Ngaahi Lēsoni ʻe Lava Ke Ke Ako mei he Tohi Tapú
Ko e tohí ni te ne ʻave koe ʻi ha fononga ʻi he kotoa ʻo e taimí, mei he talanoa Fakatohitapu ki he fakatupú, ki he ʻaloʻi mo e ngāue fakafaifekau ʻa Sīsuú, pea hoko atu ai ki he hoko mai ʻa e Puleʻangá.
Ko ha Tohi mei he Kulupu Pulé
ʻE lava ke ngāueʻaki fēfē ʻa e tohí ni?
LĒSONI 1
Ngaohi ʻe he ʻOtuá ʻa Hēvani mo Māmani
ʻOku pehē ʻe he Tohi Tapú naʻe ngaohi ʻe he ʻOtuá ʻa hēvani mo māmani. Ko e hā naʻá ne ngaohi ai ha ʻāngelo ʻe taha ki muʻa ke ne ngaohi ʻa e tokotaha kotoa mo e meʻa kehe kotoa?
LĒSONI 2
Ngaohi ʻe he ʻOtuá ʻa e ʻUluaki Tangatá mo e ʻUluaki Fefiné
Naʻe ngaohi ʻe he ʻOtuá ʻa e ʻuluaki tangatá mo e ʻuluaki fefiné peá ne tuku kinaua ʻi he ngoue ʻo ʻĪtení. Naʻá ne loto ke na kamataʻi ha fāmili pea ngaohi ʻa e māmaní kotoa ko ha palataisi.
LĒSONI 3
Talangataʻa ʻa ʻĀtama mo ʻIvi ki he ʻOtuá
Ko e hā naʻe makehe ai ʻa e fuʻu ʻakau ʻe taha ʻi he ngoue ʻo ʻĪtení? Ko e hā naʻe kai ai ʻe ʻIvi ʻa e fuaʻiʻakau mei aí?
LĒSONI 4
Mei he ʻItá ki he Tāmate
Tali ʻe he ʻOtuá ʻa e feilaulau ʻa ʻĒpelí kae ʻikai ko Keini. ʻI he ʻiloʻi ʻe Keiní, naʻá ne ʻita lahi peá ne fai ha meʻa fakalilifu.
LĒSONI 5
ʻAʻake ʻa Noá
ʻI he mali ʻa e kau ʻāngelo naʻe hingá mo e kakai fefine ʻi he māmaní, naʻe ʻi ai honau ngaahi foha ko e kau saianiti houtamaki. Naʻe ʻi he feituʻu kotoa ʻa e fakamālohi. Ka naʻe kehe ʻa Noa ia—naʻá ne ʻofa mo talangofua ki he ʻOtuá.
LĒSONI 6
Hao ha Toko Valu ki ha Māmani Foʻou
ʻI he Lōmakí naʻe ʻuha ʻi he ʻaho ʻe 40 mo e pō ʻe 40. Naʻe ʻi he ʻaʻaké ʻa Noa mo hono fāmilí ʻo laka hake ʻi he taʻu ʻe taha. Faifai atu pē, naʻe pehē ʻe he ʻOtuá ʻe lava ke nau hū ki tuʻa.
LĒSONI 7
Taua ʻo Pēpelí
Naʻe fakapapauʻi ʻe he kakai ʻe niʻihi ke langa ha kolo mo ha taua ʻe aʻu hono tumutumú ki he langí. Ko e hā naʻe ʻai fakafokifā ai ʻe he ʻOtuá ke nau lea ʻi he ngaahi lea kehekehé?
LĒSONI 8
Talangofua ʻa ʻĒpalahame mo Sela ki he ʻOtuá
Ko e hā naʻe tuku ange ai ʻe ʻĒpalahame mo Sela ʻa ʻena moʻui ʻi he koló ka na hikihiki holo ʻi he fonua ko Kēnaní?
LĒSONI 9
Ko Eni Kuo Maʻu ha Foha!
ʻE fēfē hono fakahoko ʻe he ʻOtuá ʻene palōmesi kia ʻĒpalahamé? Ko hai ʻa e foha ʻo ʻĒpalahame ʻe kau ki aí—ko ʻAisake pe ʻIsimeʻeli?
LĒSONI 10
Manatuʻi ʻa e Uaifi ʻo Loté
Naʻe ʻai ʻe he ʻOtuá ke ʻalu hifo ʻa e afi mo e sūlifa ki Sōtoma mo Komola. Ko e hā naʻe fakaʻauha ai ʻa e ongo kolo ko iá? Ko e hā ʻoku totonu ai ke tau manatuʻi ʻa e uaifi ʻo Loté?
LĒSONI 11
ʻAhiʻahiʻi ʻo e Tuí
Naʻe tala ʻe he ʻOtuá kia ʻĒpalahame: ‘ʻAve muʻa ho foha pē ʻe tahá pea foaki ia ko ha feilaulau ʻi ha moʻunga ʻi he fonua ko Molaiá.’ ʻE fēfē ʻa e fehangahangai ʻa ʻĒpalahame mo e ʻahiʻahiʻi ko eni ʻo ʻene tuí?
LĒSONI 12
Maʻu ʻe Sēkope ʻa e Tofiʻá
Maʻu ʻe ʻAisake mo Lepeka ha ongo māhanga tangata ko ʻĪsoa mo Sēkope. Koeʻuhi ko ʻĪsoa naʻe ʻuluaki fāʻeleʻí, naʻá ne ʻi he laine ki ha tofiʻa makehe. Ko e hā naʻá ne tuku ange ai ia kae maʻu ha poulu supó?
LĒSONI 13
Fakamelino ʻa Sēkope mo ʻĪsoa
Naʻe anga-fēfē hono maʻu ʻe Sēkope ha tāpuaki mei ha ʻāngeló? Pea naʻe anga-fēfē ʻene fakamelino mo ʻĪsoá?
LĒSONI 14
Ko ha Pōpula Naʻe Talangofua ki he ʻOtuá
Naʻe fai ʻe Siosifa ʻa e meʻa naʻe totonú, ka naʻá ne kei faingataʻaʻia lahi pē. Ko e hā hono ʻuhingá?
LĒSONI 15
ʻIkai ʻAupito Ngalo ʻIa Sihova ʻa Siosifa
Neongo naʻe nofo mamaʻo ʻa Siosifa mei hono fāmilí, naʻe fakamoʻoniʻi ʻe he ʻOtuá naʻá ne ʻiate ia.
LĒSONI 17
Fili ʻa Mōsese ke Lotu kia Sihova
Naʻe fakahaofi ʻa e pēpē ko Mōsesé ʻi he palani fakapotopoto ʻene faʻeé.
LĒSONI 19
ʻUluaki Mala ʻe Tolú
Naʻe ʻomi ʻe Felo ha fakatamaki ki hono kakaí he naʻá ne fuʻu pōlepole ke fai ha kiʻi ngāue faingofua.
LĒSONI 20
Mala ʻe Ono Hono Hokó
Ko e hā naʻe kehe ai ʻa e ngaahi mala ko ení mei he ʻuluaki mala ʻe tolú?
LĒSONI 21
Mala Hono Hongofulú
Naʻe fakamamahi ʻaupito ʻa e mala ko ení ʻo iku tukulolo ai ʻa Felo pōlepole.
LĒSONI 22
Mana ʻi he Tahi Kulokulá
Hao ʻa Felo ʻi he mala ʻe hongofulú, ka naʻá ne hao ʻi he mana ko eni ʻa e ʻOtuá?
LĒSONI 23
Palōmesi kia Sihova
Naʻe fai ʻe he kau ʻIsilelí ha palōmesi makehe ki he ʻOtuá ʻi heʻenau nofo ʻi Moʻunga Sainaí.
LĒSONI 24
Naʻa Nau Maumauʻi ʻEnau Palōmesí
Lolotonga ʻa e ʻalu ʻa Mōsese ke ʻomi ʻa e Fekau ʻe Hongofulú, naʻe fai ʻe he kakaí ha angahala mamafa.
LĒSONI 26
Kau Asiasi ʻe Toko Tahaua
Naʻe kehe ʻa Siosiua mo Kēlepi mei he kau tangata ʻe toko hongofulu naʻa nau asiasi ʻi he fonua ko Kēnaní.
LĒSONI 27
Naʻa Nau Angatuʻu kia Sihova
Naʻe ʻikai ke ʻiloʻi ʻe Kola, Tētani, ʻApilami, mo e kau tangata ʻe toko 250 kehé ha moʻoniʻi meʻa mahuʻinga fekauʻaki mo Sihova.
LĒSONI 28
Lea ʻa e ʻAsi ʻa Pēlamí
Sio ʻa e ʻasí ki he tokotaha ʻa ia naʻe ʻikai lava ke sio ki ai ʻa Pēlami.
LĒSONI 29
Fili ʻe Sihova ʻa Siosiua
ʻOange ʻe he ʻOtuá ʻa e fakahinohino kia Siosiua ʻe lava ke tokoni foki kiate kitautolu ʻi he ʻahó ni.
LĒSONI 30
Fufū ʻe Lēhapi ʻa e Ongo Asiasí
Naʻe holo ʻa e ʻā ʻo Sielikoó. Ka naʻe tuʻu pē ʻa e fale ʻo Lēhapí, neongo naʻe langa ia ʻi he ʻaá.
LĒSONI 31
Siosiua mo e Kau Kipioné
Naʻe lotu ʻa Siosiua ki he ʻOtuá: “Laʻā, tuʻu maʻu!” Naʻe tali ʻe he ʻOtuá?
LĒSONI 32
Taki Foʻou mo e Ongo Fefine Toʻa
Hili e mate ʻa Siosiuá, naʻe kamata ke lotu ʻa e kau ʻIsilelí ki he ngaahi ʻaitolí. Naʻe faingataʻa ʻa e moʻuí, ka naʻe fakahoko ha tokoni ʻe Fakamaau Pēlake, Tēpola ko e palōfita fefiné, mo Siaili mo ʻene pine tēnití!
LĒSONI 33
Lute mo Nāomi
Foki ki ʻIsileli ʻa e ongo fefine naʻe fakatou mate ʻa hona malí. Ko e taha ʻo e ongo fefiné, ko Lute, naʻe ʻalu ʻo ngāue ʻi he ngoué, ʻa ia naʻe fakatokangaʻi ai ia ʻe Pōasi.
LĒSONI 34
Ikunaʻi ʻe Kitione ʻa e Kau Mitianí
Hili hono ʻai ʻe he kau Mitianí ke faingataʻaʻia ʻenau moʻuí, naʻe kōlenga ʻa e kau ʻIsilelí kia Sihova ki ha tokoni. Naʻe anga-fēfē leva hono ikunaʻi ʻe he kiʻi kau tau ʻa Kitioné ʻa e kau sōtia ʻe toko 135,000 ʻa e filí?
LĒSONI 35
Lotu ʻa ʻAna ʻo Kole Haʻane Tama
ʻAve ʻe ʻElikena ʻa ʻAna mo Pēnina mo e fāmilí ke nau lotu ʻi he tāpanekale ʻi Sailó. ʻOku lotu ai ʻa ʻAna ʻo kole haʻane tama. ʻOkú ne fanauʻi ʻa Sāmiuela ʻi he taʻu ʻe taha ki mui ai!
LĒSONI 36
Palōmesi ʻa Sēfitá
Ko e hā ʻa e palōmesi naʻe fai ʻe Sēfitá, pea ko e hā hono ʻuhingá? Naʻe fēfē ʻa e tali ʻa e ʻofefine ʻo Sēfitá ki he palōmesi ʻa ʻene tamaí?
LĒSONI 37
Lea ʻa Sihova kia Sāmiuela
Ngāue fakataulaʻeiki ʻa e ongo foha ʻo ʻĪlai ko e Taulaʻeiki Lahí ʻi he tāpanekalé, ka naʻe ʻikai te na talangofua ki he ngaahi lao ʻa e ʻOtuá. Naʻe kehe ʻa kiʻi Sāmiuela ia, pea naʻe lea ʻa Sihova kiate ia.
LĒSONI 38
ʻAi ʻe Sihova ke Mālohi ʻa Samisoni
Naʻe ʻai ʻe he ʻOtuá ke mālohi ʻa Samisoni ke ne tauʻi ʻa e kau Filisitiá, ka ʻi hono fai ʻe Samisoni ha fili koví, naʻe puke ia ʻe he kau Filisitiá.
LĒSONI 39
ʻUluaki Tuʻi ʻo ʻIsilelí
Naʻe ʻoange ʻe he ʻOtuá ki he kau ʻIsilelí ʻa e kau fakamaau ke nau tataki kinautolu, ka naʻa nau fiemaʻu ha tuʻi. Naʻe pani ʻe Sāmiuela ʻa Saula ke ne hoko ko e ʻuluaki tuʻí, ka ki mui ai naʻe siʻaki ʻe Sihova ʻa Saula. Ko e hā hono ʻuhingá?
LĒSONI 40
Tēvita mo Kolaiate
Fili ʻe Sihova ʻa Tēvita ke hoko ko e tuʻi hono hoko ʻo ʻIsilelí, pea ʻoku fakahaaʻi ʻe Tēvita ʻa e ʻuhinga ko ha fili lelei ai iá.
LĒSONI 41
Tēvita mo Saula
Ko e hā ʻoku fehiʻa ai ʻa e taha ʻo e ongo tangata ko ení ki he tokotaha ʻe tahá, pea ʻoku anga-fēfē ʻa e tōʻonga ʻa e tokotaha ʻoku fehiʻanekinaʻí?
LĒSONI 44
Temipale Maʻa Sihova
Tali ʻe he ʻOtuá ʻa e kole ʻa Tuʻi Solomoné pea ʻoange kiate ia ʻa e ngaahi monū lahi.
LĒSONI 47
Fakaivimālohiʻi ʻe Sihova ʻa ʻIlaisiā
ʻOkú ke tui ʻe lava ke ne fakaivimālohiʻi mo koe foki?
LĒSONI 49
Tauteaʻi ha Kuini Fulikivanu
Faʻufaʻu ʻa Sisipeli ke tāmateʻi ʻa Nēpote koeʻuhi ke kaihaʻasi ʻene ngoue kālepí! Ko ʻene fulikivanú naʻe ʻikai ke taʻefakatokangaʻi ʻe Sihova.
LĒSONI 50
Maluʻi ʻe Sihova ʻa Sihosafate
Hanga ʻa e tuʻi lelei ko Sihosafaté ki he ʻOtuá ʻi he lotu ʻi hono fakamanamanaʻi ʻo Siuta ʻe he ngaahi puleʻanga fakafilí.
LĒSONI 51
Tangata Taú mo e Kiʻi Taʻahiné
Talanoa ha kiʻi taʻahine ʻIsileli ki hono pulé fekauʻaki mo e fuʻu mālohi ʻo Sihová—ʻo ʻi ai hono ola fakaemana.
LĒSONI 52
Fanga Hoosi mo e Saliote Afi ʻa Sihová
Founga ʻo e sio ʻa e sevāniti ʻa ʻIlaisá ‘ʻoku tokolahi ange ʻa e faʻahinga ʻoku kau mo kitauá ʻi he faʻahinga ʻoku kau mo kinautolú.’
LĒSONI 54
Anga-Kātaki ʻa Sihova kia Siona
Naʻe anga-fēfē ʻa e hoko ʻo folo ʻe ha fuʻu ika ʻa e taha ʻo e kau palōfita ʻa e ʻOtuá? Naʻe anga-fēfē ʻene hū ki tuʻá? Pea ko e hā ʻa e lēsoni naʻe akoʻi ʻe Sihova kiate iá?
LĒSONI 55
Maluʻi ʻe he ʻĀngelo ʻa Sihová ʻa Hesekaia
Pehē ʻe he ngaahi fili ʻo Siutá heʻikai ke maluʻi ʻe Sihova ʻa hono kakaí, ka ʻoku hala ʻenau maʻú!
LĒSONI 56
ʻOfa ʻa Siosaia ʻi he Lao ʻa e ʻOtuá
ʻOku hoko ʻa Siosaia ko e tuʻi ʻo Siuta ʻi heʻene taʻu valú, pea ʻokú ne tokoniʻi ʻa hono kakaí ke nau lotu kia Sihova.
LĒSONI 57
Fekauʻi Atu ʻe Sihova ʻa Selemaia ke Malanga
Ko e meʻa naʻe leaʻaki ʻe he talavou ko e palōfitá naʻe ʻita lahi ai ʻa e kau mātuʻa ʻo Siutá.
LĒSONI 58
Fakaʻauha ʻa Selusalema
Hokohoko atu ʻa e lotu ʻa e kakai ʻo Siutá ki he ngaahi ʻotua loí, ko ia ʻoku liʻaki kinautolu ʻe Sihova.
LĒSONI 59
Tamaiki Tangata ʻe Toko Fā Naʻa Nau Talangofua kia Sihova
Fakapapauʻi ʻe he kau talavou Siutá ke faitōnunga ai pē kia Sihova, naʻa mo e ʻi he lotoʻā fakatuʻi ʻo Pāpiloné.
LĒSONI 60
Puleʻanga ʻE Tuʻu ʻo Taʻengata
Fakamatalaʻi ʻe Taniela ʻa e ʻuhinga ʻo e misi faikehe ʻa Nepukanesá.
LĒSONI 61
ʻIkai Te Nau Punou
Fakafisi ʻa Setaleki, Mēsake, mo ʻApitenikō ke lotu ki he ʻīmisi koula ʻa e tuʻi ʻo Pāpiloné.
LĒSONI 63
Tohi ʻi he Holisí
Ko e taimi fē ʻoku ʻasi mai ai ʻa e tohi misiteli ko ení, pea ko e hā hono ʻuhingá?
LĒSONI 64
Taniela ʻi he ʻAna ʻo e Fanga Laioné
Lotu kia Sihova ʻi he ʻaho kotoa pē, ʻo hangē pē ko Tanielá!
LĒSONI 65
Fakahaofi ʻe ʻĒseta ʻa Hono Kakaí
Neongo ko ha muli ia, naʻá ne ʻalu mei he tokotaha paeá ʻo hoko ko e kuini.
LĒSONI 66
Akoʻi ʻe ʻĒsela ʻa e Lao ʻa e ʻOtuá
Hili e fanongo ʻa e kau ʻIsilelí kia ʻĒselá, naʻa nau fai ha palōmesi makehe ki he ʻOtuá.
LĒSONI 67
ʻĀ ʻo Selusalemá
ʻIloʻi ʻe Nehemaia ʻoku palani ʻa e filí ke ʻohofi kinautolu. Ko e hā naʻe ʻikai ai te ne ilifiá?
LĒSONI 68
Maʻu ʻe ʻIlisapesi ha Pēpē
Ko e hā naʻe tala ai ki he husepāniti ʻo ʻIlisapesí heʻikai te ne lava ʻo lea kae ʻoua kuo fanauʻi ʻa e pēpeé?
LĒSONI 70
Fakahaaʻi ʻe ha Kau ʻĀngelo ʻa e ʻAloʻi ʻo Sīsuú
Naʻe vave ʻa e fakafeangai ʻa e kau tauhi-sipi naʻa nau fanongo ki hono fakahāʻí.
LĒSONI 73
Teuteu ʻe Sione ʻa e Halá
ʻOku tupu hake ʻa Sione ʻo hoko ko ha palōfita. ʻOkú ne akoʻi ʻa e haʻu ʻa e Mīsaiá. ʻOku anga-fēfē ʻa e fakafeangai ʻa e kakaí ki heʻene pōpoakí?
LĒSONI 74
Hoko ʻa Sīsū ko e Mīsaiá
ʻOku ʻuhinga ki he hā ʻa Sione ʻi heʻene pehē ko Sīsū ʻa e Lami ʻa e ʻOtuá?
LĒSONI 75
ʻAhiʻahiʻi ʻe he Tēvoló ʻa Sīsū
ʻOku ʻahiʻahiʻi tuʻo tolu ʻe he Tēvoló ʻa Sīsū. Ko e hā ʻene ʻahiʻahi ʻe tolú? ʻOku anga-fēfē ʻa e tali ki ai ʻa Sīsuú?
LĒSONI 76
Fakamaʻa ʻe Sīsū ʻa e Temipalé
Ko e hā ʻoku tuli ai ki tuʻa ʻe Sīsū ʻa e fanga manú mei he temipalé pea fulihi ʻa e ngaahi tēpile ʻa e kau fetongi paʻangá?
LĒSONI 77
Fefine ʻi he Vaitupú
ʻOhovale ha fefine Samēlia ʻi he lea ange ʻa Sīsū kiate iá. Ko e hā hono ʻuhingá? Ko e hā ʻa e meʻa ʻoku tala ange ʻe Sīsū kiate ia kuo teʻeki ai te ne vahevahe ki ha tahá?
LĒSONI 78
Malangaʻi ʻe Sīsū ʻa e Pōpoaki ʻo e Puleʻangá
Fakaafeʻi ʻe Sīsū ʻa e niʻihi ʻo ʻene kau ākongá ke nau hoko “ko e kau toutai tangata.” Ki mui ai, ʻokú ne akoʻi ʻa e toko 70 ʻo hono kau muimuí ke nau malangaʻi ha pōpoaki ʻo e ongoongo lelei.
LĒSONI 79
Fai ʻe Sīsū ʻa e Ngaahi Mana Lahi
ʻI ha feituʻu pē ʻoku ʻalu ki ai ʻa Sīsū, ʻoku haʻu kiate ia ʻa e kakai puké ki ha tokoni, pea ʻokú ne fakamoʻui kinautolu. ʻOku aʻu ʻo ne fakamoʻui ha kiʻi taʻahine mei he maté.
LĒSONI 80
Fili ʻe Sīsū ʻa e Kau ʻApositolo ʻe Toko Tahauá
Ko ʻene fili kinautolu ki he hā? ʻOkú ke manatuʻi honau hingoá?
LĒSONI 81
Malanga ʻi he Moʻungá
Akoʻi ʻe Sīsū ʻa e ngaahi lēsoni mahuʻinga ki ha fuʻu kakai ʻoku fakatahataha.
LĒSONI 82
Akoʻi ʻe Sīsū ki Heʻene Kau Ākongá ʻa e Founga ke Lotu Aí
Ko e hā ʻa e ngaahi meʻa ʻokú ne tala ki heʻene kau ākongá ke nau hanganaki kolé?
LĒSONI 83
Fafanga ʻe Sīsū ʻa e Laui Afe
Ko e hā ʻoku fakahaaʻi mai kiate kitautolu ʻe he mana ko ení fekauʻaki mo Sīsū pea mo Sihová?
LĒSONI 84
Lue ʻa Sīsū ʻi he Fukahi Tahí
ʻOku lava ke ke sioloto atu ki he ongoʻi ʻa e kau ʻapositoló ʻi heʻenau sio ʻi he mana ko ení?
LĒSONI 85
Fakamoʻui Mahaki ʻa Sīsū ʻi he Sāpaté
Ko e hā ʻoku ʻikai ke fiefia ai ʻa e tokotaha kotoa ʻi he meʻa ʻokú ne faí?
LĒSONI 86
Fokotuʻu Hake ʻe Sīsū ʻa Lāsalosi
ʻI he sio ʻa Sīsū ki he tangi ʻa Melé, ʻoku kamata ke ne tangi mo ia foki. Ka naʻe vave ʻa e maliu ʻa ʻena tō loʻimatá ki he fiefia.
LĒSONI 87
Kai Efiafi Fakaʻosi ʻa Sīsuú
ʻOange ʻe Sīsū ʻa e ngaahi fakahinohino mahuʻinga ki heʻene kau ʻapositoló lolotonga ʻenau kai efiafi fakaʻosí.
LĒSONI 88
Ko Hono Puke ʻo Sīsuú
Taki ʻe Siutasi ʻIsikaliote ha fuʻu kakai ʻoku nau toʻo heletā mo e pōvai ki he ngoue ko Ketisemaní koeʻuhi ke lava ʻo nau puke ʻa Sīsū.
LĒSONI 89
Fakaʻikaiʻi ʻe Pita ʻa Sīsū
Ko e hā ʻoku hoko ʻi he lotoʻā ʻo e fale ʻo Kaiafasí? Pea ko e hā ʻoku hoko kia Sīsū ʻi loto ʻi he falé?
LĒSONI 91
Toetuʻu ʻa Sīsū
Ko e hā ʻa e ngaahi meʻa fakaofo ʻoku hoko ʻi he ngaahi ʻaho hili hono tāmateʻi ʻo Sīsuú?
LĒSONI 93
Foki ʻa Sīsū ki Hēvani
Kae kehe, ki muʻa ke ne fai iá, ʻokú ne ʻoange ki heʻene kau ākongá ha ngaahi fakahinohino mātuʻaki mahuʻinga.
LĒSONI 94
Maʻu ʻe he Kau Ākongá ʻa e Laumālie Māʻoniʻoní
Ko e hā ʻa e mālohi fakaemana ʻoku ʻoange kiate kinautolu ʻe he laumālie māʻoniʻoní?
LĒSONI 95
ʻIkai Lava ke Taʻofi Kinautolu ʻe ha Meʻa
Feinga he taimi ko ení ʻa e kau taki lotu naʻa nau tāmateʻi ʻa Sīsuú ke fakasīlongoʻi ʻa ʻene kau ākongá. Ka ʻoku ʻikai te nau lava.
LĒSONI 96
Fili ʻe Sīsū ʻa Saula
Ko Saulá ko ha fili anga-fakamālohi ia ʻo e kau Kalisitiané, ka ʻoku vave ke liliu ia.
LĒSONI 97
Maʻu ʻe Koliniusi ʻa e Laumālie Māʻoniʻoní
Ko e hā ʻoku fekauʻi atu ai ʻe he ʻOtuá ʻa Pita ki he fale ʻo e tangata ko eni, ʻa ia ʻoku ʻikai ko ha Siú?
LĒSONI 98
Mafola ʻa e Lotu Faka-Kalisitiané ki he Ngaahi Puleʻanga Lahi
Kamata ʻe he ʻapositolo ko Paulá mo hono ngaahi kaungā-misinalé ʻa e ngāue fakamalangá ʻi he ngaahi fonua mamaʻó.
LĒSONI 99
ʻIlo ʻe ha Sela ʻa e Moʻoní
ʻOku anga-fēfē ʻa e kau kotoa ʻa ha tēmeniō, ko ha mofuike, mo ha heletā ʻi he talanoa ko ení?
LĒSONI 100
Paula mo Tīmote
Ngāue fakataha ʻa e ongo tangatá ʻi hona tuʻunga ko ha ongo kaungāmeʻa mo e kaungā-sevāniti ʻi he ngaahi taʻu lahi.
LĒSONI 101
ʻAve ʻa Paula ki Loma
ʻOku mohu fakatuʻutāmaki ʻa e fonongá, ka ʻoku ʻikai ha faingataʻa ʻe lava ke ne fakamāmālieʻi ʻa e ʻapositolo ko ení.
LĒSONI 103
“Ke Hoko Mai Ho Puleʻangá”
Ko e meʻa fakahā kia Sioné ʻoku fakahaaʻi ai ʻa e founga ʻe liliu ai ʻe he Puleʻanga ʻo e ʻOtuá ʻa e moʻui ʻi he māmaní.
