Poʼot xa xtal li achʼ balumile
Yaleso:
1. Teyutik xa chkil ta achʼ balumil,
mi junuk xa buchʼu yakal chil svokol.
Li un kʼoxetike
jun yoʼnton chtajinik, stseʼet satik.
Nichimaltik xa li balumile,
toj alakʼ sba xvinaj spasben Mukʼul Dios.
Xijmuyubaj jkotoltik,
buyuk xijbat oy epal kʼanelal.
Mu xa me jaluk,
poʼot xa tajek skʼan xtal:
¡Kʼupil achʼ balumil!
(ESTRIVIYO)
Li xchʼunel koʼntontike
xtiltun tajek ta yut koʼntontik.
Lek tsʼunul kʼuchaʼal junuk ankla,
chakʼ kiltik ti chtal xa:
¡Kʼupil achʼ balumil!
2. Teyutik xa chkil ta achʼ balumil:
nioʼtik, ukʼumaltik, mukʼtik vitsetik,
jaʼ te chlik jpas jnatik.
Ta xkil ta jsatik kʼusi tspas Dios,
chchaʼkuxes buchʼu chamem.
Chkiltik yan velta kamigotik,
buchʼu ep jkʼanojtik,
ta xlokʼ yaʼlel jsatik ta muyubajel.
Mu xa me jaluk,
poʼot xa skʼan xtal:
¡Kʼupil achʼ balumil!
(ESTRIVIYO)
Li xchʼunel koʼntontike
xtiltun tajek ta yut koʼntontik.
Lek tsʼunul kʼuchaʼal junuk ankla,
chakʼ kiltik ti chtal xa:
¡Kʼupil achʼ balumil!
(CHJEL SNUKʼILAL)
Kʼusi chlokʼ ta ye Jeova
maʼuk jutbil kʼop, chkʼot ta pasel.
Muʼyuk kʼusi xuʼ smak ta be,
persa onoʼox tspas kʼusi yaloj.
(ESTRIVIYO)
Li xchʼunel koʼntontike
xtiltun tajek ta yut koʼntontik.
Lek tsʼunul kʼuchaʼal junuk ankla,
chakʼ kiltik ti chtal xa:
¡Kʼupil achʼ balumil!
¡Kʼupil achʼ balumil!
¡Kʼupil achʼ balumil!
¡Kʼupil achʼ balumil!
