Video süchikimaajatka tü karaloʼuta suluʼukat tü Bibliakat
Süchikimaajatü tü karaloʼuta suluʼukat tü Bibliakat.
Süchikimaajatü tü Bibliakat
Pansaasü süpüshuaʼa tü aküjünakat suluʼu tü Bibliakat süka saashajaain süchiki kojuteerüin atumawaa nünülia Jehová nuluwataapa Cristo Jesús.
Süchikimaajatü tü karaloʼutakat Génesis
Süküjain tü karaloʼutakat Génesis kasain shikiisüin wayuu otta kasain shikiisüin tü müliaakat jee tü outaakat.
Süchikimaajatü tü karaloʼutakat Éxodo
Piʼreerü niyuʼluin Jehová na israeliitakana chejee Egipto süchikijee achepchieein naya atumawaa jee mapa nupueuloseshii naya Jehová.
Süchikimaajatü tü karaloʼutakat Levítico
Ashajünüsü suluʼu tü karaloʼutakat Levítico wulein nukuwaʼipa Jehová otta süküjain jamüin choʼujaaka wulein wakuwaʼipa.
Süchikimaajatü tü karaloʼutakat Números
Süküjain choʼujaain maʼin woonooin waneepia nümüin Jehová otta kojutuinjana wamüin na wayuu niʼitaakana wapüleerua süpüla noʼunirüin waya.
Süchikimaajatü tü karaloʼutakat Deuteronomio
Wayaawata aaʼu sükajee karaloʼutakat tüü, naapüin Jehová wanee Pütchi namüin na israeliitakana süka alin maʼin naya nüpüla.
Süchikimaajatü tü karaloʼutakat Josué
Süküjain tü naainjakat na israeliitakana süpüla nashutuin saaʼu tü mma aapünajatkat namüin nutuma Maleiwa jee jamüin shiitajia tia mmakat natuma.
Süchikimaajatü tü karaloʼutakat Jueces
Nanüliamaasü na wayuu kanoulakana maʼin nüneekaka Jehová süpüla oʼtteʼeraa na israeliitakana noulia na naʼünüükana.
Süchikimaajatü tü karaloʼutakat Rut
Tü karaloʼutakat Rut aashajaasü süchiki aainjiraain maʼin wanee wayuu sümaa tü saʼütkat otta naapüin Jehová kasa anasü namüin.
Süchikimaajatü tü karaloʼutakat 1 Samuel
Piyaawateerü aaʼu jamüin nakuwaʼipa na israelitakana soʼu nakalioʼu na Laülaashiikana jee nakalioʼu na aluwataakana saaʼu Israel.
Süchikimaajatü tü karaloʼutakat 2 Samuel
Aküjünüsü maʼin nüchiki David suluʼu tü Bibliakat süka kanoulain maʼin nia jee nnojoluin yaletüin naaʼin.
Süchikimaajatü tü karaloʼutakat 1 Reyes
Anapuʼusü maʼin nakuwaʼipa na israelitakana wanaa sümaa nuluwataain Salomón. Nnojotpejeʼe müin shia nakalioʼu na wanee aluwataakana saaʼu Israel otta Judá.
Süchikimaajatü tü karaloʼutakat 2 Reyes
Aʼwaajüshii maʼin maleiwayaasü na israelitakana, anapejeʼe nakuwaʼipa nutuma Jehová na israelita waneepiakana nümaa.
Süchikimaajatü tü karaloʼutakat 1 Crónicas
Paashajeʼera nachiki na nutuushinuukana David otta süpüshuaʼa tü naainjakat nuluwataapa saaʼu Israel. Waneepiashi nia nümaa Jehová nuʼttaiwaʼaya sünain aluwatawaa sünainmüinreʼeya outuin nia.
Süchikimaajatü tü karaloʼutakat 2 Crónicas
Watüjaa aaʼulu sünainjee tü naaʼinrakat na aluwataapuʼukana saaʼu Judá anain maʼin waneepiale wanee wayuu nümaa Maleiwa.
Süchikimaajatü tü karaloʼutakat Esdras
Ojuʼitüshii na judíokana chejee Babilonia maʼaka nüküjüin paala shia Jehová. Otta aʼwaajünüshi nia nüchikuaʼa chaa Jerusalén.
Süchikimaajatü tü karaloʼutakat Nehemías
Süpüla waʼwaajüin Maleiwa maaʼulu, wainma tü kasa shikirajakalü anain waya tü karalouktakat Nehemías.
Süchikimaajatü tü karaloʼutakat Ester
Suluʼu tü karaloʼutakat Ester aashajaana achikichi waneeinnua wayuu anakana süpüla ashatünaa akuwaʼipa. Jee piʼreerü nükaaliinjain Jehová tü nupueulosekat.
Süchikimaajatü tü karaloʼutakat Job
Chi aikai apüla Jehová, ooʼulaküneechi aaʼin. Tü kasa alatakat nümüin Job, shiiʼiyatüin niain müliain atuma wayuu Satanás. Otta niain anain Jehová süpüla aluwatawaa.
Süchikimaajatü tü karaloʼutakat Salmos
Paashajeʼerapa karaloʼutakat Salmos, piʼreerü niain miyoʼuin Jehová saaʼu tü kasakalüirua, nükaaliinjain Jehová na wayuu aikana nüpüla otta piʼreerü paʼaraiiseerüin nutuma tü mmakat nüikkaleʼerapa tü Nuluwataayakat.
Süchikimaajatü tü karaloʼutakat Proverbios
Eesü pütchi anaka maʼin süpüla weʼitaain suluʼu wakuwaʼipa maʼaka sünain tü aʼyatawaakat jee na wapüshikana.
Süchikimaajatü tü karaloʼutakat Eclesiastés
Nüshajüin Salomón tü kasa kojutükat maʼin otta naata shia suulia tü kasa nnojotkat sünainpünaain tü kekiiwaa nümaʼanajeejatkat Maleiwa.
Süchikimaajatü tü karaloʼutakat El Cantar de los Cantares
Tü naaliinkat napülajiraa, müsü aka saaʼin «nüwarala Jah» ¿Jamüsü sümünaka tü sulamiitakat nüma chi arüleejüikat?
Süchikimaajatü tü karaloʼutakat Isaías
Süküjüin tü karaloʼutakat Isaías shikeraajeerüin waneepia tü nümakat Jehová, nükaaliinjain Jehová na eʼitaakana naaʼin nünain otta eejeerüin jimataa aaʼin sutuma nuluwataain chi Mesíaskai.
Süchikimaajatü tü karaloʼutakat Jeremías
Ayatüshi aʼyataain Jeremías mayaapejeʼe nüpüleeruaanüin aaʼin. Jülüjataa paaʼin anain süpüla washatüin nukuwaʼipa maaʼulu.
Süchikimaajatü tü karaloʼutakat Lamentaciones
Nüshajüin shia Jeremías chi nünüikimaajachikai Maleiwa, tü karaloʼutakat Lamentaciones nüküjain Jeremías mojuin maʼin naaʼin saaʼujee tü alatakat sümüin Jerusalén otta motuin naaʼin Jehová naainjala wanee wayuu müleka niyaawajaale suulia.
Süchikimaajatü tü karaloʼutakat Ezequiel
Jaa müshi Ezequiel sümüin tü nuluwataakalü anain Jehová, nnojotsü yaletüin naaʼin otta yalayala aaʼinchi, anasü maʼin tü nukuwaʼipakat süpüla washatüin shia maaʼulu.
Süchikimaajatü tü karaloʼutakat Daniel
Ayatüshi waneepiain Daniel nümaa Jehová otta na nümaajanakana jaʼitasü kasain alatüin namüin. Saaʼujee anain nukuwaʼipa otta shikeraajüin tü nüshajakat, anasü wakuwaʼipa süka kepiain waya suʼunnaa sülüʼülüin süpüla sajaʼttüin kasa mojusü.
Süchikimaajatü tü karaloʼutakat Oseas
Suluʼu tü karaloʼutakat Oseas eeʼiyatünüsü wamüin nümüliajeein Jehová na wayuu ayaawajaakana suulia naainjala otta nuchuntuin Jehová niainjachin neʼe waʼwaajüin.
Süchikimaajatü tü karaloʼutakat Joel
Nüküjain Joel sülüʼülaain maʼin tü nükaliakat Jehová otta nüküjain tü waaʼinrajatkat süpüla katüin woʼu. Wayaawata aaʼu sülüʼülüin maʼin tü nükaliakat Jehová sutuma tü aküjünakat suluʼu karaloʼutakat Joel.
Süchikimaajatü tü karaloʼutakat Amós
Mayaainjeʼe nnojoluin eʼnnaajünüin Amós, nüneeküin nia Jehová süpüla aküjaa süchiki nünüiki. ¿Kasa watüjaka sünainjee nukuwaʼipa Amós waashajeʼerüle tü nüshajakat?
Süchikimaajatü tü karaloʼutakat Abdías
Saʼakajee tü ashajuushikat süka Hebreo shia joʼuuchonleka maʼin tü karaloʼutakat Abdías. Ashajünüsü suluʼu süchiki tü kasa anasü eeinjatkat süntapa tü nuluwataayakat Maleiwa saaʼu tü mmakat.
Süchikimaajatü tü karaloʼutakat Jonás
Anasü nümüin Jonás sunouteʼennüin nukuwaʼipa nutuma Jehová. Nikeraajüin tü nuluwataakalü anain nia Jehová, nikirajüin nia Jehová sünain aipüralinjachin nia otta waneepiainjachin nümaa. Tü kasa alatakat nümüin Jonás anteerü shia suluʼumüin waaʼin.
Süchikimaajatü tü karaloʼutakat Miqueas
Tü pütchi ashajünakat suluʼu tü karaloʼutakat Miqueas, shiiʼiyatüin wamüin nnojoluin nuchuntuin Jehová wanee kasa isaka wachiki otta mojuinjatka atuma wakuwaʼipa.
Süchikimaajatü tü karaloʼutakat Nahúm
Weʼitaain waaʼin sünain nikeraajüin Jehová süpüshuaʼa tü nümakat jee sümülialüin naaʼin na achajaakana jimataa aaʼin jee noʼtteʼennüin sutuma Nuluwataaya Maleiwa.
Süchikimaajatü tü karaloʼutakat Habacuc
Kanoulainjana waya sünain nuʼtteʼerüinjatüin Jehová tü nupueulosekat soʼu tü kaʼi choʼujaakalü oʼu nümüin.
Süchikimaajatü tü karaloʼutakat Sofonías
¿Jamüsü mojukat jülüjale waaʼin nnojoleerüin süntüin tü nükaliakat Jehová?
Süchikimaajatü tü karaloʼutakat Ageo
Suluʼu tü karaloʼutakat Ageo, aküjünüsü palajanainjatüin watuma tü wakuwaʼipa nümaa Jehová suulia shiain woʼunüin achiirua tü kasa keeʼireekat waaʼin.
Süchikimaajatü tü karaloʼutakat Zacarías
Akatsüinraasü saaʼin tü nupueulosekat Maleiwa sümaiwajatkat sutuma tü kasa naküjaka na nünüikimaajanakana Maleiwa otta sutuma tü kasa ekeraajakat. Tü kasa ekeraajakat sümaiwa shiiʼiyatüin wamüin ayateerüin nükatsüinrüin waaʼin Jehová maaʼutpünaa.
Süchikimaajatü tü karaloʼutakat Malaquías
Aküjünüsü suluʼu, matüjaain aʼwanajawaa nukuwaʼipa Jehová, amüliajüi nia wayuu otta aipürai maʼin. Suluʼu tü karaloʼutakat Malaquías eesü pütchi eeka süpüla oʼunirüin wakuwaʼipa maaʼulu.
Süchikimaajatü tü karaloʼutakat Mateo
Pütüjaajeerü aaʼu waneeirua kasa süchiki tü karaloʼutakat Mateo.
Süchikimaajatü tü karaloʼutakat Marcos
Shia palitchonka aluʼu pütchi suulia Mateo, Lucas otta Juan, tü karaloʼutakat Marcos aashajaasü süchiki naaʼinrüin Jesús tü nüchekakat Maleiwa, niiʼiyatüin meerüin sukuwaʼipa nutuma Nuluwataapa saaʼu Mmaka suluʼu Nuluwataaya Maleiwa.
Süchikimaajatü tü karaloʼutakat Lucas
¿Jara tü pütchi niaka neʼe ashajüin achiki Lucas?
Süchikimaajatü tü karaloʼutakat Juan
Niiʼiyatüin Juan alin wayuu nüpüla Jesús, nnojoluin yaletüin naaʼin otta niain chi Mesíaskai, chi Aluwataainjachikai saaʼu Nuluwataaya Maleiwa.
Süchikimaajatü tü karaloʼutakat Aluwataaushikana
Aküjashii maʼin pütchi na anoujashii namaiwajanakana sainküinpünaa mmakat süpüshuaʼa. Sükajee tü aküjünakat suluʼu tü karaloʼutakat Aluwataaushikana, eesü süpüla waküjeein maʼin pütchi sutuma.
Süchikimaajatü tü karaloʼutakat Roma
Aküjüsü süchiki nnojoluin koʼuin nukuwaʼipa Maleiwa otta choʼujaain maʼin weʼitaain waaʼin nünain Jesús.
Süchikimaajatü tü karaloʼutakat 1 Corinto
Tü karaloʼuta nüshajalakat Pablo aküjasü süchiki tü paaʼinwajirawaakat, tü wakuwaʼipainjatkat, tü aijirawaakat otta süsoʼiraainjatüin saaʼin wayuu.
Süchikimaajatü tü karaloʼutakat 2 Corinto
Nia Jehová chi Maleiwa amüliajakai waya, chi katchinkai atuma naaʼin na aʼyataakana nümüin.
Süchikimaajatü tü karaloʼutakat Galacia
Tü karaloʼuta nüshajakat Pablo namüin na galaciajeʼewaliikana, sükaalinjain waya maaʼulu maʼaka sükaalinjain wayuu paalainka. Sükaalinjain na anoujashiikana tia pütchikat süpüla waneepiain naya nümaa Jehová.
Süchikimaajatü tü karaloʼutakat Éfeso
Aküjünüsü suluʼu tü karaloʼutakat Éfeso, keeʼireein naaʼin Maleiwa kottuin na wayuukana otta eein jimataa aaʼin nükajee Jesucristo.
Süchikimaajatü tü karaloʼutakat Filipos
Neʼrüle na waneinnua waneepiain waya nümaa Maleiwa mayaapejeʼe weʼrüin müliaa, nashateerü tia wanainjee.
Süchikimaajatü tü karaloʼutakat Colosas
Eeshi süpüla talatüin Jehová wamaa waaʼinrüle tü wekirajakalü anain, walatirüle sooʼopünaa waaʼin naainjala na waneinnua otta kojutule maʼin wamüin niain Jesús laülaain waaʼu.
Süchikimaajatü tü karaloʼutakat 1 Tesalónica
Choʼujaasü eejüinjatüin waaʼin suulia tü kasa eekat süpüla seemiajaain atumaa wanoula. Shiainjatüin waaʼinmaain aaʼinraa tü kasa anakat noʼuluʼu Maleiwa, oʼuraajüinjanain maʼin waya otta watütüleʼerajiraainjatüin naaʼin.
Süchikimaajatü tü karaloʼutakat 2 Tesalónica
Naapirüin Pablo na anoujashiikana suulia nanoujain sünain tü aküjünakat süchiki sülüʼülaashaatain tü nükaliakat Jehová otta nütütüleʼerüin naaʼin süpüla icheinjatüin nanoula.
Süchikimaajatü tü karaloʼutakat 1 Timoteo
Sünain 1 Timoteo nüshajüin Pablo sukuwaʼipainjatka tü kasa aainjünajatkat suluʼu tü outkajaaleekat, nüchiaain na anoujashiikana suulia nemeejünüin sükajee alawaa jee suulia kachiiruain naaʼin washirüü.
Süchikimaajatü tü karaloʼutakat 2 Timoteo
Nütütüleʼerüin Pablo naaʼin Timoteo süpüla nikeraajüin tü niʼyataainkat nümüin Jehová.
Süchikimaajatü tü karaloʼutakat Tito
Nüküjain Pablo nümüin Tito nunoutajatüin tü kasa alatakat naʼaka na anoujashiikana chaa Creta otta nüküjain tü nukuwaʼipainjatkat wanee laülaashi sünain anoujaa.
Süchikimaajatü tü karaloʼutakat Filemón
Saashin tü karaloʼutaka nnojoluinjatü yaletüin waaʼin, kamaneeinjana waya otta motuinjatüin waaʼin naainjala na waneinnua.
Süchikimaajatü tü karaloʼutakat Hebreokana
Anaʼleesia maʼin tü anoujaa shiimainsükat suulialeʼeya tü kasa weʼrakat maʼaka saaʼin tü aʼwaajüleekat jee oʼutaa saaʼin mürüt nümüin Maleiwa.
Süchikimaajatü tü karaloʼutakat Santiago
Nüküjain Santiago süchiki waneirua shiyaawase anaka maʼin süpüla naaʼinrüin wanee anoujashi.
Süchikimaajatü tü karaloʼutakat 1 Pedro
Tü karaloʼutakat 1 Pedro sütütülüin waaʼin süpüla waʼyataainjanain maʼin nümüin Maleiwa otta waküjainjatüin nümüin Maleiwa tü ashapataakalü atuma waaʼin.
Süchikimaajatü tü karaloʼutakat 2 Pedro
Sütütüleʼerüin waaʼin tü karaloʼutakat 2 Pedro süpüla waneepiainjanain waya nümaa Maleiwa sümaʼinruʼu waʼatapajüin tü sirumatuʼu jeketkat otta tü mma jeketkat.
Süchikimaajatü tü karaloʼutakat 1 Juan
Süküjain wamüin tü karaloʼutakat Juan eejüinjatüin waaʼin noulia na ekirajüliikana alawaa otta tü kasa kojutuinjatkat maʼin wamüin.
Süchikimaajatü tü karaloʼutakat 2 Juan
Süküjain wamüin karaloʼutakat tüü, ayatüinjanain waya aʼyataain nümüin Maleiwa otta nnojoluinjanain jaa müin waya namüin na ekirajakana alawaa.
Süchikimaajatü tü karaloʼutakat 3 Juan
Nikirajüin waya Juan sünain kamaneeinjanain waya.
Süchikimaajatü tü karaloʼutakat Judas
Nüküjain Judas nachiki na wayuu amojujeekana nakuwaʼipa na anoujashiikana jee na emeejeekana naya.
Süchikimaajatü tü karaloʼutakat Alateetkat Mapeena
Tü kasa niʼrakat Juan süküjain tü naaʼinrüinjatkat Maleiwa napüleerua na wayuukana jee süpüleerua tü mmakat. Naainjeerü shia sükajee tü Nuluwataayakat.
