Bibliapa librunkunapita yachatsikoq vidëukuna
Bibliapa cada librumpa llapan willakïninkuna.
Genesis librupita yachakï
Genesis libruchömi yachakushun, Diosnintsik nunata imanö kamanqanta, Biblia imapaq mas yachatsikunqanta y sufrimientukuna imanö ushakänampaq kaqta.
Exodu librupita yachakï
Israelïtakunatam Egiptu nacionpita Jehovä librarqan y juk jatun nacionmanmi tikratsirqan.
Levïticu librupita yachakï
Levïticu libruchö yachakurishun Jehovä santu o limpiu kanqampita, y imanir noqantsikpis llapanchö limpiu kanapaq kaqta.
Nümerus librupita yachakï
Imapa pasarpis Jehovätaqa cäsukunantsikmi y dirigimänapaq churanqan nunakunatam respetanantsik.
Deuteronomiu librupita yachakï
Jehoväqa israelïtakunapaq Leyta patsätsinqanchömi kuyakoq kanqanta rikätsikurqan.
Josuë librupita yachakï
Israelïtakuna Jehovä Äninqan Patsata imanö rakipanakuyanqanta rikärishun.
Juëces librupita yachakï
Kë librutaqa tsënö jutin churayarqan valienti juezkuna imëkata rurayanqampitam. Diosqa pëkunatam utilizarqan sirweqninkunata salvanampaq.
Rut librupita yachakï
Rut libruchöqa, juk viuda shipash suegranta alläpa kuyanqantam willakun y suegrampis viudan karqan. Jehovä Diosqa ishkantam bendicirqan.
1 Samuel librupita yachakï
Rikäri Israel nacionchö Juezkuna y gobernaqkuna gobernayanqan witsan ima cambiukuna kanqanta.
2 Samuel librupita yachakï
Yachakuy David humildi y Diosman confiakunqampita mas reqishqa y kuyashqa nuna kanqampita.
1 Rëyes librupita yachakï
Salomon gobernanqan witsan israelïtakuna yamë y kushishqa kawakuyanqanta y ishkë gobiernuman Israelwan Judä rakikar mana alli kawakuyanqanta rikë.
2 Rëyes librupita yachakï
Rikë norti läduchö këkaq israelïtakuna Diospa contran imanö churakäyanqanta, peru Jehoväqa pëta sirweq wallkaqlla israelïtakunataqa bendicinmi.
1 Crönicas librupita yachakï
Davidpa kastankuna pikuna kanqanta y gobernar qallanqampita hasta wanunqanyaq imakunata ruranqanta yachakuy.
2 Crönicas librupita yachakï
Rikäri Judächö gobernantikunapaq willakunqan Diosllata sirwi allipaq kanqanta.
Esdras librupita yachakï
Jehoväqa Babilonia ushakäriptin markanta libranampaq y rasumpa kaq adoracionta Jerusalenchö yapë patsätsinampaq kaqta änikunqantam cumplin.
Nehemïas librupita yachakï
Nehemïas libruchöqa shumaq yachatsikïkunam kan kanan witsan Diosta sirweqkunapaq.
Ester librupita yachakï
Ester kawanqan witsanchö pasakunqankunam, kanan witsan mana allikunapa Diospa markan pasaptin salvëta Dios puëdinqanman markäkïnintsikta sinchiyätsinqa.
Job librupita yachakï
Jehoväta llapan kuyaqkunatam pruëbakunapa pasatsiyanqa. Job pasanqanmi rikätsimantsik Jehoväta mana jaqishpa sirwita y pëlla ciëluchö patsachö autoridäyoq kanqanta defendita puëdinqantsikta.
Salmus librupita yachakï
Salmus libruqa Jehovälla ciëluchö y Patsachö autoridäyoq kanqantam yanapan, pëta kuyaqkunatam shoqan y yanapan, jina Gobiernunrëkurlla entëru Patsa cambianampaq kaqtam rikätsikun.
Proverbius librupita yachakï
Kawënikipaq Diospa yanapakïninta chaski—negociu y familia asuntukunapaqpis.
Eclesiastes librupita yachakï
Rey Salomonmi kawënintsikchö ima rasumpa precisanqanta yachatsimantsik y Diospa yachatsikïnimpa contran ima kanqantam rikätsikun.
Cantar de los Cantäres librupita yachakï
¿Imanirtaq kë jövinkunapa mana ushakaq kuyakïninkunaqa, “Jehoväpa ninannö” kanqanta rikätsikun?
Isaïas librupita yachakï
Isaïas libru willakunqankuna chipyëpa cumplikanqanqa, Jehoväqa änikunqankunata cumpleq kanqanman y pëqa salvamänapaq kaqman markäkunapaqmi yanapamantsik.
Jeremïas librupita yachakï
Tukïpa pasarpis Jehovä ninqantam Jeremïas cumplirqan. Imanir pëpita Diospa sirweqninkunaqa yachakïta puëdiyanqanta rikäri.
Lamentaciones librupita yachakï
Diospa willakoqnin Jeremïasmi qellqarqan, Jerusalen ushakashqa kanqanrëkur alläpa llakikuyanqanta y arrepentikuyaptin Dios imanö ankupanqantam, Lamentaciones libruqa rikätsikun.
Ezequiel librupita yachakï
Ezequielqa humildim karqan, y mana fäcil këkaptimpis mana mantsakushpam Jehovä mandanqanta cumplirqan. Tsëta ruranqampitaqa, noqantsikpis yachakuntsikmi.
Daniel librupita yachakï
Pruëbakunapa pasarpis Danielwan yanaqinkunaqa Jehovällatam sirwiyarqan. Pëkuna rurayanqan y Biblia musyatsikunqankuna cumplikanqanqa, kë ushanan junaqkunaqa alläpam yanapamantsik.
Osëas librupita yachakï
Jutsankunapita arrepentikoqkunata Jehovä imanö ankupanqanta y imanö adoranantsikta Jehovä munanqantam Osëas libruqa musyatsikun.
Joel librupita yachakï
Joelmi willakurqan “Jehoväpa piñakï junaqnin” këllachöna kanqanta y salvakunapaq imata ruranapaq kaqtapis. Tsë musyatsikïqa alläpam precisan kanan witsan.
Amos librupita yachakï
Precisaq rurëta ruranampaqmi kë humildi nunata Jehovä utilizarqan. ¿Imatataq Amos ruranqampita yachakuntsik?
Abdïas librupita yachakï
Hebreu idiömachö qellqayanqampitaqa Abdïas libruqa mas wallkallam. Abdïas willakunqanqa rikätsimantsik yamë kawakï kanampaq kaqta y Jehovä Gobiernunta patsätsimunampaq kaqtam.
Jonas librupita yachakï
Dios piñapanqantam allipa chaskikurqan, mandanqantam cumplirqan, y Jehoväqa kuyakoq y ankupäkoq kanqantam yachakurqan. Imakunapa pasanqankunaqa alläpam yanapamantsik.
Miquëas librupita yachakï
Kë libruchö willakïqa yanapamantsik, Jehoväqa rurëta puëdinqantsikllata y biennintsikpaq imatapis mañamanqantsikman markäkunapaqmi.
Nahum librupita yachakï
Kë libruchö willakïkunaqa, Jehovä parlanqanqa llapampis cumplinqanta y Gobiernunchö yamë kawakunapaq pëlla yanapamënintsikta puëdinqantam rikätsimantsik.
Habacuc librupita yachakï
Jehoväqa alleqmi musyan imë y imanö markanta yanapanampaq kaqta, y tsëmanqa chipyëpam markäkïta puëdintsik.
Sofonïas librupita yachakï
Jehovä cuentata mañakunan junaq mana chämunampaq kaqta pensëqa, ¿imanirtaq alläpa mana alli kanman?
Ageu librupita yachakï
Kë willakïqa, munënintsikllata ruranantsikpa rantin Diosta adorë mas precisaq kanqampitam masqa parlan.
Zacarïas librupita yachakï
Kë libruchöqa, unë witsan Diospa markanta alläpa yanapanqan willakïkuna y suëñuchö rikäyanqankunam kan. Tsënöllam kanan witsampis, tsë willakïkunaqa Jehovä yanapamänapaq kaqta rikätsimantsik.
Malaquïas librupita yachakï
Mana imëpis cambiaq willakïkunapita, ankupäkoq këpita y Jehoväqa kuyakoq kanqampitam willakun. Kë willakïkunapitaqa, kanan witsampis alläpa yachakïta puëdintsik.
Mateu librupita yachakï
Kë librupita shumaq y maslla yachakï, kë libruqa evangeliukunapita punta kaq librum.
Marcus librupita yachakï
Marcus libruqa chuskun evangeliukunapita mas wallka willakïyoq kaqmi y Diospa Gobiernunchö rey karnin Jesus imakunata ruramunampaq kaqtam rikätsikun.
Lücas librupita yachakï
¿Imatataq Lücas librulla willakun?
Juan librupita yachakï
Nunakunata Jesus alläpa kuyanqampita, alli nuna kanqampita y rey kanampaq Dios akrashqa kanqampitam, Juan libruqa mas parlan.
Hëchus librupita yachakï
Apostolkuna kawayanqan witsan Diospa sirweqninkunaqa, llapan nacionkunachö mas creikoqkuna kayänampaqmi alleq kallpachakuyarqan. Hëchus libruqa, gänas gänaslla y kushishqa yachatsikunapaqmi yanapamantsik.
Romänus librupita yachakï
Jehoväqa llapan nunakunatapis igualpa rikanqampita y Jesucristu ruranqanman markäkï alläpa precisanqampitam yachatsikun.
1 Corintius librupita yachakï
Tsë cartaqa këkunapitam yachatsikun: juknölla kanapaq willakïkunapita, rurënintsikchö limpiu këpita, kuyakoq këpita y kawarimï kanampaq kaqpita.
2 Corintius librupita yachakï
“Tukïnöpa shoqakoq Dios” karninmi, Jehoväqa sirweqninkunata yanapan.
Gälatas librupita yachakï
Galaciachö cristiänukunaman Pablu cartakunqanqa unëkunanöllam kanan tiempuchöpis yanapakun Jehoväta llapanchö wiyakunapaq.
Efesius librupita yachakï
Kë videuchöqa, Efesius libru imakunapaq parlanqantam ichik rikärishun. Jehoväqa llapantsik yamë y juknölla kawakunata munarmi Cristu Jesus wanunanta permitirqan.
Filipensis librupita yachakï
Chikikämashqapis Diosta mana jaqipa sirwishqaqa wakimpis tsënöllam rurayanqa.
Colosensis librupita yachakï
Jehovä munanqannö kawëtaqa puëdintsik, yachakunqantsikmannö kawarnin, perdonakoq karnin y Jesucristu puëdeq y autoridäyoq kanqantam cuentaman churarnin.
1 Tesalonicensis librupita yachakï
Mäkoq mäkoqlla, Diospa kaqchö masta rurar, mana jaqipa mañakur y juknintsik juknintsik yanapanakurmi këkänantsik.
2 Tesalonicensis librupita yachakï
Creikoqkunatam Pabluqa yanaparqan Jehoväpa junaqninpita mana rasumpa kaqta creirnin mana kakïkäyänampaq, y nirqanmi markäkurnin kallpachakur sïguiyänampaq.
1 Timoteu librupita yachakï
1 Timoteu cartataqa Pablu qellqarqan, creikoqkuna imanö patsakäyänampaq kaqta rikätsikunampaq, mana alli yachatsikïkunapita y qellë kuyëpita cuidakuyänampaqmi.
2 Timoteu librupita yachakï
Timoteuman cartakunqanchöqa, Diospita chaskinqan carguta imëpis rurar sïguinampaqmi Pabluqa yanapan.
Tïtu librupita yachakï
Pablu Tïtuman cartakun. Crëta markachö creikoqkunata yanapanampaq y creikoqkunata rikaqnö yanapakuyänampaqqa imakunata rurayänampaq kaqtam nirqan.
Filemon librupita yachakï
Kë cartachö humildi, kuyakoq y perdonakoq këtam yachakuntsik.
Hebrëus librupita yachakï
Creikoqkuna Diosta adorayänampaqqa, manam makiwan rurashqa templu y pishtashqa ofrendakunatsu yanapan, sinöqa ciëluchö Dios patsätsinqanmi.
Santiägu librupita yachakï
Santiäguqa reqishqa igualatsikïkunawanmi Diospita alli yachatsikurqan.
1 Pëdru librupita yachakï
Apostol Pëdrupa punta kaq cartanqa, Jehoväta sirwir kallpachakunapaq y yarpachakunqantsikta willanapaqmi yachatsimantsik.
2 Pëdru librupita yachakï
Pëdrupa ishkë kaq cartanqa, mushoq ciëlukunaman y mushoq patsaman yärakunapaqmi yanapamantsik.
1 Juan librupita yachakï
Diospa contran churakashqakunapita cuidakunapaq y imakunata kuyanapaqmi Juanpa punta kaq cartanqa yanapakun.
2 Juan librupita yachakï
Kë cartachöqa Juan yarpätsimantsik Dios munanqannö imëpis kawanapaq y engañakoqkunapita cuidakunapaq.
3 Juan librupita yachakï
Kë cartanchöqa Juan yarpätsikun shumaq chaskikoq kanapaqmi.
Jüdas librupita yachakï
Tsëchömi, munëninmannö kawakoq y animalnö portakoq nunakuna creikoqkunaman yachëllapa yëkushqa kayanqanta willakun.
Revelacion librupita yachakï
Revelacion libruchö Juan rikanqankunaqa, Jesus gobernaptin ciëluchö y entëru Patsachö Diospa munënin rurakänampaq kaqtam musyatsimantsik.
Bibliapita imakunata yachakunqantsik
Bibliata leyirninqa rikë imanö cada librukunachö Jesucristu gobernamur Jehoväpa jutinta respetatsinampaq kaqta willakunqanta.