Kukwe Bibliabätä mike täte
Kukwe nieta Bibliabätä ye raba ni dimike töbike kwin aune ja ngwen kwin. Kukwe nieta Bibliabätä ye ütiäte krubäte mäträkäre nibätä ye bämikata video keta kabre nekänti.
Medente ja ketamuko ñan raba kwen raba ruin mäi yete raba kwen mäi
Ni tö ja ketamuko tuai jakwe ye nierare. ¿Kukwe ja jie ngwankäre Bibliabätä meden raba mä dimike ja ketamuko kwin ye känene jai?
Jehovakwe mä dimikai
Mä töi ñaka rabadre metre ne kwe mäkwe Ngöbö mikadre täte. Niara tö mä tuai nüne kwin yebätä mä dimikai kwe.
Mäträta nibätä ye nikwe kukwe nuadre rabakäre töbätä
Mäträta nibätä ye ngwane, nikwe ja töi mikadre kukwe nieta nie yebätä aune ñaka nire tä niere nie yebätä. Ngöbö tä mäträre nibätä aune tä ni ngübare kwin nitre ji ngwanka konkrekasionte yebiti.
