Citini Daunilodi:

• Umuli Vimanyililo Vya Lwimbo

1. 1. Elenganyini muli mu nsi ’pya.

   Lino mukupita mwiza mwalola

   Ana iyazanga!

   Musi nanti cimwi ca kutiina.

   Alino konsi kwati kuzipa;

   Konsi kwene kuli antu ya nsansa.

   Nupya kul’u mutende;

   Mutende uno twalolelanga.

   Tulakululwa

   Lino Yesu alateeka

   Mu nsi ’pya iikwiza.

   (MAZWI YA KUSWILIZYAPO)

   Twataila ukuti

   Tulikalu mu nsi isuma.

   Upaalilo witu wakoma

   Wa nanga: Tulaya

   Mu nsi ’pya iikwiza.

2. 2. Elenganyini vino muluvwa.

   Imyamba, inyika, vyonsi vilayemba.

   Kulazipa sana!

   Mwelenganye muli pa ng’anda:

   Mwalola lupwa winu

   Wino mwaweni mpiti sana

   Watatuutululwa!

   Mwalukusya na minsozi ku nsansa!

   Kutalayi mfwa;

   Leza ’lacimvya,

   Mu nsi ’pya iikwiza.

   (MAZWI YA KUSWILIZYAPO)

   Twataila ukuti

   Tulikalu mu nsi isuma.

   Upaalilo witu wakoma

   Wa nanga: Tulaya

   Mu nsi ’pya iikwiza.

   (CIKOMO ICIIYEELE)

   Vyonsi vino walanda (wene ndi walanda)

   Vikacitika, asifilwa.

   Yeova ’kalondu kuti (nupya ’lafikilizya)

   Mu nsi yonsi mukazipe sana.

   (MAZWI YA KUSWILIZYAPO)

   Twataila ukuti

   Tulikalu mu nsi isuma.

   Upaalilo witu wakoma

   Wa nanga: Tulaya

   Mu nsi ’pya iikwiza, (insi isuma)

   Mu nsi ’pya iikwiza, (insi isuma)

   Mu nsi ’pya iikwiza, (insi isuma)

   Mu nsi ’pya iikwiza. (insi isuma)