Misumɔɔ Bo
Ŋɔɔ:
1. Miyɛ mɔ ko ni misumɔɔ waa,
Esane kã mitsui nɔ jogbaŋŋ.
Esumɔɔ mi kɛ etsui muu fɛɛ,
Eji Yehowa dɛŋ nikeenii.
(NƆHEREMƆ)
Yehowa baawa wɔ ni wɔye omanye.
Masumɔ bo daa,
Be fɛɛ be.
Wɔkɛ Yehowa Wiemɔ baatsu nii bei fɛɛ.
Mɔ ko kwraa bɛ je nɛŋ tamɔ bo,
Ni misumɔɔ bo.
Misumɔɔ bo.
2. Wɔkɛ kai baakpe,
Shi anɔkwa suɔmɔ baawa wɔ
Ni wɔbaahi shi daa akɛ suɔlɔi.
Wɔhãŋ nɔ ko kwraa afite wɔteŋ.
Wɔhãŋ nɔ ko kwraa.
(NƆHEREMƆ)
Yehowa baawa wɔ ni wɔye omanye.
Masumɔ bo daa,
Be fɛɛ be.
Wɔkɛ Yehowa Wiemɔ baatsu nii bei fɛɛ.
Mɔ ko kwraa bɛ je nɛŋ tamɔ bo,
Ni misumɔɔ bo.
Misumɔɔ bo.
(NƆ NI FOƆ TEŊ)
Mikɛ bo baahi shi daa.
Yehowa Nyɔŋmɔ ni to gbɛjianɔ nɛɛ.
Anɔkwa “suɔmɔ he wa tamɔ gbele.”
‘Wɔtsɔ heloo kome’; ni ‘makpɛtɛ ohe.’
Owiemɔi kɛ nifeemɔi hãa misumɔɔ bo.
Masumɔ bo miwala gbii fɛɛ.
3. Mikɛ mitsui fɛɛ ehã bo,
Oo misuɔlɔ kɛ mihefatalɔ.
Midaa Yehowa shi yɛ ohewɔ.
Mijwɛŋɔ ohe shwane kɛ nyɔɔŋ fɛɛ,
Misuɔlɔ.
(NƆHEREMƆ)
Yehowa baawa wɔ ni wɔye omanye.
Masumɔ bo daa,
Be fɛɛ be.
Wɔkɛ Yehowa Wiemɔ baatsu nii bei fɛɛ.
Mɔ ko kwraa bɛ je nɛŋ tamɔ bo,
Ni misumɔɔ bo.
Misumɔɔ bo.
Mɔ ko kwraa bɛ je nɛŋ tamɔ bo,
Ni misumɔɔ bo.
