A Rili Lɛk Yu
Dawnlod:
1. Wi gɛt wan gift we na frɔm wi Gɔd,
Wan fayn fayn gift we wi kɔl tru lɔv.
We tu pipul dɛn dɔn kam bi wan,
Dɛn go rili bigin fɔ ɛnjɔy.
(KORƆS)
I simpul ɛn izi. Ɛn na tin we wi no.
If Jiova de,
Lɔv go gro.
Na Jiova de gayd wi pan wetin wi du.
Na dat mek a rili kam fɔ lɛk
Gud pɔsin lɛk yu,
Pɔsin lɛk yu.
2. Prɔblɛm go kam ɛn go,
Bɔt wi lɔv nɔ go lɛf fɔ de gro.
Natin nɔ go ebul mek wi tu pat.
Natin nɔ gɛt fɔ pul yu na mi at.
Natin nɔ ebul.
(KORƆS)
I simpul ɛn izi. Ɛn na tin we wi no.
If Jiova de,
Lɔv go gro.
Na Jiova de gayd wi pan we-tin wi du.
Na dat mek a rili kam fɔ lɛk
Gud pɔsin lɛk yu,
Pɔsin lɛk yu.
(BRIJ)
Dis wi lɔv go de te go.
Ɛn na wi Gɔd de mek wi lɔv jɔs de gro.
Wi lɔv strɔng lɛk day; yu de mek a gla-di.
We Gɔd mek a gɛt yu, i dɔn rili blɛs mi.
Yu de du plɛnti fayn tin we mek a lɛk yu.
So a nɔ gɛt fɔ stɔp fɔ lɛk yu.
3. A want mek yu no aw a fil.
Na bikɔs a rili lɛk yu pas-mak.
A rili gladi we a mared yu.
A lɛk we wi na wan, nɔto tu.
A lɛk yu.
(KORƆS)
I sim-pul ɛn izi. Ɛn na tin we wi no.
If Jiova de,
Lɔv go gro.
Na Jiova de gayd wi pan wetin wi du.
Na dat mek a rili kam fɔ lɛk
Gud pɔsin lɛk yu,
Pɔsin lɛk yu.
Na dat mek a rili kam fɔ lɛk
Gud pɔsin lɛk yu.
