Baibil wina smalkanka nani lan takisna
Bukka na pas piua sturka mamrikbia, blasi paskanka ba, Jisas aisubanka ba bara Gâd Kingka Lâka ba sin.
Tâ Bri Daknika wina Wauhkataya kum
Naha bukka na nahki stadi munaia sip sa
SMALKANKA 1
Gâd heven bara tasba paskisa
¿Dîa muni Jehova diara wala nani kau paskras kainara, insal aihka pranakira kum paskan?
SMALKANKA 2
Gâd paskisa pas waitna bara mairin ra
Gâd Adam bara Iv paski Eden giadinka ra mangkisa. Witin brin dauki kan pamali kum takbia bara tasba ba paradais kum ra lakbia.
SMALKANKA 3
Adam bara Iv Gâd ra bîla walras
¿Dîa painkira bri kan Eden giadinka dusa kum ba? ¿Dîa muni Iv ai mâ ba wina pin?
SMALKANKA 4
Kupia uba baiwi ai muihni ra ikan
Gâd Abel prisantka brin, Ken dukia ba lika apia. Ken baha nu takan taim, ai kupia uba baikan bara ningkara diara saura pali kum daukan.
SMALKANKA 5
Noa arkka ba
Bîla walras insalka nani mairin nani wal marit takan bara luhpa prautkira bara tarka tara nani baikan. Praut lâka plis sut ra bâra kan. Kuna Noa Gâd ra latwan kaiki bara bîla wali kan.
SMALKANKA 6
Upla 8 raya takaskan
Lisamra tara, lî auhi kan kakna 40 bara tihmia 40. Noa bara ai pamali mani kum pura ark bilara takaskan. Las kat sip kan taki banhwaia.
SMALKANKA 7
Babel tawarka ba
Upla nani trai kaikan tawan kum paskaia tauar kum wal kasbrika alkaia prais kat. ¿Dîa muni Jehova munan bîla sât sât aisabia ban wina?
SMALKANKA 8
Ebraham bara Sara Gâd ra bîla walisa
¿Dîa muni Ebraham bara Sara tawan tara wina takan plis kum wina plis wala ra impakaia Kenan tasbaya ra?
SMALKANKA 9
¡Nanara lika luhpa kum baikan!
¿Nahki daukbia Jehova Ebraham ra pramis munan ba? ¿Aisak apia kaka Ismael bâk?
SMALKANKA 10
Lot maya ra kupiam krauks
Gâd yan sulpa bara pauta klahwan auhbia Sodoma bara Gomora purara. ¿Dîa muni sauhkan baha tawanka nani? ¿Dîa muni wan kupia kraukaia sa Lot maya ra
SMALKANKA 11
Kasak lukan lâka aihwa kum marikisa
Gâd makabisa Ebraham ra: “Pliskam pali, luhpiam unhsak ba Moria ilka ra sakripais dauks”. ¿Nahki pura lubia baha kasak lukan lâka tânka kaikanka ba?
SMALKANKA 12
Jekob brin diara pahni ba
Aisak bara Rebeca sutki baikisa, Isau bara Jekob nina mâkan. Kan Isau pas aisuban na ra, diara pahni painkira kum briaia kan. ¿Dîa muni plun plit kum mana chens munisa?
SMALKANKA 13
Jekob bara Isau kupia kumi takisa
¿Dîa daukan Jekob insal kum blisinka briaia dukiara? ¿Nahki Jekob Isau wal kupia kumi takisa?
SMALKANKA 14
Alba kum Gâd ra bîla walisa
Josep diara pain daukisa, kuna, pât ailal wahwisa. ¿Dîa muni?
SMALKANKA 15
Jehova Josep ra ai âuya tikras
Josep ai pamali wina laihura sa kuna, Jehova witin wal sa piu bani.
SMALKANKA 17
Moses Jehova ra mayunaia saki brisa
Bibi Moses ba swak takisa ai yaptika kan kahbanka ba wal.
SMALKANKA 19
Klala yumhpa pas nani ba
Fero uba tara puli bîla walras kan, ba mita ai uplika nani trabil ra dingkan.
SMALKANKA 20
Kau klala wala nani 6
¿Dîa muni naha klalka nani sât wala kan klala yumhpa pas nani ba wal?
SMALKANKA 22
Sain tara ba kabu pauni ra
Klala 10 ra fero pruras kan, kuna ¿Gâd naha dukia aihkakira daukan ra pruras kabia ki?
SMALKANKA 23
Jehova ra pramis kum dauki banhwisa
Israel uplika nani Gâd ra pramis aihkakira kum daukisa Sainai ilka plahpia ra takaski ba ra.
SMALKANKA 24
Ai pramiska dauki banhras
Gâd Moses ra Lâ 10 yabi kan taim, upla nani ba saurka saura pali ba daukisa.
SMALKANKA 25
Gâd ra mayunaia dukiara tint watla kum
Naha tintka watla aihkakira ra, lâ auhbaika watla bâra kan.
SMALKANKA 26
Biki kakaira nani 12 ba
Jasua bara caleb sât wala kan waitna 10 nani ba wal Kenan tasbaya ra biki kaikaia wan ba.
SMALKANKA 27
Jehova mapara buisa
Coré, Datán, Abiram bara 250 waitna wala nani Jehova dukiara tânka tara kum nu takras sa.
SMALKANKA 29
Jehova Jasua ra wahbi sakisa
Gâd Jasua ra adar nani yabisa yawan ra sin sip sa hilp wan munaia.
SMALKANKA 30
Rahab biki kakaira nani ra yukukisa
Jeriko kutbanka nani ba slingwisa. Rahab watla ba slingwras sa, kutbanka ra kan sakuna.
SMALKANKA 31
Jasua bara Gabaón uplika nani
Jasua Gâd ra makabisa lapta ba takaskbia. ¿Gâd ansa munisa ai pura sunra ba?
SMALKANKA 32
Tâ upla raya kum bara mairin kupia karnakira wâl
Jasua pruisa, Israel uplika nani aidul ra mayunisa. Baha trabil bri balisa, kuna wihta Barac, hilp munanka brisa, prapit mairin Débora bara Jael ai tintka watla dusa tatwa wal.
SMALKANKA 33
Rut bara Noemí
Piarka wâl Israel ra tawi aula. Baha mairka nani tila wina kum, Rut, insla kum ra wark takaia wan. Bahara Booz ra kakaira takisa.
SMALKANKA 34
Gedeón Madián uplika nani ra pura luisa
Israel uplika nani Jehova ra hilp makabisa kan Madián uplika nani mita saura munisa. ¿Nahki Gedeón suldiarka wiria ba ai waihla 135.000 ra pura luisa?
SMALKANKA 35
Ana Jehova ra luhpa waitna kum makabisa
Elcaná, Ana, Peniná bara ai luhpia nani brih wisa tint watla Siló ra Gâd ra mayunaia. Bahara, Ana Jehova ra luhpa waitna kum makabisa. Mani kum ningkara, Samuil aisubi takisa.
SMALKANKA 36
Jefté pramiska ba
¿Jefté dîa pramis munisa? ¿Dîa muni baha pramiska daukan? ¿AI luhpia mairin nahki daukan ai aisa pramis daukan ba nu takan taim?
SMALKANKA 37
Jehova Samuil ra aisisa
Prîs tara Elí luhpia waitna nani ba tint watla ra prîs nani sa. Gâd lâka nani alki daukras sa. Wahma Samuil sât wala sa, bara tihmia kum Jehova witin ra aisisa.
SMALKANKA 38
Jehova Samson ra karnika yabisa
Gâd Samson ra karnika yabisa Filisteo uplika nani mapara aiklabia dukiara, kuna Samson daukaia lukanka saura kum brin taim, Filisteo uplika nani alkisa.
SMALKANKA 39
Israel kingka pas ba
Gâd Israel uplika nani ra wihta nani yabisa tâ pahbia dukiara, kuna witin nani king kum makabisa. Samuil Saúl ra batana laya laikisa pas king kabia dukiara, ningkara Jehova lulki swisa, ¿dîa muni?
SMALKANKA 40
Debit bara Goliat
Jehova Debit ra bâk sakisa Israel kingka wala kabia dukiara, Debit marikisa witin king pain kum kabia.
SMALKANKA 41
Debit bara Saúl
Waitna saura kum waitna pain kum ra misbara kaikisa. ¿Waitna pain ba nahki pana munisa?
SMALKANKA 44
Jehova dukiara tempel kum
Gâd yamni kaikisa king Salaman makabi ba, bara wark tara mihta ra mangkisa.
SMALKANKA 46
Jehova marikisa witin kasakkira Gâdka sa
¿Gâd kasakkira ba ya sa? ¿Jehova apia kaka Baal?
SMALKANKA 49
Kwin mairin saura kum ai klalka brisa
Jezabel Israel uplika kum nina Nabot ra luki daukisa ikaia wain nasla kum implikaia dukiara. Kuna Jehova ai saurka ba kaikisa.
SMALKANKA 50
Jehova ai waihla nani wina Josafat ra kan kahbisa
Josafat king pain ba Gâd ra ai pura suni hilp makabisa nisan waihla nani Juda mapara aiklabi sa taim.
SMALKANKA 51
War aiklaklabra ba bara tuktan mairin ba
Israel tuktika mairin kum ai dawanka mairin ra Jehova karnika dukiara aisisa. Baha mita, diara aihkakira kum takisa.
SMALKANKA 52
Jehova war aiklaklabrika nani ba pauta klauhi baku sa
¿Nahki ai tânka brin Eliseo hilp mamunra ba witin nani wal war aiklaklabra kau ailal sa ai waihla nani ba wal?
SMALKANKA 54
Jehova, Jona wal ai kupia alki takaskisa
¿Gâd prapitka ra dîa muni inska tarka tara kum langkisa? ¿Jona nahki swak takisa? ¿Jehova dîa lisinka nani smalkisa?
SMALKANKA 55
Jehova insalka ba Ezequías ra kan kahbisa
Juda waihla nani ba wisa Jehova ai uplika nani kan kahbia apia, kuna mistik takisa.
SMALKANKA 56
Josías Gâd lâka ba latwan kaikisa
Josías 8 mani bri kan taim Juda ra king aimakisa bara Jehova ra kli mayunaia tawan ra hilp munisa.
SMALKANKA 57
Jehova Jirimaya ra smalkaia blikisa
Prapit wahma smalkanka ba Juda almukka nani kupia baikisa.
SMALKANKA 58
Jerusalem sauhkanka ba
Juda uplika nani gâd bahki nani ra ban mayunisa, ba mita Jehova lulki swisa.
SMALKANKA 59
Wahma 4 ba Jehova bîla wali daukisa
Ju wahmika nani wilin sa Jehova ra kasak kaia, Babilon kingka mawan kat sin.
SMALKANKA 60
King lâka kum ban kaia ra ban kabia
Daniel Nabucodonosor yapri sauhkanka aihka tânka ba marikisa.
SMALKANKA 61
Lilka ba mawan ra bawi banhras sa
Sadrac, Mesac bara Abednego Babilon kingka lilkika gul ba mayunras sa.
SMALKANKA 62
King lâka kum ba dus tara kum baku sa
Nabucodonosor yapri sauhkanka ba naika dîa takbia ba param sakisa.
SMALKANKA 63
Utla bila kutbanka ra ulbanka ba
¿Ahkia bîla blikanka aihka ba utla tnaya ra takisa?¿Bara dîa tânka sa?
SMALKANKA 66
Esdras Gâd lâka ba upla nani ra smalkisa
Israel uplika nani Esdras ra walan taim, pramis pain kum Gâd ra daukisa.
SMALKANKA 67
Jerusalem kutbanka tara nani ba
Nihimaya nu takisa ai waihla nani ai mapara aiklabaia want sa. ¿Dîa muni sibrin briras?
SMALKANKA 68
Elisabet bibi kum baikisa
¿Elisabet maya ba ai luhpia waitna aisubia kat dîa muni turi aisaras kabia?
SMALKANKA 69
Insal Gabriel ba Meri ra wih kaikisa
Meri bîla blikanka kum brin ba mita rayaka chens munan sa.
SMALKANKA 70
Jisas aisubanka ba insal nani maisa pakisa
Sepad nani bîla blikan ba walan taim isti pali wih Jisas ra kaikisa.
SMALKANKA 73
Jan Jisas ra yabalka ridi daukisa
Jan prapit kum sa Misaya balaia ba maisa pakisa. ¿Ai smalkanka walan taim upla nani dîa daukisa?
SMALKANKA 74
Nanara Jisas sika Misaya ba
¿Jan Jisas ra Gâd sîpka luhpia sa win taim dîa wiaia want kan?
SMALKANKA 75
Dibil ba Jisas ra traika kaikisa
Dibil ba Jisas ra aima yumhpa traika kaikisa. ¿Traika kaikanka yumhpa ba ani nani sa? ¿Jisas dîa win?
SMALKANKA 76
Jisas tempel ba klin munisa
¿Jisas dîa muni tempel wina daiwan nani sakisa bara lalah chens muni tibilka nani batakisa?
SMALKANKA 77
Jisas liwanhta kum ra mairin kum wal aisisa
¿Sameria mairka kum Jekob layawanhta ra auya ba dîa muni Jisas witin ra aisi ba sirang iwisa? Jisas Sameria mairka ra diara upla ra wiras kan ba wisa, ¿dîa sa?
SMALKANKA 78
Jisas King Lâka sturka ba smalkisa
Jisas “upla âialkra kaia” ai disaipilka kum kum nani ra paiwisa. Ba wina, sturi yamni blîkanka kum smalkaia dukiara ai nina blablikra 70 ridi daukisa.
SMALKANKA 79
Jisas sain nani ailal daukisa
Ani anira Jisas auya ba ra, sikniskira nani Jisas ra hilp makabisa, bara witin rakisa. Tuktan mairin kum ra kat sin pruan wina bukisa.
SMALKANKA 80
Jisas apastil 12 nani ra wahbi sakisa
¿Dîa dukiara wahbi sakisa? ¿Ai nina nani kupiam krawisa?
SMALKANKA 83
Jisas upla tausin nani ra plun dakakisa
¿Jisas bara Jehova dukiara naha sainka dîa wan smalkisa?
SMALKANKA 85
Jisas sabat yua ra upla rakisa
¿Jisas diara dauki ba dîa muni upla kum kum ba laik apia sa?
SMALKANKA 86
Jisas Lasarus ra pruan wina bukisa
Jisas Meri ini ba kaikan taim, witin sin inisa. Sari lâka ba lilia lâka ra tawisa.
SMALKANKA 87
Jisas tutnika pata las ba
Jisas tutni pata las ra ai apastilka nani ra smalkanka tara nani yabisa.
SMALKANKA 88
Jisas ra alkisa
Jisas ra alkbia dukiara upla dakni kum ispara bara dus nani ai mihta ra bri ba Judas Iskariot Getsemani giadinka ra tâ brih auya.
SMALKANKA 89
Pita Jisas ra kaikras wisa
¿Keyapas watla latka ra dîa takisa? ¿Watla bilara Jisas ra dîa takisa?
SMALKANKA 91
Jisas pruan wina buanka ba
¿Jisas pruan wina buan ningkara dîa dukia aihkakira nani takisa?
SMALKANKA 92
Jisas inska mamiskra nani ra param takisa
¿Witin nani kaikbia dukiara Jisas dîa daukisa?
SMALKANKA 93
Jisas heven ra kli auya sa
Daukras kainara, ai disaipilka nani ra smalkanka tara nani yabisa.
SMALKANKA 94
Disaipil nani ba spirit holikira brisa
¿Spirit holikira hilpka ba wal dîa sain karnika brisa?
SMALKANKA 95
Diara kumi sin witin nani ra alki takaskras sa
Jisas ra ikan rilidian tâ uplika nani ba disaipil nani bîla prakaia trai kaikisa, kuna sip daukras sa.
SMALKANKA 96
Jisas Saulo ra wahbi sakisa
Saulo rau sasauhkra sa bara kristian nani waihla, kuna ba wina chens takisa.
SMALKANKA 98
Kristian nani ba kuntri ailal ra wisa
Pal bara ai pânika misan uplika nani ba tasba laihura nani ba smalkaia tâ krikisa.
SMALKANKA 99
Silak watla main kaiki uplika kum kasak tânka ba lan takisa
Naha sturka ra, ¿pirit saura, tasba nikban bara ispara kum dîa brisa?
SMALKANKA 101
Pal Rom ra brih wisa
Ai impakanka ba trabil ailal brisa, sakuna apastil Pal ra diara kumi alki takaskras sa.
SMALKANKA 103
“Man king aimakaia ba yarka balbia”
Gâd Kingka Lâka tasba ra kabia taim rayaka ba nahki kabia ba Jan param marikanka kum ra kaikan.
