Ḽi Tou Vha Tsini-Tsini
1. Ḓivhoneni ni govhani,
Lutombo lu ludala.
Ḓuvha ḽi tshi penyelela
Ni pfa miludzi ya zwiṋoni.
Vhafunwa vha bvelela,
Na pfa no akhamala.
Shango ḽeneḽi ḽiswa
Ḽi tou vha tsini-tsini.
2. Nnḓu i fhasi govhani
Iṅwe i nṱha ha thavha.
Ni thetshelese muungo
Wa mulambo u tshi elela.
Zwiliṅwa zwo no vhibva.
Kha ri ye ri yo kaṋa.
Shango ḽe’ḽi ḽavhuḓi
Ḽi tou vha tsini-tsini.
(MURATHO)
Zwi ḓo naka ro takala
Na khonan’ dzi ri funaho.
Na miṱodzi a i tsheeho.
Vhutshilo ho no vha vhuswa.
3. Ḓivhoneni ḓuvha ḽo tsha
No dalela vhafunwa.
Hu pfala zwiseo fhedzi
Munukho, hatsi ho gerwaho.
Ra khoḓa Mudzimu washu,
Nga zwe a ri fha zwone.
Phaṱhutshedzo dzenedzi
Dzi tou vha tsini-tsini.
(MURATHO)
Ndi ṱwa ndi tshi setshelela,
Ndi tshi vhona no takala!
Wo vha u muḽoro wanga
Uri ri kuvhatedzane.
4. Zwe nda zwi lindela
Shango ḽa Pharadiso.
Ro ḽi vhudzwa nga Yehova.
Ḽi ḓo vha hone zwa vhukuma.
Musi ndi tshi ḽi humbula
Ndi mbo ḓi vha na nungo.
Ḓuvha ndo ḽi lindela,
Ḽi tou vha tsini-tsini.
