Irwanatipe kangolikaru anatar akwap kere etukokinos Ajenak Luka Yawe keda ngul luenyaraunitos kesi aiitun atwanare naka Yesu kwape icorakitor ngesi. (Luka 22:19) Ingarakini airiamun ngin oni amisiikin ajokis naidumuni oni kotoma kanuabu Yesu kiswama naapalia ngesi akeijar kanuwok. Itodunit bobo epone loipedoria oni aimedaun kotoma atwanareke kwape kwana keda koingaren da.—Yokana 3:16.

 Arai ibunitor ijo airiamun naka Aiitun Atwanare Naka Yesu arai mam, epone ani ipedoria ijo aimedaun kotoma atwanareke? Abu Yesu kisisianak oni iboro iarei luepolok luibusakinit oni aswam:

1.  1. Kisisiau nuikamunitos Edeke keda Yesu. Naelipia ngesi neejai Papake lokotoma akuj, abala Yesu ebe: “Aijar namam edaun nges na ebe, kojenutu jo Edeke ediopet lokabeit, ka Yesu Kristo Iokijukuni.”—Yokana 17:3.

2.  2. Kibwaik nuisisiau ijo toma aswamisioit. Ebongobongot Yesu alimokin oni aibwaikin aisisianakinetake toma aswamisioit. Kwape aanyunet, abu ngesi kongetak einerike loejenara loko Omoru kopone loka aiturit itunganan ‘yeniirari akekiro ka aswam kes.’ (Luka 6:46-48) Kapak ace abu bobo ngesi kolim ebe: “Arai kijenutu ngun, isirerengitoi yes arai kiswamata.”—Yokana 13:17.

 Ikoto kereka ijo aisisiaun nuipu nuikamunitos Edeke keda Yesu? Ipuda kereka ijo aicoreta nuingarakinete ijo aibwaikin toma aswamisioit ngun nuisisisau ijo? Iwaitin ice luipedoria ijo adumun akiro nuingarakinete kesi luta:

 Ainapetakosi nuka aisisia keda itunga Ebaibuli atitai engarakisi luipu aitwasam kotoma aijarakec akiro nuesisiautu kesi koBaibuli.

•   Kanu ajenun nuipu, odolok atutubet naka elagokosi naitetemit Ainapeta Nuka Aisisia Ebaibuli atitai.

•   Kanu ajenun epone loitolosiata Ajenak Luka Yawe aisisia Ebaibuli keda itunga kosesen ebidio loebala ebe Yalama Ageun Aisisia Ebaibuli.

 Iriamununos Ajenak Luka Yawe irwana aarei kangolisabiiti toma aiboisiokec nuka aima nuenyaritai Kingdom Hall. Kotoma airiamununeta kangun imori sio nuisisianakini Ebaibuli keda epone lopedoret aibwaikin ngun toma aswamisioit.

 Eraasi airiamununeta nu nuka itunga kere karaida mam ijo irai Ajenan Loka Yawe. Kotupitete ejautene loka atutubetekon, ipedori ijo abunere airiamununeta nu arai bo atupakinit kopone loka arucokin kasio kolago (videoconference).

•   Kanu ajenun nuiswamasi kotoma airiamununetakosi, kosesen ebidio Anyoika bo Nuiswamasi Kokingdom Hall?

•   Kanu ajenun airiamununeta nueyapiasi kajo, odolok atutubet naka elagokosi naebala Airiamununeta Nuka Ajenak Luka Yawe.

 Aisisiaeta nuipu keda ibidion luejaasi olago lo ingarakinete ijo ajenun nuipu nuikamunitos aisisianakineta nuka Yesu keda epone loimedaunia oni kotoma atwanareke.

 Kwape aanyunet, kanu aisisiaun epone loepedoria atwanare naka ediopetunganan aingarakin itunga luipu aimedaun, kosiom aisisiaeta “Jesus Saves—How?” keda “Why Did Jesus Suffer and Die?” arai bo kosesen ebidio Kanukinyo Atwania Yesu?