Aza Asiana Tavela
Haka:
1. Tantara iray, tantara taloha...
Nefa hatram’izao mbola tsaroako,
Satria nankarary ny foko.
Tsy mora ho ahy ny hamadika pejy.
Na te hamela aho, dia tsy vitako ihany.
Nandratra ’zay nataony ahy tam’izany.
Aleo aho hivavaka izao dia ’zao:
“Jehovah ô, ny alaheloko tsapanao.
Miangavy aho re, mba mitalaho...
(FIVERENANA)
Mba omeo hery
Fa mila anao, tsy vita irery,
Ampio! Jehovah, androany aloha
Ampio tsy hanao am-po.
Mba hitovy aminao:
Rehefa mamela, tsy asiana tavela.
Ampio! Jehovah, ampio aho moa
Mba tena hanadino koa,
Hanadio ny fo.”
2. ’Ndraindray anefa tsy ampoiziko akory,
Miezaka aho fa tsaroako indray
’Zay ratsy efa vitany hatrizay.
Vao mahita azy dia tezitra mafy...
’Lay hoe mamela anie mila mamafa,
Manadino ’zay rehetra lasa.
Aleo aho hivavaka izao dia ’zao:
“Jehovah ô, ny alaheloko tsapanao.
Miangavy aho re, mba mitalaho...
(FIVERENANA)
Mba omeo hery
Fa mila anao, tsy vita irery,
Ampio! Jehovah, androany aloha
Ampio tsy hanao am-po.
Mba hitovy aminao:
Rehefa mamela, tsy asiana tavela.
Ampio! Jehovah, ampio aho moa
Mba tena hanadino koa,
Hanadio ny fo.
Hanadino koa,
Hanadio ny fo.
Hanadio ny fo.”
