Mel̦el̦e ko kõn Bok ko ilo Baibõl̦
Men ko jemaroñ katak kaki kõn kajjojo bok ko ilo Baibõl̦.
Mel̦el̦e ko kõn Baibõl̦ Eo
Lale wãween an kajjojo bok ko ekkejel ippãn unin tõl eo el̦ap ilo Baibõl̦—wãween an naaj Aelõñ eo ikijjeen Christ Jesus kokkwõjarjar ãt eo etan Jeova.
Mel̦el̦e ko kõn Bokin Jenesis
Jenesis ej letok ñan kõj mel̦el̦e eo aorõk kõn jinoin wal̦o̦k armej im bareinwõt jinoin an wal̦o̦k eñtaan im mej.
Mel̦el̦e ko kõn Bokin Exodus
Anij ear lo̦mo̦o̦ren ri-Israel ro jãn aer kõm̦akoko ilo Ijipt im kõm̦m̦an bwe ren erom juon ri-aelõñ me em̦õj an bõk er bwe ren an.
Mel̦el̦e ko kõn Bokin Livitikõs
Lale wãween an Livitikõs kõmel̦el̦e kõn kwõjarjar eo an Anij im etke elukkuun aorõk bwe kõj make jen bar aikuj kwõjarjar.
Mel̦el̦e ko kõn Bokin Bõnbõn
Lale joñan an aorõk ñan pokake Jeova jekdo̦o̦n ta ko rej wal̦o̦k im ñan kwal̦o̦k kautiej ñan ro ear jitõñ er.
Mel̦el̦e ko kõn Bokin Duteronomi
Lale wãween an Kien eo an Jeova kwal̦o̦k an lukkuun yokwe armej ro an.
Mel̦el̦e ko kõn Bokin Joshua
Lale wãween an aelõñin Israel bõk anjo̦ im ajeje ãneo Anij ear lel̦o̦k ñan er.
Mel̦el̦e ko kõn Bokin Ri-Ekajet
Bok in obrak kõn etan em̦m̦aan ro me reperan im el̦ap tõmak eo aer me Anij ear kõjerbal er ñan lo̦mo̦o̦ren ri-Israel ro jãn ri-kõjdat ro.
Mel̦el̦e ko kõn Bokin Rut
Bokin Rut ej kõnono kõn yokwe eo an juon jiroñ me ejako l̦eo pãleen me ear kaarmejjeteik e make ñan lale jinen l̦eo kar ippãn im wãween an Jeova kõjeraam̦m̦an erro jim̦or.
Mel̦el̦e ko kõn Bokin 1 Samuel
Lale men ko rar wal̦o̦k ilo juon iien ejej uwaan ilo bwebwenatoun ri-Israel ro, jãn tõre ko an ri-Ekajet ro l̦o̦k ñan tõre ko me kiiñ ro rar irooj ioon aelõñin Israel.
Mel̦el̦e ko kõn Bokin 2 Samuel
Lale wãween an ettã bro im tõmak eo an Devid kõmman bwe en juon eo el̦ap an elõñ armej jel̦ã kake im kaurõke.
Mel̦el̦e ko kõn Bokin 1 Kiiñ
Lale iien ko me aelõñin Israel ear utiej im jeraam̦m̦an ium̦win tõl eo an Kiiñ Solomon ñan iien ko reppen me aelõñ ko ruo, Israel im Juda, rar iiooni.
Mel̦el̦e ko kõn Bokin 2 Kiiñ
Lale wãween an jum̦ae kõjorrããn aelõñ ko ituiõñ an Israel, im wãween an Jeova kõjeraam̦m̦an ro rar karejar ñane kõn juon bro eiio, meñe kar jejjo wõt iaaer.
Mel̦el̦e ko kõn Bokin 1 Kronikel
Lale bwebwenatoun mour eo an Kiiñ Devid, eo im ear mijak Anij, im ro ineen tokãlik. Jãn iien eo kar kajijete ãinwõt juon kiiñ ñan iien eo ear jako ilo mej.
Mel̦el̦e ko kõn Bokin 2 Kronikel
Lale wãween an bwebwenatoun kiiñ ro an Juda kaalikkar aorõkin ad tiljek ñan Anij.
Mel̦el̦e ko kõn Bokin Ezra
Jeova ear kajejjet kallim̦ur eo an ñan karõl̦o̦k armej ro an jãn aer jipo̦kwe ilo Babil̦on im bar karo̦o̦l kabuñ eo em̦ool ilo Jerusalem.
Mel̦el̦e ko kõn Bokin Nihimaia
Elõñ men ko rũkarejar ro an Jeova rainin remaroñ katak jãn bokin Nihimaia.
Mel̦el̦e ko kõn Bokin Ester
Men ko rar wal̦o̦k ilo raan ko an Ester renaaj kal̦apl̦o̦k am̦ tõmak im lõke bwe ewõr an Jeova Anij maroñ ñan lo̦mo̦o̦ren armej ro an jãn mãlejjoñ ko rej iiooni ilo raan kein.
Mel̦el̦e ko kõn Bokin Job
Aolep ro rej yokwe Jeova renaaj iioon mãlejjoñ. Bwebwenatoun Job ej kam̦ool bwe jemaroñ dãpij wõt ad tiljek im rejetake maroñ in tõl eo an Jeova.
Mel̦el̦e ko kõn Bokin Sam
Bokin Sam ej kwal̦o̦k im rejetake Irooj Bõtata eo an Jeova, jipañ im kaenõm̦m̦an ro rej yokwe e, im ej kwal̦o̦k an naaj lal̦ in oktak im juon pedetaij ikijjeen Aelõñ eo an.
Mel̦el̦e ko kõn Bokin Jabõn Kõnnaan
Kappok naanin kakapilõklõk jãn Anij kõn aolep men ko kwõj iiooni ilo mour eo am̦. Ñan waanjoñak, ewõr an naanin kakapilõklõk kõn wãween ad kõm̦m̦an peejnej im kõn mour in baam̦le.
Mel̦el̦e ko kõn Bokin Ekklisiastis
Kiiñ Solomon ear kwal̦o̦k kõn men ko ilo mour ko ad me el̦ap tokjãer, im ej keidi men kein ñan men ko me rej idaaptõk ippãn mãlõtlõt eo jãn Anij.
Mel̦el̦e ko kõn Al eo an Solomon
Yokwe eo em̦ool an jiroñ in Shulem eo ñan rũlale jiip eo ej ãinwõt ‘juon urur in kijeek jãn Jeova.’ Etke?
Mel̦el̦e ko kõn Bokin Aiseia
Bokin Aiseia ej kwal̦o̦k kanaan ko rar jejjet kũtieer im emaroñ kõm̦m̦an bwe en l̦apl̦o̦k am̦ lõke Jeova ãinwõt juon eo ej kajejjet kallim̦ur ko an im juon Anij in lo̦mo̦o̦r.
Mel̦el̦e ko kõn bokin Jeremaia
Jeremaia ear tiljek wõt ilo an kõm̦m̦ane jerbal eo an ãinwõt juon rũkanaan meñe ear iioon men ko reppen. L̦õmn̦ak kõn wãween an joñak eo an maroñ jipañ Kũrjin ro rainin.
Mel̦el̦e ko kõn Bokin Liaajlo̦l̦
Rũkanaan Jeremaia ear je bokin Liaajlo̦l̦. Bok in ej kwal̦o̦k kõn an Jeremaia bũrom̦õj ke ear jeepepl̦o̦k Jerusalem im ej bar kwal̦o̦k kõn an Anij tũriam̦okake ro rej ukel̦o̦k.
Mel̦el̦e ko kõn Bokin Ezekiel
Ezekiel ear kõttãik bũruon im peran ilo an kõm̦m̦ane jabdewõt jerbal Anij ear jiroñe bwe en kõm̦m̦ane, jekdo̦o̦n ewi joñan an kar lukkuun pen. Joñak eo an ekanooj in aorõk ñan kõj rainin.
Mel̦el̦e ko kõn Bokin Daniel
Daniel im RiHibru ro jilu m̦õttan rar tiljek wõt ñan Jeova meñe elõñ mãlejjoñ ko rar iiooni. Joñak ko aer im an kar jejjet kũtien kanaan ko remaroñ jipañ kõj kiiõ, ilo raan ko ãliktata.
Mel̦el̦e ko kõn Bokin Hoseia
Kanaan eo an Hoseia ej kwal̦o̦k kõn wãween ko raorõk jemaroñ katak jãn an Jeova kwal̦o̦k tũriam̦o ñan ro rej kõm̦m̦an bõd im ej bar kwal̦o̦k kõn wãween eo ekõn̦aan bwe jen kabuñ ñane.
Mel̦el̦e ko kõn Bokin Joel
Joel ear kanaan bwe “raan eo an Jeova” elukkuun epaak im ear kwal̦o̦k ta ko jej aikuj kõm̦m̦ani bwe jen maroñ bõk lo̦mo̦o̦r. Kanaan ko an relukkuun aorõk ilo raan kein ad.
Mel̦el̦e ko kõn Bokin Amos
Jeova ear kõjerbale em̦m̦aan in ettã bũruon kõn juon jerbal elukkuun aorõk. Ta eo jemaroñ katak jãn waanjoñak eo an Amos?
Mel̦el̦e ko kõn Bokin Obedaia
Bokin Obedaia ej bok eo ekadu tata ilo Jeje ko ilo kajin Hibru. Kanaan in ej letok ñan kõj kõjatdikdik im kallim̦ur eo kõn an Aelõñ eo an Jeova naaj tõl im kokkwõjarjar etan ñan indeeo.
Mel̦el̦e ko kõn Bokin Jona
Rũkanaan Jona ear katak jãn bõd eo an im kajejjet jerbal eo an, im Jeova ear katakini kõn aorõkin yokwe im tũriam̦o. Bwebwenato eo an enaaj lukkuun jipañ eok.
Mel̦el̦e ko kõn Bokin Maika
Kanaan in jãn Anij ilo bok in emaroñ jipañ kõj ñan lõke Jeova, eo im ej kajjitõk bwe jen kõm̦m̦ani men ko jemaroñi im wõr tokjãer ñan kõj.
Mel̦el̦e ko kõn Bokin Nahum
Kanaan in ej kõm̦m̦an ad lõke bwe aolep iien Jeova ej kajejjet kũtien naan eo an im ej kaenõm̦m̦an ro rej pukot aenõm̦m̦an im kõn̦aan bõk lo̦mo̦o̦r ikijjeen Aelõñ eo an.
Mel̦el̦e ko kõn Bokin Habakkuk
Jemaroñ likũt ad lõke Jeova bwe aolep iien ejel̦ã iien im wãween ta eo em̦m̦antata ñan lo̦mo̦o̦ren armej ro an.
Mel̦el̦e ko kõn Bokin Zepanaia
Etke jej aikuj kõjparok bwe jen jab bõk l̦õmn̦ak eo bwe raan eo an Jeova eban itok?
Mel̦el̦e ko kõn Bokin Haggeai
Kanaan eo ej kwal̦o̦k kõn ad aikuj likũt kõn̦aan ko an Jeova m̦okta jãn kõn̦aan ko ad make.
Mel̦el̦e ko kõn Bokin Zekaraia
Elõñ pijen im kanaan ko jãn Anij rar kõkajoor armej ro an ilo iien ko etto. Kanaan kein rej bar kakeememej kõj bwe Jeova ej jipañ wõt armej ro an rainin.
Mel̦el̦e ko kõn Bokin Malakai
Ej juon kanaan me ej kwal̦o̦k kõn an Jeova kwal̦o̦k tũriam̦o, yokwe, im bwe naanin kakapilõklõk ko an reban oktak. Kanaan in ej bar jipañ im katakin kõj men ko raorõk ilo raan kein ad.
Mel̦el̦e ko kõn Bokin Matu
Pojak in katak kõn Bok in jinointata ilo Gospel ko emãn.
Mel̦el̦e ko kõn Bokin Mark
Bokin Mark ej bok eo ekadu tata iaan aolep Gospel ko emãn, im ej kwal̦o̦k kõn men ko Jesus enaaj kõm̦m̦ani ñe enaaj Kiiñ ilo Aelõñ eo an Anij.
Mel̦el̦e ko kõn Bokin Luk
Ta ko bokin Luk ej kwal̦o̦k kaki me rejjab pãd ilo Gospel ko jet?
Mel̦el̦e ko kõn Bokin Jon
Bokin Jon ej kwal̦o̦k yokwe eo an Jesus ñan kõj armej, joñak eo an kõn ettã bõro, im ej kaalikkar bwe ej Messaia eo me enaaj kar Kiiñ in Aelõñin Anij.
Mel̦el̦e ko kõn Jerbal ko an Rijjilõk Ro
Kũrjin ro etto rar kate er ñan kõm̦m̦an ri-kal̦oor jãn aolep aelõñ. Bokin Jerbal ilo Baibõl̦ emaroñ kal̦apl̦o̦k am̦ kijejeto im itoklimo ilo jerbalin kwal̦o̦k naan.
Mel̦el̦e ko kõn Bokin Rom
Naanin tõl ko ilo lõta in rej kwal̦o̦k kõn an Jeova jab kalijekl̦o̦k im aorõkin ad kwal̦o̦k ad tõmak ilo Jesus Christ.
Mel̦el̦e ko kõn Bokin 1 Korint
Lõta in an Paul ekitibuj naanin tõl ko kõn bõrokuk, mour erreo, yokwe, im tõmak ilo jerkakpeje eo.
Mel̦el̦e ko kõn Bokin 2 Korint
Jeova, eo “ej Anij in kaenõm̦m̦an otemjej,” ej kõkajoor im jipañ ro ri-karejeran.
Mel̦el̦e ko kõn Bokin Galetia
Lõta eo an Paul ñan kar ro ilo Galetia ebar wõr tokjãn ñan kõj rainin. Emaroñ jipañ aolep Kũrjin ro rem̦ool ñan tiljek wõt.
Mel̦el̦e ko kõn Bokin Epesõs
Lõta in em̦õj kakũrm̦oole im ej kwal̦o̦k kõn karõk eo an Anij ñan bõktok bõrokuk im aenõm̦m̦an ikijjeen Jesus Christ.
Mel̦el̦e ko kõn Bokin Pilippai
Ñe jej jutak wõt pen ium̦win mãlejjoñ ko, jemaroñ kõkajoor ro jet ñan aer bar jutak wõt pen.
Mel̦el̦e ko kõn Bokin Kolosse
Jemaroñ kabuñbũruon Jeova ilo ad jerbali men ko jej katak kaki, m̦õn̦õn̦õ in jeorl̦o̦k an doon bõd, im ilo ad kile maroñ im eddo eo an Jesus.
Mel̦el̦e ko kõn bokin 1 Tessalonika
Jej aikuj ruj wõt ilo kõkkar, “kanooj etale men otemjej,” ‘ekkeini ad jar,’ im kõkajoor doon.
Mel̦el̦e ko kõn Bokin 2 Tessalonika
Paul ear kajim̦we l̦õmn̦ak ko rebõd kõn itok eo an raan eo an Jeova, im ear rõjañ rũttõmak ro jein im jatin ñan jutak wõt pen ilo tõmak.
Mel̦el̦e ko kõn Bokin 1 Timote
Paul ear je bokin 1 Timote ñan kõmel̦el̦eik laajrak ko ilo eklejia eo im ñan kakkõl er ñan kõjparok jãn katak ko reriab im arõk jããn.
Mel̦el̦e ko kõn Bokin 2 Timote
Paul ear rõjañ Timote ñan lukkuun kajejjet jerbal eo an ñan Anij.
Mel̦el̦e ko kõn Bokin Taitõs
Lõta eo an Paul ñan Taitõs ej kwal̦o̦k kõn apañ ko ilo eklejia ko ilo Krit im kwal̦o̦k wãween ñan kããlõt em̦m̦aan ro rekkar bwe ren jerbal ãinwõt ro rej lale eklejia.
Mel̦el̦e ko kõn Bokin Pailimõn
Lõta in ekadu ak el̦ap an kajoor elõñ katak ko raorõk me ej kõn ettã bõro, jouj, im jeorl̦o̦k bõd.
Mel̦el̦e ko kõn Bokin Hibru
Wãween kabuñ an Kũrjin ro ej pedped ioon men ko rel̦l̦apl̦o̦k jãn baj tampel̦ ko kõm̦m̦anin armej im katok ko rej kõm̦m̦ani kõn menninmour.
Mel̦el̦e ko kõn Bokin Jemes
Jemes ear kõjerbal naan ko jemaroñ pijaikl̦o̦k ñan katakin kõj kõn naanin kakapilõklõk ko raorõk ñan juon Kũrjin.
Mel̦el̦e ko kõn Bokin 1 Piter
Lõta eo an Piter kein kajuon ej rõjañ kõj ñan niknik wõt im ñan likũt aolepen men ko jej eddodo kaki ippãn Anij.
Mel̦el̦e ko kõn Bokin 2 Piter
Lõta eo an kein karuo ej rõjañ kõj ñan tiljek wõt ilo ad kõttaretok lañ ko rekããl im lal̦ eo ekããl.
Mel̦el̦e ko kõn Bokin 1 Jon
Lõta eo an Jon ej kakkõl kõj kõn ri-jum̦ae Christ im ej jipañ kõj ñan kile ta ko jej aikuj yokwi im ta ko jejjab aikuj yokwi.
Mel̦el̦e ko kõn Bokin 2 Jon
Lõta eo an Jon kein karuo ej kakeememej kõj ñan wõnm̦aanl̦o̦k im etetal wõt ilo m̦ool eo im ñan kõjparok jãn ri-etao ro.
Mel̦el̦e ko kõn Bokin 3 Jon
Lõta eo kein kajilu an Jon ej kwal̦o̦k juon men el̦ap an em̦m̦an kõn an Kũrjin ro kwal̦o̦k karwainene.
Mel̦el̦e ko kõn Bokin Jud
Jud ear kajedmatmat wãween ko renana an ro me rar kajjioñ m̦on̦e ak ko̦kkure Kũrjin ro.
Mel̦el̦e ko kõn Bokin Revelesõn
Pijen ko rekabwilõñlõñ ilo bokin Revelesõn rej kwal̦o̦k kõn wãween an Aelõñ eo an Anij naaj kajejjet karõk eo an Anij kõn armej ro im lal̦ in.
