Meki muiti fu leisi bun èn fu gi leri
A brochure disi na fu yepi yu fu leisi moro bun, fu hori bun lezing èn fu gi leri moro bun.
Wan brifi fu a Tiri Skin
Wi e leri sma a moro prenspari boskopu.
LES 1
Den sani di yu e taki na a bigin musu hari sma prakseri
Den sani di yu o taki na a bigin musu hari sma prakseri, den musu meki sma frustan wantewante fu sortu tori yu o taki èn fu san ede a tori prenspari gi den.
LES 2
Taki soleki fa yu gwenti
Te yu e taki soleki fa yu gwenti, dan sma o man si taki den sani di yu e taki komoto fu yu ati èn den o wani arki a boskopu fu yu.
LES 4
Sani di yu kan taki fosi yu leisi wan tekst
Yu o leri fa yu kan meki sma si fu san ede yu o leisi wan tekst.
LES 6
Sori krin fu san ede yu e leisi wan tekst
Meki den arkiman si krin san a tekst di yu leisi abi fu du nanga a tori di yu e taki.
LES 7
Leri sma sani di tru
Efu yu wani yepi sma fu kon frustan wan tori bun, dan yu musu leri den sani di tru.
LES 8
Gebroiki agersitori fu gi leri
Gebroiki makelek agersitori di o hari a prakseri fu yu arkiman èn di o leri den prenspari sani. Disi o yepi yu fu de wan bun leriman.
LES 9
Gebroiki sani di sma kan si
Gebroiki sani di sma kan si, dan den no o frigiti san yu leri den.
LES 10
Kenki yu sten
Taki moro gaw noso moro slow, taki nanga wan moro hebi sten noso nanga wan moro fini sten noso taki moro tranga noso moro safri. Disi o meki taki den arkiman firi san yu e taki èn a o gi den deki-ati fu du wan sani.
LES 11
Taki nanga faya
Te yu e taki nanga faya, dan den arkiman o si fa yu e firi fu a tori èn den o wani tan arki yu.
LES 12
Taki nanga firi èn sori taki yu e broko yu ede nanga den arkiman
Te yu e taki nanga firi, dan yu e sori den arkiman taki yu wani yepi den.
LES 13
Sori sma fa den kan kisi wini fu den sani di yu e taki
Yepi den arkiman fu frustan fa a tori di yu e taki kan yepi den na ini den libi èn sori den san den musu du nanga a leri di den e kisi.
LES 14
Tyari den moro prenspari sani kon na krin
Meki en makelek gi den arkiman fu frustan a lezing fu yu. Te yu e taki fu ibri edepenti, dan meki a kon na krin san yu wani doro nanga a lezing èn sori fa den edepenti e horibaka gi a nen fu a lezing.
LES 15
Sori taki yu e bribi san yu e taki
Sori taki yu e bribi taki den sani di yu e taki tru èn taki den de prenspari.
LES 16
Taki sani di e meki sma firi bun èn gi den deki-ati
Sori den arkiman fa den sani di yu e taki kan yepi den, ma no krutu den. Gebroiki Gado Wortu fu gi den deki-ati.
LES 17
Yepi trawan fu frustan san yu e taki
Yepi den arkiman fu frustan a boskopu fu yu bun. Sori den krin san na den moro prenspari penti.
LES 18
Meki den arkiman leri wan sani
Fruteri den arkiman wan tori di o meki den go denki fu san yu e taki èn di o gi den a firi taki den leri wan bun sani.
LES 20
Tapu a lezing fu yu na wan bun fasi
Te yu e tapu yu lezing na wan bun fasi, dan dati o gi den arkiman deki-ati fu du san den leri.
Skrifi sortu dei yu wroko na wan penti
Skrifi sortu dei yu wroko na wan penti èn tan du muiti fu leisi èn fu gi leri moro bun.
