Yuma Yimunateli Kudiza muBayibolu
Iwu mukanda wukuyikwasha kwiluka yuma chiyatachikili nichiyakekala kumbidi, nsañu yamuBayibolu yahosha hayileñaleña, kuvwalika kwaYesu nimudimu wazatiliyi ninsañu yakwinza kwaWanta.
Mukanda Wunafumi Kwizanvu Dalombolaña
Wunateli kuzatisha ñahi iwu mukanda?
KUDIZA 1
Nzambi Waleñeli Iwulu niIseki
Bayibolu yahoshaña nawu Nzambi waleñeli iwulu niiseki. Muloñadi Nzambi chasambililiyi kuleña kañelu wumu henohu kanda aleñi ejima niyuma yejima?
KUDIZA 2
Nzambi Wawumbili Iyala Watachi niMumbanda
Nzambi wawumbili iyala watachi nimumbanda nawa wayishili mwitempa daEdeni. Wakeñeleña nindi avwaleña anyana nawa abalumuni iseki dejima kwikala paradisa.
KUDIZA 3
Adama naEva Hiyamwovwahilili Nzambiku
Chumanyi chaletesheli mutondu wumu mwitempa daEdeni kwikala wambukaku? Muloñadi Eva chadiililiyi mukaabu kuniwu mutondu?
KUDIZA 4
Wajahañeni Muloña waKuhila
Nzambi wetejeli mulambu waAbeli ilaña waKena wawukaanini. Kena chelukiliyi chumichi, wahilili nankashi nawa welili chuma chatama.
KUDIZA 5
Watu waNowa
Añelu atama chasumbwiliwu ambanda hamaseki, avweli anyana awamayala ataluka akabishileña antu. Heseki dejima hadiña madombu. Ilaña Nowa wadiña wambukaku wamukeñeli Nzambi nawa wamwovwahilileña.
KUDIZA 6
Antu 8 Diwu Apulukili Nakwiñila Mukaayi Kakaha
Nvula yanokeli hadi mafuku 40 mwaana niwufuku. Nowa nichisaka chindi ashakamini muwatu kubadika hadi chaaka chimu. Nkumininaku, Nzambi wayilejeli nindi edikimu.
KUDIZA 7
Kaposhi kaBabeli
Antu anafuukulihu kutuña musumba nikaposhi kakalehi kakashika mumawulu. Muloñadi Nzambi chashikeneniyi kuletesha antu atachiki kuhosha madimi ashiyashana?
KUDIZA 8
Abarahama naSara Amwovwahilili Nzambi
Muloñadi Abarahama naSara chashililiwu maheta awu mumusumba nakuya nakukimboka mwituña daKenani?
KUDIZA 9
Nkumininaku Ekalili naMwana!
Nzambi wadi kushikija ñahi chikaninu chamukaniniyi Abarahama? Mwana kaAbarahama wumu yodihi mwadi kushikijewela ichi chikaninu—Isaka tahindi Ishimayeli?
KUDIZA 10
Anukenu Ñoda Loti
Nzambi wanokesheleli haSodoma naGomora kesi nisawufa. Iyi nyisumba ayijilumwininidi? Muloñadi wutwatela kwanukila ñoda Loti?
KUDIZA 11
Chesekeliwu Chikuhwelelu chaAbarahama
Nzambi wamulejeli Abarahama nindi: ‘Mwani, sendaku mwaneyi wumu hohu weyala wakamulambuli kwikala mulambu hampidi kwiluña daMoriya.’ Abarahama wadi kwila ñahi naniku kweseka kwachikuhwelelu chindi?
KUDIZA 12
Yakoba Watambwili Wuswana
Isaka naRabeka adiña nawampamba awamayala Esawu naYakoba. Chineli Esawu diyi wadiña wedi, diyi wateleleli kutambwila wuswana wadimena. Muloñadi chawuhimpililiyi nayakuda?
KUDIZA 13
Yakoba naEsawu Analeti Kuwunda
Munjilanyi mwatambwililiyi Yakoba nkisu kufuma kudi kañelu? Nawa waleteli ñahi kuwunda naEsawu?
KUDIZA 14
Nduñu Wamwovwahilili Nzambi
Yosefu welileña yuma yaloña, ilaña wakabakeni chikupu. Muloñadi?
KUDIZA 15
Yehova Hamuvulameneni Yosefuku
Hela chakwila Yosefu wadiña kwakulehi nachisaka chindi, Nzambi wamwekesheli nindi wadiña nayena.
KUDIZA 17
Mosi Watondelihu Kudifukula Kudi Yehova
Hadiñayi mukeki, Mosi wapulukili muloña wakafuta kakasiliyi mama yindi.
KUDIZA 19
Yipupu Yisatu Yakusambila
Fwaru waleteli kukala hadi antu jindi muloña wadivwimbili nakukaana kwila chuma chapela chamulejeliwu.
KUDIZA 21
Chipupu Chamu 10
Ichi chipupu chatoheli chikupu chakwila niFwaru wadivwimba walekeli kuchinchikisha muchima.
KUDIZA 22
Chihayamisha Chamwekeni haKaluñalwiji Kachinana
Fwaru wamwekesheli kuchinchika muyipupu yejima 10, hanu dinu wapulukili munichi chihayamisha chaNzambi?
KUDIZA 23
Chikaninu Chamukaniniwu Yehova
AIsarela amukanini Nzambi chikaninu chadimena hampinji yatuñiliwu chilombu kuMpidi yaSinayi.
KUDIZA 24
Afumpili Chikaninu Chakaniniwu
Hampinji yayiliyi Mosi nakutambula Nshimbi 10, antu akoñeli nshidi yasweja.
KUDIZA 26
Akakwendesha Ituña 12
Yoshuwa naKalebu ambukiliku chikupu nawakwawu 10 mwayililiwu nakwendesha ituña daKenani.
KUDIZA 27
Adikañili naYehova
Kora, Datani, Abirami, kushilahu niamayala amakwawu 250 akañenyi kwiluka chazatañayi Yehova.
KUDIZA 29
Yehova Wamutondeli Yoshuwa
Nzambi wamwinkeli Yoshuwa nshimbi jinateli kutukwasha ninetu makonu.
KUDIZA 30
Rahaba Waswekeli Akakwendesha Ituña
Mbañu jaYeriku jahumokeli. Ilaña itala daRahaba dahumukili wanyi hela chakwila adituñilili hampwembu.
KUDIZA 31
Yoshuwa nawaGibeyoni
Yoshuwa wamulombeli Nzambi nindi: “Eyi itena, imanaku kuka-a!” Komana Nzambi wamwakwili?
KUDIZA 32
Nlomboli Wamuha niAmbanda Ayedi Ahamuka
Yuma yayikoleleli, ilaña ayikwashili kuhitila mudi nsompeshi Baraki, kaprofwetu wamumbanda Debora niYayeli wazatishili mpopu yakwitenti dindi!
KUDIZA 33
Luti naNawomi
Ambanda ayedi afwishili anfumu jawu afuntili kuIsarela. Hakachi kanawa ambanda, Luti wayiili nakuzatila mumaha mwamumweneniwu kudi Bowazi.
KUDIZA 34
Gidiyoni Wayishindili aMidiyani
Hanyima yakwila aMidiyani anayikabishi nankashi aIsarela, antu amulembeleli Yehova nawu ayikwashi. Hanu dinu amashidika aGidiyoni antesha ashindili ñahi amashidika 135,000 ayilumbu jawu?
KUDIZA 35
Hana Nalombi Mwana Weyala
Elikana wasendeli Hana, Penina nichisaka chawu ayili nakudifukula hatabanaka muShilo. Kwenoku, Hana walombeli nindi amwinki mwana weyala. Chimwahitili chaaka wavweli Samweli!
KUDIZA 36
Chikaninu Chakaniniyi Yefwata
Chikaninwinyi chakaniniyi Yefwata nawa muloñadi? Mwana kaYefwata wamumbanda welili ñahi nachikaninu chakaniniyi tata yindi?
KUDIZA 37
Yehova Nahoshi naSamweli
Anyana kaKapristu Muneni Eli akalakeleña mudimu wawupristu hatabanaka, ilaña hiyovwahilileña nshimbi jaNzambiku. Kansi Samweli wadiña wambukaku, nawa Yehova wahosheli nindi.
KUDIZA 38
Yehova Wamwinkeli Samusoni Ñovu
Nzambi wamwinkeli Samusoni ñovu yakuzuña nawaFilisitinu, ilaña Samusoni chafuukwiliyi mwaluwa, aFilisitinu amukwatili.
KUDIZA 39
Mwanta Watachi waIsarela
Nzambi wayinkeli aIsarela ansompeshi ayilombweleña, ilaña akeñeleña mwanta. Samweli wamuwayishili Sawulu nakwikala mwanta watachi, ilaña mukuhita kwampinji Yehova wamukaanini Sawulu. Muloñadi?
KUDIZA 40
Davidi naGoliyati
Yehova namutondi Davidi kwikala mwanta wamuchiyedi waIsarela, nawa Davidi namwekeshi kwikala mwanta washikilamu kuhitila muyuma yinakwilayi.
KUDIZA 44
Tembeli yaYehova
Nzambi neteji chuma chinalombiyi Mwanta Solomoni nawa namwinki nyidimu yamaneni.
KUDIZA 49
Mwadi Watama Anamubabeshi
Yezebeli nakasi kafuta kakumujaha Naboti kulonda atambuli itempa dindi danyivinyu! Yehova namoni kutama kwaYezebeli.
KUDIZA 50
Yehova Namukwashi Yehoshafwati
Mwanta wamuwahi Yehoshafwati nalombi kudi Nzambi hampinji yinayichiinishiwu aYuda kudi nyuza yawayilumbu jawu.
KUDIZA 51
Mushidika naKansi waMumbanda
Kansi wamumbanda kaIsarela namuleji nkaaka yindi wamumbanda hañovu yaYehova yabadika chikupu—munafumi yuma yakuhayamisha.
KUDIZA 52
Tuwalu twaYehova niMakalu aKesi
Kambuña aElisha neluki nindi ‘adi nanetu amavulu kubadika adi nawena.’
KUDIZA 53
Kuhamuka Kwamwekesheliyi Yehoyada
Kapristu washinshika namwekeshi kuhamuka kudi mwanta wamumbanda watama.
KUDIZA 54
Yehova Wadiwunjikili naYona
Chumanyi chaletesheli kaprofwetu kaNzambi wumu amuminyi kudi inshi weneni? Wafumini ñahi mwivumu danshi? Nawa chumanyi chamudizishiliyi Yehova?
KUDIZA 55
Kañelu kaYehova Wamukiñili Hezekiya
Ayilumbu jawaYuda anahoshi nawu Yehova wukwamwina wanyi antu jindi, ilaña anakudidimba!
KUDIZA 56
Yosiya Wakeñeli Nshimbi jaNzambi
Yosiya nekala mwanta henohu wudi hohu nayaaka 8, nawa nakwashi antu jindi kudifukula kudi Yehova.
KUDIZA 57
Yehova Namutemeshi Yeremiya naKushimwina
Yuma yahosheliyi iwu kaprofwetu wakansi yaletesheli akulumpi amuYuda kuhila chikupu.
KUDIZA 58
Yerusalema Anayijilumuni
Antu amuYuda anatwalekihu kudifukula kudi anzambi akutwamba, dichi Yehova nayishiyi.
KUDIZA 59
Anyikwenzi Awana Amwovwahilili Yehova
Anyikwenzi aYudeya anadikasi mumuchima kutwalekahu kwikala ashinshika kudi Yehova nihampinji yidiwu muchota chawanta muBabiloni.
KUDIZA 60
Wanta Wakatwalekahu Haya Nyaaka
Danyeli nalumbululi munatalishi chilota chaNebukaneza chakala.
KUDIZA 61
Hiyadifukwili Kudi Nkishiku
AShadiraki, Mishaki niAbedinego anakaani kudifukula kunkishi wawuru wamwanta wakuBabiloni.
KUDIZA 62
Wanta Wadiña Neyi Mutondu Weneni
Chilota chaNebukaneza chinakushimuna yuma yikamumwekena kumbidi.
KUDIZA 63
Nsona Jinasonekiwu haMbañu
Iji nsona jakala jinamwekani mpinjinyi nawa jinatalishi mudihi?
KUDIZA 64
Danyeli Wudi Muwina WawaNyitupa
Lombaña kudi Yehova mafuku ejima neyi chelileñayi Danyeli!
KUDIZA 65
Esita Napulwishi Antu Jindi
Hela chakwila wadiña ñiinza, wafumini hawunshona nakwikala mwadi.
KUDIZA 66
Ezera Wadizishili Antu Nshimbi jaNzambi
AIsarela chamutiyililiwu Ezera amukanini Nzambi chikaninu chadimena
KUDIZA 67
Mpwembu jaYerusalema
Nehemiya watiyili nindi ayilumbu jindi anakasi kafuta kakuyilukuka. Muloñadi chabuliliyi kutiya woma?
KUDIZA 68
Elizabeta Nekali naMwana
Muloñadi nfumwa Elizabeta chamulejeleliwu nawu wukwikala kamama sampu mwana navwaliki?
KUDIZA 73
Yowanu naKuloñesha Njila
Yowanu nakuli nakwikala kaprofwetu. Nakutañisha nindi Mesiya nakwinza. Antu aneli ñahi naniyi nsañu?
KUDIZA 74
Yesu Nekali Mesiya
Yowanu natalishi mudihi chinahoshiyi nindi Yesu diyi Mwana kaMukoku waNzambi?
KUDIZA 75
Diyabolu Namweseki Yesu
KUDIZA 76
Yesu Natookeshi Tembeli
Hanu dinu muloñadi Yesu chinahañiliyi anyama mutembeli nikuhinuna mesa jawakakuhimpa mali?
KUDIZA 77
Mumbanda Wudi Kwishima daMenji
Mumbanda kaSamariya nahayami Yesu chinahoshiyi nayena. Muloñadi? Chumanyi chinamulejiwu kudi Yesu chabulayi dehi kulejahu muntu wudi wejima?
KUDIZA 78
Yesu naKushimwina Nsañu yaWanta
Yesu natambiki atumbanji twindi amakwawu kulonda ekali “ayibinda awantu.” Mukuhita kwampinji, nadizishi akakumulondela 70 kulonda ashimwini nsañu yayiwahi.
KUDIZA 79
Yesu Nakoñi Yihayamisha Yayivulu
Kwejima kunakuyayi Yesu, antu akata anakumulondela nawu ayikwashi nawa nayuuki. Namusañuli nimwana kaJayirusa wamumbanda.
KUDIZA 82
Yesu Nadizishi Atumbanji Twindi Chakulomba
Yumanyi yinayilejiyi Yesu atumbanji twindi nindi alombeña?
KUDIZA 83
Yesu Nadiishi Antu Amavulu
Ichi chihayamisha chinakumwekesha nawu Yesu niYehova hiyantu amuchidinyi?
KUDIZA 86
Yesu Namusañuli Lazaru
Yesu chinamoniyi Mariya nakudila, niyena natachiki kudila. Ilaña madilu awu anabalumuki himuzañalu.
KUDIZA 87
Kuda kwaYesu kwaMelela Kwakukumishaku
Yesu nakuyileja apostolu indi nshimbi jalema hampinji yinakudawu kuda kwamelela kwakukumishaku.
KUDIZA 88
Yesu Anamukwati
Yudasi Isakaroti nakulombola izaza deneni dawantu anasendi mpoku jatubali nitubama kulonda amukwati Yesu.
KUDIZA 89
Petulu Namukaani Yesu
Chumanyi chinamwekani mulubanza lwahetala daKayafwasi? nawa chumanyi chinamumwekeni Yesu mwitala mwadiyi?
KUDIZA 91
Yesu Anamusañuli
Yumanyi yakuhayamisha yinakumwekana mumafuku analondelihu kufuma hanamujahiwu Yesu?
KUDIZA 93
Yesu Nafunti Mwiwulu
Hela chochu, henohu kanda ayi mwiwulu, nayinki atumbanji twindi nshimbi jalema nankashi.
KUDIZA 94
Atumbanji Anatambwili Spiritu Yajila
Ñovwinyi yakuhayamisha yinayinkiwu kudi spiritu yajila?
KUDIZA 95
Kwosi Chuma Chadi Kuyikañesha
Akulumpi jakwitiya amujahili Yesu, ichi anakukeña kulekesha atumbanji twindi. Ilaña hiyakutweshaku.
KUDIZA 97
Konelisu Natambwili Spiritu Yajila
Nzambi namutemeshelidi Petulu kwitala daniwu iyala, wabula kwikala kaYudeya?
KUDIZA 98
Kwitiya kwawakaKristu Kunataandi kuNyuza Yayivulu
Kapostolu Pawulu niakwawu amishonali anatachiki mudimu wakushimwina mumaluña akwakulehi.
KUDIZA 99
Mukakuhemba Kaleya Nadizi Chalala
Indi ndemoni, mutentanshi nimpoku yakabali jinenzi ñahi muniyi nsañu?
KUDIZA 100
Pawulu naTimotewu
Hadi yaaka yayivulu awa amayala ayedi hiyamabwambu nawa anakuzatila hamu.
KUDIZA 101
Pawulu Anamutemeshi kuRoma
Munilu lwendu mudi kukala kwakuvulu, ilaña kwosi kukala kunamukañeshi iwu kapostolu.
KUDIZA 102
Yimwenu Yamweniyi Yowanu
Yesu namumwekesheli yimwenu yinalondankani yinakuhosha hayuma yikamwekana kumbidi.
KUDIZA 103
“Wanta Weyi Winzi”
Yimwenu yamumwekesheleliwu Yowanu yamwekeshaña Wanta waNzambi chiwakahimpa chihandilu chawantu hamaseki.
