Tingame̱ o langa na lee̱
Nin kalati e tilabe̱ nde o jangwe̱le̱ wa ka mulangedi, muto̱pedi na mulēd’a bwam.
Leta la Dibe̱le̱ di Madie̱le̱
Di malee̱ bato mwe̱ndi ma mweńa mot’a benama a si tano̱ a mákusa.
DONGO 2
Doi ońol’ekwali
Doi ońol’ekwali di mabola ná basengedi bo̱ngo̱ ba senge bwam, ba le̱le̱me̱ pe̱ o senga mwe̱ndi mo̱ngo̱.
DONGO 3
Bolane̱ la myuedi
Baise̱ myuedi na ye̱ne̱ o tute̱le̱ moto o benga lambe̱ye̱ wa toi na o yikiye̱ mato̱ti ma mweńa.
DONGO 4
Jinge̱le̱ la Betiledi o mbad’a bwam
Ombwa ne̱ni boṅsane̱ milema ma basengedi bo̱ngo̱ o kasa epas’a Bibe̱l obiana o malanga mo̱.
DONGO 5
Bolanga bwe ná te̱ite̱i
Bolanga bwe ná te̱ite̱i bwe nde to̱ti diwo̱ la mweńa o tombe̱le̱ la so̱ṅtane̱ la Yehova.
DONGO 6
Mbad’a bwam ńa lee̱ ne̱ni we̱le̱ Betiledi o ebolo
Ongwane̱ basengedi bo̱ngo̱ o je̱ne̱ mulatako mwe oteten a jo̱nge̱le̱ weno̱ teleye̱ na epasi o langino̱.
DONGO 7
Bwambo bwe mbale̱ bo mabole̱ pe̱ ná moto a dube̱
Belēdi be mbale̱ be mabole̱ pe̱ ná moto a dube̱ be mongwane̱ basengedi bo̱ngo̱ o po̱ o so̱ṅtane̱ di te̱nge̱n.
DONGO 8
Byembilan be malee̱
Kenjise̱ belēdi bo̱ngo̱ na byembilan be wam, be mabole̱ ná basengedi bo̱ngo̱ ba to̱nde sengane̱ wa, be mabusise̱ pe̱ mato̱ti ma mweńa.
DONGO 9
Bolane̱ la bwam la bedinge̱dinge̱
Bolane̱ bedinge̱dinge̱ ná basengedi bo̱ngo̱ ba ne̱nge̱ beteledi o mabolano̱.
DONGO 10
Bolane̱ la doi
To̱po̱ ná pe̱le̱pe̱le̱ to̱ ná yō̱, na doi di dili to̱ di nangedi, onde̱le̱ to̱ sibise̱ doi o tapa milema na tute̱le̱ basengedi o bola lambo.
DONGO 11
To̱po̱ na mulema mwe̱se̱
To̱po̱ na mulema mwe̱se̱ di mabonde̱ besengedi basu ba teten, jongwane̱ pe̱ o bola ná basengedi basu ba benge lambe̱ matoi.
DONGO 12
Muyao na ndolo
O mato̱po̱ te̱ nde o bwa mania na mbale̱ ońola basengedi bo̱ngo̱, o malee̱le̱ nde ná o mombwea babo̱.
DONGO 13
Bonde̱ la bwam ba belēdi
Ongwane̱ basengedi bo̱ngo̱ o je̱ne̱ ne̱ni belēdi bo̱ngo̱ beno̱ ná bongwane̱ babo̱ o longe̱ labu, lee̱ pe̱ babo̱ ne̱ni bolane̱ nje bokono̱.
DONGO 14
Bonde̱ la mom ma mato̱ti
Ongwane̱ basengedi ná ba bupe̱ wa o ekwal’ango̱, bola pe̱ ná be̱ne̱ bwambwam ne̱ni mom ma to̱ti te̱ mu latino̱ na boso b’ekwali name̱ne̱ pe̱ na nje o mengane̱no̱ babo̱ n’ekwal’ango̱.
DONGO 15
To̱po̱ na bokenju
To̱po̱ na bokenju. Lee̱ na mbaki ni londi ná o dube̱ ná nje o malangwano̱ ye mbale̱ ye pe̱ mweńa.
DONGO 16
Byala be malongisane̱ na be membe̱
Be̱ne̱ byala be malongisane̱ seto̱ misan. Teleye̱ mbale̱ i malo̱ke̱ ye o Eyal’a Loba.
DONGO 17
Mo̱nge̱le̱ ma wam o so̱ṅtane̱
Ongwane̱ basengedi bo̱ngo̱ o so̱ṅtane̱ belēdi bo̱ngo̱. Teleye̱ mo̱nge̱le̱ ma mweńa ná bwē.
DONGO 18
Bola ná basengedi ba tombwane̱ lambo o ekwali
Tute̱le̱ basengedi bo̱ngo̱ o dutea ońol’ekwal’ango̱, wongwane̱ babo̱ o jokwa lambo la mweńa ba tano̱ bangame̱n senga.
DONGO 20
Sukan’ekwali ni maye̱ bepuma
Sukan’ekwali ni maye̱ bepuma e mongwane̱ basengedi bo̱ngo̱ o kasa nje bokono̱ na we̱le̱ mo̱ o ebolo.
Bońaki bo̱ngo̱
Inge̱le̱ bońaki bo̱ngo̱ ná o mangwe̱le̱no̱ bolanga na belēdi bo̱ngo̱.
