Voririke ty Jesosy, le mbe tsy niaigna’e ty raha mahakivy naho mampialy saigne o ndatio. Faie tena nitrètrè ndaty reke. Nikezake nagnampe iareo reke, sady nanao mihoatse ze raha ilae iareo aza. Nandrisike aze hagnampe ty hafa ty fitrètrèza’e. Saintsaigno ty ohatse nimei’e amy Toko 32, 37, 57, 99 ao.

Tsy niseho ho ambone ty Jesosy ndra nivibìke ty hafa. Maro areke ty ndaty tsy nisalasala nagnatogne aze ndra tanora ndra antetse. Tsapa o ndaty rehoe fa tena nikarakara iareo ty Jesosy, le nahazo aigne soa iareo naho fa niarake ama’e. Dineho zay amy ty Toko 25, 27, 95 ao.

Nivavake mateteke taman-dRae’e ty Jesosy sady nafana fo naho fa nanao izay. Nanao izay reke ndra nitokagne ndra naho fa niarake tamy ty mpanompo i Jehovah hafa. Nivavake mateteke reke fa tsy tihoe naho fa hihinagne avao. Nivavake reke mba hisaotse an-dRae’e naho hidera aze sady mba hangatahagne ty tari-dala’e naho fa handrambe fanapahan-kevetse lahibey. Dineho ty ohatse nimei’e amy ty Toko 24, 34, 91, 122, 123 ao.

Mbe nikezake nagnampe ty hafa vao ty Jesosy ndra tie nitofa naho nihisa aza. Tsy tea tegna reke. Modely azontikagne tsikombegne reke amy ze raha zay. Ianaro ty fomba nampisehoa’e izay amy ty Toko 19, 41, 52 ao.

Namela ty helo i mpiana’e rey naho ty ndaty hafa ty Jesosy fa tsy tihoe nampianatse avao tie ilaegne ty mamela heloke. Saintsaigno ty ohatse nimei’e amy ty Toko 26, 40, 64, 85, 131 ao.

Fa nirehafegne mialoha fa tsy hagneke i Mesiay ty ankamaroa o Jiosio sady hovonoe ty fahavalo’e reke. Azo i Jesosy natao areke ty nitsitsy ty fiai’e naho fa nagnampe o ndatio. Faie nazoto nandrisike o ndatio hagnorike ty fivavahagne maregne reke. Modely hoahy ze mpanonjohy ty lia’e iaby reke, naho fa tendreke ndaty tsy liagne naho manohetse iareo. Henteo zay amy ty Toko 16, 72, 103 ao.

Ambone noho o ndaty tsy voririkeo ty Jesosy amy ty lafi’e maro. Mahafanta-draha naho mahilala ohatse reke. Voririke reke, le nahavita raha sady nahiratse naho ampitahaegne amy ty ndaty hafa. Faie niambane naho nanompo ty hafa avao reke. Misy lesogne miomba izay ty amy ty Toko 10, 62, 66, 94, 116 ao.

Nanam-paharetagne tamo o apostolio naho tamy ty ndaty hafa avao ty Jesosy naho fa tsy nahavita nanahake aze iareo sady tsy nagnorike ty reha’e. Tsy nirokake nagnerenkeregne nampianatse iareo ty raha ilae iareo mba hifandrambesa iareo marine amy i Jehovah reke. Saintsaigno ty ohatse nimei’e amy ty Toko 74, 98, 118, 135 ao.