A ga tâ nduru awe
Téléchargé:
1. Mo ’ke mä bia ti andeke,
mo bâ mbinda na nduzu.
Mo ’ke tambela ti bâ ndo,
na ngoi so lâ asu pendere.
Mo yamba akamarade,
na li ti mo akpe kue.
Paradis so e ku ni
a ga lani nduru awe.
2. Bâ mbeni da kâ yongoro
mbeni na li ti hoto.
Ngu ti bale ayeke sua,
mä totongo ti amapo ni.
Kobe ti yaka abe;
zia e ko alengo ni.
Sese ni, Paradis so
a ga lani nduru awe.
(COUPLET)
A nzere ti kangbi aye
so e yeke ku ni lani.
Ngu ti lê kue ahon awe,
mbakoro nga a’ke pëpe.
3. Mä go ti azo kue na ngia,
afleur afun pendere.
Mbeni fini lango nde la,
yamba azo kue so mo ndoye.
Na mû merci na Jéhovah,
teti tâ ndoye ti lo.
Atufa so e ku ni,
a ga lani nduru awe.
(COUPLET)
Lakue, na ngia, mbi ’ke tene:
“A nzere na mbi ti bâ mo!”
Teti so mbi ’ke ku lani
ti yamba mo na ngia na bê.
4. Dunia so mbi ’ke ku
a’ke nduru fadeso.
So zendo ti Jéhovah la.
Beku so ayeke ga tâ ye.
Tongana mbi pensé na ni,
a mû tâ ngangu na mbi.
Ngoi so mbi ’ke ku ni la,
na a ga tâ nduru awe.
