Poʼot xa xtal
Yaleso:
1.Teun xa ta paraiso,
kʼupil sba kʼusi x-ayan.
Yakal xa ta jchapan lek,
ta jmala tsut tal buchʼu jkʼanoj.
Ta jkʼan xa ta jkʼelbe sat,
mu to jchʼun tajek chkaʼi.
Poʼot xa tajek skʼan xtal
kʼupil sba paraiso.
2.Jun yutsil jujun kʼakʼal ch-echʼ.
Chkil kʼu yen chanav yok voʼ,
kʼupil sba chkaʼi xchajet chbakʼ,
chkil kʼupil sba naetik ta vits.
Kʼusi tsʼunbil ta jtsob xa,
yuʼun kʼot xa yorail.
Poʼot xa tajek skʼan xtal
kʼupil sba paraiso.
(CHJEL SNUKʼILAL)
Toj ep kʼusi ti xuʼ jkʼupin
xchiʼuk skotol kamigotak.
Ch’abal lajel, ch’abal ok’el
lek xa skotol, achʼ xa skotol.
3.Jun koʼnton te chixanav bal,
xojobaj talel kʼakʼal.
Lek skotol k’usi x-ayan te,
te jchiʼuk li buchʼutik jkʼanoj.
Koliyal chkalbe Jeova Dios,
ta skoj ep slekil yoʼnton.
Poʼot xa tajek skʼan xtal
kʼupil sba paraiso.
(CHJEL SNUKʼILAL)
Kʼot yorail, mu jchʼun yaʼel,
ti chkil asat yan veltae.
Xkuxet koʼntik ta jmey jbatik,
k’usi yal Dios ta jkʼupintik.
4.Toj nopol xa skʼan xtal
kʼupil sba nichimaltik.
Yuʼun jaʼ yaloj Jeova Dios,
jch’unoj lek chk’ot ta pasel yu’un.
Ta jnopbe sk’oplal k’usi chtal
yo’ stsatsub xch’unel ko’nton.
Poʼot xa tajek skʼan xtal
li kʼupil sba paraiso.
