Jesus—Say Dalan, say Katuaan, say Bilay
Diad sayan libro, nabasam so detalye na impanbilay nen Jesus ya akarekord ed Biblia.
INTRODUKSION
Say Dalan, say Katuaan, say Bilay
Saray imbangat tan ginawa nen Jesus a walad Saray Ebanghelyo, et sarag dan umaney bilay mo.
SEKSION 1
Antis na Ministeryo nen Jesus
KAPITULO 1
Duaran Mensahe a Nanlapud Dios
Impasabi nen anghel Gabriel iray mensahen mairap ya panisiaan.
KAPITULO 2
Si Jesus et Pinagalangan Antis na Inkiyanak To
Panon ya pinagalangan nen Elizabet tan say lukon to si Jesus?
KAPITULO 3
Niyanak so Mangiparaan na Dalan
Kayarin apapawil so panagsalita nen Zacarias, imbaga toy importantin propesiya.
KAPITULO 4
Maria—Malukon Balet Aliwan Kasal
Kasin anisia si Jose ed si Maria nen imbaga ton sikatoy malukon, aliwan lapud arum ya laki, noagta lapud masanton espiritu?
KAPITULO 5
Inkiyanak nen Jesus—Iner tan Kapigan?
Panon tayon amta ya aliwan Disyembre 25 so inkiyanak nen Jesus?
KAPITULO 6
Say Insipan ya Ugaw
Nen inawit nen Jose tan Maria ed templo so baby nin Jesus, duaran maedad ya Israelita so nampropesiya nipaakar ed arapen to.
KAPITULO 7
Binisita na Saray Astrologo si Jesus
Akin ya say bitewen ya anengneng dad Bukig et inggiya to ra nen unaan diad managpatey ya Arin Herodes, aliwan diad si Jesus?
KAPITULO 8
Akatakas Irad Mauges ya Ari
Saray taloran propesiya ed Biblia ya mikonektaan ed Mesias et asumpal nen ugaw ni Jesus.
KAPITULO 10
Nambiahe so Pamilya nen Jesus Paonlad Jerusalem
Mapagpaga si Jose tan Maria nen agda naalmoy Jesus, balet sikatoy mankelaw ta agda amta no iner so pananapan dad sikato.
KAPITULO 11
Imparaan nen Juan Bautista so Dalan
Nen linmad sikato iray Fariseo tan Saduceo, kinondena ira nen Juan. Akin?
SEKSION 2
Say Gapo na Ministeryo nen Jesus
KAPITULO 13
Makaaral ed Impangarap nen Jesus ed Tukso
Say impanukso ed si Jesus et paneknek ed duaran importantin impormasyon nipaakar ed Diablo.
KAPITULO 14
Ginmapo si Jesus ya Nananap na Disipulo
Antoy akakombinsid anemiran disipulo nen Jesus ya aromog da lay Mesias?
KAPITULO 15
Unonan Milagro ya Ginawa To
Impanengneng nen Jesus ed si ina to ya say mangiganggan ed sikato et say Ama to ed tawen aliwan sikato.
KAPITULO 16
Maseseg si Jesus Parad Dugan Panagdayew
Diad Ganggan na Dios et nayarin mangaliw ed templo iray totoo na ayayep ya ibagat da, kanian akin a nampasnokan nen Jesus iray negosyante ed templo?
KAPITULO 18
Dinmakel ed si Jesus Balet Dinmaiset ed si Juan
Nan-imon iray disipulo nen Juan Bautista, balet si Juan et andi.
KAPITULO 19
Imbangat Toy Sakey a Samaritana
Walay imbaga nen Jesus ed Samaritana ya agto ni imbaga ed arum.
KAPITULO 20
Komaduan Milagro ed Cana
Diad kaarawi ya manga 26 kilometro, pinaabig nen Jesus so sakey ya ugaw.
KAPITULO 21
Diad Sinagoga ed Nazaret
Antoy imbaga nen Jesus no akin ya labay a pateyen na saray kabaleyan to?
KAPITULO 22
Nagmaliw ya Managsigay na Totoo so Apatiran Disipulo
Tinawag to ran taynan so panagsigay day sira tan igapoy sananey a klase na panagsigay.
KAPITULO 23
Saray Makapakelaw a Ginawa nen Jesus ed Capernaum
Nen pinapaway nen Jesus iray demonyo, pinatunda to ran ibagad saray totoo ya sikato so Anak na Dios. Akin?
KAPITULO 24
Pinalaknab Toy Ministeryo Tod Galilea
Linmad si Jesus iray totoo pian onabig, balet impaliwawa nen Jesus ya walay mas importantin gagala na ministeryo to.
KAPITULO 25
Maabagey Ton Pinaabig so Akating
Diad simpli balet makapanyarin kiwas, pinaneknekan nen Jesus ya talagan inar-aro to iramay papaabigen to.
KAPITULO 26
“Aperdona La ray Kasalanan Mo”
Antoy imbangat nen Jesus ya koneksion na kasalanan tan sakit?
KAPITULO 28
Akin ya Agnan-ayunal Iray Disipulo nen Jesus?
Angusar si Jesus na ilustrasyon nipaakar ed katat a panagkargaan pian ebatay tepet da.
KAPITULO 29
Nayari Kasi Manggaway Maabig no Sabaton?
Akin ya papasegsegangen na saray Judio si Jesus nen pinaabig toy lakin 38 taon lan mansasakit?
KAPITULO 30
Say Relasyon nen Jesus ed Ama To
Inisip na saray Judio ya ipapasen nen Jesus so sarili to ya kapantay toy Dios, balet impalinew nen Jesus ya mas atagey so Dios.
KAPITULO 31
Pan-arurot na Dawa Diad Sabaton
Akin ya tinawag nen Jesus so sarili ton “Katawan na Sabaton”?
KAPITULO 32
Anto so Unong ed Ganggan Legan na Sabaton?
Nankasakey iray mankokontraan ya Saduceo tan Fariseo lapud saksakey a gagala.
KAPITULO 33
Impakasumpal na Propesiya nen Isaias
Akin ya imbaga nen Jesus ed saramay pinaabig to ya sikatoy agda ipapakabat odino agda iyiistoryay ginawa to?
KAPITULO 36
Mabiskeg so Pananisia na Senturion
Antoy ginawa na opisyal na armada ya pankelawan nen Jesus?
KAPITULO 37
Binilay nen Jesus so Anak na Balo
Atalosan na saray akatasi ed sayan milagro so kaimportantian na ginawa to.
KAPITULO 38
Walay Labay nen Juan a Naamtaan ed si Jesus
Akin et tinepet nen Juan no kasin si Jesus so Mesias? Manduaruwa kasi?
KAPITULO 39
Pakaskasi so Ag-onkiwas ya Henerasyon
Imbaga nen Jesus a diad Agew na Panangukom, mas anlemew ni so dusa na Sodoma nen say Capernaum, say syudad ya sentro na kimey to.
KAPITULO 40
Leksion ed Panamerdona
Nen imbaga nen Jesus ed biin imoral ya aperdona la ray kasalanan to, kasin ibabaga met nen Jesus ya nayari lan ag-unoren so ganggan na Dios?
KAPITULO 43
Saray Ilustrasyon Nipaakar ed Panarian
Angiter si Jesus na waloran ilustrasyon pian ipaliwaway nanduruman aspekto na Panarian na tawen.
KAPITULO 44
Pinatunda nen Jesus so Bagyo ed Dayat
Nen pinatunda nen Jesus so bagyo tan daluyon, imbangat to no antoy kipapasen na bilay no sikato lay manuley ed Panarian.
KAPITULO 46
Inmabig nen Diniwit toy Kawes nen Jesus
Impanengneng nen Jesus so pakayari tan panangabagey to ed sayan maemosyon ya situasyon.
KAPITULO 47
Abilay so Ugaw ya Bii!
Inelekan na totoo si Jesus nen imbaga ton nanaugip labat so inatey ya ugaw. Antoy amta to ya agda amta?
KAPITULO 48
Nanggaway Milagro, Balet Impulisay Anggan Diad Nazaret
Impulisay na saray taga Nazaret si Jesus, aliwan lapud panagbangat odino say milagron gagawaen to. Walay sananey ya rason.
KAPITULO 49
Nampulong ed Galilea tan Impasal To ray Apostol
Anton talagay labay ya ibaga na ‘asingger lay Panarian na tawen’?
KAPITULO 50
Akaparaan ya Manpulong Anggano Walay Panamasegsegang
Akin ya imbaga ton ombatik ira no walay panamasegsegang anta ag-ira antakot ya ompatey?
KAPITULO 51
Impamatey Diad Sakey ya Birthday
Aliketan a maong si Herodes ed insayaw nen Salome kanian insamba ton iter toy anggan anton kerewen to. Antoy makapabiglan kerew to?
KAPITULO 52
Pamakan ed Nilibo Panamegley na Pigaran Tinapay tan Sira
Talagan importante iyan milagro nen Jesus kanian nabasa ed apatiran Ebanghelyo.
KAPITULO 53
Manuley ya Nakontrol Toy Dagem tan Dayat
Antoy naaralan na saray apostol nen nanakar si Jesus ed tapew na danum tan pinadeen toy dagem?
KAPITULO 54
Jesus—Say “Tinapay na Bilay”
Akin ya nampasnokan nen Jesus iray totoo anggano nansagpot iran linmad sikato?
KAPITULO 55
Dakel so Abigla ed Imbaga nen Jesus
Dakel ya disipulo nen Jesus so abigla ed imbangat to kanian tinaynan da.
KAPITULO 56
Anton Talagay Manudutak ed Sakey a Too?
Say onloloob ed sangi to o say ompapaway ed satan?
KAPITULO 57
Pinaabig nen Jesus so Ugaw a Bii tan Telek a Laki
Akin ya ag-asakitan so bii nen inyaliling nen Jesus iray kabaleyan to ed saray oken?
KAPITULO 58
Pinarakel Toy Tinapay tan Amasakbay Nipaakar ed Lebadura
Atalosan a siansia na saray disipulo nen Jesus so lebadura ya tutukoyen to.
KAPITULO 59
Siopa so Anak na Too?
Anto ray tombok na Panarian? Siopay angusar ed saratan, tan panon?
KAPITULO 60
Say Impanguman na Itsura nen Kristo—Pakapatnagay Gloria To
Antoy makapakelkelaw ya agawa ed itsura nen Jesus? Antoy labay ya ibaga na satan?
KAPITULO 61
Pinaabig nen Jesus so Ugaw ya Aselepay Demonyo
Imbaga nen Jesus ya agda apaabig so ugaw lapud kulang so pananisia da? Siopa, say ugaw, ama, odino saray disipulo?
KAPITULO 62
Importantin Leksion ed Kapaabebaan
Saray adulton lalaki et akaaral na importantin leksion ed melag ya ugaw.
KAPITULO 63
Simbawa nen Jesus Nipaakar ed Pakagapol tan Kasalanan
Impaliwawa toy taloran mantutumbokan ya gawaen diad pangasikasoy agpantatalosan na agagi.
KAPITULO 64
Kaukolan so Mamerdona
Inusar nen Jesus so ilustrasyon nipaakar ed agmapangasin aripen pian ipanengneng ya importante ed Dios so inkamabulos tayon mamerdona ed arum.
KAPITULO 65
Manbabangat Legan ya Paonlad Jerusalem
Diad amitlon antikey ya impitongtong to, impaamta nen Jesus iray ugalin mangamper ed sakey ya ontumbok ed sikato.
KAPITULO 66
Linmad Jerusalem Parad Piesta na Saray Tabernakulo
Akin et inisip na saramay ondedengel ed si Jesus ya sikatoy aselepan na demonyo?
KAPITULO 67
“Anggapo nin Balot so Too a Nansalitan Singa Sikato”
Kontran amin ed si Jesus iray membro na atagey a korte na saray Judio, balet walay sakey ya angidepensa ed sikato.
KAPITULO 68
“Liwawa na Mundo”—Say Anak na Dios
Imbaga nen Jesus ya “say katuaan so mangibulos ed sikayo.” Manlapud anto?
KAPITULO 69
Say Ama Ra—Si Abraham Odino say Diablo?
Impaliwawa nen Jesus no panon ya nibiig iray ananak nen Abraham, tan no siopan talagay Ama to.
KAPITULO 70
Pinaabig nen Jesus so Lakin Niyanak a Bulag
Tinepet na saray disipulo no akin ya bulag iyan laki. Lapud nankasalanan? Kasin nankasalanan iray ateng to? Nandurumay reaksion na totoo nen pinaabig nen Jesus so bulag.
KAPITULO 71
Kinompronta na Saray Fariseo so Datin Bulag
Apasnokan iray Fariseo ed dugan panagkatunongan na datin bulag. Agawa may tatakotan na atateng to, sikatoy pinapaway dad sinagoga.
KAPITULO 72
Angibaki si Jesus na 70 Disipulo ya Manpulong
Diad Judea, angibaki si Jesus na 70 tan binilin to ran ipulong so Panarian. Iner so nampulongan na saray disipulo—diad saray sinagoga odino diad kaabungan na totoo?
KAPITULO 73
Samaritano ya Maaro ed Kapara Ton Too
Panon ya inusar nen Jesus so parabolo nipaakar ed Samaritanon maaro ed kapara ton too, odino “maong a Samaritano,” pian epektibon ibangat so sakey a leksion?
KAPITULO 74
Leksion Nipaakar ed Panagsangkaili tan Pikakasi
Binmisitay Jesus ed abung da di Maria tan Marta. Antoy imbangat tod sikara nipaakar ed panagsangkaili? Insan antoy imbangat tod saray disipulo to nipaakar ed pampikasi?
KAPITULO 75
Impaamta nen Jesus so Lapuan na Liket
Inebatan nen Jesus iray manaanap na lingo to, imbaga tod sikaray nipaakar ed “gamet na Dios” tan no panon ya asabian la ray Panarian na Dios. Impaamta to met no panon ya naromog na totoo so tuan liket.
KAPITULO 76
Akidungo ed Saray Fariseo
Impaamta nen Jesus so pankunkunwarin relihyoso na saray eskriba tan Fariseo. Anton ambelat ya aawiten so ipapasakbat dad totoo?
KAPITULO 77
Simbawa nen Jesus Nipaakar ed Kayamanan
Angibagay ilustrasyon si Jesus nipaakar ed mayaman ya too ya angipaalagey na mas angkabaleg iran kamalir. Anton simbawa so imbaga to lamet nipaakar ed peligro na pananap na kayaman?
KAPITULO 78
Manparaan, Matoor a Manag-asikaso!
Impanengneng nen Jesus ya importantid sikatoy espiritual ya pankaabigan na saray disipulo to. Antoy betang na manag-asikaso ed espiritualidad da? Akin et importantin maong so simbawan mansiansian akaparaan?
KAPITULO 79
No Akin ya Magano Lay Kadederal
Imbaga nen Jesus saramay sasalien ton tulongan et naderal no ag-ira magbabawi. Naaralan da kasi importantin leksion ya ibabangat nen Jesus nipaakar ed relasyon ed Dios?
KAPITULO 80
Say Maong a Managpastol tan Saray Pukokan
Iyiilustra na managpastol tan saray karnero to so panmoria nen Jesus ed saray disipulo to. Kasin nabidbir day panagbangat to tan tumboken day panangigiya to?
KAPITULO 81
Nikasakey ed Ama, Balet Aliwan Sikato so Dios
Inakusaan na arum ya kritiko si Jesus ya ipapasen toy sarili ton miparad Dios. Panon ton marundunong ya kinontra iray palson akusasyon da?
KAPITULO 82
Ministeryo nen Jesus Diad Perea
Impaliwawa nen Jesus ed saray ondedengel ed sikato no antoy kaukolan pian nilaban. Importante itan ya bilin to nensaman. Natan ey?
KAPITULO 83
Imbitasyon ed Panangan
Legan ya midudungo si Jesus ed abung na sakey a Fariseo, angiter na ilustrasyon nipaakar ed sakey ya engranden pangdem. Walay imbaga ton importantin leksion parad amin ya totoo na Dios. Anto itan?
KAPITULO 84
Panon Kaseryoso so Pagmaliw a Disipulo?
Seryoson responsabilidad so pagmaliw a disipulo na Kristo. Malinlinew so impangipaliwawa nen Jesus no antoy kaukolan. Nayarin abigla so arum ed saray magmaliw a patumbok to lapud imbaga to.
KAPITULO 85
Manliket Lapud Sakey a Magbabawin Makasalanan
Binalaw na saray Fariseo tan eskriba si Jesus lapud miuulop ed saray ordinaryon totoo. Pian ebatan ira, angiter si Jesus na saray ilustrasyon pian ipanengneng no panon ya ipapasen na Dios iray makasalanan.
KAPITULO 86
Pinmawil so Anak ya Abalang
Antoy naaralan tayo ed ilustrasyon nen Jesus nipaakar ed rebelden anak?
KAPITULO 87
Manplano—Usaren so Karunongan
Inusar nen Jesus so ilustrasyon nipaakar ed masilib tan masaol ya manag-asikaso na abung pian ibangat so sakey ya ag-inilaloan a katuaan.
KAPITULO 88
Say Mayaman a Too tan si Lazaro
Pian natalosan so parabolo nen Jesus, kaukolan a naamtaan no siopay irerepresenta na duaran manunan karakter.
KAPITULO 89
Nambangat ed Perea Sanen Paonlad Judea
Indanet to so kualidad a makatulong ed sikatayo a mamerdona anggan ed saramay aminpiga lan nankasalanan ed sikatayo.
KAPITULO 90
Say “Kioli tan say Bilay”
Antoy labay ya ibaga nen Jesus sanen inkuan ton saray mangipapatnag na pananisia ed sikato et “aglan balot ompatey”?
KAPITULO 91
Apaoli si Lazaro
Duaran manunan aspekto na sayan ebento no akin a sayan milagro et agniburi na saray onsusumpad si Jesus.
KAPITULO 92
Samplora so Pinaabig—Sakey so Akisalamat
Aliwan si Jesus labat so akisalamatan na apaabig a too, noagta pati say Dios.
KAPITULO 94
Duaran Importantin Kakaukolanen—Pikakasi tan Kapaabebaan
Diad ilustrasyon nen Jesus nipaakar ed mauges a huis tan say abalon bii, indanet toy kaimportantian na sakey a kualidad.
KAPITULO 95
Diborsyo tan Panangaro ed Ugugaw
Baleg so pidumaan na panmoria nen Jesus ed panmoria na saray disipulo to ed saray ugugaw. Akin?
KAPITULO 96
Inebatan nen Jesus so Mayaman a Manuley
Akin ya imbaga nen Jesus a mainomay nin onlabot ed abot na dagum so sakey a kamelyo nen say pakaloob na sakey a mayaman a too ed Panarian na Dios?
KAPITULO 97
Saray Komikimey ed Kaubasan
Panon a magmaliw ya unor so unaan tan magmaliw ya unaan so unor?
KAPITULO 98
Pinilalek Lamet na Saray Apostol so Inkaprominente
Kinmerew na espisyal a posisyon ed Panarian si Santiago tan Juan, balet agda bukbukor.
KAPITULO 99
Tinulongan Toy Duaran Bulag tan si Zaqueo
Panon tayon pantunosan iray singa mankontraan a salaysay ed Biblia nipaakar ed impamaabig nen Jesus ed sakey a bulag diad asingger ed Jerico?
KAPITULO 100
Say Ilustrasyon To Nipaakar ed Samploran Mina
Antoy labay ya ibaga nen Jesus sanen inkuan to: “Balang sakey a walaan et naikdan ni na dakel, balet samay andian, anggan say walad sikato et alaen ni”?
SEKSION 6
Sampot a Parte na Ministeryo nen Jesus
KAPITULO 101
Pangdem ed Abung nen Simon diad Betania
Walay ginawa nen Maria ya agi nen Lazaro a nansengegay isyu, balet sikatoy indepensa nen Jesus.
KAPITULO 102
Linmoob ed Jerusalem so Ari ya Akalugan ed Asno
Sinumpal to so propesiyan nipasakbay la ed apalabas a liman lasus a taon.
KAPITULO 103
Alinisan Lamet so Templo
Saray manlalako ed Jerusalem et singa met legal ya mannenegosyo, kanian akin ya tinawag ira nen Jesus ya matatakew?
KAPITULO 104
Kasin Ipanengneng na Saray Judio so Pananisia?
Wala kasi pandumaan na panisiad si Jesus tan ikiwas lapud satan?
KAPITULO 105
Inusar so Kiew ya Igos Pian Manbangat Nipaakar ed Pananisia
Imbangat nen Jesus ed saray disipulo to so pakayari na pananisia tan impaliwawa to no akin ya impulisay na Dios so bansan Israel.
KAPITULO 106
Duaran Ilustrasyon Nipaakar ed Kaubasan
Amtaen no antoy labay ya ibaga na saray parabolo na laki ya ingganggan to ray anak ton mankimey ed kaubasan to tan say laki ya impaabang toy kaubasan to ed mauges iran tomatanem.
KAPITULO 107
Impatawag na Ari Iramay Inimbitaan ed Bansal
Say parabolo nen Jesus et sakey a propesiya.
KAPITULO 108
Ag-apatitan si Jesus
Ag-akasel ed imbaga to iray Fariseo, insan saray Saduceo, anggad nankakasakey la iray onkokontrad sikato.
KAPITULO 109
Ag-impangaprobad Saray Onkokontran Relihyon
Akin ya agkinonsenti nen Jesus so pankunkunwari na saray relihyon?
KAPITULO 110
Sampot ya Agew nen Jesus Diad Templo
Inusar toy alimbawa na pobrin balo pian mangibangat na importantin leksion.
KAPITULO 111
Nantepet na Tanda Iray Apostol
Say propesiya to et walaan na unaan a kasumpalan legan na inmunan siglo. Wala met kasi kasumpalan to diad arapen ya mas baleg?
KAPITULO 112
Leksion ed Pagmaliw ya Alerto—Saray Mamarikit
Kasin imbangat nen Jesus ya kapaldua ed saray disipulo to so magmaliw ya makulangkulang tan say kapaldua et makabat?
KAPITULO 113
Leksion ed Pagmaliw ya Makuli—Saray Talento
Ipapaliwawa na parabolo nen Jesus irayan salita: “Balang sakey a walaan et naikdan ni na dakel.”
KAPITULO 114
Diad Isabi na Kristo Ukomen to ray Karnero tan Kanding
Angusar si Jesus na makapainteres ya ilustrasyon pian ipaliwaway basiyan na andi-angga a pangukom.
KAPITULO 115
Asingger Lay Sampot a Paskua nen Jesus
Akin ya eksakton 30 pirason pilak so nampaknaan na saray lider na relihyon ya ibayar ed si Judas pian traidoren si Jesus?
KAPITULO 116
Imbangat Toy Inkamapaabeba Diad Sampot a Paskua
Abigla iray apostol nen ginawa toy kimey na sakey ya aripen.
KAPITULO 117
Say Pangdem na Katawan
Inggapo nen Jesus so memoryal ya nepeg a gawaen na saray patumbok to kada taon diad Nisan 14.
KAPITULO 118
Sangsangan no Siopay Manunaan
Alingwanan la na saray apostol so imbangat nen Jesus nen asasakbay ed saman ya labi.
KAPITULO 119
Jesus—Say Dalan, say Katuaan, say Bilay
Imbangat nen Jesus so mapuersan katuaan no panon a makaasingger ed Dios.
KAPITULO 120
Manbubunga Bilang Sanga tan Kakaaro nen Jesus
Panon a “manbunga” iray disipulo nen Jesus?
KAPITULO 121
“Manpakpel Kayo! Tinalok so Mundo”
Panon a tinalo nen Jesus so mundo no sikatoy pinatey na mundo?
KAPITULO 122
Sampot a Pikakasi nen Jesus ed Tagey a Kuarto
Impalinew to a wala ni mas importantin agawaan to nen say pangiliktar ed totoo.
KAPITULO 123
Nampikasi Sanen Pinasyay Ermen To
Akin et impikasi nen Jesus: “Ekal mod siak iyan kopa”? Kasin onaatras la ed betang to ya ompatey bilang dondon?
KAPITULO 125
Inyakar si Jesus ed si Anas, Insan Diad si Caifas
Say impanbista ed si Jesus et panamikewet ed hustisya.
KAPITULO 126
Imburi Diad Abung nen Caifas
Panon a si Pedro, a sakey a toon walaay pananisia tan debosyon, et imbeneg ton tampol si Jesus?
KAPITULO 127
Binista na Sanhedrin, Insan Inawit ed si Pilato
Impatnag na saray Judion lider na relihyon so tuan intension da.
KAPITULO 128
Anggapoy Aromog nen Pilato tan Herodes a Kasalanan To
Akin ya impaiyakar nen Pilato si Jesus pian ukomen nen Herodes? Kasin anggapoy autoridad nen Pilato a mangukom ed si Jesus?
KAPITULO 129
Imbaga nen Pilato: “Nia so Too!”
Anggan si Pilato et binidbir to ray makapadinayew a kualidad ya impatnag nen Jesus.
KAPITULO 130
Inyawat tan Inyakar si Jesus Pian Pateyen
Akin ya imbaga nen Jesus ed saray maneermen a bibii a say akisan da et aliwan sikato noag say sarili ra tan saray anak da?
KAPITULO 131
Impasak ed Poste so Anggapoy Kasalanan ya Ari
Walay insipan nen Jesus a nagawa nid arapen diad samay sakey a kriminal ya impasak ed abay to.
KAPITULO 132
“Tua a Sayan Too et Anak na Dios”
Saksakey so papaneknekan na mamilagron bilunget legay kaagwan, yegyeg, tan inkapilat na kurtina ed templo.
KAPITULO 133
Imparaan tan Imponpon so Bangkay nen Jesus
Akin et kaukolan ya iponpon a tampol so bangkay nen Jesus antis ya onselek so agew?
KAPITULO 134
Anggapoy Karga na Lubok, Lapud Mabilay si Jesus!
Kayarin apaoli si Jesus, sikatoy nampanengneng ya unona ed sakey a biin disipulo imbes a diad saray apostol.
KAPITULO 135
Nampanengneng ed Dakel so Pinaolin Jesus
Panon ya pinaneknekan nen Jesus ed saray disipulo to a sikatoy pinaoli?
KAPITULO 136
Diad Gilig na Dayat na Galilea
Amitlon pinanonotan si Pedro no panon ton paneknekan so panangaro tod si Jesus.
KAPITULO 137
Anengneng na Nilasus Antis na Pentecostes
Kayari inkioli nen Jesus tan antis a sinmegep ed tawen, aminpiga ton indanet ed saray disipulo to no antoy awaten da tan no panon dan usaren itan.
KAPITULO 138
Si Kristo et Walad Nikawanan na Dios
Antoy gawaen nen Jesus legan ton aalagaren so panaon na ikiwas to sumpad kakabusol to?
KAPITULO 139
Ipawil nen Jesus so Paraiso tan Sumpalen Toy Kimey To
Dakel ni gawaen to antis ton ipalima so Panarian ed Dios tan Ama to.
Pian Naalig si Jesus, Magmaliw ya . . .
Aminpigan impanengneng nen Jesus so waloran kualidad legay impanbilay tod dalin.
Indese na Saray Teksto
Usaren iyan indese pian naanap ed libro no anto ran bersikulo ed Ebanghelyo so aaralen.
Indese na Saray Ilustrasyon (Parabolo)
Anapen so kapitulo ed sayan libro ya impaliwawa iray ilustrasyon nen Jesus.
Pigaran Propesiya Nipaakar ed Mesias
Nengnengen iray pigaran propesiyad Biblia ya asumpal ed si Jesus ya mamapaneknek a sikato so Mesias, tan nengnengen no anton kapitulo ed sayan libro so pakabasaan ed satan.
Saray Lugar ya Nanayaman tan Nambangatan nen Jesus
Ipapanengneng na sayan mapa iray lugar ya nakar nen Jesus legan na ministeryo to.