Ol Sot Video Blong Tokbaot Ol Buk Blong Baebol
Sam stamba samting long saed blong evri buk blong Baebol.
Fastok Blong Baebol
Luk olsem wanem ol wanwan buk i sapotem bigfala tingting ya, hemia blong leftemap nem blong Jehova, mo bambae hem i mekem olsem tru long Kingdom blong hem we boe blong hem Jisas Kraes i rul long hem.
Fastok Blong Jenesis
Buk blong Jenesis i tokbaot olsem wanem ol man oli stat mo olsem wanem fasin safa mo ded i stat.
Fastok Blong Eksodas
God i sevem ol man Isrel we oli stap wok slef long Ijip, mo i mekem oli kam wan tabu nesen blong hem.
Fastok Blong Levitikas
Luk olsem wanem Levitikas i tokbaot tabu fasin blong God mo from wanem i impoten we yumi stap tabu.
Fastok Blong Namba
Luk from wanem i impoten blong obei long Jehova mo olgeta we hem i putumap blong oli lidim ol man blong hem.
Fastok Blong Dutronome
Luk olsem wanem Jehova i soem se i lavem ol man Isrel, taem i givim Loa long olgeta.
Fastok Blong Josua
Luk olsem wanem ol man Isrel oli winim mo oli seraotem graon ya we God i givim long olgeta.
Fastok Blong Jajes
Buk ya Jajes i fulap long ol stori blong faet mo i tokbaot ol jaj we God i yusum olgeta blong sevem ol man Isrel long ol enemi blong olgeta.
Fastok Blong Rut
Buk blong Rut i tokbaot lav we wan yang wido woman i gat long wan narafala wido, hemia mama blong hasban blong hem, mo olsem wanem Jehova i blesem tufala.
Fastok Blong Fas Samuel
Luk olsem wanem i no moa gat ol Jaj, be ol king oli rul long ol man Isrel.
Fastok Blong Seken Samuel
Luk olsem wanem fasin blong Deved blong gat tingting daon mo soemaot bilif i mekem se Jehova i lavem hem tumas mo hem i kam wan men man we Baebol i tokbaot.
Fastok Blong Fas King
Luk olsem wanem ol man Isrel oli glad mo oli gat gudfala laef taem Solomon i rul, go kasem taem ya we Isrel i seraot long tu kingdom, hemia blong Isrel mo hemia blong Juda.
Fastok Blong Seken King
Luk olsem wanem giaman wosip i spolem gud kingdom blong Isrel long not, be Jehova i blesem sam long ol man we oli mekem wok blong hem wetem fulhat blong olgeta.
Fastok Blong Fas Kronikel
Buk ya i tokbaot famle laen mo laef blong King Deved, stat long taem ya we hem i rul olsem king long Isrel go kasem we hem i ded.
Fastok Blong Seken Kronikel
Luk olsem wanem histri blong ol king blong Juda i makemaot klia se i impoten blong holemstrong long God.
Fastok Blong Esra
Jehova i holem promes blong hem blong mekem ol man blong hem oli fri long kalabus long Babilon, mo blong mekem tru wosip i gohed bakegen long Jerusalem.
Fastok Blong Nehemaea
Buk blong Nehemaea i tokbaot ol gudfala lesen we ol tru Kristin tede oli save folem.
Fastok Blong Esta
Ol samting we i hapen long taem blong Esta, i save mekem bilif blong yu i strong moa se Jehova i gat paoa blong sevem ol man blong hem long ol trabol we oli stap kasem tede.
Fastok Blong Job
Evri man we oli lavem Jehova bambae oli kasem traem. Buk blong Job i mekem tingting blong yumi i strong se yumi save holemstrong mo yumi sapotem hae rul blong Jehova.
Fastok Blong Buk Blong Ol Sam
Ol Sam i leftemap hae rul blong Jehova, i givhan blong leftemap tingting blong olgeta we oli lavem hem, mo i soemaot olsem wanem Kingdom blong hem bambae i jenisim wol.
Fastok Blong Ol Proveb
Folem ol advaes blong Baebol we oli save givhan long laef blong yu—long bisnes mo long famle.
Fastok Blong Prija
Buk blong Prija i tokbaot ol samting we oli rili impoten long laef blong yumi mo i skelem wetem ol samting we i no laenap wetem waes blong God.
Fastok Blong Sing Blong Solomon
Lav we wan gel Sulam i gat long wan boe blong lukaot sipsip i soemaot ‘faea blong Ja.’ ?From wanem?
Fastok Blong Aesea
Ol profet tok we i stap insaed long buk blong Aesea i givhan long yumi blong bilif strong long ol promes blong Jehova.
Fastok Blong Jeremaea
Jeremaea i holemstrong long wok blong hem olsem wan profet nating se hem i kasem trabol. I gud blong tingbaot olsem wanem eksampol blong hem i save givhan long yumi tede.
Fastok Blong Ol Krae
Profet Jeremaea i raetem buk ya. Hem i tokbaot krae blong ol man Isrel taem Jerusalem i foldaon mo i soemaot tu se Jehova i sore long man we i tanem tingting.
Fastok Blong Esikel
Esikel i gat strong tingting blong mekem eni kaen wok we God givim long hem wetem tingting we i stap daon, nating se i no isi samtaem. Eksampol blong hem i givhan bigwan long yumi tede.
Fastok Blong Daniel
Daniel mo trifala fren blong hem oli holemstrong long Jehova long gudtaem mo badtaem tu. Eksampol blong olgeta mo ol profet tok long buk blong Daniel we oli kamtru finis oli save givhan long yumi naoia, long taem blong en.
Fastok blong Hosea
Profet tok blong Hosea i soem wan impoten lesen long yumi tede blong folem fasin sore we Jehova i gat long ol man we oli tanem tingting, mo folem wosip we i klin.
Fastok Blong Joel
Joel i tokbaot “dei blong Jehova” we i stap kam klosap mo i tokbaot stamba samting we man i save mekem blong stap sef. Profet tok blong hem i impoten tumas tede.
Fastok Blong Amos
Jehova i yusum man ya we i gat tingting daon blong mekem wan impoten wok. ?Wanem ol gudfala lesen we yumi save lanem long eksampol blong Amos?
Fastok Blong Obadaea
Buk ya i sot moa long ol narafala buk long Hibru haf blong Baebol. Profet tok ya i tokbaot hop mo promes long saed blong hae rul blong Jehova God.
Fastok Blong Jona
Profet ya i akseptem fasin stretem, i finisimgud wok blong hem, mo i lanem wan impoten lesen long saed blong fasin blong God blong soem lav mo sore. Ol ekspiriens blong hem bambae oli givhan long yu.
Fastok Blong Maeka
Gudfala profet tok ya i mekem yumi sua fulwan se Jehova i askem nomo wanem we yumi naf blong mekem mo we i gud long yumi.
Fastok blong Neham
Profet tok ya i mekem yumi trastem Jehova se oltaem hem i mas mekem olgeta tok blong hem oli kamtru mo i givhan long olgeta we oli lukluk i go long Kingdom blong i sevem olgeta mo i givim pis long olgeta.
Fastok Blong Habakuk
Yumi trastem se oltaem Jehova i save stret taem mo stret rod blong sevem ol man blong hem.
Fastok Blong Sefanaea
?From wanem yumi mas lukaot gud long tingting ya se dei blong Jajmen blong Jehova bambae i no kamtru?
Fastok Blong Hagae
Profet tok ya i tokbaot from wanem i impoten blong putum wosip blong God i stap fasples long ol narafala samting.
Fastok Blong Sekaraea
Long taem bifo, i gat plante vison mo ol profet tok we oli givhan long bilif blong ol man blong God. Tede tu i semak, ol semfala profet tok ya oli mekem yumi luksave se Jehova i stap givhan long yumi.
Fastok blong Malakae
Wan profet tok we i tokbaot ol rul blong Jehova we oli no jenis long saed blong fasin sore, mo lav. Profet tok ya i givim ol impoten lesen tu long taem blong yumi.
Fastok Blong Matiu
Harem gud blong lanem ol impoten save long Baebol buk ya, hemia faswan buk blong ol fofala Gospel.
Fastok Blong Mak
Hem i sot moa long ol narafala Gospel, Buk blong Mak i tokbaot samting we bambae Jisas i mekem taem hem i rul olsem King long Kingdom blong God.
Fastok Blong Luk
?Wanem ol save we buk blong luk i gat we i mekem se buk ya i spesel?
Fastok Blong Jon
Buk blong Jon i soemaot lav we Jisas i gat long ol man, eksampol blong hem blong gat tingtingdaon, mo i soemaot se hem i Mesaea, King we bambae i rul long Kingdom blong God long fiuja.
Fastok Blong Ol Wok Blong Ol Aposol
Ol fas Kristin oli wokhad blong pulum ol man long evri ples long wol oli kam disaepol. Buk blong Ol Wok i save mekem tingting blong yu i strong blong gohed blong prij wetem glad.
Fastok Blong Rom
Buk ya i soemaot nambawan fasin blong Jehova blong mekem i sem mak long olgeta man, mo from wanem i impoten blong bilif long Jisas Kraes.
Fastok Blong Fas Korin
Leta blong Pol i tokbaot fasin joengud, klin fasin, lav, mo bilif long laef bakegen.
Fastok Blong Seken Korin
Jehova, ‘God ya we i leftemap tingting,’ i stap givim paoa long ol man blong hem blong oli stanap strong.
Fastok Blong Galesia
Leta we Pol i raetem i go long ol Kristin long Galesia i stret yet long taem blong yumi tede. From we i save halpem evri tru Kristin blong oli gohed blong holemstrong long Jehova.
Fastok Blong Efesas
Leta ya i soemaot stamba tingting blong God blong putumap pis mo fasin joengud tru long Jisas Kraes.
Fastok Blong Filipae
Taem yumi stanap strong tru long ol trabol, hemia i save givhan long ol narafala blong oli stanap strong.
Fastok Blong Kolosi
Yumi save mekem Jehova i glad long yumi taem yumi mekem ol samting we yumi lanem i wok long laef blong yumi, olsem fofogivim yumi, mo taem yumi luksave wok mo raet blong Jisas.
Fastok Blong Fas Tesalonaeka
Yumi nidim blong stap wekap long saed blong spirit, “traem olgeta samting fastaem,” “prea oltaem,” mo lefleftemap tingting blong yumi.
Fastok Blong Seken Tesalonaeka
Pol i stretem rong tingting long saed blong bigfala dei blong Jehova we bambae i kam, mo i leftemap tingting blong ol brata blong oli stanap strong long bilif.
Fastok Blong Fas Timoti
Pol i raetem Fas Timoti blong tokbaot oda we i mas stap insaed long kongregesen mo i givim woning agensem ol giaman tijing mo fasin blong laekem mane tumas.
Fastok Blong Seken Timoti
Pol i leftemap tingting blong Timoti blong i finisimgud minista wok blong hem.
Fastok Blong Taetas
Pol i raetem leta ya i go long Taetas samwe long yia 61 kasem 64 Kristin Taem. Hem i tokbaot ol problem long ol kongregesen long Krit mo wok ya blong putumap ol elda.
Fastok Blong Filimon
Leta ya i sot be i rili gat bigfala paoa i tokbaot ol gudfala lesen long saed blong tingting daon, kaen, mo fogif.
Fastok Blong Hibru
Wosip blong ol Kristin i gud moa i bitim wosipim we ol man oli mekem long tempol mo ol sakrefaes blong ol animol, from we i stanap long ol samting we i gud moa we i stap long heven.
Fastok Blong Jemes
Jemes i yusum ol gudfala pija blong tijim ol impoten rul blong Baebol.
Fastok Blong Fas Pita
Fas leta blong Pita i leftemap tingting blong yumi blong gohed blong wok mo putum olgeta wari blong yumi i go long God.
Fastok Blong Seken Pita
Leta blong Seken Pita i leftemap tingting blong yumi blong holemstrong taem yumi stap wet long niufala heven mo niufala wol i kam.
Fastok Blong Fas Jon
Leta blong Jon i wonem yumi blong lukaot long ol man we oli agensem Kraes, mo i halpem yumi blong save samting we yumi mas lavem mo samting we yumi no mas lavem.
Fastok Blong Seken Jon
Seken leta blong Jon i rimaenem yumi blong gohed blong wokbaot long trutok mo lukaot long ol man we oli traem twistim trutok.
Fastok Blong Namba Tri Jon
Namba tri leta blong Jon i tijim wan nambawan lesen long fasin blong ol Kristin blong tekem narafala i kam long haos.
Fastok Blong Jud
Jud i talemaot klia fasin we ol man oli stap traem blong mekem blong giaman mo pulum ol Kristin.
Fastok Blong Revelesen
Ol vison long Revelesen i tokbaot olsem wanem Kingdom blong God bambae i mekem stamba tingting blong God long saed blong ol man mo wol oli kamtru.
