Ibidion Luitegearere Iitabon Luka Ebaibuli
Abeit naikamunit iitabon luka Ebaibuli.
Aitegear Ageun
Elimokinit Ageun oni akiro nuikamunitos ageunet naka itunga aimoriarit ageunet naka aiticanitoi ka atwanare.
Aitegear Esera
Abu Yawe kitodolik aisumuneteke naka alakun iketunga kotoma aijororio koBabulon ka ainyakun bobo aima nakabeit.
Aitegear Nekemia
Einakinit eitabo loka Nekemia aicoreta mama ejaasi ejaanakinak kere lukabeit kapakiowok.
Aitegear Esita
Akiro nuapotu kotakanutu kapakio nuka Esita itogogongoete aiyuunikon ebe epedori Yawe alakun iketunga kotoma atiokisio, kapakio kanu.
Aitegear Yob
Itemio ngul kere lueminasi Yawe. Akiro nuikamunitos Yob, einakinitos oni amun ebe ipedori oni asalakin imunokina kegangitos eipugae loka Yawe.
Aitegear Isabulin
Inerasi Isabulin noi nuikamunitos Ajakanut Naka Yawe, ingarakinitos ido italakaaritos ngul lueminasi nges, bobo da itodunitos epone loijulakinor akwap kotoma Ajakanutuke.
Aitegear Awaragasia
Kodum aicoreta nuikamunitos iponesio kere luka aijar—aimoriarit nuikamunitos aiman ka ngun nuikamunitos ekale.
Aitegear Ekalimonokinan
Itacaunit Solomon atiaketait naejai kiding iboro luepolok kotoma aijar keda iboro lumam itodunitos acoa naebunit kama ejai Edeke.
Aitegear Ekosio Loitelekaarit Ikososinei
Koitabo kalo, itetemitai amin naka Asulamit mama ejai ecokon kwape “aipelonoreta cut nuka EJAKAIT.” Kanukinyo?
Aitegear Isaia
Erai eitabo loka Isaia loejaasi adwareta nuebeit aitodolikin nuitogogongoete amunokinawok mama ejai Yawe Edeke loitodolinikini aisumununetake ka Edeke loka aitajariowok.
Aitegear Yeremia
Abu Yeremia kinyikok aswamuke karaida ejaasi atiokisio. Koomoom ber jo epone loepedoria aanyuneteke aingarakin Ikristayon luka lolo.
Aitegear Akuudian
Enabi Yeremia nges ewadikan, itetemit eitabo loka akuudian ibworoi amudiario nako Yerusalem ido itodunit epone loabu aitoronikin koyanguna aitimio kama ejai Edeke.
Aitegear Esekiel
Abu Esekiel kocam epeluke keda aitasono ka atiting, karaida etiono. Erai aanyuneteke naejok noi kanuwok lolo.
Aitegear Daniel
Apotu Daniel keda ipaupake kosalakis emunokina neejai Yawe kojautene loetiono. Aanyunetekec keda aitodolinikineta nuka adwareta epedorete aingarakin oni kwape kwana kotoma apakio nuka awasia.
Aitegear Kosea
Nuadwarit Kosea, ejaatar keda akiro nuepolok nuipedori oni asisiaun lolo kanuikamunitos epone loabu Yawe kitimio itunga luapotu kitoronikinos keda aima naekoto ngesi.
Aitegear Yoel
Abu enabi Yoel kodwar nuikamunitos apaaran naka Yawe naeumokina ido itatamit ngesi epone loepedoriata itunga aikuu. Ikamunit adwaretait na oni da lolo.
Aitegear Amos
Itosomat Yawe etunganan loetasono kanu aswam aswamuke naepol. Inyoin bo isisiauni oni kaneejai aanyunet naka Amos?
Aitegear Obadia
Erai eitabo loeuriana kakere kotoma aiwadikaeta nuka Aburanian. Einakinit adwaretait na amun ka aisumununeta ebe esipokinio ajakanut naka Yawe.
Aitegear Yona
Abu enabi kocam aitetenaario, kobongo aitodolikin akeswam ido abu kisisiau nuipu nuikamunitos amina naka Edeke naka aisianut kede aitim. Akiro nuikamunitos Yona, ekoto kojaananasi otaukon.
Aitegear Mika
Iyengakinit Edeke adwaretait na kanu aitogogong amunowok ebe nuekoto Yawe oni aswam duc eraasi nuejokuka ido imedauni oni.
Aitegear Nakum
Einakinit oni adwaretait na amun ebe itodolinikini Yawe akirotoke ido italakaarit ngul luemootos ainapakin kede aitajario kotoma ajakanutuke.
Aitegear Kabakuk
Ipedori do oni amunokin ebe ejeni Yawe apak naibecokino keda epone loedolit kanuka aitajar iketunga.
Aitegear Sepania
Kanukinyo ibusakinitor oni aisac aomit ebe mam apaaran naka Yawe naka atubokinio ebuni?
Aitegear Kagai
Itacaunit adwaretait na ajokis naka aisingarenit akiro nuka omoyo itia iboro luka akuan.
Aitegear Sekaria
Apotu aitapoeta keda adwareta nuipu kitogogongoto itunga luka Edeke kapakio nukakolo. Itogogongoete lolo oni da adwareta ngun nuka Yawe.
Aitegear Malaki
Erai na adwaretait naitopoloorit aicoreta nuka Yawe numam ijulasi, aitim keda amina. Isisianakini adwaretait na oni da lolo kapakiowok.
Aitegear Matayo
Kisisiau akiro nuepolok nuikamanara keda eitabo lo, losodit kotabon iwongon luka eijiri.
Aitegear Marako
Eitabo loeuriana kakere koitabon luka eijiiri, itodunit eitabo loka Marako epone loebunia Yesu aipuga kwape Ekabaka loka Ajakanut Naka Edeke.
Aitegear Luka
Anyoika bo akiro nuitegelikina nuejaasi toma oijiri loka Luka?
Aitegear Yokana
Itetemitos akiro nuka Yokana amin naka Yesu kanuka itunga, erai Yesu aanyunet naka aitasono, ejena ngesi kwape Mesia—Ekabaka loka Ajakanut naka Edeke.
Aitegear Aswamisio Nuka Ikiyakia
Apotu Ikristayon lukolo kiswamata kagogong aituluor itunga luka atekerin kere ikesisiak. Epedori eitabo loka Aswamisio aingarakin jo aiyatakin adunyanutukon ka akukuranut kotoma alimonokin.
Aitegear Iromayon
Aicoreta nuiyengakinitai kanuikamunitos epone loka Yawe loka amamut atiakatiaka keda ajokis naka aiyuun Yesu Kristo.
Aitegear 1 Ikorinton
Ejaatar ebalua lo kaicoreta nuiyengakinitai nuikamunitos aimorikikina, iponesio luajokak, amin namam enangi.
Aitegear 2 Ikorinton
Yawe, ‘Edeke loka aitalakar kere’ ngesi itogogongi ido idari ikejaanakinak.
Aitegear Igalatian
Kwape apotu akiro nuka ebalua loka Paul ingarakiniata Ikristayon luko Galatia, ingarakinete oni da akiro ngun kwape kwana. Epedorete aingarakin Ikristayon lukabeit kere asalakin emunooko.
Aitegear Ipeson
Itacaunit ebalua lo loiyengakinitai akiro nuikamunitos akote naka Edeke naka ayaun ainapakin ka aimorikikina toma akwap kitosomai Okokuke Yesu Kristo.
Aitegear Ipilipin
Arai kinyikok oni aijaanakin katiting kotoma ainingosia, isinyikokinete ngun luce da aibwo.
Aitegear Ikolosain
Isiyalamikini oni Yawe arai kipikak oni akiro nuisisiai oni toma aswamisioit kasodete aitimenen luce katipet ka aitopoloorit adoketait naitegelikina naka Yesu ka apedorike.
Aitegear 1 Isesalonikan
Ibusakinit oni asalakin ikwenyi kotoma omoyo, ‘aitem akiro kere,’ ‘ailipenen tiritir,’ ka aisinyikoonokin bonik ka bonik.
Aitegear 2 Isesalonikan
Abu Paul kitetena aomisio numam edolitos ido nuikamanara keda apaaran naka Yawe ido abu ngesi isinyikok iinacan aibwo kicasitos kotoma aiyuun.
Aitegear 1 Timoteo
Iwadikat ekiyakia Paul 1 Timoteo kanu aitetenaar ainapeta nuka atukot ka aikwenyar Ikristayon aisac aisisianakineta nukaisab keda amin ikapun.
Aitegear 2 Timoteo
Isinyikokinit Paul Timoteo aitodolikin aijaanakinike.
Aitegear Tito
Ebalua lo loka Paul mama ejai Tito inerit nuikamunitos atiokisio nuajaasi atukot nako Kurete ido itacaunit nuibusakinit ikiliok aswam kotoma atukot tetere edolokinete aijaanakin kwape imakio.
Aitegear Pilemon
Euriana ebalua lo konye kojaatar keda aicoreta nuikamunitos aitasono, asianut, keda aitim.
Aitegear Iburanian
Aima naka Ekristayone edeparit aima naetosomaere eyekalu ka asuban nuka itiang.
Aitegear Yakob
Itosomat Yakob aitupuseta nuepataka aitejenunia aicoreta nuepolok.
Aitegear 1 Petero
Isinyikokinit ebalua lo losodit loka Petero oni aisalakinit ikenyi kotoma omoyo ido awoikisi awokoiyalongong kere mama ejai Edeke.
Aitegear 2 Petero
Ebalua loiyareit loka Petero isinyikokinit oni atitingikin kedaritos akuj nakitetet ka akwap nakitetet.
Aitegear 1 Yokana
Ikwenyakinit oni ebalua losodit loka Yokana nuikamunitos lokasurup loka Kristo ido itejenikinit oni nuibusakinit oni aminun ka nuibusakinit oni aisac.
Aitegear 2 Yokana
Isiitikinit oni ebalua loiyareit loka Yokana ainyikokin alosenen kotoma abeit kacoito ikengalak.
Aitegear 3 Yokana
Isisianakini ebalua loiwuniet loka Yokana nuikamunitos ajokis naka aisukuny iinacan.
Aitegear Yuda
Isidedeleunit Yuda iponesio luarokok luka ngul luatamitos aingalangal ka aitapaar Ikristayon.
Aitegear Apukokinio
Aitapoeta nukaumokin nukotoma Apukokinio itetemitos epone loitodolikinio Ajakanut Naka Edeke akote naka Edeke kanuka itunga aijar kakwap.