Pfundzani Mbiri za M’Bhibhlya
Bukhu ino inakuphedzani toera kuona ndandanda wa ndzidzi, kubulukira pa kucitwa kwa pinthu, kubalwa na utumiki wa Yezu na kubwera kwa Umambo.
Tsamba ya Mathubo Akutonga
Bukhu ino inaphatisirwa tani?
NSOLO 1
Mulungu Acita Kudzulu na Dziko Yapantsi
Bhibhlya isalonga kuti Mulungu acita kudzulu na pantsi. Imwe musadziwa anju idacita iye mbadzati kucita pinthu pinango?
NSOLO 2
Mulungu Acita Mamuna na Nkazi Wakutoma
Mulungu acita mamuna na nkazi wakutoma mbaaikha m’munda wa Edheni. Iye akhafuna kuti akhale na banja na kucitisa dziko yonsene kukhala paraizu.
NSOLO 3
Adhamu na Eva Nee Abvera Mulungu
Ndi cinthu cipi cikhali na nsapo wakupambulika m’munda wa Edheni? Thangwi yanji Eva adya nsapo wa muti unoyu?
NSOLO 4
Ukali ndi Wakugopswa
Mulungu atawira ntsembe idapereka Abheli, mbwenye nee atambira ya Kayini. Mu ndzidzi udadzindikira Kayini pyenepi, iye akhadaipirwa kakamwe mbacita pinthu pyakuipa.
NSOLO 5
Bote ya Nowa
Aanju akupanduka pidamanga iwo banja na akazi pa dziko yapantsi, iwo adzabala ana akuti akhali pimphona. Uphanga ukhali mbuto zonsene. Mbwenye Nowa akhali wakusiyana—iye akhafuna na akhabvera Mulungu.
NSOLO 6
Anthu Asere Apulumuka Mbapita N’dziko Ipswa
Pa cigumula madzi abvumba ntsiku 40 na masiku 40. Nowa na banjace akhali m’bote cifupi pyaka piwiri. Pakumalisa, Mulungu aapanga toera kubuluka.
NSOLO 7
Nyumba ya Bhabheli
Anthu anango atonga kumanga nzinda na nyumba yakuti mbidafunika kukhuya kudzulu. Thangwi yanji mwakukhonda dembuka Mulungu aacitisa kulonga pilongero pyakusiyana?
NSOLO 8
Abhrahamu na Sara Abvera Mulungu
Thangwi yanji Abhrahamu na Sara abuluka mu nzinda wawo mbaenda kakhala ku dziko ya Kanani?
NSOLO 9
Mwana Akhadikhirwa!
Mulungu mbadakwanirisa tani cifuniro cace kuna Abhrahamu? Ndi mwana upi wa Abhrahamu mbadacita khundu mu pikiro ineyi—Izaki peno Ismaeli?
NSOLO 10
Kumbukani Nkazi wa Loti
Mulungu acitisa moto na enxofre kubvumba pa Sodhoma na Gomora. Thangwi yanji mizinda ineyi yafudzwa? Thangwi yanji tisafunika kukumbuka nkazi wa Loti?
NSOLO 11
Kuyeserwa Kwa Cikhulupiro
Mulungu apanga Abhrahamu: ‘Ndaphata miyendo, kwata mwanako m’bodzi ekha mbuenda ku dziko ya Moriya, kweneko unadzampereka ninga ntsembe paphiri.’ Kodi Abhrahamu mbadathimbana tani na kuyeserwa kweneku kwa cikhulupiro?
NSOLO 12
Yakobe Atambira Unthaka
Izaki na Rebheka ali na ana awiri amamphasa akucemerwa Ezau na Yakobe. Nakuti Ezau akhali wakutoma kubalwa, iye akhafunika kuwina unthaka wakupambulika. Thangwi yanji iye acinja unthaka na mbale ya pyakufwira?
NSOLO 13
Yakobe na Ezau Akhazikisa Ntendere
Kodi Yakobe atambira tani nkhombo kubulukira kuna anju? Iye akhazikisa tani ntendere na Ezau?
NSOLO 14
Bitcu Wakuti Akhabvera Mulungu
Zuze akhacita pinthu pyadidi, mbwenye akhathabuka kakamwe. Thangwi yanji?
NSOLO 15
Yahova Nee Aduwala Zuze
Ngakhale Zuze akhali kutali na acibale ace, Mulungu apangiza kuti akhali na iye.
NSOLO 17
Mose Asankhula Kulambira Yahova
Ninga khombwani, Mose apulumuswa na mai wace munjira yakudzumisa.
NSOLO 19
Miliri Mitatu Yakutoma
Farau abweresa nyatwa kuna mbumba yace thangwi iye akhali wakudzikuza kakamwe.
NSOLO 21
Muliri Wacikhumi
Muliri unoyu ukhali wakufudza kakamwe wakuti wacitisa Farau, munthu wakudzikuza kusudzula Aisraeli.
NSOLO 22
Cirengo pa Bara Yakufwira
Farau nee afa pa miliri khumi, mphapo iye apulumuka pa cirengo ici ca Mulungu?
NSOLO 23
Pikiro ya Yahova
Aisraeli acita pikiro yakupambulika kuna Mulungu pikhali iwo pa Phiri ya Sinai.
NSOLO 24
Iwo Nee Akwanirisa Pikiro Yawo
Mu ndzidzi ukhakwata Mose Mitemo Khumi, mbumba yacita madawo makulu.
NSOLO 26
Anyakusuzumira Dziko Khumi na Awiri
Yoswa na Kalebu akhali akusiyana na amuna anango khumi akuti akhadendambo kasuzumira dziko ya Kanani.
NSOLO 27
Iwo Apandukira Yahova
Kora, Dhatani, Abhironi na 250 amuna anango adodoma pikhanyerezera iwo kuti akhali ku khundu ya Yahova.
NSOLO 29
Yahova Asankhula Yoswa
Mulungu apasa Yoswa pitsogolero pyakuti pinakwanisambo kutiphedza lero.
NSOLO 30
Rahabhe Abisa Anyakusuzumira Dziko
Mipanda ku Yeriko yamala kugwa. Mbwenye nyumba ya Rahabhe yapitiriza kulimira, maseze ikhadaphatana na mpanda.
NSOLO 32
Ntsogoleri Mupswa na Akazi Awiri Acipapo
Pidafa Yoswa, Aisraeli atoma kulambira adzimunthu. Umaso wadzakhala wakunentsa kakamwe, mbwenye ciphedzo cabwera kubulukira ku Nyakutonga Bhalaki, mprofeta wankazi akhacemerwa Dhebhora na Yaeli pabodzi na ntcici wa tenda yace!
NSOLO 33
Rute na Naomi
Akazi awiri akuti amuna awo alowa, abwerera ku Israeli. M’bodzi mwa akazi anewa, Rute aenda kaphata basa m’munda kudadzindikirwa iye na Bhoazi.
NSOLO 34
Gidheoni Akunda Amidhiani
Pidamala Amidhiani kuthabusa Aisraeli, mbumba yaphemba ciphedzo kuna Yahova. Kodi anyankhondo akucepa akwanisa tani kukunda anyankhondo akukwana 135.000?
NSOLO 35
Yana Aphemba Mwana
Elikana akwata Yana, Penina na anace toera kulambira ku tabhernakulu ku Silo. Kweneko, Yana aphemba mwana. Pidapita caka cibodzi, iye abala mwana wakuti ampasa dzina ya Samweli!
NSOLO 36
Pikiro ya Yefte
Ndi pikiro ipi idacita Yefte, pontho thangwi yanji? Kodi mwana ntsikana wa Yefte apangiza tani kubvera?
NSOLO 37
Yahova Alonga na Samweli
Ana awiri a Nyantsembe Wankulu Eli akhatumikira ninga anyantsembe pa tabhernakulu, mbwenye iwo nee akhabvera mwambo wa Yahova. M’phale Samweli akhali wakusiyana, Yahova alonga na iye.
NSOLO 38
Sansoni Apaswa Mphambvu na Yahova
Mulungu Acitisa Sansoni kukhala na mphambvu yakuthimbana na Afilisti, mbwenye pidacita Sansoni cisankhulo cakuipa, Afilisti akwanisa kunkunda.
NSOLO 39
Mambo Wakutoma wa Israeli
Mulungu akhadapasa Aisraeli atongi toera kuatsogolera, mbwenye iwo aphemba mambo. Samweli adzodza Sauli ninga mambo wakutoma, mbwenye mukupita kwa ndzidzi Yahova akhonda Sauli. Thangwi yanji?
NSOLO 40
Dhavidhi na Goliati
Yahova asankhula Dhavidhi toera kukhala mambo wakutowerera wa Israeli, pontho Dhavidhi apangiza kuti thangwi yanji pikhali pyadidi kuti akhale mambo.
NSOLO 41
Dhavidhi na Sauli
Thangwi yanji m’bodzi mwa amuna anewa akhaida ndzace, pontho thangwi yanji kuida kwa unango kwathowa?
NSOLO 42
Yonatani Akhali Wacipapo na Wakukhulupirika
Mwana wa mambo adzakhala xamwali wadidi wa Dhavidhi.
NSOLO 49
Nyanyi Wakuipa Ali Kutcunyuswa
Yezabhele acita masasanyiro toera kupha Nabhote toera kukwata munda wace wa mauva! Macitiro ace akuipa na akusowa ulungami nee ndi akukhonda kuoniwa na Yahova Mulungu.
NSOLO 50
Yahova Atsidzikiza Yosafate
Mambo wadidi Yosafate anyindira Mulungu mbacita phembero mu ndzidzi wakuti Ayuda akhatsalakanwa mwakuipa na anyamalwa awo.
NSOLO 51
Naamani na Ntsikana Wang’ono Waciisraeli
Mwana wacitsikana akupanga patrau wace wankazi thangwi ya mphambvu ikulu ya Yahova—pyenepi pyabweresa maphindu akudzumisa.
NSOLO 52
Anyankhondo Amphambvu a Yahova
Kodi ntumiki wa Elizeu akwanisa tani kuona kuti ‘azinji kakamwe akhali kukhundu yathu kupita ali kukhundu yawo.’
NSOLO 54
Yahova Abvera Ntsisi Yona
Kodi m’bodzi wa aprofeta a Mulungu adzakhudyulwa tani na ntsomba ikulu? Iye adzapulumuka tani? Ndi ntsonga ipi idampfundzisa Yahova?
NSOLO 55
Anju wa Yahova Atsidzikiza Ezekiya
Anyamalwa a Ayuda alonga kuti Yahova nee anadzatsidzikiza mbumba yace, mbwenye akhali akuphonyeka!
NSOLO 56
Yosiya Akhafuna Mwambo wa Mulungu
Yosiya akhala mambo pikhali iye na pyaka pisere pyakubalwa, pontho iye aphedza mbumba yace toera kulambira Yahova.
NSOLO 56
Yahova Atuma Yeremiya Toera Kumwaza Mphangwa
Ninji pidalonga m’phale Yeremiya pyakuti pyacitisa akulu a mbumba ya Ayuda kuipirwa kakamwe.
NSOLO 58
Kufudzwa Kwa Yerusalemu
Mbumba ya Yuda ikhapitiriza kulambira alungu authambi na thangwi ineyi Yahova aasiya.
NSOLO 59
Aphale Anai Akuti Abvera Yahova
Aphale Aciyuda akhala akutonga kupitiriza kukhala akukhulupirika kuna Yahova, ngakhale pa thando yakutonga miseru ya Bhabhilonya.
NSOLO 60
Umambo Wakuti Unadzakhala Kwenda na Kwenda
Dhanyeli afokotoza mabvekero a ndoto yacilendo ya Nabhukodhonozore.
NSOLO 61
Iwo Nee Alambira Dzimunthu
Sadrake, Misake na Abhedhenego akhonda kulambira dzimunthu wa ouro wa mambo wa Bhabhilonya.
NSOLO 62
Umambo Walandaniswa na Muti Ukulu
Ndoto ya Nabhukodhonozore yalonga mwanyapantsi thangwi ya tsogolo yace.
NSOLO 63
Mafala Adalembwa pa Paredhi
Kodi mafala anewa adalembwa aonekera papi, pontho mafala anewa asabvekanji?
NSOLO 64
Dhanyeli Aponywa N’djenje ya Nkhalamu
Citani phembero ntsiku zonsene, ninga pidacita Dhanyeli!
NSOLO 65
Estere Apulumusa Mbumba Yace
Ngakhale iye akhali wa dziko inango, iye acinja kubuluka pa mwana waumphawi mbakhala nyanyi.
NSOLO 66
Esdhra Apfundzisa Mwambo wa Mulungu
Pidamala Aisraeli kubvesera pikhalonga Esdhra, iwo acita pikiro yakupambulika kuna Mulungu.
NSOLO 67
Mipanda ya Yerusalemu
Nehemiya akhadziwa kuti anyamalwa ace akhafuna kubwera kudzapingiza basa. Thangwi yanji iye nee akhagopa?
NSOLO 68
Elizabheti Akhala na Mwana
Thangwi yanji mamuna wa Elizabheti nee akhakwanisa kulonga mpaka kubalwa kwa mwana?
NSOLO 73
Juwau Akhunganya Njira
Juwau akula mbakhala mprofeta. Iye akhapfundzisa kuti Mesiya akubwera. Kodi anthu akhuyiwa tani na mphangwa zenezi?
NSOLO 74
Yezu Adzakhala Mesiya
Kodi Juwau akhafuna kubvekesanji pidalonga iye kuti Yezu ndi Mwanabira wa Mulungu?
NSOLO 75
Dyabo Ayesera Yezu
Dyabo ayesera Yezu katatu. Ndi api mayesero anewa matatu? Yezu atawira tani?
NSOLO 76
Yezu Acenesa Templo
Thangwi yanji Yezu abulusa pinyama kunja kwa templo mbagwisa meza za kobiri za anyakugulisa?
NSOLO 77
Yezu na Nkazi wa ku Samariya
Nkazi wa ku Samariya adzumatirwa na pidampanga Yezu. Thangwi yanji? Ninji pidampanga Yezu pyakuti cipo akhadapanga kale anango?
NSOLO 78
Yezu Amwaza Mphangwa za Umambo
Yezu acemera angasi mwa anyakupfundzace toera kukhala ‘anyakumedza anthu.’ Patsogolo pace, iye apfundzisa anyakupfundza 70 toera kumwaza mphangwa zadidi.
NSOLO 79
Yezu Acita Pirengo Pizinji
Mwakukhonda tsalakana mbuto ikhaenda Yezu, anthu akuti akhaduwala akhabwera kudzaphemba ciphedzo, Yezu aawangisa onsene. Iye afikira pakulamusa muli akufa mwana ntsikana wang’ono.
NSOLO 80
Yezu Asankhula Apostolo Khumi na Awiri
Iye aasankhula toera kucitanji? Musakumbuka madzina awo?
NSOLO 81
Nkhani ya Paphiri
Yezu apfundzisa ntsonga zakufunika kakamwe kuna mwinji ukhadagumanyikana.
NSOLO 82
Yezu Apfundzisa Anyakupfundzace Kuphembera
Ndi pinthu pipi pidalonga Yezu kuna anyakupfundzace toera kupitiriza kuphemba?
NSOLO 84
Yezu Afamba Padzulu pa Madzi
Munakwanisa kunyerezera kuti apostolo apibva tani pidaona iwo cirengo ceneci?
NSOLO 85
Yezu Awangisa Boliboli pa Ntsiku ya Sabudu
Thangwi yanji anthu azinji akomerwa na pidacita iye?
NSOLO 86
Yezu Alamusa Lazaro
Pidaona Yezu Mariya mbakalira, iye alirambo. Mbwenye misozi yace yacinja mbakhala wakutsandzaya.
NSOLO 87
Phwando Yakumalisa ya Yezu
Yezu apereka pitsogolero pyakufunika kuna apostolo ace pa ndzidzi udacita iwo phwando yakumalisa pabodzi.
NSOLO 88
Yezu Amangwa
Yuda Iskariyoti atsogolera mwinji wa anyankhondo akuti akhali na pigomba mbaenda nawo M’munda wa Getsemani toera kumanga Yezu.
NSOLO 89
Pedhru Akhonda Yezu
Ninji pidacitika panyumba ya Kayifa? Pontho ninji pidacitikirwa na Yezu n’nyumba?
NSOLO 91
Yezu Alamuswa Muli Akufa
Ndi pinthu pipi pyakudzumatirisa pidacitika mu ntsiku zingasi pidamala Yezu kuphiwa?
NSOLO 93
Yezu Abwerera Kudzulu
Mbwenye mbadzati kuenda kudzulu, iye apasa anyakupfundzace pitsogolero pyakufunika kakamwe.
NSOLO 94
Anyakupfundza Atambira Nzimu Wakucena
Ndi mphambvu ipi yakudzumisa idaapasa nzimu wakucena?
NSOLO 95
Iwo amwaza mphangwa mwacipapo
Atsogoleri a mauphemberi adapha Yezu akuyeserambo kumatamisa anyakupfundza. Mbwenye nee akwanisa.
NSOLO 97
Kornelyo atambira nzimu wakucena
Thangwi yanji Mulungu atuma Pedhru toera kuenda kunyumba kwa mamuna unoyu, wakuti nee akhali Muyuda?
NSOLO 98
Cikristu Camwazika Kwa Madzindza Onsene
Mpostolo Paulu na ndzace m’basa ya umisionaryo akutoma mabasa awo m’madziko akutali.
NSOLO 99
Nyakuonera Kaidi Apfundza Undimomwene
Kodi dimonyo, citeketeke na supada pisacita tani khundu pa mbiri ineyi?
NSOLO 101
Paulu Atumizwa ku Roma
Paulendo pacitika pidengwa pizinji, mbwenye nkhabepo cinthu cidathabusa mpostolo unoyu.
NSOLO 102
Masomphenya Adaoneswa Juwau
Yezu apasa Juwau ndandanda ya masomphenya analonga pyantsogolo.
NSOLO 103
‘Umambo Wanu Mbudze’
Masomphenya adaoneswa Juwau asapangiza kuti Umambo wa Mulungu unadzacinja tani umaso pa dziko yapantsi.
