Video Fampidiragne ty Boke Agnate Baiboly Ao
Ty fototse ty boke tsikiraidraike agnate Baiboly ao.
Fampidiragne ty boke Genesisy
Hazavaegne amy Genesisy ao tie akore ty niatomboha o ndatio sady akore ty nampisy o fijaleagneo naho o fateo.
Fampidiragne ty Boke Eksodosy
Nafaha i Jehovah tamy ty fagnandevozagne ta Ejipta agne o Israelitao, sady natao’e firenena voatokagne ho aze.
Fampidiragne ty Boke Levitikosy
Hazavae ty boke Levitikosy fa masigne ty Andrianagnahare naho tihoe toko’e masigne tikagne sady hihevetse izay ho raha lahibey.
Fampidiragne ty Boke Nomery
Dineho tie nagnino ro tena lahibey ty mankatò i Jehovah amy ze kila raha iaby naho magnaja ty ndaty voatendre hitarike ty vahoa’e.
Fampidiragne ty Boke Deoteronomia
Dineho tie nagnino ro mampiseho ty hatea i Jehovah o Israelitao ty lalàna nimei’e.
Fampidiragne ty Boke i Josoa
Ho trea’o ato ty nandresea o Israelitao ty firenena tamy i tane nampitamaen’Andrianagnahare iareoy naho ty nizaràgne i taney.
Fampidiragne ty Boke Mpitsara
Minday ty agnaragne tihoe mpitsara o boke iohoe satria tantaraegne ao ty nagnavota i lahilahy mpitsara nanam-pinoagne rey o Israelitao.
Fampidiragne ty Boke i Rota
Mirehake miomba ty hatea feno fahafoezan-tegna naseho ty somondrara raike mate valy tamy ty rafoza’e vantotse, naho ty fomba namalea i Jehovah aze soa ty boke i Rota.
Fampidiragne ty 1 Samoela
Heteo ato ty tantara o Israelio nanomboke tamy ty andro o mpitsarao hatrake amy ty fotoagne nitondra o mpanjakao.
Fampidiragne ty 2 Samoela
Hotrea’o ato fa nanam-pinoagne sady niambane ty Davida le nanjare tena teagne naho nalaza amy ty ndaty rehafe o Baibolio reke.
Fampidiragne ty 1 Mpanjaka
Niadagne o Israelio sady nifeno voninahitse ty Fanjakà i Solomona faie niova ze raha zay le nanjare nizara roe i fanjakagney, le ty fanjakà o Israelio naho ty fanjakà i Joda.
Fampidiragne ty 2 Mpanjaka
Ho trea’o ato fa nisy voka’e raty tamy ty fanjakagne amy ty tapa’e avaratse tamo o Israelio ty fanompoan-tsampy. Faie nisy tsiampeampe tamy iareo nanompo i Jehovah tamy ty fo’e, le nitahie’e.
Fampidiragne ty 1 Tantara
Henteo soa ty tantara ty razambey naho ty fiaigna i Davida Mpanjaka, fa natahotse an’Andrianagnahare nanomboke tamy ty naha mpanjaka o Israelio aze ampara-pahafate’e reke.
Fampidiragne ty 2 Tantara
Mareho tie akore ty agnasongadigna ty tantara miomba ty mpanjaka i Joda toy ty mahalahibey ty tsy mivalike aman’Andrianagnahare.
Fampidiragne ty Estera
Ty raha niseho tamy ty andro i Estera, le magnampe antika hatoky tanterake tie mahavita magnafake o vahoa’eo agnate ty raha sarotse ty Jehovah.
Fampidiragne ty Joba
Tsy maintsy hotsapaegne ty tsy fivaliha ze tea i Jehovah. Magnomey toky antika ty tantara i Joba, fa afake ty tsy hivalike tikagne sady afake manohagne ty zo i Jehovah hinday.
Fampidiragne ty Tononkiran’i Solomona
Nagnino ro natao tihoe “lelan’afo boake amy i Jah” ty hatea tsy miovaova i somondrara Solemitay i ajalahy mpiarake agnondrỳ?
Fampidiragne ty Boke Isaia
Tanterake iaby ze faminaniagne amy ty boke Isaia ao. Magnamafe ty fatokisantikagne i Jehovah zay fa tsy maintsy ho tanterake iaby ze raha nampitamae’e sady ireke ro Andrianagnahare mpamonje antikagne.
Fampidiragne ty Boke i Jeremia
Nirehake tamim-patokisagne ty raha nagniraha i Jehovah aze ty Jeremia ndra tie niatreke raha sarotse aza. Magnampe ty Kristiana tsy mivalike amy izao ka ty fieretseretagne ty ohatse soa nimei’e.
Fampidiragne ty Boke i Daniela
Tena tsy nivalike tamy i Jehovah ty Daniela naho i nama’e rey. Mahasoa antikagne velogne amo o ndro fara’e zao ty modely iareo naho ty faminaniagne tanterake.
Fampidiragne ty Boke i Hosea
Misy lesogne soa maro azontikagne ianaragne amy ty faminania i Hosea, ohatse tie tena mamindra fo amy ty ndaty manota, faie mibebake ty Jehovah. Trea amy io ka tie ino ty karazam-panompoagne eke’e.
Fampidiragne ty Boke i Joela
Naminany miomba ty “andro i Jehovah” ty Joela. Nirehake ka reke tie ino ty toko’e hatao naho te ho voavonje. Tena fa marine zao i fara’ey, arake ty faminania’e.
Fampidiragne ty Boke i Amosa
Ndaty ambane ty Amosa faie nifilie i Jehovah hanao asa lahibey. Ino ty azontikagne ianaragne boake amy ty ohatse i Amosa?
Fampidiragne ty Boke i Obadia
O boke iohoe ty fara’e fohe amy ty Soratse Hebreo. Rehafe’e ao tie ho voaporofo fa fagneva ty hitondra ty Jehovah.
Fampidiragne ty Boke i Jona
Nagneke hahitsy i mpaminanỳ, le nanjare nandeha nitory avao. Nampianaregne aze ka fa maneho hasoa fagnahy feno hatea naho mamindra fo ty Andrianagnahare. Tena manohigne fo ty tantara’e.
Fampidiragne ty Boke i Mika
Naho fa mamaky o faminaniagne iohoe tikagne, le matoky tie tsy maro loatse sady mahasoa ty raha ampanoe i Jehovah antikagne.
Fampidiragne ty Boke i Nehemia
Magnomey toky antikagne i faminaniagney tie tanterahe i Jehovah avao ty saontsi’e, sady ampahereze’e ze te ho sambatse naho ze te ho voavonje naho fa mitondra i Fanjakà’ey.
Fampidiragne ty Boke i Habakoka
Matoky tikagne fa hay i Jehovah avao ty fotoagne mete soa naho ty fomba fara’e soa hamonjea’e ty vahoa’e.
Fampidiragne ty Boke i Zefania
Nagnino tikagne ro tsy toko’e hieretseretse tie mbe ho ela i andro i Jehovah-y?
Fampidiragne ty Boke i Hagay
Asongadigne amo o faminaniagne iohoe fa tena toko’e hataontikagne amy ty toeragne voaloha’e lognandro ty fanompoagne an’Andrianagnahare, vaho izay tikagne manao ze raha teantikagne manokagne.
Fampidiragne ty Boke i Zakaria
Nampahery ty mpanompon’Andrianagnahare taloha ty fahitagne naho ty faminaniagne maro boake aman’Andrianagnahare. Mbe mampahery antikagne ka i raha rey, sady magnomey toky fa hagnampe antikagne avao ty Jehovah.
Fampidiragne ty Boke i Malakia
Rehafe i faminaniagney fa tsy miova ty toro lala i Jehovah, mamindra fo reke, sady bey hatea. Misy lesogne tena ilaegne amy hinane zao ka ty amy i faminaniagney ao.
Fampidiragne ty Boke i Matio
Ianaro ty foto ty boke amy Baiboly ao toy satria io ty voaloha’e amy i fitalilian-tsoa efatse rey.
Fampidiragne ty Boke i Marka
Ty boke i Marka ty fara’e fohe amy i fitalilian-tsoa efatse rey. Rehafe’e ka fa ho Mpanjaka ty Fanjakàn’Andrianagnahare ty Jesosy.
Fampidiragne ty Boke i Lioka
Ino ty fagnazavagne tsy misy hoe’e amy ty Fitalilian-tsoa i Lioka ao?
Fampidiragne ty Boke i Jaona
Nitantarae i Jaona fa tena tea ndaty ty Jesosy, niambane, sady ireke ro Mesia, i voatendre ho Mpanjaka ty Fanjakàn’Andrianagnaharey.
Fampidiragne ty Boke i Asan’ny Apostoly
Hagnampe azo hazoto hitory naho hampianatse ty boke i Asan’ny Apostoly. Tantaraegne ao fa modely ho antikagne o Kristiana voaloha’e reo satria nikezake mafe nampianatse ndaty boake amy ty firenena iaby.
Fampidiragne ty Boke i Romanina
Trea ao fa tsy magnavakavake ty Jehovah. Rehafegne ao ka tie nagnino tikagne ro mila mino i Jesosy Kristy.
Fampidiragne ty Boke 1 Korintianina
Rehafe i Paoly amy ty taratasi’e ao tie ino ty toko’e hataontikagne naho te hiray saigne naho halio findesam-batagne sady te ho bey hatea tikagne. Rehafe’e ao ka fa mila mino tikagne tie tena misy ty famelomagne amy ty mate.
Fampidiragne ty 2 Korintianina
“Mampahery naho manohagne ty mpanompo’e avao ty Jehovah, ‘i Andrianagnahare ze kila fampionognagney.’
Fampidiragne ty Galatianina
Mbe mahasoa ty Kristiana hatrake amy izao i taratasy nisorate i Paoly hoahy o Galatianaoy, satria magnampe iareo tsy hivalike aman’Andrianagnahare.
Fampidiragne ty Efesianina
Asongadigne amy i taratasy hoahy o Efesianaoy fa nisy raha nataon’Andrianagnahare mba hahavy o ndatio hilongo naho hiharo saigne. Tamy ty alala i Jesosy Kristy ty nanoa’e izay.
Fampidiragne ty Filipianina
Naho fa tsy mivalike tikagne ndra tie misy fitsapagne aza, le mandrisike ty hafa tsy hivalike ka.
Fampidiragne ty Kolosianina
Mampifale i Jehovah tikagne naho mampihatse ty raha ianarantikagne, mifamela heloke vata’e, sady magneke ty fahefà i Jesosy.
Fampidiragne ty 1 Tesalonianina
Toko’e hitao amy ty raha va’e hampihegne ty finoantikagne tika, ‘hamantatse soa ze kila raha’, ‘hivavake lognandro’, sady hifampahery.
Fampidiragne ty 2 Tesalonianina
Nagnitsy ty hevetse diso nanagna ty Kristiana ila’e miomba i andro i Jehovah-y ty Paoly, sady nandrisike iareo mba hagnamafe ty finoa’e.
Fampidiragne ty 1 Timoty
Nirehafe i Paoly amy 1 Timoty ao ty fomba fiasa toko’e horihegne amy i fiangonagney eo. Nirehake ka reke fa ilaegne ty mitao amy ty fampianaran-diso naho ty hatea vola.
Fampidiragne ty Boke 2 Timoty
Nandrisike i Timoty mba hagnatanterake soa ty fanompoa’e ty Paoly.
Fampidiragne ty Boke i Titosy
Ty olagne tamy ty fiangonagne ta Kreta tagne naho ty fepetse takegne amo o androanavi-pagnahio ty rehafegne ao.
Fampidiragne ty Boke i Filemona
Fohe i taratasỳ faie mandrisike antikagne mba hiambane naho ho soa fagnahy vaho hamela heloke.
Fampidiragne ty Boke Hebreo
Soa mandikoatse ty tempoly naho ty fanoagne sorogne biby ty fivavahagne kristiana.
Fampidiragne ty Boke i Jakoba
Nanao fagnoharagne mora azo ty Jakoba mba hagnazavagne tie toko’e hanao akore ty fomba fiaigna o Kristianao.
Fampidiragne ty Boke 1 Petera
Mandrisike antikagne hiasa mafe sady hirehake ty raha mampinekoneko antikagne aman’Andrianagnahare ty taratasy voaloha’e sinora i Petera.
Fampidiragne ty Boke 2 Petera
Mandrisike antika i taratasy sinora i Petera faharoey mba tsy hivalike amparake ty hiavia i lagnitse vaovaoy naho i tane vaovaoy.
Fampidiragne ty 1 Jaona
Mampitao antikagne amy ty antikristy i taratasy nisorate i Jaonay sady magnampe antikagne hahatrea tie ino ty raha toko’e ho teagne ndra tsy ho teagne.
Fampidiragne ty 2 Jaona
Maniahy antikagne ty taratasy faharoe nisorate i Jaona toy fa mila mandeha amy ty hamarenagne lognandro tikagne sady mila mitao amo o mpamitakeo.
Fampidiragne ty 3 Jaona
Mampianatse antikagne mba ho tea mandrambe ambahiny ty taratasy fahatelo nisorate i Jaona toy.
Fampidiragne ty boke i Joda
Rehafe i Joda ao fa misy ndaty te hamitake ty Kristiana naho te hitaogne iareo hanao raty.
Fampidiragne ty Apokalypsy
Aseho i fahitagne amy Apokalypsy ao rey fa hotanterahe i Fanjakàn’Andrianagnaharey ty fikasa’e miomba ty tane toy naho o ndatio.
