I be se ka kalan minw sɔrɔ Bibulu kɔnɔ
Gafe nin bena i dɛmɛ ka koo caaman lɔn: k’a ta duniɲa dantuma ma fɔɔ ka taga se Yezu Krista wolo koo n’a ka cidenya baara koo, ani Ala ka Masaya nali koo ma. Bibulusen minw be kuma o koow la, u kofɔra gafe nin kɔnɔ.
Koow Ɲɛnabɔla Jɛnkulu ka bataki
Aw be se ka baara kɛ ni gafe nin ye cogo di?
KALANSEN 1
Ala ye sankolo ni dugukolo dan
Bibulu b’a fɔ ko Ala ye sankolo ni dugukolo dan. Nka i b’a lɔn a kɔnna ka mɛlɛkɛ min dan ka sɔrɔ ka mɛlɛkɛ tɔɔw ni adamadenw ani fɛɛnw bɛɛ dan wa?
KALANSEN 2
Ala ye cɛɛ fɔlɔ ni muso fɔlɔ dan
Ala ye cɛɛ fɔlɔ ni muso fɔlɔ dan ani a y’u bila Edɛn nankɔ kɔnɔ. A tun b’a fɛ u ka deenw sɔrɔ ani ka dugukolo bɛɛ kɛ alijɛnɛ ye.
KALANSEN 3
Adama ni Awa ma mɛnni kɛ Ala fɛ
Edɛn nankɔ la, mun lo tun ye yiri kelenpe dɔ kɛ dan na tɔɔw la? Mun na Awa y’o yiri deen dumu?
KALANSEN 4
A ka dimiya y’a lasun ka mɔgɔ faga
Ala sɔnna Abɛli ka saraka ma nka a ma sɔn Kayɛn ta ma. Kayɛn bɔra o kala ma minkɛ, a dimina kosɔbɛ ani a ye kojuguba kɛ.
KALANSEN 5
Nuhun ka kurun
Mɛlɛkɛ juguw ye musow furu dugukolo kan ka dencɛw sɔrɔ. O deenw tun ye mɔgɔ jamanjanbaw ye ani benkannikɛlaw tun lo. Fariyakow tun be yɔrɔ bɛɛ. Nka Nuhun tun be dan na: ale tun be Ala kanu ani a tun be mɛnni kɛ a fɛ.
KALANSEN 6
Mɔgɔ seegi kisira
Sanji benna tile 40 ani suu 40. Nuhun n’a ka denbaya ye saan kelen ni kɔ kɛ kurun kɔnɔ. A laban, Ala ko u be se ka bɔ a kɔnɔ.
KALANSEN 7
Babɛli sangaso
Mɔgɔ dɔw y’a latigɛ ka dugu dɔ lɔ ani ka sangaso dɔ lɔ min janya be se fɔɔ sankolo la. Mun na Ala barila k’u ka kaanw ɲagami?
KALANSEN 8
Ibrayima ni Sara ye mɛnni kɛ Ala fɛ
Mun na Ibrayima ni Sara bɔra Uri dugu la ka to ka taga yaalayaala Kanaan jamana na?
KALANSEN 9
Sisan kɔni, dencɛ sɔrɔla!
Ala tun bena a ka layidu dafa cogo di Ibrayima ye? A tun bena o kɛ Ibrayima dencɛ juman lo sababu fɛ? Isiyaka wa Isimayɛli?
KALANSEN 10
I hakili to Lɔti muso ka koo la
Ala y’a kɛ tasuma ni kiribi bɔra sankolo la ka jigi Sodɔmu ni Gɔmɔri kan. Mun na o duguw halakira? Mun na an ka kan k’an hakili to Lɔti muso ka koo la?
KALANSEN 11
A ka limaniya kɔrɔbɔra
Ala y’a fɔ Ibrayima ye ko: ‘Sabari k’i dencɛ kelenpe minɛ k’a kɛ saraka ye kulu dɔ kan Moriya mara la.’ O tun ye kɔrɔbɔli ye. Ibrayima tun bena mun lo kɛ?
KALANSEN 12
Yakuba lo ye cɛɛn ta
Filaninw tun be Isiyaka ni Erebɛka fɛ: Ezawu ni Yakuba. Komi Ezawu lo tun ye kɔrɔ ye, ale lo tun ka kan ka cɛɛn kɛrɛnkɛrɛnnin dɔ sɔrɔ. Mun na a y’o falen ni dumuni tasa kelen ye?
KALANSEN 13
Yakuba ni Ezawu ye bɛɛn sigi
Yakuba ye mun lo kɛ walisa mɛlɛkɛ k’a duga? Yakuba ye bɛɛn sigi cogo di ni Ezawu ye?
KALANSEN 15
Jehova ma ɲinɛ Yusufu kɔ fewu
Hali ni Yusufu yɔrɔ tun ka jan a somɔgɔw la, Ala y’a yira a la ko ale be n’a ye.
KALANSEN 17
Musa y’a latigɛ ka Jehova bato
Musa denɲɛninman kisira a bamuso ka fɛɛrɛ ɲuman barika la.
KALANSEN 19
Tɔɔrɔ fɔlɔ ka taga se 3nan ma
Farahuna ye bɔnɛ lase a ka mɔgɔw ma sabu a tun fanin lo kuncɛbaya la kojugu fɔɔ a banna ka koo dennin dɔ kɛ min tun ɲinina a fɛ.
KALANSEN 20
Tɔɔrɔ 4nan ka taga se 9nan ma
Faranfasi juman be o tɔɔrɔw ni fɔlɔ, filanan ani sabanan cɛ?
KALANSEN 21
Tɔɔrɔ tannan
O tɔɔrɔ juguyara fɔɔ Farahuna ka kuncɛbaya bɛɛ n’a ta, a labanna ka sɔn Jehova ta ma.
KALANSEN 22
Kabako min kɛra Kɔgɔji Wulen daa la
Farahuna kisira tɔɔrɔ tan nunu ma, nka Ala ye kabako min kɛ kɔgɔjida la, yala a kisira o ma wa?
KALANSEN 23
U y’u daa di Jehova ma
Israɛldenw ye layidu kɛrɛnkɛrɛnnin dɔ ta Ala ye tuma min na u tun be Sinayi kulu yɔrɔ la.
KALANSEN 25
Fanibugu: batoli kama
Layidu tagamasiɲɛ kɛsu tun b’o fanibugu kɔnɔ min tun be dan na tɔɔw la.
KALANSEN 26
Kolajɛbaga mɔgɔ 12
Zozuwe ni Kalɛbu ani cɛɛ tan tun tagara Kanaan jamana ka koow lajɛ dogodogo la. Nka Zozuwe ni Kalɛbu tun be dan na olu la.
KALANSEN 27
U murutira Jehova ma
Kore, Datan, Abiramu, ani cɛɛ 250 wɛrɛw ma kooba dɔ faamu Jehova koo la.
KALANSEN 30
Rahab be kolajɛbagaw dogo
Rahab ka soo tun nɔrɔnin lo dugu lamini kogo la. O n’a ta bɛɛ, Zeriko dugu lamini kogow benna tuma min na, ale ka soo ma ben.
KALANSEN 32
Kuntigi kura ani muso jagwɛlɛ fila
Zozuwe sanin kɔ, Israɛldenw y’a daminɛ ka joow sɔn. U ye gwɛlɛya caaman sɔrɔ nka u ye dɛmɛ sɔrɔ kititigɛla Baraki, kiramuso Debora ani Yayɛli barika la!
KALANSEN 33
Ruti ni Nawomi
Muso fila dɔw cɛɛw sara. U kɔsegira Israɛl jamana na. U la kelen tagara baara kɛ foro la, a tɔgɔ ko Ruti. Bowazi y’a kɔrɔsi yen.
KALANSEN 34
Zedeyɔn ye see sɔrɔ Madiyankaw kan
Madiyankaw y’u niin tɔɔrɔ minkɛ, Israɛldenw ye Jehova deli ko a k’u dɛmɛ. Zedeyɔn ka kɛlɛbolo fitinin kɛra cogo di ka see sɔrɔ jugu sɔrɔdasi 135 000 kan?
KALANSEN 35
Anɛ ye delili kɛ walisa ka deen sɔrɔ
Ɛlikana ye Anɛ, Penina ani a ka denbaya minɛ ka taga Ala bato fanibugu la Silo. O yɔrɔ la, Anɛ ye Ala deli a k’a sɔn dencɛ la. Saan kelen o kɔ, Samuyɛli wolola!
KALANSEN 36
Zɛfite ka dajuru
Zɛfite ye dajuru juman lo ta ani mun na? A denmuso y’o dajuru koo ta cogo di?
KALANSEN 37
Jehova be kuma Samuyɛli fɛ
Sarakalasebagaw kuntigiba Eli ka dencɛ fila bɛɛ tun ye sarakalasebagaw ye fanibugu la, nka u tun tɛ Ala ka sariyaw labato. Samuyɛli tun be danna, ale min tun ye denmisɛn ye. Jehova kumana a fɛ.
KALANSEN 38
Jehova ye Samusɔn kɛ fangatigi ye
Ala ye fanga di Samusɔn ma ka Filisitikaw kɛlɛ. Nka tuma min na a ye desizɔn kunntan dɔ ta, Filisitikaw sera a kɔrɔ.
KALANSEN 39
Israɛl ka masacɛ fɔlɔ
Ala tun ye kititigɛlaw sigi Israɛldenw kun na walisa u k’u ɲɛminɛ. Nka Israɛldenw k’u be masacɛ lo fɛ. Samuyɛli ye Sayuli kɛ masacɛ fɔlɔ ye, nka kɔfɛ Jehova banna Sayuli la. Mun na do?
KALANSEN 40NAN
Dawuda ni Goliyati
Jehova ye Dawuda sugandi k’a kɛ Israɛl masacɛ ye Sayuli nɔɔ na. Dawuda ka kɛcogow y’a yira ko Jehova ye sugandili ɲuman kɛ.
KALANSEN 41NAN
Dawuda ni Sayuli
Mun na cɛɛ nin b’a tɔɲɔgɔn kɔniya? U be min kɔniyara, ale y’o koo ta cogo di?
KALANSEN 44NAN
Batosoba, Jehova tɔgɔ la
Ala ye masacɛ Solomani ka delili minɛ ani a ye nɛɛmaba kɛ a ye.
KALANSEN 47NAN
Jehova ye barika kura don Eliya la
E ka miiri la, Jehova be se ka barika kura don e fana na wa?
KALANSEN 49NAN
U ye masamuso jugu dɔ ɲangi
Zezabɛli ye fɛɛrɛ kɛ ka Nabɔti faga walisa k’a ka ɛrɛzɛn nankɔ minɛ! A ka juguya ma dogo Jehova la.
KALANSEN 50NAN
Jehova ye Zozafati lafasa
Tuma min na jamana wɛrɛw ye kɛlɛ lawuli Zuda kama, masacɛ ɲuman Zozafati y’a ɲɛɛ sin Ala ma delili fɛ.
KALANSEN 51NAN
Kɛlɛkɛla ani sungurunin dɔ
Israɛlden sungurunin dɔ ye Jehova ka sebagaya kofɔ a kuntigi muso ye, o kɛra kabako dɔ sababu ye.
KALANSEN 52NAN
Jehova ka kɛlɛbolo tasumaman
Elize ka baaraden sera k’a faamu cogo di ko ‘minw be ni anw ye, u ka ca ka tɛmɛ minw be n’olu ye.’
KALANSEN 54NAN
Jehova muɲuna Zonasi kɔrɔ
A sɔrɔla di jɛgɛba dɔ ye Ala ka kira dɔ kunu? A sera ka bɔ o jɛgɛba kɔnɔ cogo di? Jehova y’a kalan mun lo la?
KALANSEN 55NAN
Jehova ka mɛlɛkɛ ye Ezekiyasi latanga
Zuda ka juguw ko Jehova tɛna a ka mɔgɔw latanga!
KALANSEN 56NAN
Ala ka sariya ka di Zoziyasi ye
Zoziyasi kɛra masa ye Zuda kun na a saan segi ani a ye a ka mɔgɔw dɛmɛ ka Jehova bato.
KALANSEN 57NAN
Jehova ye Zeremi ci ka taga waajuli kɛ
O kira tun ye kanbele ye. A ye min fɔ, o ye dugu cɛkɔrɔbaw kɔnɔ gwan kosɔbɛ.
KALANSEN 59NAN
Kanbele naani minw ye mɛnni kɛ Jehova fɛ
Zuda kanbelew cɛsirinin tun lo ka kantigiya kɛ Jehova ye hali k’a sɔrɔ u tun be Babilonɛ masaso kɔnɔ.
KALANSEN 60NAN
Masaya min bena to sen kan fɔɔ abada
Daniyɛli ye Nebukadnezar ka siko kabakoman kɔrɔ ɲɛfɔ.
KALANSEN 61NAN
U ma sɔn ka biri
Sadiraki, Mesaki ni Abɛdenego banna ka Babilonɛ masacɛ ka jaa sanulaman bato.
KALANSEN 62NAN
Masaya min be i n’a fɔ yiriba dɔ
Nebukadnezar ka siko tun b’a yira ale yɛrɛ ka siniɲasigi bena kɛ min ye.
KALANSEN 63NAN
Sɛbɛri dɔ, kogo kan
Tuma juman na kumaden lɔnbali nunu sɛbɛra kogo kan, ani u kɔrɔ ko di?
KALANSEN 64NAN
Daniyɛli filila jaraw fɛ dingɛ kɔnɔ
Jehova deli loon o loon i n’a fɔ Daniyɛli y’a kɛ cogo min na!
KALANSEN 65NAN
Ɛsitɛri b’a ka mɔgɔw kisi
Lonan tun lo. O bɛɛ n’a ta, a bɔra falatɔya la ka kɛ masamuso ye.
KALANSEN 66NAN
Ɛsidirasi ye mɔgɔw kalan Ala ka sariya la
Israɛldenw ye Ɛsidirasi lamɛn. O kɔ, u ye layidu kɛrɛnkɛrɛnnin dɔ ta Jehova ye.
KALANSEN 67NAN
Zeruzalɛmu laminikogow
Neemi y’a mɛn ko a juguw ye fɛɛrɛw kɛ ka na u kama. Mun na a ma siran?
KALANSEN 68NAN
Elizabɛti ye deen sɔrɔ
Mun na a fɔra Elizabɛti cɛɛ ye ko a bena kɛ bobo ye fɔɔ deen bena wolo?
KALANSEN 69NAN
Gabiriyɛli be taga bɔ Mariyamu ye
Gabiriyɛli ye kuma dɔ fɔ a ye min y’a ka ɲɛnamaya yɛlɛma pewu.
KALANSEN 70NAN
Mɛlɛkɛw be Yezu wololi koo fɔ
Bɛgɛndɛndɛla minw ye Yezu wololi koo mɛn, u teliyara ka taga.
KALANSEN 73NAN
Zan be sira labɛn
Zan kɔrɔbayara ka na kɛ kira ye. A ye mɔgɔw kalan ko Masiya be nana. Mɔgɔw y’a ka kumaw ta cogo di?
KALANSEN 75NAN
Sutana be Yezu kɔrɔbɔ
Sutana ye Yezu kɔrɔbɔ fɔɔ siɲɛ saba. A ka kɔrɔbɔli saba nunu ye jumanw ye? Yezu ye mun lo kɛ u bɛɛ la?
KALANSEN 76NAN
Yezu be Alabatosoba saniya
Mun na Yezu ye bɛgɛnw gwɛn ka bɔ Alabatosoba kɔnɔ ani ka warifalenbagaw ka tabaliw ɲɔndi ka ben?
KALANSEN 77NAN
Samarika muso kɔlɔnda la
Samarika muso dɔ kabakoyara k’a ye ko Yezu be kumana a fɛ. Mun na do? Yezu ye mun lo fɔ a ye, a tun ma deli ka min fɔ mɔgɔ si ye?
KALANSEN 78NAN
Yezu be waajuli kɛ Masaya kibaro diiman koo la
Yezu y’a ɲini a ka kalanden dɔw fɛ u ka na ka kɛ ‘mɔgɔ ɲinilaw ye.’ Kɔfɛ, walisa kalandenw ka se ka waajuli kɛ ka kibaro diiman fɔ mɔgɔw ye, a y’a ka kalanden 70 degi o baara kɛcogo la.
KALANSEN 79NAN
Yezu be kabako caaman kɛ
Yezu be taga yɔrɔ o yɔrɔ, banabagatɔw be na dɛmɛ ɲini a fɛ ani a b’u kɛnɛya. A yɛrɛ ye sungurunin dɔ suu kunu.
KALANSEN 82NAN
Yezu b’a ka kalandenw kalan delili kɛcogo la
A ko a ka kalandenw ka to ka delili kɛ fɛɛn jumanw lo koo la?
KALANSEN 83NAN
Yezu be mɔgɔ waa caaman balo
O kabako b’an dɛmɛ ka mun lo faamu Yezu ni Jehova koo la?
KALANSEN 86NAN
Yezu be Lazari suu kunu
Yezu ye Mariyamu kasitɔ ye tuma min na, a y’a daminɛ ka kasi. Nka u ka dusukasi yɛlɛmana joona ka kɛ dusudiya ye.
KALANSEN 87NAN
Yezu ka surafana laban
Yezu ye dumuni laban min kɛ n’a ka cidenw ye, a ye cikan kɔrɔtaninw di u ma.
KALANSEN 88NAN
U ye Yezu minɛ
Zuda Isikariyɔti ye jamaba sama ka taga Yezu minɛ. Murujanw ni berew tun b’u bolo.
KALANSEN 89NAN
Piyɛri b’a fɔ ko ale tɛ Yezu lɔn
Mun lo kɛra Kayifu ka luu kɔnɔ? Mun lo ye Yezu sɔrɔ boon kɔnɔ?
KALANSEN 91NAN
Yezu suu kununa
Tile damanin Yezu faganin kɔ, koo dɔw kɛra minw be mɔgɔ kabakoya. O ye koo jumanw lo ye?
KALANSEN 92NAN
Yezu b’a yɛrɛ yira jɛgɛminɛla dɔw la
Yezu ye mun lo kɛ walisa k’u hakili sama koo dɔ kan?
KALANSEN 93NAN
Yezu be kɔsegi sankolo la
Nka sanni a k’o kɛ, a ye cikan kɔrɔtaninba dɔw di a ka kalandenw ma.
KALANSEN 95NAN
Foyi tun tɛ se k’u bali
Diinan kuntigi minw y’a kɛ u ye Yezu faga, olu b’a fɛ ka Yezu ka kalandenw bali ka waajuli kɛ. Nka u ma se.
KALANSEN 96NAN
Yezu be Sɔli sugandi
Sɔli tun ye kerecɛnw jugu fariman ye. Nka, a ka koow bena yɛlɛma.
KALANSEN 97NAN
Hakili senu jigira Kɔrinɛyi kan
Mun na Ala ko Piyɛri ka taga o cɛɛ ka soo k’a sɔrɔ a tɛ Yahutu ye?
KALANSEN 98NAN
Kerecɛn diinan jɛnsɛnna jamana caaman na
Ciden Pol n’a ka misɔndenɲɔgɔnw y’a daminɛ ka waajuli kɛ yɔrɔjanw na.
KALANSEN 99NAN
Kasobon kɔrɔsibaga dɔ kɛra kerecɛn ye
Mun na u ye Pol ni Silasi don kaso la? Kasobon kɔrɔsibaga dɔ kɛra kerecɛn ye cogo di?
KALANSEN 100NAN
Pol ni Timote
Pol ni Timote tun ye teri sɔbɛw ye. U ye baara kɛ ɲɔgɔn fɛ saan caaman kɔnɔ.
KALANSEN 101NAN
U ye Pol bila ka taga Ɔrɔmu
Sira kan, farati caaman tun be yen. Nka, foyi tɛ se ka Pol bali k’a ka baara kɛ.
KALANSEN 103NAN
“I ka Masaya ka na”
Zan ye Yirali ka kitabu min sɛbɛ, o b’a yira Ala ka Masaya bena an ka ɲɛnamaya kɛcogo yɛlɛma cogo min na dugukolo kan.
