Bõe la d tõe n bãng Biiblã pʋgẽ?

B yiisa seb-kãngã n na n sõng yãmb tɩ y paam sogsg kẽer leoor Biiblã pʋgẽ. Wala makre, bõe yĩng tɩ ninsaalbã namsdẽ, ned sã n ki, a tɩ vɩɩ zĩig a to bɩ, la bõe la y tõe n maan tɩ y zakã pʋgẽ vɩɩm yɩ noogo, la sogsg a taaba.

Wẽnnaam datame tɩ d vɩɩmã yɩ wãn-wãna?

Tõe tɩ y sokda y meng bõe yĩng tɩ zu-loeesã yaa wʋsg rũndã-rũndã. Biiblã wilgdame tɩ ka la bilfu, Wẽnnaam na n maana bũmb n yols ãdem-biisã ne namsgã, bãasã la kũumã.

SAK A 1

D bao n bãng Wẽnnaam sõma

Yãmb tagsdame tɩ tõnd yell paka Wẽnnaam bɩ? Bao-y n bãng-y a sẽn yaa Wẽnnaam ning buudã, la y sẽn tõe n maan n lebg a zoa.

SAK A 2

Biiblã yaa Wẽnnaam sebre

Wãn to la Biiblã tõe n sõng yãmb tɩ y mao ne y zu-loeesã? Bõe yĩng tɩ d tõe n tẽ a bãngr-goamã?

SAK A 3

Wẽnnaam datame tɩ ninsaalbã vɩɩm yɩ wãna?

Dũniyã gill sã n wa lebg arzãna, vɩɩmã na n yɩɩ wãn-wãna?

SAK A 4

Yãmb mii a Zeezi Kiris sõma bɩ?

Bao-y n bãng-y bũmb nins sẽn kɩt tɩ yaa a Zeezi la Mesi wã, a sẽn yitẽ, la a sẽn yaa Wẽnnaam bi-ribl sẽn ka to wãvõore.

SAK A 5

A Zeezi maoongã yaa Wẽnnaam kũun sẽn ka to

A Zeezi maoongã yaa bõe? Wãn to la tõe n naf tõndo?

SAK A 6

Ned sã n ki, a tɩ vɩɩ zĩig a to bɩ?

Bao-y n bãng-y Biiblã sẽn yet sẽn ki-bã wɛɛngẽ, la bũmb ning sẽn kɩt tɩ ninsaalbã kiidẽ wã.

SAK A 7

Sẽn ki-bã na n wa vʋʋgame!

Ned yãmb sẽn nong zoe n maana kaalem bɩ? Y na n wa paam n le yã-a lame bɩ? Bao-y n bãng-y Biiblã sẽn yet kũum vʋʋgrã wɛɛngẽ.

SAK A 8

Wẽnnaam Rĩungã yaa bõe?

Neb wʋsg mii pʋʋsg ning a Zeezi sẽn wilg a karen-biisã. A sẽn yeel tɩ d pʋʋs tɩ Wẽnnaam soolmã wa wãrat n yeelame tɩ bõe?

SAK A 9

Dũniyã saab kolgame bɩ?

Y na n bãngame tɩ yel-manesem la zʋg nins nebã sẽn tarã wilgdame tɩ d vɩɩ dũniyã saab wakate, wa Biiblã sẽn deng n togsã.

SAK 10

Biiblã sẽn yet malɛgsã ne zĩn-dãmbã zugu

Biiblã pʋgẽ, b gomda malɛgs la zĩn-dãmb yelle. B sɩd beeme bɩ? B tõe n sõnga tõnd bɩ n maan tõnd wẽng bɩ?

SAK 11

Bõe yĩng tɩ ninsaalbã namsd wʋsgo?

Neb wʋsg tagsdame tɩ dũniyã sẽn pid ne namsgã yaa Wẽnnaam yelle. Yãmb tagsg yaa bõe? Bao-y n bãng-y Biiblã sẽn wilgd sẽn sɩng to-to tɩ namsgã la toogã wa beẽ wã.