Ña̱ sákuaʼayó nu̱ú Biblia
Ña̱ libro yóʼo chindeéña yóʼo ña̱ va̱ʼa kunda̱a̱-iniún xa̱ʼa, tá na̱kuva̱ʼa ñuyǐví yóʼo, tá ka̱ku ta̱ Jesús xíʼin ña̱ káʼa̱n xa̱ʼa Reino Ndióxi̱.
Carta na̱ Cuerpo Gobernante
¿Ndáa ki̱ʼva kaʼvina ña̱ libro yóʼo?
LECCIÓN 1
Ndióxi̱ i̱xava̱ʼa ndiví xíʼin ñuʼú
Ña̱ Biblia káʼa̱nña xa̱ʼa Ndióxi̱ ña̱ i̱xava̱ʼara ndiví xíʼin ñuʼú. ¿Nda̱chun siʼnaka iin ta̱ ángel ke̱ʼé Ndióxi̱ tá kúma̱níka keʼéra ndiʼika inka ña̱ʼa?
LECCIÓN 2
Ndióxi̱ i̱xava̱ʼara ta̱a xíʼin ñaʼá
Ndióxi̱ i̱xava̱ʼara ta̱a xíʼin ñaʼá ta chi̱ndoorana nu̱ú ñuʼú livi ña̱ Edén. Xi̱kuni̱ra ña̱ koo se̱ʼena ta ndasalivina iníísaá nu̱ú ñuʼú.
LECCIÓN 3
Ta̱ Adán xíʼin ñá Eva kǒo níkandíxakana Ndióxi̱
¿Nda̱chun síín ni̱xi̱yo iin yitu̱n tú xi̱ndichi chí ma̱ʼñú ñuʼú livi ña̱ Edén? ¿Nda̱chun xa̱xí ñá Eva tí ku̱i̱ʼi yóʼo?
LECCIÓN 4
Ni̱sa̱a̱níra ta nda̱a̱ xa̱ʼníra ñanira
Ndióxi̱ nda̱kiʼinvara ña̱ʼa ña̱ ta̱xi ta̱ Abel ndaʼa̱ra soo va̱ása níndakiʼinra ña̱ʼa ña̱ ta̱xi ta̱ Caín ndaʼa̱ra. Tá na̱kunda̱a̱-ini ta̱ Caín xa̱ʼa ña̱yóʼo ni̱sa̱a̱níra ta nda̱a̱ xa̱ʼníra ñanira.
LECCIÓN 5
Arca ta̱ Noé
Na̱ ángel na̱ kǒo níkandíxaka ña̱ káʼa̱n Ndióxi̱ ti̱ndaʼa̱na xíʼin ná ñaʼá ta ka̱ku se̱ʼena xíʼinná, súkunní ni̱xi̱yona ta xi̱kutóonína kanitáʼanna. Iníísaá nu̱ú ñuʼú ni̱xi̱yo tu̱ndóʼo. Soo ta̱ Noé xi̱kuni̱níra xi̱xinira Ndióxi̱ ta xi̱keʼéra ndiʼi ña̱ xi̱ka̱ʼa̱nra.
LECCIÓN 6
U̱na̱ na̱ yiví ni̱ka̱ku
Sa̱vi̱ kini ko̱onra ki̱ʼva 40 ki̱vi̱ ta 40 ñu̱ú. Ta̱ Noé xíʼin na̱ veʼera ki̱ʼva iin ku̱i̱ya̱ xi̱ñuʼuna ini tú arca. Tasaá ni̱ka̱ʼa̱n Jehová xíʼinna ña̱ kivi keena.
LECCIÓN 7
Veʼe káʼnu ñuu Babel
Na̱ yiví xi̱kuni̱na ixava̱ʼana iin veʼe káʼnu ta ná xa̱a̱ xi̱níña nda̱a̱ chí ndiví. ¿Nda̱chun na̱sama Jehová tu̱ʼunna?
LECCIÓN 8
Ta̱ Abrahán xíʼin ñá Sara ka̱ndíxana Ndióxi̱
¿Nda̱chun sa̱ndákoo ta̱ Abrahán xíʼin ñá Sara ñuu nu̱ú xi̱ndoona ta ku̱a̱ʼa̱nna chí ñuu Canaán?
LECCIÓN 9
Nda̱a̱ vitinví ka̱ku iin se̱ʼena
¿Nda̱saa saxínu Jehová ña̱ ni̱ka̱ʼa̱nra xíʼin ta̱ Abrahán? ¿Ndáana kuniñú’ura ña̱ va̱’a saxínuraña ta̱ Isaac á ta̱ Ismael?
LECCIÓN 10
Ndakaʼánndó xa̱ʼa ñá síʼí ta̱ Lot
Ndióxi̱ sa̱kóonra ñuʼu̱ sa̱tá ñuu Sodoma xíʼin ñuu Gomorra. ¿Nda̱chun sa̱ndiʼi-xa̱ʼara ña̱ ñuu kán? ¿Nda̱chun xíniñúʼu ndakaʼányó xa̱ʼa ñá síʼí ta̱ Lot?
LECCIÓN 11
Ndióxi̱ xi̱tondosóra ta̱ Abrahán
Ndióxi̱ ni̱ka̱ʼa̱nra xíʼin ta̱ Abrahán: “Kúaʼán xíʼin se̱ʼún ta̱ Isaac yuku̱ nu̱ú ñuu Moria ta kán kaʼníúnra”. ¿Ndáaña keʼé ta̱ Abrahán xa̱ʼa ña̱yóʼo?
LECCIÓN 12
Ta̱ Jacob nda̱kiʼinra herencia
Ta̱ Isaac xíʼin ñá Rebeca ka̱ku u̱vi̱ se̱ʼena na̱ kúáti, ta̱ naní Esaú xíʼin Jacob. Siʼna ta̱ Esaú ka̱ku xa̱ʼa ña̱yóʼo ta̱ Esaú xíniñúʼu ndakiʼinra iin herencia. ¿Soo nda̱chun na̱sa̱maraña?
LECCIÓN 13
Nda̱kutáʼan ta̱ Jacob xíʼin ta̱ Esaú
¿Ndáaña ke̱ʼé ta̱ Jacob ña̱ va̱ʼa ta̱xi iin ángel bendición ndaʼa̱ra? ¿Ndáaña ke̱ʼé ta̱ Jacob ña̱ va̱ʼa kǒo níkanitáʼanra xíʼin ta̱ Esaú?
LECCIÓN 14
Iin ta̱ esclavo ke̱ʼéra ña̱ ni̱ka̱ʼa̱n Ndióxi̱
Ta̱ José ña̱ va̱ʼa kéʼéra soo ndóʼo tá ndóʼovara tu̱ndóʼo. ¿Nda̱chun?
LECCIÓN 15
Jehová kǒo nínandósó-inira xa̱ʼa ta̱ José
Ni xíka íyo ta̱ José nu̱ú na̱ veʼera íyova Jehová xíʼinra.
LECCIÓN 17
Ta̱ Moisés nda̱kanixi̱níra ndasakáʼnura Jehová
Ta̱ Moisés ni̱kakura xa̱ʼa ña̱ ke̱ʼé siʼíra.
LECCIÓN 21
Tu̱ndóʼo ña̱ u̱xu̱
Ta̱ faraón kúúra iin ta̱a ta̱ kúta̱aní-ini soo tá ki̱xi ña̱ tu̱ndóʼo ña̱ u̱xu̱ nda̱kava-inira.
LECCIÓN 22
Milagro ña̱ kúú chí mar Rojo
Ki̱xi u̱xu̱ tu̱ndóʼo nu̱ú ta̱ faraón, soo ¿á kuchiñura ya̱ʼara nu̱ú ña̱yóʼo?
LECCIÓN 23
Chíka̱a̱na iin trato nu̱ú Jehová
Na̱ ñuu Israel chi̱ka̱a̱na iin trato nu̱ú Jehová tá ndóona chi yuku̱ Sinaí.
LECCIÓN 24
Va̱ása níkeʼéna ña̱ ni̱ka̱ʼa̱nna
Tá ta̱xi Ndióxi̱ ley ndaʼa̱ ta̱ Moisés, na̱ ñuu Israel ke̱ʼéna iin ña̱ va̱ása va̱ʼa.
LECCIÓN 26
12 ta̱a ni̱xa̱ʼa̱n xi̱tose̱ʼé
Ta̱ Josué xíʼin ta̱ Caleb síín ni̱xi̱yona nu̱ú na̱ u̱xu̱ ta̱a na̱ ni̱xa̱ʼa̱n xi̱tose̱ʼé ñuu Canaán.
LECCIÓN 27
Kǒo ní ixato̱ʼóna Jehová
Ta̱ Coré, ta̱ Datán, ta̱ Abiram xíʼin inka 250 na̱ ta̱a kǒo níkunda̱a̱-inina nda̱saa íyo Jehová.
LECCIÓN 29
Jehová nda̱ka̱xinra ta̱ Josué
Ña̱ ni̱ka̱ʼa̱n Ndióxi̱ xíʼin ta̱ Josué kivi chindeétáʼantuña xíʼinyó vitin.
LECCIÓN 30
Ñá Rahab chi̱se̱ʼéñá u̱vi̱ ta̱a
Ndúva nama̱ ñuu Jericó. Va̱ása nínduva veʼe ñá Rahab tá ndu̱va nama̱ ñuu Jericó.
LECCIÓN 31
Ta̱ Josué xíʼin na̱ ñuu Gabaón
Ta̱ Josué ni̱ka̱ʼa̱nra xíʼin Ndióxi̱ ña̱ ná kundichi ñu̱ʼu. ¿Á ke̱ʼé Ndióxi̱ ña̱ ni̱ka̱ʼa̱nra?
LECCIÓN 32
U̱vi̱ ná ñaʼá xíʼin iin ta̱a ta̱ ndakú-ini
Tá ni̱xi̱ʼi̱ ta̱ Josué na̱ ñuu Israel ki̱xaʼána ndásakáʼnuna ndióxi̱ vatá. Ña̱kán ndo̱ʼonína tu̱ndóʼo, soo ta̱ juez Barac chi̱ndeétáʼan xíʼinna saátu ñá Débora xíʼin ñá Jael.
LECCIÓN 33
Ñá Rut xíʼin ñá Noemí
U̱vi̱ ná ñaʼá ná ni̱xi̱ʼi̱ yií ndi̱kóná ñuu Israel. Iin ñáyóʼo kúú ñá Rut, ni̱xa̱ʼa̱nñá ka̱chíñuñá xíʼin ta̱ Boaz ta kán xi̱nirañá.
LECCIÓN 34
Ta̱ Gedeón na̱kuchiñura xíʼin na̱ ñuu Madián
Na̱ ñuu Israel ndúkúna ndée nu̱ú Jehová chi na̱ ñuu Madián kúni̱na kaʼníñaʼána. ¿Ndáaña ke̱’é na̱ soldado ta̱ Gedeón ña̱ va̱’a ku̱chiñuna xíʼin na̱ 135,000 soldado ñuu Madián?
LECCIÓN 35
Ñá Ana ndúkúñá iin se̱ʼeñá nu̱ú Jehová
Ta̱ Elcaná ku̱a̱ʼa̱nra xíʼin ñá Ana, xíʼin ñá Peniná xíʼin na̱ va̱lí se̱ʼeñá ña̱ ndasakáʼnuna Ndióxi̱ tabernáculo ña̱ íyo chí ñuu Siló. Yóʼo kúú nu̱ú ndúkú ñá Ana iin se̱ʼeñá nu̱ú Jehová. Tá ni̱ya̱ʼa iin ku̱i̱ya̱ ka̱ku ta̱ Samuel.
LECCIÓN 36
Ña̱ ni̱ka̱ʼa̱n ta̱ Jefté keʼéra
¿Ndáaña ni̱ka̱ʼa̱n ta̱ Jefté keʼéra? ¿Nda̱chun ni̱ka̱ʼa̱nra saá? ¿Ndáaña ndo̱ʼo ñá se̱ʼe ta̱ Jefté tá na̱kunda̱a̱-iniñá ña̱ ni̱ka̱ʼa̱nra keʼéra?
LECCIÓN 37
Jehová káʼa̱nra xíʼin ta̱ Samuel
Na̱ se̱ʼe ta̱ su̱tu̱ káʼnu Elí su̱tu̱ ni̱xi̱yotu na̱yóʼo ini ña̱ tabernáculo. Va̱ása níkandíxana ley Ndióxi̱. Ta̱ loʼo Samuel síín ni̱xi̱yora, ta iin ñu̱ú Jehová ni̱ka̱ʼa̱nra xíʼinra.
LECCIÓN 38
Jehová táxira ndée ndaʼa̱ ta̱ Sansón
Ndióxi̱ ta̱xira ndée ndaʼa̱ ta̱ Sansón ña̱ kanitáʼanra xíʼin na̱ ñuu Filistea, soo tá va̱ása níxiniso̱ʼo ta̱ Sansón, ti̱innara.
LECCIÓN 39
Ta̱ nu̱ú rey na̱ ñuu Israel
Ndióxi̱ táxira na̱ juez ña̱ kuniʼina yichi̱ nu̱ú na̱ ñuu Israel, soo na̱yóʼo kúni̱na iin rey. Ta̱ Samuel ndáka̱xinra ta̱ Saúl ña̱ koora ta̱ rey nu̱ú; soo tándi̱ʼi kǒo níxiinka Jehová kuniñaʼára, ¿nda̱chun?
LECCIÓN 40
Ta̱ David xíʼin ta̱ Goliat
Jehová ndáka̱xinra ta̱ David ña̱ koora rey ñuu Israel, ta̱ David náʼa̱ra ña̱ kuura iin rey va̱ʼa.
LECCIÓN 41
Ta̱ David xíʼin ta̱ Saúl
Iin ta̱a ta̱ ndi̱va̱ʼa-ini sáa̱-inira xínira ta̱ va̱ʼa. ¿Ndáaña kéʼé ta̱ va̱ʼa-ini?
LECCIÓN 43
Ku̱a̱chi ña̱ ni̱ki̱ʼvi ta̱ rey David
Xa̱’a iin ña̱ va̱ása va̱ʼa ke̱ʼéra ku̱a̱ʼání tu̱ndóʼo ki̱xi nu̱úra.
LECCIÓN 44
Templo Jehová
Ndióxi̱ kútóora ña̱ ndúkú ta̱ Salomón nu̱úra, ta táxira iin chiñu ndáyáʼviní ndaʼa̱ra.
LECCIÓN 49
Iin ñá reina ndi̱va̱ʼa-ini ndákiʼinñá castigo
Ñá Jezabel xa̱ʼndañá chiñu ña̱ ná kaʼnína iin ta̱ ñuu Israel ta̱ naní Nabot ña̱ va̱’a kindaañá ñuʼúra nda’a̱ra. Soo Jehová xi̱nira ña̱ ke̱ʼéñá.
LECCIÓN 50
Jehová chi̱ndeéra ta̱ Jehosafat nu̱ú na̱ sáa̱-ini xíniñaʼá
Ta̱ rey Jehosafat káʼa̱nra xíʼin Ndióxi̱ ña̱ ná chindeérara nu̱ú na̱ sáa̱-ini xíniñaʼá
LECCIÓN 51
Iin ta̱a ta̱ xíka nu̱ú ku̱a̱chi xíʼin iin ñá loʼo
Iin ñá loʼo káʼa̱nñá xíʼin ñá káchíñuñá nu̱ú ña̱ íyoní ndée Jehová. Xa̱ʼa ña̱yóʼo, ku̱u iin milagro.
LECCIÓN 52
Na̱ soldado Jehová
¿Nda̱saa ku̱nda̱a̱-ini ta̱ chíndeétá’an xí’in ta̱ Eliseo ña̱ ku̱a̱ʼákana íyo xíʼinna nu̱úka na̱ kúni̱ kanitáʼan xíʼinna?
LECCIÓN 53
Ta̱ Jehoiadá ndakúní-inira
Iin ta̱ su̱tu̱ va̱ása níyi’víra kunira iin ñá reina ndi̱va̱’a-ini
LECCIÓN 54
Jehová va̱ása nísa̱a̱ kamara xíʼin ta̱ Jonás
¿Nda̱chun kókó tí ti̱a̱ká káʼnu ta̱ profeta Ndióxi̱? ¿Nda̱saa ni̱ka̱ku ta̱ Jonás? ¿Ndáaña sa̱kuaʼara xa̱ʼa Jehová xí’in ña̱ ndo̱’ora?
LECCIÓN 55
Iin ángel chi̱ndeé táʼanra xíʼin ta̱ Ezequías
Na̱ sáa̱-ini xíni na̱ ñuu Judá ni̱ka̱ʼa̱nna ña̱ va̱ása chindeétáʼan Jehová xíʼinna, soo chi̱ndeétáʼanva Jehová xíʼinna.
LECCIÓN 56
Ta̱ Josías kúni̱níra xíni̱ra Ley Ndióxi̱
U̱na̱ ku̱i̱ya̱ kúúmií ta̱ Josías tá ki̱xaʼára kúúra rey nu̱ú na̱ ñuu Judá ta chíndeétáʼanra xíʼinna ña̱ ndasakáʼnu tukuna Jehová.
LECCIÓN 57
Jehová chi̱ndaʼára ta̱ Jeremías ña̱ na̱túʼunra xa̱ʼara
Xa̱ʼa ña̱ ni̱ka̱ʼa̱n ta̱ Jeremías ni̱sa̱a̱ní na̱ xi̱ku̱aʼa na̱ ñuu Judá.
LECCIÓN 58
Ndi̱ʼi-xa̱ʼa ñuu Jerusalén
Na̱ yiví ñuu Judá ndásakáʼnuna ndióxi̱ vatá, ña̱kán sa̱ndákoo Jehová miína.
LECCIÓN 59
Ku̱mí na̱ va̱lí kándíxana Jehová
Ku̱mí na̱ va̱lí nda̱ka̱xinna ña̱ ndasakáʼnuna Jehová, va̱ása níyi’vína kunina ta̱ rey Nabucodonosor ñuu Babilonia.
LECCIÓN 60
Reino ña̱ koo ndiʼi tiempo
Ta̱ Daniel káʼa̱nra ndáaña kúni̱ kachi xa̱ni ña̱ ni̱xa̱ní ta̱ Nabucodonosor.
LECCIÓN 61
Kǒo kúxítína nu̱ú ña̱ imagen
Ta̱ Sadrac, ta̱ Mesac xíʼin ta̱ Abednego va̱ása ndásakáʼnuna ndióxi̱ vatá ña̱ oro ña̱ i̱xava̱ʼa ta̱ Nabucodonosor.
LECCIÓN 62
Iin Reino ña̱ íyo táki̱ʼva íyo iin yitu̱n káʼnu
Ña̱ ni̱xa̱ní ta̱ Nabucodonosor ni̱na̱ʼa̱ña nu̱úra ndáaña kundo’ora chí nu̱únínu.
LECCIÓN 63
Káʼyi̱ kándíka veʼe
¿Ama kúú ña̱ ni̱ka̱ʼyi̱ letra yóʼo kándíka veʼe? ¿Ta ndáaña kúni̱ kachiña?
LECCIÓN 64
Ta̱ Daniel ndíka̱a̱ra nu̱ú ñúʼu tí león
Ka̱ʼa̱n xíʼin Jehová ndiʼi ki̱vi̱ nda̱a̱ táki̱ʼva ke̱ʼé ta̱ Daniel.
LECCIÓN 65
Ñá Ester chi̱ndeé táʼanña xíʼin na̱ ñuuñá
Ni ñá inka ñuu kúúñá ta ni̱xi̱ʼi̱ na̱ yiváñá, ndu̱uñá reina.
LECCIÓN 66
Ta̱ Esdras sánáʼa̱ra ley Ndióxi̱
Tá xi̱niso̱ʼo na̱ ñuu Israel ña̱ káʼa̱n ta̱ Esdras, ke̱ʼéna iin trato xíʼin Ndióxi̱.
LECCIÓN 67
Ña̱ nama̱ sa̱tá ñuu Jerusalén
Ta̱ Nehemías na̱kunda̱a̱-inira ña̱ kúni̱na kanitáʼanna xíʼinra. ¿Nda̱chun va̱ása yíʼvira?
LECCIÓN 68
Ñá Elisabet íyo iin se̱ʼeñá
¿Nda̱chun kǒo kívi ka̱ʼa̱n ta̱ Zacarías nda̱a̱ ná kaku se̱ʼera xíʼin ñá Elisabet?
LECCIÓN 69
Ta̱ ángel Gabriel ni̱xa̱ʼa̱nra xi̱tora ñá María
Káʼa̱nna xíʼin ñá María ndáaña kuu xíʼinñá.
LECCIÓN 70
Na̱ ángel káʼa̱nna xa̱ʼa ña̱ ka̱ku ta̱ Jesús
Na̱ ndáa ndikachi xi̱niso̱ʼona ña̱ ka̱ku ta̱ Jesús ta ku̱a̱ʼa̱nna kotonara.
LECCIÓN 72
Ta̱ loʼo Jesús
¿Nda̱chun ndákanda̱-ini na̱ maestro na̱ ñúʼu ini templo tá xíniso̱ʼona ña̱ káʼa̱n ta̱ Jesús?
LECCIÓN 73
Ta̱ Juan na̱túʼunra xa̱ʼa ña̱ kixi ta̱ Jesús
Ta̱ Juan iin profeta kúúra ta káʼa̱nra xa̱ʼa ña̱ kixi ta̱ Mesías. ¿Ndáaña ke̱ʼé na̱ yiví tá xi̱niso̱ʼona ña̱ ni̱ka̱ʼa̱nra?
LECCIÓN 74
Xa̱a̱ Mesías kúú ta̱ Jesús vitin
¿Ndáaña kúni̱ kachi ta̱ Juan tá ni̱ka̱ʼa̱nra ta̱ Jesús kúú ndikachi sa̱na̱ Ndióxi̱?
LECCIÓN 75
Ta̱ Ndi̱va̱ʼa xítondosóra ta̱ Jesús
Ta̱ Ndi̱va̱ʼa u̱ni̱ yichi̱ xítondosóra ta̱ Jesús. ¿Ndáa u̱ni̱ ña̱ʼa kúú ña̱ ni̱ka̱ʼa̱n ta̱ Ndi̱va̱ʼa xíʼin ta̱ Jesús keʼéra? ¿Ndáaña nda̱kuiin ta̱ Jesús?
LECCIÓN 76
Ta̱ Jesús távára na̱ íxi̱kó ini templo
¿Nda̱chun ke̱ʼé ta̱ Jesús iin yoʼo̱ ña̱ ta̱vára kití tí ñúʼu ini templo ta nda̱chun sa̱ndúvara mesa na̱ sáma xu̱ʼún?
LECCIÓN 77
Ta̱ Jesús káʼa̱nra xíʼin iin ñaʼá yuʼú pozo
¿Nda̱chun ndákanda̱-ini ñá ñaʼá ñuu Samaria tá káʼa̱n ta̱ Jesús xíʼinñá yuʼú pozo? ¿Ta ndáa ña̱’a ni̱ka̱’a̱nra xí’inñá ta ni iinna ta̱’án ka̱ʼa̱nraña xíʼin?
LECCIÓN 78
Ta̱ Jesús nátúʼunra xa̱ʼa Reino Ndióxi̱
Ta̱ Jesús káʼa̱nra xíʼin na̱ discípulora ña̱ ná ku̱ʼu̱nna natúʼunna xíʼin na̱ yiví. Tándi̱ʼi sánáʼa̱ra 70 na̱ xi̱ndiku̱n sa̱tára ndáa ki̱’va natúʼunna.
LECCIÓN 79
Ta̱ Jesús ku̱a̱ʼání milagro ke̱ʼéra
Nda̱a̱ka míí nu̱ú ku̱a̱ʼa̱n ta̱ Jesús káʼa̱n na̱ ndeé ndóʼo xíʼinra ña̱ ná sandáʼarana. Nda̱a̱ sa̱ndátakura iin ñá loʼo.
LECCIÓN 80
Ta̱ Jesús nda̱ka̱xinra 12 na̱ koo apóstolra
¿Nda̱chun nda̱ka̱xinrana? ¿Á ndákaʼún nda̱saa xi̱nanína?
LECCIÓN 82
Ta̱ Jesús sa̱náʼa̱ra na̱ discípulo ña̱ keʼéna oración
¿Ndáaña ni̱ka̱ʼa̱n ta̱ Jesús xíʼin na̱ discípulo ña̱ ná ndakundeéna ndukúna?
LECCIÓN 83
Ta̱ Jesús ku̱a̱ʼání na̱ yiví sa̱kúxura
¿Ndáaña sánáʼa̱ milagro yóʼo miíyó xa̱ʼa ta̱ Jesús xí’in Jehová?
LECCIÓN 84
Ta̱ Jesús xíkara nu̱ú ti̱kui̱í
¿Ndáaña ndo̱ʼo na̱ apóstol tá xi̱nina ña̱ milagro ke̱ʼé ta̱ Jesús?
LECCIÓN 85
Ta̱ Jesús sándáʼara na̱ yiví ki̱vi̱ sábado
¿Nda̱chun va̱ása kútóo savana ña̱ kéʼé ta̱ Jesús?
LECCIÓN 86
Ta̱ Jesús sa̱ndátakura ta̱ Lázaro
Tá xi̱ni ta̱ Jesús xáku ñá María, xa̱kutu mií ta̱yóʼo. Soo tándi̱ʼi na̱kusi̱íva-inina.
LECCIÓN 88
Ti̱inna ta̱ Jesús
Ta̱ Judas Iscariote ku̱a̱ʼa̱nra xíʼin na̱ yiví na̱ níʼi espada xíʼin yitu̱n chí jardín ña̱ Getsemaní ña̱ tiinna ta̱ Jesús.
LECCIÓN 89
Ta̱ Pedro ni̱ka̱ʼa̱nra ña̱ kǒo xíni̱ra ta̱ Jesús
¿Ndáaña kúu chí yéʼé ta̱ Caifás? ¿Ndáaña ndóʼo ta̱ Jesús chí ini veʼe?
LECCIÓN 90
Ta̱ Jesús ni̱xi̱ʼi̱ra nu̱ú naní Gólgota
¿Nda̱chun ta̱xi ta̱ Pilato ña̱ ná kaʼnína ta̱ Jesús?
LECCIÓN 92
Ta̱ Jesús ki̱tara nu̱ú na̱ tíin ti̱a̱ká
¿Ndáaña ke̱ʼé ta̱ Jesús xíʼin na̱ discípulora ña̱ va̱ʼa ndakuninara?
LECCIÓN 93
Ta̱ Jesús ndi̱kóra chí ndiví
Tá kúma̱níka ndikó ta̱ Jesús chí ndiví, ni̱ka̱ʼa̱nra sava ña̱ʼa ña̱ ndáyáʼvi xíʼin na̱ discípulora.
LECCIÓN 94
Na̱ discípulo ndákiʼinna ndée Ndióxi̱
¿Ndáa ndée ndákiʼin na̱ discípulo xíʼin espíritu santo?
LECCIÓN 95
Kǒo na̱ níkuchiñu kasi nu̱úna
Na̱ su̱tu̱ na̱ xa̱ʼní ta̱ Jesús kúni̱na kasina nu̱ú na̱ discípulo, soo va̱ása níkuchiñuna.
LECCIÓN 96
Ta̱ Jesús nda̱ka̱xinra ta̱ Saulo
Ta̱ Saulo ndi̱va̱ʼaní-inira ta sáa̱ní-inira xínira na̱ cristiano, soo tándi̱ʼi na̱samara.
LECCIÓN 97
Ta̱ Cornelio nda̱kiʼinra ndée Ndióxi̱
¿Nda̱chun ni̱ka̱ʼa̱n Ndióxi̱ xíʼin ta̱ Pedro ña̱ ku̱ʼu̱nra veʼe iin ta̱ va̱ása kúú judío?
LECCIÓN 98
Ku̱a̱ʼání ñuu na̱kunda̱a̱-inina xa̱ʼa Ndióxi̱
Ta̱ apóstol Pablo xíʼin na̱ kítáʼan xíʼinra xíkaní ku̱a̱ʼa̱nna natúʼunna xa̱’a Ndióxi̱.
LECCIÓN 99
Ta̱ ndáa veʼeka̱a sákuaʼara xa̱ʼa Ndióxi̱
Nu̱ú ña̱ historia yóʼo, ¿nda̱chun káʼa̱nyó xa̱ʼa iin ta̱chí ndi̱va̱ʼa, xa̱’a ña̱ ni̱ta̱an xíʼin xa̱’a iin espada?
LECCIÓN 100
Ta̱ Pablo xíʼin ta̱ Timoteo
U̱vi̱ saána va̱ʼaní ka̱chíñuna nu̱ú Ndióxi̱ ta va̱ʼaní migo ni̱xi̱yona.
LECCIÓN 101
Ku̱a̱ʼa̱n ta̱ Pablo xíʼinna chí ñuu Roma
Ku̱a̱’ání tu̱ndóʼo ni̱xi̱yo nu̱ú ta̱ Pablo nu̱ú ni̱xikara, soo va̱ása níndakava-inira.
LECCIÓN 102
Ta̱ Juan xi̱nira iin visión
Ta̱ Jesús ni̱na̱ʼa̱ra ku̱a̱ʼá visión nu̱ú ta̱ Juan ña̱ káʼa̱n xa̱ʼa ña̱ koo chí nu̱únínu.
LECCIÓN 103
“Ná kixa̱a̱ ña̱ kaʼndachíñún”
Ta̱ Juan xínira ndáa ki̱ʼva koo ñu’ú yó’o tá ná kixa̱a̱ Reino Ndióxi̱.
