Раздзурд Библий киунугӕмӕ. Видеороликтӕ
Сӕйраг хабӕрттӕ Библий алли киунуги туххӕй дӕр.
Раздзурд Библимӕ
Базонӕ, алли киунугӕ дӕр куд ӕргом кӕнуй Библий сӕйраг темӕ – Йеговӕ, ӕ Фурти ке сӕргъи исӕвардта, еци Паддзахади фӕрци ӕ ном куд исрохс кӕндзӕй.
Раздзурд Райдайӕни киунугӕмӕ
Райдайӕни киунугӕ нин лӕдӕрун кӕнуй, зӕнхӕбӕл адӕн куд фӕззиндтӕнцӕ, удта гъезӕмӕрттӕ ӕвзарун ӕма мӕлун цӕй туххӕй райдӕдтонцӕ, уой.
Раздзурд Рацуди киунугӕмӕ
Хуцау израилӕгти Египети цагъайрадӕй фӕййервӕзун кодта ӕма си ӕхецӕн адӕн искодта.
Раздзурд Левити киунугӕмӕ
Бакӕсӕ, Левити киунугӕ куд лӕдӕрун кӕнуй, Йеговӕ сугъдӕг Хуцау ке ӕй ӕма куд ӕхсидзгӕ ’й, цӕмӕй мах дӕр сугъдӕг уӕн.
Раздзурд Нимӕдзти киунугӕмӕ
Бакӕсӕ, куд ӕхсидзгӕ ’й алли гъуддаги дӕр Йеговӕмӕ игъосун ӕма нин разамунд ке фӕрци дӕттуй, еци нӕлгоймӕгти нимайун.
Раздзурд Дуккаг закъони киунугӕмӕ
Бакӕсӕ, Йегови закъонӕй куд зиннуй, ӕ адӕни куд берӕ уарзта, е.
Раздзурд Йесо Навини киунугӕмӕ
Бакӕсӕ, израилӕгтӕ Зӕрдӕвӕрд зӕнхӕ куд байахӕстонцӕ ӕма ’й сӕ астӕу куд радехтӕ кодтонцӕ.
Раздзурд Тӕрхонгӕнгути киунугӕмӕ
Аци киунугӕ хуннуй Тӕрхонгӕнгутӕ, уомӕн ӕма си дзурд цӕуй, Йеговӕ израилӕгти ке фӕрци фӕййервӕзун кӕнидӕ, еци нифсхаст нӕлгоймӕгти туххӕй.
Раздзурд Руфи киунугӕмӕ
Руфи киунуги дзурд цӕуй, уодуӕлдай киндзӕ\ силгоймаг е ’фсийни ӕновуд уарзтӕй куд уарзта ӕма Йеговӕ сӕ дууемӕн дӕр куд райарфӕ кодта, уой туххӕй.
Раздзурд 1 Самуили киунугӕмӕ
Бакӕсӕ, рагон Израили тӕрхонгӕнгути бӕсти паддзӕхтӕ куд фӕззиндтӕнцӕ, уой туххӕй.
Раздзурд 1 Паддзӕхти киунугӕмӕ
Базонӕ, израилӕгтӕ паддзах Соломони дӕлбарӕ ӕнӕмаст ӕма амондгун цард куд кодтонцӕ, удта паддзахадӕ дууӕ дехи ку фӕцӕй, уӕд Израили ӕма Иудейи ци змӕнститӕ цудӕй, уой.
Раздзурд 2 Паддзӕхти киунугӕмӕ
Бакӕсӕ, цӕгаттаг Израили паддзахади адӕн мӕнгӕ хуцӕуттӕн ке лӕггадӕ кодтонцӕ, е син ци зиан ӕрхаста ӕма Йеговӕ еци рӕстӕг куд арфӕ кодта, еузӕрдон ибӕл ка адтӕй, еци минкъий къуарӕн.
Раздзурд 1 Анзфинстити киунугӕмӕ
Базонӕ, Давид ци хӕдзарвӕндагӕй рацудӕй, удта паддзах ку иссӕй, уӕдӕй фӕстӕмӕ ибӕл ӕ мӕлӕти уӕнгӕ ци хабӕрттӕ ӕрцудӕй, уой.
Раздзурд 2 Анзфинстити киунугӕмӕ
Базонӕ, Иуди паддзӕхти хабарӕй куд зиннуй, Хуцаубӕл еузӕрдон ун куд ӕхсидзгӕ ӕй, уой.
Раздзурд Ездри киунугӕмӕ
Йеговӕ зӕрдӕ куд байвардта, уотӕ ӕ адӕни Вавилони уацарӕй ракодта, ӕма Йерусалими раст дин исфедар кодта.
Раздзурд Неемий киунугӕмӕ
Неемий киунуги ес, абони ӕцӕг Хуцауи лӕггадгӕнгутӕн пайда ка ’нцӕ, уӕхӕн гъудитӕ.
Раздзурд Есфири киунугӕмӕ
Есфири рӕстӕг Йеговӕ ӕ адӕни ке ервӕзун кодта, е нин федар нифс дӕттуй абони дӕр ӕ адӕни уотӕ ке ервӕзун кӕндзӕй.
Раздзурд Иови киунугӕмӕ
Йегови ка уарзуй, етӕ еугурӕйдӕр фӕлвӕрд ӕрцӕудзӕнцӕ. Фал нин Иови хабар нифс дӕттуй, зин уавӕрти нӕ бон ке уодзӕй Йеговӕбӕл еузӕрдонӕй байзайун ӕма ин ӕ хецаудзийнади фарс лӕуун.
Раздзурд Псаломти киунугӕмӕ
Псаломти киунугӕ дзоруй, Йеговӕн уой барӕ ке ес, цӕмӕй Дун-дуйней хецау уа; Хуцау ке ӕнхус кӕнуй ӕма уодӕнцойнӕ ке хӕссуй, ка ’й уарзуй, уонӕн ӕма лӕдӕрун кӕнуй, ӕ Паддзахади фӕрци цард хуӕздӕрӕрдӕмӕ ке феййевдзӕй.
Раздзурд Ӕмбесӕндти киунугӕмӕ
Иссерӕ, дӕ царди алли гъуддаги фӕдбӕл дӕр хуарз унаффитӕ – кустӕй райдайӕ ӕма бийнонти цардӕй фӕууо.
Раздзурд Екклесиасти киунугӕмӕ
Паддзах Соломон дзоруй, царди ӕхсидзгӕдӕр ка ’нцӕ, еци гъуддӕгтӕбӕл, ӕма сӕ баруй, Хуцауи зунди нихмӕ ка ’нцӕ, еци гъуддӕгти хӕццӕ.
Раздзурд Соломони зармӕ
Суламитаг кизгӕ ӕма фиййау биццеу кӕрӕдзей куд уарзтонцӕ, уой Библи хонуй «Йаги пеллон арт». Цума цӕмӕн?
Раздзурд Исаййи киунугӕмӕ
Исаййи киунуги ци пахампарӕдтӕ ес, етӕ дин банхус кӕндзӕнцӕ, цӕмӕй Йеговӕбӕл хъӕбӕрдӕр ӕууӕндай – е ӕ зӕрдӕвӕрдтӕ исӕнхӕст кӕнуй ӕма ӕй нӕ ервӕзундзийнади Хуцау.
Раздзурд Йеремий киунугӕмӕ
Йереми кӕд ӕфхуӕрд ӕййафта, уӕддӕр еузӕрдонӕй лӕггадӕ кодта пахампарӕй. Расагъӕс кӕнӕ ӕ цӕветтон абони киристӕнттӕн цӕбӕл дзорӕг ӕй.
Раздзурд Йеремий гъарӕнги киунугӕмӕ
Йеремий гъарӕнги киунугӕ ниффинста пахампар Йереми. Базонӕн си ес, Йереми куд хъӕбӕр маст кодта, Йерусалим ке ниппурхӕ кодтонцӕ, уобӕл, удта си финст ес, ӕ тӕрегъӕдтӕбӕл ка ӕрфӕсмон кӕнуй, уонӕн Хуцау ке ниххатир кӕнуй.
Раздзурд Йезекили киунугӕмӕ
Йезекил сӕрниллӕгӕй ӕма нифсгунӕй ӕнхӕст кодта, Хуцау ин цидӕриддӕр баихӕс кодта, уой, цийфӕнди зин ма уа, уӕддӕр. Ӕ цӕветтон махӕн ӕй фӕнзуйнаг.
Раздзурд Данели киунугӕмӕ
Данел ӕмӕ е ’ртӕ ӕмбали сауӕнгӕ зин уавӕрти дӕр Йеговӕбӕл сӕ зӕрдӕ не ’сӕййивтонцӕ, ӕмӕ ни е устур нифс уадзуй. Фӕстаг бӕнтти рӕстӕг ке цӕрӕн, уомӕ гӕсгӕ ма нин нифси хуасӕ ӕй, Данел ци пахампарадӕ ниффинста, е ке ӕнхӕст кӕнуй, е дӕр.
Раздзурд Осий киунугӕмӕ
Осий пахампарадӕ лӕдӕрун кӕнуй, Хуцау фӕлмӕнзӕрдӕ ке фӕууй, ӕ тӕрегъӕдтӕбӕл ка ӕрфӕсмон кӕнуй, уонӕмӕ ӕма Хуцауӕн куд гъӕуама лӕггадӕ кӕнӕн, уой.
Раздзурд Иоили киунугӕмӕ
Пахампар Иоил финста «Йегови бон» хӕстӕг ке ӕй ӕма фӕййервӕзӕн цӕй фӕрци уодзӕй, уой туххӕй. Ӕ пахампарадӕ абони уӕлдай ӕхсидзгӕ ӕй.
Раздзурд Амоси киунугӕмӕ
Йеговӕ ӕ сӕрниллӕг пахампарӕн баихӕс кодта ӕхсидзгӕ гъуддаг. Амоси цӕветтонӕй цӕбӕл ахур кӕнӕн?
Раздзурд Авдий киунугӕмӕ
Дзиуиттаг Финстити Авдий киунугӕй цубурдӕр киунугӕ нӕййес. Аци пахампарадӕ адӕймагӕн дӕттуй нифс ӕма зӕрдӕ ӕвӕруй, тагъд ке сбӕлвурд уодзӕй, Йеговӕ Дун-дуйней Хецау ке ӕй, е.
Раздзурд Иони киунугӕмӕ
Пахампар зундамундмӕ байгъуста, ӕ ихӕс исӕнхӕст кодта ӕма балӕдӕртӕй, Йеговӕ адӕни ӕновуд уарзтӕй ке уарзуй ӕма сӕмӕ фӕлмӕзӕрдӕдзийнадӕ ке ӕвдесуй, уой. Ионӕбӕл ци хабӕрттӕ ӕрцудӕй, етӕ дин дӕ зӕрдӕмӕ багъардзӕнцӕ.
Раздзурд Михеййи киунугӕмӕ
Аци пахампаради фӕрци федарӕй зонӕн, Йеговӕ ни ци агоруй, е раст ке ӕй ӕма нӕ пайдайӕн ке ӕй, уой.
Раздзурд Науми киунугӕмӕ
Аци пахампаради фӕрци федарӕй ӕууӕндӕн, Йеговӕ ӕ дзурд алкӕддӕр ке исӕнхӕст кӕнуй ӕма уодӕнцойнӕ ке дӕттуй, ӕ Паддзахади дӕлбарӕ фарнӕ ӕма ӕдасдзийнадӕ ка агоруй, уонӕн.
Раздзурд Аввакуми киунугӕмӕ
Нӕ бон ӕй федарӕй ӕууӕндун, Йеговӕ ’й алкӕддӕр ке фӕззонуй, ӕ адӕни куд ӕма кӕд гъӕуама ервӕзун кӕна.
Раздзурд Софоний киунугӕмӕ
Лӕмбунӕг цӕмӕн гъӕуама уӕн, цӕмӕй уотӕ гъуди кӕнун ма райдайӕн, ӕма Йегови тӕрхони бон не ’рцӕудзӕй?
Раздзурд Аггеййи киунугӕмӕ
Аци киунугӕй бӕрӕг ӕй, адӕймагӕн ӕхе гъуддӕгтӕ Хуцауи гъуддӕгтӕй ӕхсидзгӕдӕр ке гъӕуама ма уонцӕ.
Раздзурд Захарий киунугӕмӕ
Рагидзаманти Хуцауӕй лӕвӕрд цӕстӕбӕлуайӕнтӕ ӕма пахампарӕдтӕ ӕ адӕни нифс уагътонцӕ. Аци пахампарӕдти фӕрци абони мах дӕр федарӕй зонӕн, Йеговӕ нин ке ӕнхус кӕнуй, уой.
Раздзурд Малахий киунугӕмӕ
Малахий пахампарадӕй бӕрӕг ӕй, Йегови уагӕвӕрдтӕ, ӕ фӕлмӕнзӕрдӕдзийнадӕ ӕма ӕ уарзондзийнадӕ ке некӕд ӕййевунцӕ. Ес ма си, мах рӕстӕги пайда ка ӕй, уӕхӕн ӕхсидзгӕ унаффитӕ дӕр.
Раздзурд Матфеййи киунугӕмӕ
Базонӕ Матфеййи киунуги туххӕй сӕйраг хабӕрттӕ. Е ӕй Библий цуппар евангелитӕй сӕ фиццаг.
Раздзурд Марки киунугӕмӕ
Цуппар Евангелитӕй ӕй тӕккӕ цубурдӕр, Марки киунуги ци хабӕртти туххӕй ес финст, уомӕй бӕрӕг ӕй, федӕни Хуцауи Паддзахади Паддзах, Йесо Киристе, зӕнхӕн хуарз разамунд ке дӕтдзӕй.
Раздзурд Лукай киунугӕмӕ
Цӕхуӕн хабӕрттӕ ес бакӕсӕн айдагъдӕр Лукай киунуги?
Раздзурд Иоанни киунугӕмӕ
Иоанни киунугӕй базонӕн ес, Киристе адӕни берӕ ке уарзуй, сӕрниллӕг ке ӕй ӕма Мессийӕ, гъома федӕни Хуцауи Паддзахади Паддзах ке ӕй, уомӕн ци бӕлвурдгӕнӕнтӕ ес, уони туххӕй.
Раздзурд Апостолти гъуддӕгти киунугӕмӕ
Фиццаг киристӕнттӕ ӕгас хъауритӕй архайдтонцӕ, цӕмӕй ӕгас адӕнтӕй ахуркӕнуйнӕгтӕ цӕттӕ кодтайуонцӕ. Гъуддӕгти киунугӕ дӕ баразӕнгард кӕндзӕй хуарз хабар никки зӕрдиагдӕрӕй игъосун кӕнун.
Раздзурд Ромӕгтӕмӕ
Аци финстӕгӕй базонӕн ес, Йеговӕ ке неке хецӕн кӕнуй ӕма Киристебӕл ӕууӕндун ӕхсидзгӕ ке ӕй.
Раздзурд 1 Коринфӕгтӕмӕ
Павели финстӕги ес унаффитӕ еудзийнадӕ, хуӕрзӕгъдаудзийнадӕ ӕма уарзондзийнади туххӕй.
Раздзурд 2 Коринфӕгтӕмӕ
«Уодӕнцойнӕдӕттӕг Хуцау» Йеговӕ ӕ лӕггадгӕнгути федар кӕнуй ӕма син ӕнхус кӕнуй.
Раздзурд Галатӕгтӕмӕ
Павел галатӕгтӕмӕ ци финстӕг ниффинста, е син устур пайда ӕрхаста, ӕма махӕн дӕр пайда ӕй. Аци финстӕг ӕгас киристӕнттӕн дӕр банхус кӕндзӕй, цӕмӕй Хуцаубӕл еузӕрдонӕй байзайонцӕ.
Раздзурд Ефесӕгтӕмӕ
Аци финстӕгӕй базонӕн ес, Хуцауи ке фӕндуй, цӕмӕй Йесо Киристей фӕрци фарнӕ ӕма еудзийнадӕ уа.
Раздзурд Филиппӕгтӕмӕ
Зиндзийнӕдти рӕстӕг федар ку фӕллӕууӕн, уӕд е иннетӕн дӕр банхус кӕндзӕй, цӕмӕй федар фӕллӕууонцӕ.
Раздзурд Колоссӕгтӕмӕ
Нӕ бон ӕй Йегови зӕрдӕ рохс кӕнун, ци базонӕн, уомӕ гӕсгӕ ку архайӕн, иннетӕн зӕрдӕй ку хатир кӕнӕн ӕма Киристей нӕ Паддзахбӕл ку нимайӕн, уӕд.
Раздзурд 1 Фессалоникӕгтӕмӕ
Гъӕуама не ’ууӕндундзийнадӕ идарддӕр дӕр федар кӕнӕн, «алцидӕр исбӕлвурд кӕнӕн», алкӕддӕр ковӕн ӕма кӕрӕдзей федар кӕнӕн.
Раздзурд 2 Фессалоникӕгтӕмӕ
Павел бараст кодта, Йегови бони ӕрцуди туххӕй раст ка нӕ гъуди кодта, уони ӕма ӕнсувӕрти баразӕнгард кодта, цӕмӕй ӕууӕндундзийнади федар уонцӕ.
Раздзурд 1 Тимофеймӕ
Павел Тимофеййӕн балӕдӕрун кодта, ӕмбурди цӕхуӕндӕр бӕлвурд гъуддӕгтӕ куд гъӕуама арӕзт цудайуонцӕ, уой ӕма ’й фӕдзахста, цӕмӕй ӕхе гъӕуай кодтайдӕ мӕнгӕ ахурӕдтӕй ӕма ӕхца уарзунӕй.
Раздзурд 2 Тимофеймӕ
Павел Тимофеййӕн дзурдта, цӕмӕй ӕ лӕггади иронхуати маци уагътайдӕ.
Раздзурд Титмӕ
Павел Титмӕ ци финстӕг ниффинста, уомӕй базонӕн ес, Крити ӕмбурди цӕхуӕн зиндзийнӕдтӕ адтӕй ӕма хестӕр нӕлгоймӕгтӕмӕ цӕхуӕн менеугутӕ гъӕуама уа, уой.
Раздзурд Филимонмӕ
Аци цубур финстӕги ес хуарз унаффитӕ, сӕрниллӕгдзийнадӕ ӕма хӕларзӕрдӕдзийнадӕ ӕвдесӕн куд ес, уой туххӕй ӕма хатир кӕнун куд гъӕуй, уой туххӕй дӕр.
Раздзурд Дзиуиттӕгтӕмӕ
Хуцау уӕлӕрвти ци ковӕндонӕ искодта, е зӕнхон ковӕндонӕй ӕма фонси нивӕндтӕй хуӕздӕр ӕй.
Раздзурд Иакови финстӕгмӕ
Адӕни зӕрдӕмӕ ка гъардта, уӕхӕн цӕветтонти фӕрци Иаков балӕдӕрун кодта, киристӕнттӕ цӕхӕун уагӕвӕрдтӕмӕ гӕсгӕ гъӕуама цӕронцӕ, уой.
Раздзурд Петури фиццаг финстӕгмӕ
Путури фиццаг финстӕг нӕ разӕнгард кӕнуй, цӕмӕй архайӕн ӕма не ’гас сагъӕстӕ дӕр Хуцауи барӕ бакӕнӕн.
Раздзурд Петури дуккаг финстӕгмӕ
Петури дуккаг финстӕг нӕ разӕнгард кӕнуй, цӕмӕй еузӕрдон уӕн ӕма ӕнгъӕлмӕ кӕсӕн нӕуӕг арв ӕма нӕуӕг зӕнхӕмӕ.
Раздзурд Иоанни фиццаг финстӕгмӕ
Ӕ фиццаг финстӕги нӕ Иоанн фӕдзӕхсуй, цӕмӕй нӕхе гъӕуай кӕнӕн Киристей нихмӕлӕууӕгӕй ӕма нин дзоруй, ци гъӕуама уарзӕн ӕма ци гъӕуама ма уарзӕн, уой.
Раздзурд Иоанни дуккаг финстӕгмӕ
Иоанн нин ӕ дуккаг финстӕги нӕ зӕрдӕбӕл лӕуун кӕнуй, Хуцауи фӕдзӕхститӕмӕ гӕсгӕ ке гъӕуама цӕрӕн ӕма мӕнгард адӕнӕй нӕхе ке гъӕуама хезӕн.
Раздзурд Иоанни ӕртиккаг финстӕгмӕ
Иоанни ӕртиккаг финстӕг киристӕнтти ахур кӕнуй, цӕмӕй иуазӕгуарзон уонцӕ.
Раздзурд Иуди финстӕгмӕ
Иудӕ ӕргом кодта, киристон ӕмбурди ӕгъдау ка ихалуй, етӕ куд архайдтонцӕ, уой.
Раздзурд Раргомади киунугӕмӕ
Раргомади киунуги ци дессаги цӕстӕбӕлуайӕнтӕ финст ӕнцӕ, уонӕй бӕрӕг ӕй, Хуцауи Паддзахадӕ куд исӕнхӕст кӕндзӕй, Хуцаумӕ адӕн ӕма зӕнхи туххӕй ци фӕндӕ адтӕй, уой.
