Panḓera pokulesa nokuhonga
Okambo nga kaungurirwa okutuvatera okuupika ondjiviro yetu indu tji matu lese, tji matu hungire nokuhonga.
Orutuu okuza kOrutu Orunane
Eṱe tu honga ombuze onahepero tjinene ndji hina indu ya hongerwe kovandu komurungu wanao.
EPU 2
Omuano omusemba wokuhungira
Okuhungira momuano omusemba ku wisa omitima vyovapuratene pehi nokuvevatera okuyakura ombuze yoye.
EPU 3
Pura omapuriro
Pura omapuriro nongengezero okunana ombango yovapuratene, nokuṋunisa omapu omananḓengu.
EPU 4
Hungirira kOmatjangwa momuano mbu mau nana ombango yomupuratene
Tara kutja omomuano uṋe mu mo rongerisa ovapuraterene voye ngunda au hiya lesa etjangwa.
EPU 6
Kahurura kutja ongwaye tji mo lese etjangwa
Vatera ovapuratene voye okumuna kutja etjangwa ndi mo lese mari hitasana vi nepu ndi mo hungirire ko.
EPU 7
Ungurisa ondjivisiro ongahu nu ndji nouatjiri
Ondjivisiro ongahu nu ndji nouatjiri i vatera ovapuratene voye okuzuva nawa imbi mbi mo hungire.
EPU 8
Ungurisa ovisasanekero mbi mavi hongo
Pwisa omuano woye wokuhonga mokuungurisa ovisasanekero ovipupu mbi mavi nana ombango yovapuratene voye, nu mbi mavi hongo epu enanḓengu.
EPU 9
Omuano omusemba wokuungurisa oviṋa mbi tu muna
Ungurisa oviṋa mbi tu muna okuvatera omupuratene woye okuzuva nawa nokutja ma zemburuke nawa omapu ngu mo hongo.
EPU 10
Omarundurukiro wombosiro yeraka
Rundurukiro ombosiro yeraka, mokuyera eraka nokuwisa eraka roye pu pe ri ohepero, nokuhina okuhungira nohakahana poo okuhungira nongono kutja u ṱune komitima vyovapuratene voye.
EPU 11
Hungira nonḓero yatjiri
Okuhungira nonḓero ku raisira varwe kutja u nongamburiro mu imbi mbi mo hongo nu ku ve tunduuza okupuratena nombango.
EPU 12
Raisa orusuvero notjari
Tji mo hungire raisira ovapuratene voye, kutja we ve suvera nu mo vanga okuvevatera.
EPU 13
Tjita kutja epu ndi mari hungirirwa ri zuvake nawa
Vatera ovapuratene voye kutja ve zuve epu roye nawa nokutja mari ve ṱunu vi, nu ve raisira kutja ngave tjite vi ohunga na imbi mbi mave rihongo.
EPU 14
Ṋunisa omapu omananḓengu nawa
Vatera ovapuratene voye kutja ve kongorere nawa ehungi roye, nu raisa oukahu kutja epu arihe mari ṱunu vi kondando nepu rehungi roye.
EPU 15
Hungira nongamburiro
Hungira nongamburiro. Raisa kutja tjiri u nongamburiro kutja oviṋa mbi mo hungire ovinanḓengu.
EPU 16
Tunduuza nu kuna ongaro ombwa
Yandja ombango koviṋa mbi mavi isapo ouzeu, noviṋa mbi mavi tunduuza ovapuratene voye. Nanena ombango kouatjiri oukovise wEmbo ra Mukuru.
EPU 17
Tjita kutja varwe ve ku zuve nawa
Vatera ovapuratene voye okuzuva nawa omaheero wombuze yoye. Kahurura omapu nawa.
EPU 18
Ondjivisiro ovapuratene ndji mave yenene okuungurisa
Tjita kutja ovapuratene voye ve ripurire ko oveni kepu, kokutja ve mune kutja ve rihongo otjiṋa otjinanḓengu.
EPU 19
Kondja okuṱuna komitima vyovapuratene
Tunduuza ovapuratene voye okusuvera Mukuru nEmbo re, Ombeibela.
EPU 20
Omapatero omawa
Omapatero omawa ye vatera ovapuratene voye okuyakura nokuṱakamisa imbi mbi ve rihongo.
Tjanga kutja wa ungurire kepu riṋe
Otja tji mo kondjo okuungurira kepu arihe, tjanga omarundurukiro omawa ngu mo munu momalesero nomahongero woye.
