Xaa Yannara Yihowa Fajjo Assitanni Noori Ayeooti?
Yihowa Farciˈraasine alame woˈmate aana no; qoleno addi addi gaˈrenni gamba yitinoreeti. Konne babbaxxino manna mitto assinonsari maati?
Maganu Fajjo Maati?
Maganu uulla woˈmate noo manni fajjosi afara hasiˈranno. Fajjosi maati? Xaa yannara fajjosi mannaho kultanni noori ayeooti?
ROSO 1
Yihowa Farciˈraasine Hiittoo Mannaati?
Yihowa Farciˈraasine giddo meˈˈe egennootto? Ninke daafira maa maa afootto?
ROSO 2
Yihowa Farciˈraasine Yaamammeemmohu Mayiraati?
Konni suˈminni woshshama hananfoommohu mayiraatiro afate nabbawi.
ROSO 3
Qullaawu Maxaafi Halaali Galagale Xawo Fulinohu Hiittoonniiti?
Qullaawu Maxaafi yaannore garunni huwantoommota mayinni afa dandiineemmo?
ROSO 4
Haaro Alame Tiro Qixxeessinoommohu Mayiraati?
Tini Maganu Qaali tiro wole tironni baxxitannohu mayinniiti?
ROSO 5
Gambooshshenke Dayittoro Maa Afiˈratto?
Maganu Qaale rosatenna mimmito jawaachishate gamba yineemmo. Gambooshshenke dayittoro tashshi yaannonke!
ROSO 6
Ammanate Roduuwinkewa Aana Maaho Kaaˈlitannonke?
Maganu Qaali Kiristaanu mimmitu ledo gamba yaanno gede amaalanno. Togoo gambooshshi kaaˈlannohehu hiittoonniiti?
ROSO 7
Gambooshshinke Yannara Maa Maa Assinanni?
Gambooshshinke yannara maa maa assinanniro hedde egennootto? Gambooshshinkewa ronseemmohu kaajju Qullaawu Maxaafi rosi dhagge ikkannoheta dihuluullammeemmo.
ROSO 8
Gambooshshinke Yannara Dancha Gede Uddiˈneemmohu Mayiraati?
Banxummo gedee uddano uddiˈnummorono Maganu hagiidhanno yaateni? Qullaawu Maxaafihu xintu seeri uddiˈranke seekkiˈrate kaaˈlannonke gara huwati.
ROSO 9
Gambooshsheho Seekkine Qixxaawa Dandiineemmohu Hiittoonniiti?
Gambooshshinkera balaxxe qixxaawittoro roore horo afiˈratto.
ROSO 10
Maatete Magansiˈra Maati?
Tini qixxaawo Maganunniwa shinqeemmo gedenna maatete mittimma heedhanno gede kaaˈlitanno gara rosi.
ROSO 11
Jajjabba Gambooshshe Haˈneemmohu Mayiraati?
Diru dirunku, sasu jajjabbu gambooshshira gamba yineemmo. Togoo gambooshshi kaaˈlannohehu hiittoonniiti?
ROSO 12
Sabbakate Loosonke Loonseemmohu Ma Garinniiti?
Sabbankeemmohu Yesuusi uullate aana noo waro sabbakino garinniiti. Tenne doogga giddo mite hiikkuriiti?
ROSO 13
Suwisaanchoho Yaa Mayyaate?
Mite Yihowa Farciˈraasine aganu giddo 30, 50, woy hakkiinni saˈino saate sabbakkanno. Konne assitannohu mayiraati?
ROSO 14
Suwisaanote Hiittoo Qajeelsha Qixxeessinoonni?
Maganu Mangiste loosira yannansa gudisse uyitino suwisaanora qixxeessinoonnihu baxxino qajeelshi hiikkonneeti?
ROSO 15
Cimeeyye Songote Giddo Soqqantannohu Hiittoonniiti?
Cimeeyye songote giddo albisa ikkite soqqantannoreetinna ayyaanaamittetenni gikki yitino labballooti. Insa kaaˈlitannonkehu hiittoonniiti?
ROSO 16
Songote Soqqamaano Loosi Maati?
Songote soqqamaano songo addi addi doogonni kaaˈlitanno. Insa loossanno loosi baalanka kaaˈlannohu hiittoonniitiro rosi.
ROSO 17
Woradu Aliidi Laˈˈaano Kaaˈlitannonkehu Hiittoonniiti?
Woradu aliidi laˈˈaano songo towaattannohu mayiraati? Insa towaanyonni horo afiˈra dandaattohu hiittoonniiti?
ROSO 18
Qarru Giddo Noo Roduuwanke Kaaˈlineemmohu Hiittoonniiti?
Dano iillitanno woyite, gawajjamino manna kaaˈlatenna ayyaanaamittetenni sheshifachishate ranke iillineemmo. Konne assineemmohu hiittoonniiti?
ROSO 19
Ammanaminohunna Wodanaamu Borojjichi Ayeti?
Yesuusi ayyaanaamittete sagale yannante shiqishanno borojjicho shoomeemmo yiino. Isi konne assinohu hiittoonniiti?
ROSO 20
Yannankera Aliidi Bisi Loosannohu Hiittoonniiti?
Umi xibbi diro, cimeeyyenna soqqamaasine amaddinoti shiima gaamo Kiristaanu songora aliidi biso ikkite soqqantino. Xaa yannarana?
ROSO 21
Beeteele Maati?
Beeteele lowo looso loonsanniho baxxino bayichooti. Hakko soqqamanno mannire ledde rosi.
ROSO 22
Sinu Biirora Maa Maa Loonsanni?
Mannu sinu biironke baalanta daye daaˈˈata dandaanno. Atino dagge laˈˈattora koyinsoommohe!
ROSO 23
Borronke Qixxeessinannihunna Wolu Afiira Qolle Tirrannihu Hiittoonniiti?
Ninke 750 saˈˈanno afiinni borro qixxeessineemmo. Kageeshshi looso loonseemmohu mayiraati?
ROSO 24
Alamete Doyicho Loosinkera Woxe Afiˈneemmohu Hiikkiinniiti?
Woxe fushsha lainohunni dirijjitenke wole ammaˈnowiinni baxxitannohu hiittoonniiti?
ROSO 25
Gambooshshu Addaraashe Miˈnineemmohu Mayiraati? Hiittoonni?
Gambooshshu Addaraashuwanke songonkera kaaˈlitannohu hiittoonniitiro ledde rosi.
ROSO 26
Gambooshshu Addaraashenke Feyanna Gatamara Kaaˈla Dandiineemmohu Hiittoonniiti?
Gambooshshu Addaraashenke ishinu nookkitanna laˈˈate baxissannota assa Maganinke ayirranno gede assitanno. Addaraashe feyatenna gatamarate mayi qixxaawo assinoonni?
ROSO 27
Gambooshshu Addaraashehu Maxaaffate Mini Mayi Kaaˈlo Aannonke?
Qullaawu Maxaafi egenno lexxate babbaxxitino borro xiinxalla hasiˈratto? Hatto ikkiro, Gambooshshu Addaraashera nooha maxaaffate mine horoonsiˈri!
ROSO 28
Webisayitenke Aana Maa Maa Afiˈra Dandaatto?
Ninkenna ammananke daafira ledde afa hattono Qullaawu Maxaafi xaˈmokkira dawaro afiˈra dandaatto.
Atino Yihowa Fajjo Assatto?
Maganu Yihowa lowo geeshsha baxannohe. Heeˈratto heeshshonni iso hagiirsiisa hasiˈrattota leellisha dandaattohu hiittoonniiti?