Yisinke no lirongera ko koyihorokwa yomoBibeli?
Simbapiratjangwa esi kwa kara mo yihorokwa eyi ya tamekera kesito ntani ehampuruko lyaJesus nosirugana sendi sokuzuvhisa dogoro kewizo lyoUhompa.
Mbilive zokutunda koMbungagendesi
Ngapi no ruganesa buke ezi?
SIRONGWA 1
Karunga kwa sita eguru nevhu
Bibeli kutanta asi Karunga kwa sita eguru nevhu. Ono diva asi muengeli musinke ga sitire Karunga komeho a site nayinye ndi?
SIRONGWA 2
Karunga ta siti mugara nomukadi wokuhova
Karunga kwa sitire mugara nomukadi wokuhova nokuvatura mosikunino saEdeni. Age kwa va harerere va kare novana nokuninka evhu li kare paradisa.
SIRONGWA 3
Adamu naEva kapi va limburukwire Karunga
Sitji simwe somosikunino saEdeni, ngapi omu sa lisigire noyikwawo? Morwasinke Eva ga lililire enyango?
SIRONGWA 4
Ehandu kwa twaredesere kokudipaga
Jehova kwa haferere nzambo zaAbeli, nye zaKaini kapi ga zi haferere. Eyi kwa handukisire Kaini, makura ta dipaga mumbyendi.
SIRONGWA 5
Emuwato lyaNowa
Apa vaengeli wovadona va ya kwere vakadi apa pevhu, vana vawo kwa kere nononkondo ntani nyanya. Nyanya kwa kere nakunye. Nye Nowa kwa lisigire novakwawo, age kwa here Karunga nokumulimburukwa.
SIRONGWA 6
Vantu ntantatu va parukire ruhanzo
Mvhura kwa rokere mazuva 40 mutenya nomasiku. Nowa nepata lyendi kwa kere memuwato kupitakana mvhura zimwe. Konyima, Karunga tava tantere va pwage mo.
SIRONGWA 7
Ruhungu rwaBabironi
Vantu vamwe kwa tokwere kutunga sitata noruhungu rorure rokukasika meguru. Morwasinke Karunga ga va piyaganekerere va uyunge maraka gokulisiga-siga?
SIRONGWA 8
Abirahamu naSara kwa limburukwire Karunga
Morwasinke Abirahamu naSara va sigilire sitata sawo va ze kosirongo saKanani?
SIRONGWA 9
Sara ta reta munona!
Ngapi Karunga ga sikisire mo etumbwidiro lyendi kwaAbirahamu? Etumbwidiro olyo kwa sikilire mo mwaIsaka ndi mwaIsimayeli?
SIRONGWA 10
Diworoka mukadaRoto
Karunga kwa rokesere mundiro moSodoma naGomora. Morwasinke va zonagwilire po yitata yina? Morwasinke natu diworokera mukadaRoto?
SIRONGWA 11
Tava heteke epuro lyendi
Karunga kwa tanterere Abirahamu asi: ‘Gusa munoge o ze kondundu Moliya o ka mu gave ngonzambo.’ Ngapi omu Abirahamu ga tere eheteko eli lyepuro?
SIRONGWA 12
Jakopo ga gwene upingwa
Isaka naRepeka kwa retere vamapange, Esau naJakopo. Morwa Esau yige mbeli, ga vhulire kugwana upingwa. Morwasinke ga randeserere umbeli wendi konondya?
SIRONGWA 13
Jakopo naEsau tava tulisa po mbili
Ngapi omu Jakopo ga gwene etungiko komuengeli? Ntani ngapi omu Jakopo ga tulisire po mbili naEsau?
SIRONGWA 14
Mupika ga limburukwire kwaKarunga
Josefa kwa rugene youhunga, nye simpe kwa mu hepekere. Morwasinke?
SIRONGWA 15
Jehova kapi ga divarere Josefa
Nampili ngomu Josefa ga kere ure nepata lyawo, Karunga kwa kere nage.
SIRONGWA 17
Mosesa kwa horowere po kukarera Jehova
Ngomukeke, Mosesa kwa mu parwire ozina pokumuhoreka mosimbamba.
SIRONGWA 19
Mahepeko gatatu gokuhova
Farawo kwa reterere vantu vendi mahepeko morwa kwa linenepekere mokudira kutambura mapukururo.
SIRONGWA 20
Mahepeko gokukwama ko ntazimwe
Ngapi mahepeko ntazimwe ga lisigire nomahepeko gatatu gokuhova?
SIRONGWA 21
Ehepeko lyomurongo
Ehepeko lyomurongo yilyo lya ninkisire Farawo a sige Vaisraeli va ze.
SIRONGWA 22
Sitetu pEfuta lyEgeha
Nampili ngomu Farawo ga parukire mahepeko murongo, ga parukire sitetu sepefuta lyegeha ndi?
SIRONGWA 23
Tava tumbwidire Jehova
Vaisraeli kwa tumbwidilire Karunga apa va kere poNdundu zaSinayi.
SIRONGWA 24
Vaisraeli tava teza po etumbwidiro
Apa Mosesa ga ka retere Yipango Murongo, vantu kwa tulire nzo zonene.
SIRONGWA 27
Awo kwa rwanesere Jehova
Kora naDatani naAbiramu ntani novantu 250 kwa rwanesere Jehova.
SIRONGWA 29
Jehova ta horowora Josuwa
Karunga kwa pere Josuwa mavyukiso aga naga vhura kutuvatera nose naina.
SIRONGWA 30
Rahabu ta horeke vagara
Makuma gaJeliko kwa bamaukire. Nye nampili ngomu nzugo zaRahabu za kere kekuma, azo kapi za bamaukire.
SIRONGWA 31
Josuwa noVangibiyoni
Josuwa kwa kanderere kwaKarunga asi: “Ezuva sikama ngorooro!” Karunga ga mu limbwilire ndi?
SIRONGWA 32
Mupitisili gomupe novakadi vavali wouradi
Apa ga fire Josuwa, Vaisraeli tava tameke kukarera yikarunga yoyimpempa. Eparu kwa digopere, nye va gwene evatero komupanguli Baraka nomuporofete gomukadi Debora ntani Jayeli nontungo zotenta zendi!
SIRONGWA 33
Rutu naNaomi
Vakadi vavali ava va fisire vagara vawo kwa tengwire koIsraeli. Gumwe kuna kara Rutu, ogu ga toragwire mahangu mepya lyaBowasa.
SIRONGWA 34
Ngidiyona ta fundu Vamidiyani
Apa Vamidiyani va hepekere Vaisraeli, vantu kwa kandererere kwaJehova a va vatere. Ngapi omu vakwayita 300 vaNgidiyona va fundire vakwayita woVamidiyani wokusika 135 000?
SIRONGWA 35
Hana ta kanderere a gwane munona
Elikana ngazi naHana naPenina ntani novana vawo yipo va ka karere Jehova konkongoronzugo moSiro. Oko, Hana ta ka kanderera a gwane munona. Konyima zomvhura zimwe, ta hampuruka Samwere!
SIRONGWA 36
Etumbwidiro lyaJefuta
Etumbwidiro musinke ga tulire po Jefuta, ntani morwasinke? Ngapi ga lizuvhire munwaJefuta ketumbwidiro lyoguhwe?
SIRONGWA 37
Jehova ta uyunga naSamwere
Vana vavali wovagara womupristeli gomunene gedina Eli ava va kere vapristeli ponkongoronzugo, kapi ngava limburukwa konoveta daKarunga. Nye mumati Samwere ga lisigire nawo, ntani Jehova ga uyungire naSamwere.
SIRONGWA 38
Jehova kwa pere Simisoni nonkondo
Karunga kwa pere Simisoni nonkondo a rwise Vafilisiti, nye apa Simisoni ga tulire po etokoro lyedona, yipo Vafilisiti va mu kwete.
SIRONGWA 39
Hompa gokuhova goVaisraeli
Karunga kwa pere Vaisraeli vapanguli va va pitisire, nye awo tava mu hundire hompa. Samwere kwa gwavekere Sauru a kare hompa gokuhova, nye konyima Sauru ta zumbu Jehova. Morwasinke?
SIRONGWA 40
Ndafita naGolyata
Jehova kwa horowere Ndafita a kare hompa gwauvali goVaisraeli, ntani Ndafita ga yi likidire eyi ga karere muntu gouhunga kuhorowora.
SIRONGWA 41
Ndafita naSauru
Morwasinke Sauru ga nyengerere Ndafita, ntani Ndafita nkareso musinke ga likidire?
SIRONGWA 44
Ntembeli zaJehova
Karunga ta tambura ehundiro lyahompa Saromo nokumupa situmbukira sosinene.
SIRONGWA 47
Jehova kwa nkondopekere Eliya
Omu ono kugazara, nove kuvhura a ku nkondopeke Jehova ndi?
SIRONGWA 49
Hompa gomukadi gomudona tava mu tengeke
Jesebeli kwa rundilire Muisraeli Nabota va mu dipage yipo a guse sikunino sendi! Yirugana yaJesebeli yoyidona ga yi mwene Jehova Karunga.
SIRONGWA 50
Jehova ta popere Jehosafata
Hompa gomuwa Jehosafata kwa kanderere kwaKarunga apa nonkore da tjilisire vantu womoJuda.
SIRONGWA 51
Mupitisili govakwayita nomukadonagona
Mukadonagona goMuisraeli kwa tanterere muhona gwendi gomukadi kuhamena nonkondo daJehova, ano yitundwamo kwa kere yokutetukisa.
SIRONGWA 52
Turukara tomundiro twaJehova
Ngapi omu mukareli gwaElisa ga dimbwilire asi: ‘Wokoyiha yetu vanzi kupitakana wokoyiha yawo.’
SIRONGWA 54
Jehova ga lididimikilire Jona
Ngapi omu muporofete gumwe gwaKarunga lya mu minine emumfi? Ngapi omu ga pwege mo? Sirongwa musinke Jehova ga rongere Jona?
SIRONGWA 55
Muengeli gwaJehova kwa poperere Hisikiya
Nonkore dovantu womoJuda kwa tente asi Jehova kapi ta vhuru kupopera vantu vendi, nye mepuko va kere!
SIRONGWA 56
Josiya kwa here Veta zaKarunga
Josiya kwa kere hompa gwaJuda age nomvhura dendi ntano-nantatu, ntani age kwa vaterere vantu va karere Jehova.
SIRONGWA 57
Jehova ta tumu Jeremiya a ka udise
Eyi ga uyungire Jeremiya kwa handukisire unene masimbi goVajuda.
SIRONGWA 58
Jerusarema tava zi zonagura
Vantu womoJerusarema kwa twikilire kukarera yikarunga yoyimpempa, yipo Jehova ga va sigililire.
SIRONGWA 59
Vamati vane ava va limburukwire Jehova
Vamati woVajuda kwa tokwere kulimburukwa Jehova, nampili mombara zomoBabironi.
SIRONGWA 61
Kapi va tongamenene efano
Saduraka naMesaka naAbetenego kwa nyokere kutongamena efano lyongorodo lyahompa gwaBabironi
SIRONGWA 65
Esitera ta popere vantu vendi
Esitera nampili ngomu ga kere munayirongo ntani nsigwe, ga ya kere hompa gomukadi.
SIRONGWA 66
Esira ta rongo Veta zaKarunga
Apa Vaisraeli va mene kupurakena kwaEsira, tava tura po etumbwidiro lyokulikarera kwaKarunga.
SIRONGWA 67
Makuma gaJerusarema
Nehemiya ga dimbwilire asi nonkore dina hara kuvahomona. Morwasinke ga dililire kukara nowoma?
SIRONGWA 68
Elisabeta ta kara nomunona
Morwasinke mugara gwaElisabeta va mu tanterere asi ta siti ezwi dogoro ngava hampuruke munona ogo?
SIRONGWA 69
Ngabiliyera ta dingura Mariya
Ngabiliyera ta tantere Mariya mbudi ezi za rundwilire eparu lyendi.
SIRONGWA 70
Vaengeli tava divisa ehampuruko lyaJesus
Vasita ava va zuvhire ediviso lyehampuruko lyaJesus va rugene ko yuma usimbu-simbu.
SIRONGWA 73
Johanesa ta wapaike nzira
Johanesa kwa kere muporofete apa ga kulire. Age nga rongo kuhamena ewizo lyaMesiyasa. Ngapi omu vantu va tere mbudi ozo?
SIRONGWA 74
Jesus ta kara Mesiyasa
Yisinke ga tembe Johanesa apa ga uyungire asi Jesus yige Nzwigona zaKarunga?
SIRONGWA 75
Muzonaguli ta heteke Jesus
Muzonaguli ta heteke Jesus yikando yitatu. Maheteko musinke gatatu va hetekere Jesus? Ngapi omu Jesus ga limbwilire Muzonaguli?
SIRONGWA 76
Jesus ta zeresa Ntembeli
Morwasinke Jesus ga tjidilire mo yimuna montembeli nokugandanga yitafura yovasinti woyimaliwa?
SIRONGWA 77
Mukadi poNdjombo
Mukadi goMusamaliya pondjombo kwa tetukire apa Jesus ga uyungire nage. Morwasinke? Yisinke Jesus ga tanterere mukadi goMusamaliya eyi ga dilire kutantera rumwe nkenye ogu?
SIRONGWA78
Jesus ta zuvhisa mbudi zoUhompa
Jesus kwa zigidire varongwa vendi vamwe va kare ‘vakwati wovantu.’ Konyima, ta deura vasikuli vendi 70 va zuvhise mbudi zongwa.
SIRONGWA 79
Jesus ta rugana yitetu yoyinzi
Nkenye oku nga zi Jesus, vaveli ngava mu wizire a ya va verure. Age hena ga pindwire koufe mukadonagona.
SIRONGWA 80
Jesus ta horowora vapositoli 12
Morwasinke Jesus ga horowerere vapositoli 12? To diworoka madina gawo ndi?
SIRONGWA 82
Jesus ta rongo varongwa vendi kukanderera
Yininke musinke Jesus ga tanterere varongwa vendi nava twikira kuhundira?
SIRONGWA 83
Jesus ta kutike vantu mayovi
Yisinke a si likida sitetu sokukutika vantu mayovi kuhamena Jesus naJehova?
SIRONGWA 84
Jesus ta gendi pomema
Gazara tupu omu va lizuvhire vapositoli apa va mwene Jesus kuna kugenda pomema!
SIRONGWA 86
Jesus ta vhumbura Rasarusa
Apa Jesus ga mwene Mariya kuna kulira, nage ta tameke kulira. Ruguwo rwawo rwa ya kere ruhafo.
SIRONGWA 87
Jesus ta li murarero gokuhulilira
Jesus kwa geve mapukururo gomulyo kovapositoli vendi apa va lire kumwe murarero.
SIRONGWA 88
Jesus tava mu kwata
Judasa Isikalyoto kwa pitisilire mbunga zonene ezi za simbire nomfuro nonomuramu va ka kwate Jesus.
SIRONGWA 89
Peturusa ta patana Jesus
Yisinke ya horokere meharango lyembo lyaKayifasa? Yisinke ya horokerere Jesus membo lyaKayifasa?
SIRONGWA 91
Jesus ta vhumbuka
Yininke musinke yokutetukisa ya horokere konyima zapa va dipagere Jesus?
SIRONGWA 92
Jesus ta monekere vakwati wonomfi
Yisinke Jesus ga rugene yipo a pindure eharo lyovarongwa vendi?
SIRONGWA 93
Jesus ta tengura meguru
Komeho a ronde meguru, Jesus kwa pere varongwa vendi mavyukiso gomulyo.
SIRONGWA 94
Varongwa tava gwana mpepo zokupongoka
Yirugana musinke yononkondo za va pere mpepo zokupongoka?
SIRONGWA 95
Kwato eyi ya vhulire kuvahagekesa
Vampitisili womaukarelikarunga ava va dipagesere Jesus kwa hetekerere ko kuhagekesa varongwa kuzuvhisa. Nye varongwa kapi va hagekere.
SIRONGWA 97
Koroneliusa ta gwana mpepo zokupongoka
Morwasinke Jehova ga tanterere Peturusa a ze kembo lyaKoroneliusa, ogu ga dilire kukara Mujuda?
SIRONGWA 98
Omu wa lihene Ukriste
Mupositoli Paurusa novatumwa vakwawo kwa tamekere kuzuvhisira koyirongo yokoure.
SIRONGWA 99
Munomeni godorongo ta lirongo usili
Ngapi mpepo zondona nenkankamo lyevevhu norufuro ya hamena mo mosihorokwa esi?
SIRONGWA 101
Paurusa tava mu tumu koRoma
Nampili ngomu rugendo rwa kere mosiponga, nye kapi ya tengwidisire Paurusa monyima.
SIRONGWA 103
“Uhompa woge au wize”
Ehororo lyaJohanesa kwa likida omu Uhompa waKarunga ngau ka rundurura eparu apa pevhu.
