Efalomo lyomambo gOmbiimbeli
Uuyelele paufupi wembo kehe lyOmbiimbeli.
Efalomo lyembo lyaGenesis
Embo lyaGenesis otali tu lombwele uuyelele wa simana kutya aantu oya za peni nosho wo kutya okumona iihuna neso oya ziilila peni.
Efalomo lyembo lyaEksodus
Kalunga okwa li a mangulula Aaisraeli muupika muEgipiti, e te ya ningi oshigwana she she mu iyapulila.
Efalomo lyembo lyaLevitikus
Tala nkene embo lyaLevitikus lya hokolola uuyapuki waKalunga nonokutya omolwashike sha simana okukala aayapuki.
Efalomo lyembo lyaNumeri
Tala nkene sha simana okuvulika kuJehova nosho wo okusimaneka mboka a langeka po ya kwatele komeho oshigwana she.
Efalomo lyembo lyaDeuteronomium
Tala nkene Ompango yaJehova ndjoka a pe Aaisraeli yu ulika nkene Jehova e hole aapiya ye noonkondo.
Efalomo lyembo lyaJosua
Tala nkene Aaisraeli ya sindana nokutopolelathana evi ndyoka ya li ya pewa kuKalunga.
Efalomo lyembo lyAatokolihapu
Embo ndika li na iiningwanima oyindji, olya lukilwa aalumentu aalaadhi, mboka ya li ya longithwa kuKalunga ya hupithe oshigwana shaIsraeli miikaha yaatondi yasho.
Efalomo lyembo lyaRut
Embo lyaRut otali popi kombinga yankene omuselekadhi omugundjuka a ulukile ohole yomuule yinamweno nosho wo nkene Jehova e ya laleke nuuyamba ayehe yaali.
Efalomo lyembo lyaSamuel gwotango
Tala nkene embo ndika tali hokolola iiningwanima mondjokonona yAaisraeli okuza kethimbo lyAatokolihapu sigo opethimbo ya kala taya pangelwa kaakwaniilwa.
Efalomo lyembo lyaSamuel omutiyali
Tala nkene eifupipiko nosho wo eitaalo lyaDavid, ye mu ningitha a kale gumwe gwomaamboka ye holike unene noku li omuntu a tseyika ngoka a popiwa mOmbiimbeli.
Efalomo lyembo lyaEsra
Jehova okwa dhiginine omauvaneko ge gokumangulula mo aantu ye muupongekwa waBabilonia noku ka totulula elongelokalunga lyashili kuJerusalem.
Efalomo lyembo lyaNehemia
Embo lyOmbiimbeli lyaNehemia oli na iitsa ya simana kaalongelikalunga ayehe yashili kunena.
Efalomo lyembo lyaEster
Iiningwanima yi halutha mbyoka ya li ya ningwa pethimbo lyaEster otayi ku kwathele wu kale wu na uushili kutya Jehova Kalunga oku na oonkondo dhokuhupitha aapiya ye uuna ye li muudhigu kunena.
Efalomo lyembo lyaJob
Ayehe mboka ye hole Jehova otaya ka makelwa. Ehokololo lyaashoka sha li sha ningilwa Job otali tu kwathele tu kale tu na einekelo kutya otatu vulu okukala aadhiginini, nokukala twa kanyatela kuunamapangelo waJehova.
Efalomo lyembo lyOmapisalomi
Embo lyOmapisalomi otali popi kutya Jehova ohe tu kwathele nosho wo kutya oye omunapangelo agehe, ngoka ha hekeleke mboka ye mu hole. Otali popi omalunduluko ngoka Uukwaniilwa waKalunga tawu ke eta kombanda yevi.
Efalomo lyembo lyOmayeletumbulo
Mona uuyelele wopakalunga mboka wa pumbiwa monkalamwenyo yakehe siku, miinima yopangeshefa nosho wo yomomagumbo.
Efalomo lyembo lyOmuuvithi
Omukwaniilwa Salomo okwa tsu omuthindo iinima mbyoka tayi ti sha monkalamwenyo moku yi yelekanitha niinima mbyoka tayi kondjithathana nuunongo wopakalunga.
Efalomo lyembo lyOndjimbolela yaSalomo
Ohole yashili ndjoka okakadhona Okashulami ka li ku ulukile omusita gwoonzi oya popiwa yi li “ehayango lyomulilo” nenge ‘eheyango lyaJehova.’ Omolwashike tayi ithanwa ngawo?
Efalomo lyembo lyaJesaja
Embo lyaJesaja oli na omahunganeko ge shi okwiinekelwa ngoka taga vulu oku ku kwathela wu kale wi inekela thiluthilu muJehova e li Omugwanithi gwomauvaneko nomuhupithi gwetu.
Efalomo lyembo lyaJeremia
Jeremia okwa kala ta longo nuudhiginini e li omuhunganeki, nonando opwa li omashongo. Okwa tulila po Aakriste oshiholelwa oshiwanawa kunena.
Efalomo lyembo lyaHesekiel
Hesekiel okwa li a gwanitha po neifupipiko nosho wo nuulaadhi iinakugwanithwa ye mbyoka a pewa kuKalunga kutya nduno oya li iidhigu yi thike peni. Okwe tu tulila po oshiholelwa sha dhenga mbanda kunena.
Efalomo lyembo lyaDaniel
Daniel nokuume ke yatatu oya kala aadhiginini kuJehova moonkalo adhihe. Oshiholelwa shawo nosho wo egwanitho lyehunganeko ndyoka otayi vulu oku tu etela uuwanawa ngashingeyi, pethimbo lyehulilo.
Efalomo lyembo lyaHosea
Ehunganeko lyaHosea oli na iiyolongomwa ya simana kutse kunena kombinga yankene Jehova ha sile ohenda aayoni mboka yi iyela ombedhi nosho wo yelongelokalunga ndyoka a hokwa.
Efalomo lyembo lyaJoel
Joel okwa hunganeka kombinga ‘yesiku lyaJehova’ nokwa popya wo shoka tu na okuninga, opo tu ka hupithwe. Ehunganeko ndyoka oli li pokugwanithwa masiku pethimbo lyetu.
Efalomo lyembo lyaAmos
Jehova okwa longitha Amos, omulumentu nguka omwiifupipiki, a longe oshilonga sha simana. Iinima ya simana yini tatu vulu okwiilonga kuAmos?
Efalomo lyembo lyaObadja
Olyo embo efupi komambo agehe mOmanyolo gOshihebeli. Ehunganeko ndika otali gandja etegameno notali uvaneke kombinga yokuyapulithwa kUukwaniilwa waJehova.
Efalomo lyembo lyaJona
Omuhunganeki nguka okwa li a taamba ko epukululo, a gwanitha po oshinakugwanithwa she nokwa li a longwa oshiilongomwa sha simana kombinga yohole yuudhiginini nohenda yaKalunga. Iimoniwa ye otayi ke ku guma komutima.
Efalomo lyembo lyaMika
Ehunganeko ndika lya nwethwa mo kuKalunga otali vulu okukoleka eitaalo lyetu kutya Jehova ohe tu pula owala shoka shi li pandjele notashi tu etele uuwanawa.
Efalomo lyembo lyaNahum
Ehunganeko ndika otali tu tsu omukumo tu kale neinekelo kutya Jehova oha gwanitha po aluhe omauvaneko ge noha gandja ehekeleko kwaayehe mboka haya kongo ombili nehupitho okupitila mUukwaniilwa we.
Efalomo lyembo lyaHabakuk
Otwi inekela thiluthilu kutya Jehova oku shi ethimbo tali opalele nosho wo omukalo omwaanawa nkene ta hupitha oshigwana she.
Efalomo lyembo lyaSefania
Omolwashike kaatu na okudhiladhila kutya esiku lyaJehova lyepangulo itali ya?
Efalomo lyembo lyaHaggai
Ehunganeko ndyoka tali tsu omuthindo esimano lyokupititha komeho okulongela Kalunga, pehala lyiinima yopaumwene.
Efalomo lyembo lyaSakaria
Omamoniko ga nwethwa mo nomahunganeko ogendji oga li ga nkondopaleke oshigwana shaKalunga monakuziwa. Omahunganeko ngoka otaga tsikile noku tu shilipaleka kunena kutya Jehova ote tu ambidhidha.
Efalomo lyembo lyaMaleaki
Embo ndika otali popi kutya Jehova iha lundulula omakotampango ge, ohenda nosho wo ohole ye. Embo oli na wo iiyilongomwa ya simanenena monkalo ndhoka tu li mudho pethimbo lyetu.
Efalomo lyembo lyaMateus
Tala okavidio haka wu mone uuyelele paufipi kombinga yembo lyopetameko lyOmaavangeli.
Efalomo lyembo lyaMarkus
Embo lyaMarkus ndyoka olyo efupi mOmavaangeli gane, otali gandja uuyelele kombinga yonakuyiwa yankene tayi ka kala kohi yepangelo lyaJesus e li Omukwaniilwa gwUukwaniilwa waKalunga.
Efalomo lyembo lyaLukas
Uuyelele wu ni wu li mEvaangeli lyaLukas kaawu li momambo galwe?
Efalomo lyembo lyaJohannes
Embo lyaJohannes otali tsu omuthindo kombinga yohole ndjoka Jesus e nine aantu, oshiholelwa she sheifupipiko nosho wo kombinga yuuyelele mboka tawu holola kutya oye Mesiasa, Omukwaniilwa gwomonakuyiwa gUukwaniilwa waKalunga.
Efalomo lyembo lyIilonga yAayapostoli
Aakriste yopetameko oya li ya longo nuudhiginini, opo ya ninge aantu aalongwa yomiigwana ayihe. EmboMbiimbeli lyIilonga otali vulu oku ku kwathela wu kale wu na uulaadhi wokulonga muukalele.
Efalomo lyembo lyAaroma
Oohapu dhaKalunga dha nwethwa mo, otadhi ti kutya ye ke na okatongo nosho wo kutya osha simana okukala tu na eitaalo muJesus Kristus.
Efalomo lyembo lyAakorinto yotango
Ontumwafo yaPaulus oyi na omayele ga nwethwa mo kombinga yuukumwe, yeihumbato lya yogoka noyohole. Oya popya wo kombinga yeitaalo meyumuko.
Efalomo lyembo lyAakorinto aatiyali
“Kalunga, ngoka kuye haku zi ekwatho alihe,” oha koleke nokukwathela aapiya ye.
Efalomo lyembo lyAagalati
Ontumwafo yaPaulus ndjoka a li a nyolele Aagalati, otayi longo nokunena ngaashi owala sha li pethimbo sho e yi nyola. Otayi vulu okukwathela Aakriste yashili ayehe ya kale aadhiginini.
Efalomo lyembo lyAaefeso
Ontumwafo ndjika ya nwethwa mo otayi popi kombinga yelalakano lyaKalunga lyoku ka eta ombili nuukumwe okupitila muJesus Kristus.
Efalomo lyembo lyAafilippi
Uuna twa kakatela uudhiginini wetu sho tatu makelwa, ohatu tsu yamwe omukumo ya kale aadhiginini.
Efalomo lyembo lyAakolossa
Otatu vulu okunyanyudha Jehova ngele otwa kala hatu tula miilonga shoka tatu ilongo, mokukala hatu dhimine po yalwe nehalo ewanawa nokuzimina ondondo ndjoka Jesus e na nosho wo oonkondopangelo dhe.
Efalomo lyembo lyAatessalonika yotango
Otwa pumbwa okukala twa tonata pambepo, tu ‘konakone iinima ayihe,’ tu ‘galikane aluhe,’ nokutsaathana omukumo.
Efalomo lyembo lyAatessalonika aatiyali
Paulus okwa li a pukulula etaloko lya puka li na ko nasha nokuya kwesiku lyaJehova, nokwa ladhipike aamwatate ya kale ya kolelela meitaalo.
Efalomo lyembo lyaTimoteus gwotango
Omuyapostoli Paulus okwa nyola embo lyaTimoteus gwotango, opo u ukithe iinima megongalo, ye a londodhe kombinga yomalongo giifundja nosho wo ohole yokuhola iimaliwa.
Efalomo lyembo lyaTimoteus omutiyali
Paulus okwa ladhipike Timoteus a gwanithe po nawanawa iilonga ye yokuuvitha.
Efalomo lyembo lyaTitus
Ontumwafo ndjoka Paulus a nyolele Titus oya popya uupyakadhi mboka wa li megongalo lyaKreta nosho wo iinima mbyoka gumwe e na okugwanitha po, opo a langekwe po e li omukuluntugongalo.
Efalomo lyembo lyaFilemon
Ontumwafo ndjika ofupi, oyi na omayele omawanawa kombinga yeifupipiko, yolukeno nosho wo yokudhimina po.
Efalomo lyembo lyAahebeli
Eitaalo lyopaKriste olya kankamena kiinima iinene mbyoka kaayi wetike, ihe hakwaambyoka yi wetike ngaashi otempeli nosho wo omafikiloyambo giinamwenyo.
Efalomo lyembo lyaJakob
Jakob okwa longitha oohapu dhomathaneko, opo e tu longe omakotampango ga simana gopaKriste.
Efalomo lyembo lyaPetrus gwotango
Ontumwafo yotango yaPetrus otayi tu ladhipike tu kale twi ipyakidhila nokutsika Kalunga iimpwiyu yetu ayihe.
Efalomo lyembo lyaPetrus omutiyali
Ontumwafo yaPetrus omutiyali otayi tu tsu omukumo tu kale aadhiginini sho twa tegelela egulu epe nevi epe.
Efalomo lyembo lyaJohannes gwotango
Ontumwafo yaJohannes otayi tu londodha kombinga yaakondjithi yaKristus notayi tu kwathele tu mone kutya oshike tu na okukala tu hole naashoka kaatu na okukala tu hole.
Efalomo lyembo lyaJohannes omutiyali
Ontumwafo yaJohannes ontiyali otayi tu dhimbulukitha tu tsikile okweenda moshili notu yande aapukithi.
Efalomo lyembo lyaJohannes omutitatu
Ontumwafo ontitatu yaJohannes otayi tu longo oshiilongomwa oshiwanawa shokuyakula Aakriste ooyakwetu.
Efalomo lyembo lyaJudas
Judas ota yelitha nokwaaneka pomutenya omikalo dhiineya dhaamboka taya kambadhala okupukitha nokuyona po egongalo lyopaKriste
Efalomo lyembo lyEhololo
Omamoniko omakumithi gomembo lyEhololo otagu ulike nkene Uukwaniilwa waKalunga tawu ka gwanitha po ehalo lyaKalunga li na ko nasha naantu nosho wo nevi.