Maˇ maˇ ni g’eh-eu nui gaˬ
1. Mˬ taˆ neh oe-euˬ muiˬ laꞈ sawˬ tiˬ hmˬ jaˆ,
Diˇ maˇ maˇ-ehˇ poeˬ-eu laꞈ sawˬ pyeuꞈ-eu nui gaˬ.
Aˇ nyaꞈ-euˬ nui gaˬ nui noeˬ taꞈ law miˇ-a,
Nyiˬ g’aˬ dehꞈ ziˇ gaˇ ma cah dahˬ beh.
(Caˇ poˆ)
Nyiˬ g’aˬ luꞈ laꞈ tsaꞈ awˇ ziˇ jiˇ ngeh keuˆ gaˬ ma.
Aˇ caˆ smˬ caˆ neh
Yeuꞈ deuˇ loꞈ-ehˇ
Yeˬhawˇbaˬ sheuˬ g’eh gaˇ iˇ, cah g’eh ma aˇ nyaꞈ.
Maˬ poˆ maˬ paˇ laˇ nya nui gaˬ heu
Zawˇ-ehˇ gaˬ laˇ paˬ-ehˇ,
Ngaˇ gaˬ eu g’aˬ-oˇ.
2. Shaˬ zahˬ keuˆ le k’awꞈ,
Tiˬ nah saˇ-i tiˬ nah gaˬ-eu myaˬ laˇ luꞈ.
Suˇ g’aˬ aˇ nyaꞈ-ahˇ jeˬ lehˇ kawˆ pyaˆ laˇ k’awꞈ,
Laꞈ tsaꞈ maˬ puiˇ aˇ nyaꞈ ziˇ jiˇ ngeh keuˆ,
Nawˇ nawˇ nawˇ tehꞈ ma.
(Caˇ poˆ)
Nyiˬ g’aˬ luꞈ laꞈ tsaꞈ awˇ ziˇ jiˇ ngeh keuˆ gaˬ ma.
Aˇ caˆ smˬ caˆ neh
Yeuꞈ deuˇ loꞈ-ehˇ
Yeˬhawˇbaˬ sheuˬ g’eh gaˇ iˇ, cah g’eh ma aˇ nyaꞈ.
Maˬ poˆ maˬ paˇ laˇ nya nui gaˬ heu
Zawˇ-ehˇ gaˬ laˇ paˬ-ehˇ,
Ngaˇ gaˬ eu g’aˬ-oˇ.
(Caˇ tawꞈ)
Ziˇ jiˇ ngeh keuˆ gaˬ ma nawˬ.
Poeˬ laꞈ sawˬ Miˬ-yehˇ neh aˇ dui nyaꞈ ahˇ biꞈ laꞈ.
Aˇ nyaꞈ gaˬ eu jeˬ heu ziꞈ dah g’eh awˇ neh
Nawˇ ngaˬ-euˬ shaˬ yoeˬ pyeuꞈ awˇ, nawˇ ngaˬ euˬ shaˬ jiˇ pyeuꞈ.
Zawˇ maˇ-ehˇ haw muiˬ dui dui nga nawˬ-neh k’aˇ mˇ dawˬ tawˆ
Ngaˬ euˬ tiˬ ziˇ nawˬ-ahˇ tehꞈ-ehˇ gaˬ g’eh ma.
3. Nawˬ ahˇ bi siˬ mawꞈ gaˬ luꞈ eu
Diˇ maˇ maˇ-ehˇ ngaˇ gaˬ-eu nawˇ tiˬ g’aˬ tehꞈ ma.
Ngaˬ-euˬ dehꞈ ziˇ-ahˇ uˇ laˇ miˇ guiˬ lahˬ zawˇ-ehˇ huiˬ,
Nawˇ ngaˬ-euˬ g’aˇ duˬ muiˬ eu cawˬ pyeuꞈ miˇ-a.
Zawˇ-ehˇ gaˬ nya.
(Caˇ poˆ)
Nyiˬ g’aˬ luꞈ laꞈ tsaꞈ awˇ ziˇ jiˇ ngeh keuˆ gaˬ ma.
Aˇ caˆ smˬ caˆ neh
Yeuꞈ deuˇ loꞈ-ehˇ
Yeˬhawˇbaˬ sheuˬ g’eh gaˇ iˇ, cah g’eh ma aˇ nyaꞈ.
Maˬ poˆ maˬ paˇ laˇ nya nui gaˬ heu
Zawˇ-ehˇ gaˬ laˇ paˬ-ehˇ,
Ngaˇ gaˬ eu g’aˬ-oˇ.
Maˬ poˆ maˬ paˇ laˇ nya nui gaˬ heu
Zawˇ-ehˇ gaˬ laˇ paˬ-ehˇ.
