Jmé kjoanni xi bakóya je Biblia
Libro jebi koasenkaoli nga jchai jme xi bakóya je Biblia xi tʼatsʼe jebi: ánni nga kjoañʼai chjaʼasíñá, jméni xi ma nga jebiyaa, jósʼiaan nga nda kuiyoaa ya yaniʼya, kʼoa kao xi kjaʼaísanile.
A isʼin koanmele Niná nga koa̱nchon
Tsakui nichxin chjonangilai yaoli ánni nga kʼoasikji kjoa tjínsíni ndʼaibi. A ʼyaní nga kʼoatso je Biblia nga kʼoantjaiya jochon ndʼaibi kʼoa nga koa̱n so̱koli kjoanda xi sʼe̱.
KJOAʼMIYA 1
Jókjoantjínni xi tʼatsʼe Niná
Jósingái ji, a mandosinle Niná xi tʼatsi. Kataʼyai jokjoan Niná kʼoa jméni xi sʼiain nga koa̱nchriantʼalai.
KJOAʼMIYA 2
Tʼatsʼe Niná kinroani Biblia
Jósʼin koasenkaoli Biblia nga kuitjátojin je kjoa xi tjínli. Ánni nga koa̱n koa̱nkjainsínili je én xi tongini kinokjoa.
KJOAʼMIYA 3
Jméni xi tjínndajinle Niná xi kao Sonʼnde
A kuicho nichxin nga kuitjoson jme xi tjínndajinle Niná nga ʼndenaxó koa̱n Sonʼnde. Kʼiatsa jaon, kʼiáni kʼoakoa̱n.
KJOAʼMIYA 4
ʼYáni Jesucristo
Kataʼyai ánni nga jésíni Jesús je Mesías xi kitso Niná, jñá jaʼaini kʼoa ánni nga ʼNdíjngole Jeobá ʼmisínile.
KJOAʼMIYA 6
Jñáni tjío je kʼien
Kataʼyai jotso Biblia xi tʼatsʼe jñáni tjío xi jekʼien kʼoa ánni nga biyasíni chjota.
KJOAʼMIYA 7
Je xíngiaa xi jekʼien kjoaʼáyanile
A jesa kʼien jngo xíngi. A koaan jcha ijngokʼani. Kataʼyai jmeni xi tso Biblia nga kjoaʼáyanile je kʼien.
KJOAʼMIYA 8
Jmé xi sʼin je Chjotaxále Niná
Nʼio nkjín chjota xi be je padrenuestro. Jósʼin tsoyanile nga tso: “Katjinroa kjoatéxomali”.
KJOAʼMIYA 9
A jekui “nichxin xi kjoetʼa” tiyoaa ndʼai
Jme xi kjima ndʼaibi kʼoa josʼín chjota kui bakó nga jekui “nichxin xi kjoetʼa” tiyoaa ndʼai tojo kitso Biblia.
KJOAʼMIYA 10
Jósʼin binyakaoná ánkjele Niná kʼoa jósʼin bʼetʼaná ánkjele Na̱i
Je Biblia síkʼaxki je ánkje kao na̱i xi ndajin. A tjín kjoaixi. A koaan kuinyakaoli axo kʼoetʼali.
KJOAʼMIYA 11
Ánni nga títsjoáʼndesíni Niná nga kjoañʼai tjín
Nkjín chjota xi kʼoatso nga je Niná tjínle jée tʼatsʼe kjoañʼai xi tjín sonʼnde, jósingái ji. Kataʼyai jotso Niná anni nga tjínni kjoañʼai.
KJOAʼMIYA 12
Jósʼin mele Niná nga koanngínkoaa yaoná
Koaan kʼoasʼin koanngínkoaa yaoná josʼin sasénle Jeobá. Koaan miyole Jeobá koai̱n.
KJOAʼMIYA 13
Jchaxkuín je kjoabijnachon josʼin bexkón Niná
Jósʼin bekon Niná nga sʼetsaojenchjiʼndé ʼndílee, nga njín xinyále chjota kao kjoabijnachonle cho̱.
KJOAʼMIYA 14
Jósʼin nga nda kuiyoaa ya yaniʼya
Je xʼin, je chjoón, je xijchá kao ʼndíxti koaan skénngi je choa̱le Jesús josʼin tsakakó kjoatsjoacha. Jméni xi bakóyaná choa̱le.
KJOAʼMIYA 15
Kjoaʼyaxkón xi sasénle Niná
Jaon koya kataʼyai jotjíosʼín je xi ya tjíojin relijión xi kixi.
KJOAʼMIYA 16
Kʼoasʼin jchaxkuín Niná josʼin mele
Jmé kjoa xi tsakui nichxin sʼe̱li nga koakoyai josʼin makjainli. Jósʼin koakoyai nga tsín ʼya xi katamajtile.
KJOAʼMIYA 17
Je kjoabʼetsʼoa síchriantʼaná Niná
A nrʼoé Niná kʼianga bʼetsʼoai. Nga jchai xi tʼatsʼe jebi, títjon kjoanla kataʼyai jme xi tso Biblia xi tʼatsʼe kjoabʼetsʼoa.
KJOAʼMIYA 18
Je kjoachanisʼenngindá nda síkʼéjnaná ngixko̱n Niná
Jméni xi tjínnele sʼin je chjotale Cristo nga koa̱n koaisʼenngindá. Kataʼyai josʼin tsoyanile kʼoa jmeni xi tjínnele sʼiaan.
KJOAʼMIYA 19
Tosi tonda katasʼeli kjoatsjoachale Niná
Jósʼin koakoá nga tsjoachaa je Niná kʼoa nga bʼailee kjoanda xi tʼatsʼe jmeni xi tísʼín.
KJOAʼMIYA XI MAJNGOKAO
Jaʼaínle Niná: jósʼin machjén kʼoa jósʼin tsoyanile
Ánni nga nʼio nkjín Biblia kjiosíni xi tsín faʼaitʼa jaʼaínle Niná. Jókji chjíle nga si̱chjén jaʼaínle Niná.
KJOAʼMIYA XI MAJNGOKAO
Je Daniel tongini kʼoakitso kʼiani kjoaʼaí Mesías
Tsʼato aon siento nó tongini kʼoakitso Niná kʼiakjoanni kjoaʼaí je Mesías. Kataʼyasai xi tʼatsʼe én jebi xi tongini kinokjoa.
KJOAʼMIYA XI MAJNGOKAO
Jesucristo, jéní Mesías xi kitso Niná
Je Jesús kitjosonle ngayeje én xi tongini kinokjoa xi tʼatsʼe Mesías. Tingósonkoai kao Biblia josʼin kitjosonyeje én jebi.
KJOAʼMIYA XI MAJNGOKAO
Jokjoantjínni xi tʼatsʼe je Nʼai, je ʼNdí kʼoa kao je espíritu santo
Nʼio nkjín chjota xi kʼoasʼin makjainle nga ya Biblia bakóya xi tʼatsʼe Trinidad. A kʼoatjín kjoaixi.
KJOAʼMIYA XI MAJNGOKAO
A tjínnele nga kro sichjén je chjotale Cristo
A kro kʼientʼa kjoaixi je Jesús. Jisoa kataʼyai jotso je Biblia.
KJOAʼMIYA XI MAJNGOKAO
Je Kjoabichile Nainá: jngo kjoanikjaʼaitsjenya xi bʼasjengʼa Niná
Je chjotale Cristo tjínnele sikjaʼaitsjenya je Kjoabichile Nainá. Kʼiáni kʼoa jósʼin tjínnele sʼe̱jna.
KJOAʼMIYA XI MAJNGOKAO
A tjínná jngo “ni̱ma̱” xi bʼejnakon kʼianga jebiyaa
Nʼio nkjín chjota xi kʼoasʼin makjainle nga jngo ni̱ma̱ tjínná xi bʼejnakon kʼianga jebiyaa. Jótso Énle Niná xi tʼatsʼe jebi.
KJOAʼMIYA XI MAJNGOKAO
Jméni xi Seol kʼoa Hades ʼmi
Tjíokʼa chjota xi síkʼatoya Biblia xi “tsjó” kʼoa tsa “ʼnde jña nga títi” sʼin síkʼatoya je én xi Seol kʼoa Hades tso. Jókjoánsʼin tsoyanile nga jao én jebi.
KJOAʼMIYA XI MAJNGOKAO
Nichxin nga sijé kuenta Niná
Kataʼyai nga tse kjoanichikontʼain kʼoaile je nichxin nga sʼe̱ndajin ngatsʼi chjota xi kixi koaitʼale Niná.
KJOAʼMIYA XI MAJNGOKAO
Jmé én xi tongini kisʼetʼa Biblia xi kʼia kitjoson nga nó 1914
Jósʼin bakó Biblia nga tjín xi koan nga nó 1914.
KJOAʼMIYA XI MAJNGOKAO
ʼYáni je ánkjetítjon xi Miguel ʼmi
Je Biblia kʼoatso ʼyani je ánkjetítjon jebi. Kataʼyasai xi tʼatsʼe kʼoa jmeni xi tísʼín ndʼaibi.
KJOAʼMIYA XI MAJNGOKAO
Jméni xi “Babilonia xi nʼio je” ʼmi
Je libro xi tsʼe Apocalipsis nchjani tʼatsʼe jngo chjoón xi “Babilonia xi nʼio je” ʼmi. A ñaki jngo chjoón xi kʼoaʼmile. Jótso je Biblia.
KJOAʼMIYA XI MAJNGOKAO
A sá diciembre kitsin Jesús
Kataʼyai jomachon je sá nga kitsin Jesús. Jmé xi bakóyaná jebi.
KJOAʼMIYA XI MAJNGOKAO
A koaan chʼa̱sjee je sʼuí xi bʼasje chjota
Jñá kinroani je sʼuí xi batío chjota ya jñani tsi. Kʼianga jchai jñani kinroani tochale tokʼoakoa̱nli.