chaskinapaq
ichikllana shuyärishun.
2. Tsë witsanqa entëru Patsam
juk shumaq huerta kanqa
Mananam ni imapaqpis
llakikur yarpachakushuntsu.
Cosëcha tiempunäqa
mëtsikatam ëllushun.
Imëkayoq kanapaq
ichikllana shuyärishun.
(TÖNUN CAMBIARIN)
Ichikllana shuyärishun
kallpëkimanmi kutinki.
Mananam ni imëkipis
ichikllapis nananqatsu.
3. Shumaq pampakunachömi
cantar shukar purishun.
Mananam ni imapaqpis
kanannö yarpachakushuntsu.
Llapan änimanqantsiktam
Diosnintsik ruramunqa.
Tsëta rikärinapaq
ichikllana shuyärishun.
(TÖNUN CAMBIARIN)
Waqar waqar pampanqantsik
kastantsiktam rikärishun.
Rikëkurqa, kushikurmi
ëqïkur achkukurkushun.
4. Chäramunnam tiempu,
chäramunqanam höra,
Diosnintsik änikunqannö
Shumaq Patsachö kawanapaq.
Tsëmi imata pasarpis
alli tsarakunantsik.
Ama qonqëkushuntsu
ichikllana pishinqanta.