Ko e Heigoa ne Fakaako Mooli he Tohi Tapu?
Ko e tohi nei ke fakaako e Tohi Tapu kua taute ke lagomatai a koe ke iloa e tau talahauaga he Tohi Tapu hagaao ke he tau matakupu kehekehe, putoia e kakano ne matematekelea a tautolu, heigoa ka tupu ka mate, puhala ke moua he magafaoa e moui fiafia, mo e loga foki.
Ko e Finagalo Kia he Atua Anei?
Liga manamanatu a koe ke he kakano ne loga lahi e tau lekua he vahā nei. Iloa nakai e koe na talahau he Tohi Tapu e tau hikiaga mooli hane hohoko mai ti maeke a koe ke aoga ai?
VEVEHEAGA 1
Ko e Heigoa e Kupu Mooli Hagaao ke he Atua?
Manatu nakai a koe kua manamanatu e Atua ki a koe? Fakaako hagaao ke he aga haana mo e puhala ka fakatata a koe ki a ia.
VEVEHEAGA 2
Ko e Tohi Tapu
Maeke fēfē e Tohi Tapu ke lagomatai a koe ke fahia he tau lekua fakatagata? Ko e ha kua maeke ia koe ke falanaki ke he tau perofetaaga ne fakamau i loto ia?
VEVEHEAGA 3
Ko e Heigoa e Finagalo he Atua ma e Lalolagi?
To fakamooli nakai e finagalo he Atua ke he lalolagi parataiso? Ka fakamooli, ti a fe?
VEVEHEAGA 4
Ko Hai a Iesu Keriso?
Fakaako e kakano ne maeke a Iesu ke eke mo Mesia ne mavehe, hau a ia i fe, mo e kakano ne fakahigoa a ia ko e Tama fuataha ha Iehova.
VEVEHEAGA 5
Ko e Lukutoto
Ko e heigoa e lukutoto? Aoga fēfē ki a koe e mena ia?
VEVEHEAGA 6
Ko Fe a Lautolu ne Mamate?
Fakaako ke he talahauaga he Tohi Tapu hagaao ko fe a lautolu ne mamate mo e ko e ha ne mamate e tau tagata.
VEVEHEAGA 7
Amaamanakiaga Mooli ma e Tau Fakahele Haau ne Mamate
Fai fakahele nakai a koe ne kua mate? Liga maeke nakai ke liu kitia a lautolu? Iloa e fakaakoaga he Tohi Tapu hagaao ke he fakaliu tu mai.
VEVEHEAGA 8
Ko e Heigoa e Kautu he Atua?
Tokologa e tagata ne iloa e Liogi he Iki. Ko e heigoa e kakano he talahauaga: “Kia hoko mai hau a kautu”?
VEVEHEAGA 9
Kua Nonofo Kia a Tautolu he “Tau Aho Fakamui”?
Manamanatu ke he tau gahua mo e tau aga ne takai viko ia tautolu ne kua fakakite mooli kua nonofo a tautolu he “tau aho fakamui” ne talahau tuai he Tohi Tapu.
VEVEHEAGA 10
Tau Mena Momoui Fakaagaaga
Tutala e Tohi Tapu hagaao ke he tau agelu mo e tau temoni. Na mooli nakai e tau mena momoui fakaagaaga nei? Maeke nakai ke lauia e moui haau?
VEVEHEAGA 11
Ko e Ha ne Fakaatā he Atua e Matematekelea?
Tokologa ne manatu ko e Atua ne fakatupu e tau matematekelea oti he lalolagi. Fēfē e manatu haau? Fakaako ke he tau mena ne talahau he Atua hagaao ke he tau kakano ati matematekelea ai.
VEVEHEAGA 12
Moui he Puhala ne Fakafiafia e Atua
Maeke ke moui ke he puhala ne fakafiafia a Iehova. Mooli, maeke a koe ke eke mo kapitiga haana.
VEVEHEAGA 13
Onoonoaga Mahani Atua ke he Moui
Fēfē e onoonoaga he Atua ke he fakatotama, fagai toto, mo e moui he manu?
VEVEHEAGA 14
Puhala ke Fakafiafia e Moui he Magafaoa Haau
Ko e fakaalofa ne fakakite e Iesu ko e fakafifitakiaga ma e tau taane, tau hoana, tau matua, mo e tau fanau ke mumuitua. Ko e heigoa kua ako e tautolu mai ia Iesu?
VEVEHEAGA 15
Tapuakiaga ne Talia he Atua
Fakatutala ke he ono e puhala ne kitia aki a lautolu kua fakagahua e lotu mooli.
VEVEHEAGA 16
Tū Mau a Koe ma e Tapuakiaga Mooli
Ko e heigoa e tau paleko ka fehagai mo koe he tala age e tau taofiaga haau ke he falu? Fakamaama age fēfē e koe ka e nakai fakahogohogo manava a lautolu?
VEVEHEAGA 17
Fakatata Atu ke he Atua he Liogi
Fanogonogo nakai e Atua ka liogi a koe? Ke tali e hūhū ia, lata ia koe ke maama e mena ne fakaako he Tohi Tapu hagaao ke he liogi.
VEVEHEAGA 18
Ko e Papatisoaga mo e Fakafetuiaga Haau mo e Atua
Ko e heigoa e tau lakaaga kua lata ke maeke ke papatiso faka-Kerisiano? Fakaako e mena ne fakamailoga aki mo e puhala ne kua lata ke taute ai.
VEVEHEAGA 19
Fakatumau ke he Fakaalofa he Atua
Fakakite fēfē e tautolu e fakaalofa mo e fakaaue ke he tau mena oti kua taute he Atua?
APENETIKI
Ko e Higoa Faka-Atua
Ne kua utakehe e higoa he Atua mai he loga e tau fakaliliuaga Tohi Tapu. Ko e ha? Aoga kia e fakaaoga he higoa he Atua?
APENETIKI
Puhala ne Talahau Tuai he Perofetaaga ha Tanielu e Hoko Mai he Mesia
Molea e 500 tau he talahau tuai, ne fakakite he Atua e magaaho tonu ka hau e Mesia. Fakaako ke he perofetaaga ofoofogia nei!
APENETIKI
Iesu Keriso
Fakamooli e Iesu e tau perofetaaga he Tohi Tapu hagaao ke he Mesia. Fakakia ke he Tohi Tapu haau ke iloa kua fakamooli katoatoa e tau perofetaaga nei.
APENETIKI
Ko e Kupu Mooli Hagaao ke he Matua, ke he Tama, mo e Agaaga Tapu
Tokologa e tagata kua talitonu ko e fakaakoaga Tolu Taha ne fakaako he Tohi Tapu. Mooli nakai?
APENETIKI
Kakano ne Nakai Fakaaoga he Tau Kerisiano Mooli e Akau Fakalava he Tapuakiaga
Mate mooli kia a Iesu he akau fakalava? Totou e tali mai he Tohi Tapu.
APENETIKI
Kaiaga Afiafi he Iki
Poaki e tau Kerisiano ke taute e Fakamanatuaga he mate he Keriso, ne higoa foki ko e Kaiaga Afiafi he Iki. Magaaho fe mo e fēfē e puhala kua lata ke fakamanatu?
APENETIKI
Ha Ha Kia i Loto ha Tautolu e Agaaga ne Nakai Mate?
Tokologa ne manatu he mate ko e vala galo he tagata kua vevehe kehe ti matutaki ke moui. Ko e heigoa ne talahau mai he Kupu he Atua?
APENETIKI
Ko e Heigoa e Seoli mo e Hate?
Falu liliuaga Tohi Tapu kua fakaaoga e tau kupu “tukuaga” ma e Seoli mo Hate. Ko e heigoa e kakano mooli he tau kupu nei?
APENETIKI
Aho Fakafili
Fakaako ke he puhala ka eke e Aho Fakafili mo fakamonuina ke he tau tagata mahani fakamooli oti.
APENETIKI
1914
Ko e heigoa e fakamooliaga he Tohi Tapu ko e 1914 ko e tau uho lahi?
APENETIKI
Ko Hai a Mekaeli ko e Agelu ne Mua?
Talahau he Tohi Tapu e fakakiteaga he agelu malolō ne mua. Fakaako atu hagaao ki a ia mo e mena hane taute e ia mogonei.
APENETIKI
Mailoga a ‘Papelonia Lahi’
Tutala e tohi ha Fakakiteaga ke he fifine ne higoa ‘Papelonia Lahi.’ Ko e fifine mooli kia a ia? Ko e heigoa ne talahau he Tohi Tapu hagaao ki a ia?
APENETIKI
Fanau Kia a Iesu ia Tesemo?
Manamanatu ke he matagi he tau ne fanau a Iesu. Ko e heigoa ne talahau he mena ia ki a tautolu?
APENETIKI
Lata Nakai ia Tautolu ke Fakamanatu e Tau Aho Okioki?
Puna mai i fe e tau aho okioki loga mahuiga he matakavi ne nofo ai a koe? Liga ofo a koe he tau tali.
