Kátima san tarufudahabei Bíbülia?
Tíderagubadün líburu lunti aturiahani to íchiga fe ka lan tariñagubei Bíbülia luagu ámuñegueinarügü katei, kéiburi ka lan uagu wasufurira, ka lan asuseredubei woun dan le wounwen luma ida luba lan gunda lan wabagari keisi iduheñu, luma saragu amu.
Anihán san labusenrubei Bungiu?
Chóuruti álügüdagua humá hungua ka lan uagu líbebei turobuli ubouagu. Subudi humaali san füramase tan Bíbülia lasansiraguba lan sun le sunsuinagubei ani gayaraabei lan hasagarun buiti lídangiñe?
KAPÍTULU 1
Ka san inarünibei luagu Bungiu?
Afiñetün san berese lan Bungiu hau? Furendei huméi ka lan ligaburibei Bungiu luma ida luba lan hayarafadun lun.
KAPÍTULU 2
Lúmagiñe Bungiu tiabin Bíbülia
Ida liña tíderagunün Bíbülia agagibudagua luma hituróbulin? Ka uagu gayara lubéi hafiñerun luagu burí profesía tídanbei?
KAPÍTULU 3
Ka san lisuinibei Bungiu lun Ubóu?
Lachülürüba san dan lun lagunfulirun lisuuni Bungiu lun paraísubei lan Ubóu le? Anhein ítara liña lubéi, ídaba san?
KAPÍTULU 4
Ka Hesukrístubei?
Furendei huméi ka lan uagu lariñawagúa Hesusu lan Mesíasi le füramasewabei. Halíagiñe liabin? Ka uagu laguarúa lun Liráü Bungiu le ábanrügüti?
KAPÍTULU 5
Lebegi asalbaruni ligía idewesei wéiritimabei lúmagiñe Bungiu
Katei san lebegibei asalbaruni? Ka buiti gayaraabei lanügüni hun?
KAPÍTULU 6
Halíañanu san hilaaña?
Ka uagu wóunwegua? Halíañanu san hilaaña? Dariwati óunabagülei tidan Bíbülia.
KAPÍTULU 7
Emenigini inarüniti houn iduheñu ha hilaañabaña
Hegeburihaña san? Warihayabaña san waduheñu hama wamadagu ha hilaguaañabaña? Ariha huméi le tarufudahabei Bíbülia luagu águyuguni.
KAPÍTULU 8
Arúeihani lani Bungiu, katei san?
Gíbetiña gürigia subudihabútiña lun furíei wáguchi Bungiu. Ka mini lubéi dimurei: “Nǘbuinla Barúeihan”?
KAPÍTULU 9
Wawinwanduña san lidan “lagumuhóun dan”?
Arufuda lumuti ligaburi hóuserun luma hagaburi gürigia ha geyegubaña wau wawinwanduña lan lidan “lagumuhóun dan” le uágubei tadimureha Bíbülia lidan profesía.
KAPÍTULU 10
Ka efekütu hánibei sífirigu wawagu?
Adimurehatu Bíbülia hawagu ánheligu hama máfianu. Inarünitiña san? Gayaraati san gabafu hamá lidan wabagari?
KAPÍTULU 11
Ka uagu lígira Bungiu lun wasufurirun?
Gíbetiña gürigia aba híchuguni duru luagun Bungiu luagu sun asufuriruni le ubouagubei. Agia huguya? Furendei huméi ida liña lan lafuranguagüdüni Bungiu ka lan uagu lígira lun ñein lan asufuriruni.
KAPÍTULU 12
Ibagari le aubei lagundaara Bungiu
Gayaraati wanügün aban ibagari le auti lagundaara Heowá. Inarüni gayara lan lumadagu wamá Bungiu.
KAPÍTULU 13
Ariha huméi ibagari kei larihini Bungiu
Ida liña larihini Bungiu haragahóun irahüñü, lichugún hitaü lidoun hágubu gürigia luma habagari animaalugu?
KAPÍTULU 14
Ida luba gunda lan hibagari kei familia
Ruti Hesusu aban hénpulu lánina ínsiñehabuni houn wügüriña hama würiña maríeitiña, houn agübürigu luma houn isaanigu. Ka wafurendeirubei lúmagiñe?
KAPÍTULU 15
Áhuduraguni le aubei lagundaara Bungiu
Sisi katei le arufudubalin kátaña lan lídanbaña relihión inarüniti
KAPÍTULU 16
Luéigiñe humá lóubadina áhuduraguni le inarüniti
Ka turobuli úmabei gayara lan wadunragun dan le wadimurehan luagu wafiñen houn amu? Ida luba wadügüni sin wagañidagüdüniña?
KAPÍTULU 17
Yarafagüda lumutiwa afurieiduni lun Bungiu
Aganba lumuti san Bungiu hafurieidun? Lun hasubudiruni óunabagülei, furumiñe mosu gunfuranda humani ka lan tariñagubei Bíbülia luagu afurieiduni.
KAPÍTULU 18
Badisei luma humadagua luma Bungiu
Ka burí pasu lunbei híchuguni lubaragiñe habadiseirún? Ka mini lubéi badisei kristiánu ani ida liña ladügǘn?
KAPÍTULU 19
Redei humá lidan línsiñehabu Bungiu
Ida liña hínsiñe lan Bungiu woun ani teinki wamani sun le adüga láalibei wawagu?
LANWOUN ARIÑAHANI
Liri Bungiu: layusurún luma le mini lubéi
Ka uagu gidá waali lubéi liri Bungiu tídangiñe saragu Bíbülia? Súdiniti san layusurún?
LANWOUN ARIÑAHANI
Ladimurehan profeta Danieli luagu lachülürün Mesíasi
Lóugiñe seingü-san irumu lubaragiñe, subudigüda lumuti Bungiu ídatimaba lan lachülüra Mesíasi. Sigí humá afurendeira luagu lubuidun profesía le.
LANWOUN ARIÑAHANI
Hesukrístu, Mesíasi le füramase waalibei Mesíasi
Gúnfuliti profesía burí tídangiñeti Bíbülia luáguti Mesíasi lidan libagari Hesusu darí lumoun lagumuhóun. Ariha huméi hungua tidan guánarügü hibibülian.
LANWOUN ARIÑAHANI
Inarüni luáguti Úguchili, Irahü luma sífiri sandu
Gíbetiña gürigia afiñetiña arufudaha tan Bíbülia luagu Trinidad. Le funa san lúgubu?
LANWOUN ARIÑAHANI
Lunti san hayusurun kristiánugu gurúa?
Inarüni san lidan lan aban gurúa lounwe Hesusu? Anihein óunabagülei tidan Bíbülia.
LANWOUN ARIÑAHANI
Ladinerun Aburemei: efeduhani le íchugubei inebesei lun Bungiu
Ariñawagúati houn kristiánugu lun hadügüni Laritaguagüle lounwen Kristu. Ka dan ladügǘwa ani ida luba ladügǘniwa?
LANWOUN ARIÑAHANI
“Uani” luma “sífiri”: kátima san mini lubéi?
Gíbetiña asaminarutiña furí lan somu katei marihúaditi wádangiñe dan le wounwen ani sigí lan awinwanda. Ka tariñagubei Lererun Bungiu luagu katei le?
LANWOUN ARIÑAHANI
Seol luma Hades, ka mini lubéi?
Anuhein Bíbülia to ídounboun lásügürawagüdüwa dimurei Seol luma Hades kei “umúahaü” o “máfiougati”, kátima san mini lubéi dimurei burí le?
LANWOUN ARIÑAHANI
Ka san Luéyuribei Aguseruni?
Furendei huméi kaba burí lan abinirúni lanüga Luéyuri Aguseruni houn gürigia úaraguatiña.
LANWOUN ARIÑAHANI
1914: irumu súdiniti lidan profesía tídangiñeti Bíbülia
Ida liña tarufuduni Bíbülia aban lan meha irumu súdiniti ani espechaliti irumu 1914?
LANWOUN ARIÑAHANI
Katei san arükánheli Migeli?
Katei san arükánheli weiri tubafu le? Ka luadigimaribei? Ígira humá lun Bíbülia lan ariñagei hun.
LANWOUN ARIÑAHANI
Katoun san “Babilónia to Wéiriboun”?
Adimurehatu liliburun Arufudúni tuagu aban würi gíritu “Babilónia to Wéiriboun”. Aban san würi to garaüwarügütu o aban sínbolu? Ka tariñagubei Bíbülia tuagu?
LANWOUN ARIÑAHANI
Lidan san duusu-hati lágurahoua Hesusu?
Ida liña meha ligaburi dan guñoun le nasirua lubéi Hesusu? Ka larufudubei sügǘ le woun libügürü weyu le nasirua lubéi Hesusu?
LANWOUN ARIÑAHANI
Lunti san gádan lániwa efeduhani?
Subuditi san hun halíagiñe lan liabin saragu lídangiñe fedu le kamanibei hageira? Taweiriduba hanigi danme hasubudiruni óunabagülei.
