Lesson Wey You Fit Learn From Bible
This book go help you fit learn wetin happen for Bible time, from how God take make this earth, how dem take born Jesus and about im preaching work, and go reach when the Kingdom go come.
Letter Wey Come From the Governing Body
How you go take use this book?
God Make Heaven and Earth
Bible sey na God make heaven and earth. But wetin make am make one angel before e make everybody and everything?
God Make the First Man and Woman
God make the first man and woman and e put dem for garden of Eden. E want make dem born pikin and make the earth paradise.
Adam and Eve No obey God
Wetin dey special about one tree for garden of Eden? Wetin make Eve chop fruit from that tree?
E Vex Kill Im Brother
God like Abel sacrifice but e no like Cain own. When Cain see sey na so e be, e vex well well and e do bad thing.
Noah Ark
When bad angels marry women for this earth, dem born pikin wey get power well well like giant and dem dey cause wahala for other people. People come dey do bad things for everywhere. But Noah no do like dem—e love God and e obey am.
Na Only Eight People No Die
The heavy rain fall for 40 days and 40 nights. Noah and im family stay the ark pass one year before dem come fit come out.
Dem Build Tall House for Babel
People come sey dem want build one house wey tall reach heaven. Wetin make God make dem speak different different language?
Abraham and Sarah Obey God
Why Abraham and Sarah leave everything wey dem get, come go be stranger for Canaan?
Sarah Don Born Pikin!
How God go take do wetin e promise Abraham? Which of Abraham pikin e want use—Isaac or Ishmael?
Lot Wife No Obey Jehovah
God use fire and sulfur wey fall like rain take destroy Sodom and Gomorrah. Why God destroy the two city? Why e good make we remember Lot wife?
Jehovah Test Im Faith
God tell Abraham sey: ‘Abeg, go use your only pikin do sacrifice for me for the mountain wey dey Moriah.’ How Abraham go take face this test for im faith?
Na Jacob Come Get the Property
Isaac and Rebekah get twins, their name na Esau and Jacob. Because na Esau dem first born, na im suppose get the property as senior pikin. Wetin make am throwey am because of ordinary plate of stew?
Dem Settle Their Quarrel
Wetin Jacob do wey make am fit get blessing from one angel? And how e take settle with Esau?
One Slave Wey Obey God
Joseph do wetin correct, but e suffer well well. Why?
Jehovah No Ever Forget Joseph
Even if sey Joseph no dey with im family, God show sey e dey with am.
Who Job Be?
E worship Jehovah even when things hard for am.
Na Jehovah Moses Worship
When dem born Moses, e no die because im mama get better plan.
The Bush Wey Fire Dey
Why fire no burn the bush?
The First Three Things Wey God Take Punish Egypt
Pharaoh bring wahala for im people because e too stubborn to do wetin God talk.
The Next Six Things Wey God Take Punish Egypt
How this things wey God take punish Egypt take different form the first three?
The Last Thing Wey God Take Punish Egypt
This thing wey God take punish Egypt people pain dem well well, sotey Pharaoh wey dey make mouth let dem go.
The Miracle Wey Happen for Red Sea
Pharaoh survive the ten things wey God take punish Egypt, but e survive the miracle wey God do?
Israel People Promise Jehovah
Israel people promise Jehovah when dem dey the mountain wey dey Sinai.
Dem No Do Wetin Dem Promise
As Moses go take the Ten Commandment, the people do bad thing.
Tabernacle—Place Wey Dem for Dey Worship God
The ark of the covenant dey this special tent.
Twelve People Wey Hide Go Look Canaan
Joshua and Caleb different from the other ten people wey hide go look Canaan.
Dem Challenge Jehovah
Korah, Dathan, Abiram, and 250 other people no gree believe sey na Jehovah choose Moses and Aaron.
Donkey Wey Talk
The donkey see who Balaam no fit see.
Jehovah Choose Joshua
Wetin God tell Joshua go fit still help us today.
Rahab Hide People Wey Come Look the Land
Jericho fence come dey scatter. But Rahab house no scatter, even though sey e dey fence.
Joshua and Gibeon People
Joshua pray to God sey: ‘Sun, no comot!’ God answer the prayer?
One New Leader and Two Women Wey Get Mind
After Joshua die, Israel people come start to dey serve juju. Dem suffer well well, but Jehovah use Barak, Deborah, and Jael with im pin take help dem
Ruth Hold Naomi Tight
Two women wey their husband don die, go back to Israel. One of the women, Ruth, start to dey work for farm, na there Boaz for see am.
Gideon Win Midian People
After Midian people suffer Israel people well well, dem beg Jehovah make e help dem. How Gideon small soldier take win 135,000 Midian soldier?
Hannah Beg Jehovah for Pikin
Elkanah carry Hannah, Peninnah, and im pikin go worship for tabernacle wey dey Shiloh. Na there Hannah for beg Jehovah for pikin. After some time, e born Samuel.
Jephthah Promise Jehovah
Wetin Jephthah promise, and why? Wetin Jephthah pikin talk when e papa tell am wetin e promise Jehovah?
Jehovah Talk to Samuel
High priest Eli two pikin dey work as priest for tabernacle, but dem no dey obey God law. Young Samuel dey different. One night Jehovah talk to am.
Jehovah Give Samson Power
God give Samson power make e fight Philistine people, but when Samson do mistake, Philistine people catch am.
The First king Wey Rule Israel
Jehovah give Israel people judge wey dey lead dem, but dem sey dem want king. Samuel make Saul Israel first king, but Jehovah later comot the kingdom from e hand. Why?
David Kill Goliath
Jehovah choose David as Israel next king, and David show wetin make am be the right person.
David and Saul
Wetin make one of this men hate the other one, and how the one wey dem hate behave?
Jonathan–Better Friend Wey Get Mind
The king pikin come be David tight friend.
King David Do Bad Thing
One bad thing wey person do bring big wahala.
Solomon Build Temple for Jehovah
God like wetin King Solomon ask am, and e bless am well well.
Jehovah Divide the Kingdom
Many Israel people stop to dey serve Jehovah.
Jehovah Show Sey Na Im Be the True God
Who be the true God? Jehovah or Baal?
Jehovah Give Elijah Power
You think sey Jehovah go fit still help you?
The Pikin Come Back to Life
Two miracle for the same house!
God Punish One Wicked Queen
Jezebel plan to kill Naboth because e want thief im farm! Jehovah God see the bad things wey e do.
Jehovah Save Jehoshaphat
Jehoshaphat wey be good king pray to Jehovah when other country want come fight Judah.
The Soldier and the Small Girl
One small girl wey come from Israel dey tell im madam about Jehovah strong power—wey dey make people well.
Jehovah Horse and Chariot Wey Fire Dey
How Elisha servant come take see sey people wey dey with dem many pass people wey dey with Syria.
Jehoiada—Priest Wey Get Mind
One priest wey serve Jehovah well no gree for one wicked queen.
Jehovah Dey Patient With Jonah
Wetin make big fish swallow one of God prophet? How e take comot? And wetin Jehovah make am know?
Jehovah Use Im Angel Save Hezekiah
Sennacherib sey Jehovah no go save Judah, but e no correct!
Josiah Love God Law
Na eight years Josiah be when dem make am king for Judah, and he help im people make dem worship Jehovah.
Jehovah Send Jeremiah Go Preach
Wetin prophet Jeremiah talk make the elders for Judah vex well well.
Nebuchadnezzar Destroy Jerusalem
Because people for Judah continue to dey worship juju, Jehovah leave dem.
Four Boys Wey Obey Jehovah
Young people wey come from Judah ready to continue to hold Jehovah tight, even when dem dey the king palace.
One Kingdom Wey Go Rule Forever
Daniel tell Nebuchadnezzar wetin the dream wey e no understand mean.
Dem No Gree Bow Down for the Image
Shadrach, Meshach, and Abednego no gree bow down for the king image wey e use gold make.
One Kingdom Wey Be Like Big Tree
Nebuchadnezzar see wetin go happen to am for front for im dream.
One Hand Dey Write for Wall
Which time dem see this hand writing wey dem no understand, and wetin e mean?
Dem Put Daniel for Where Many Lion Dey
Dey pray to Jehovah everyday like Daniel.
Esther Do Wetin Save Im People
Even though Esther na Jew wey no get papa and mama, e come be queen.
Ezra Teach People God Law
After Israel people listen to Ezra finish, dem promise God.
Dem Build Jerusalem Fence Again
Nehemiah hear sey im enemy dey plan to come fight Jerusalem. Wetin make am no fear
Elizabeth Don Born Pikin
Wetin make the angel tell Zechariah sey e no go fit talk until e born the pikin?
Angel Gabriel Visit Mary
E tell Mary wetin change im life.
Angel Make People Know Sey Mary Don Born Jesus
The people wey dey take care of sheep hear when the angel sey dem don born Jesus. Dem come rush go Jerusalem.
Jehovah Save Jesus
One wicked king want kill Jesus.
Wetin Happen When Jesus Dey Young?
How Jesus take make people wey dey teach for the temple surprise?
John Preach Sey the Messiah Dey Come
When John grow, e come be prophet. E teach people sey the Messiah dey come. How people feel when e preach to dem?
Jesus Come Be Messiah
Wetin John mean when e sey Jesus na God Lamb?
Devil Come Test Jesus
Na three times Devil test Jesus. Which three things Satan take test Jesus? How Jesus take answer am?
Jesus Drive People Wey Dey Do Business for Temple
Wetin make Jesus drive all the animal for the temple and scatter the table of people wey dey change money?
The Woman Wey Come Draw Water for Well
One Samaria woman wey dey draw water for Jacob well, surprise sey Jesus dey follow am talk. Why? Wetin Jesus tell am wey e never tell anybody before?
Jesus Preach About God Kingdom
Jesus tell some of im disciples sey e go make dem dey ‘catch men alive.’ Later, e come train 70 of im disciples to preach the good news.
Jesus Do Many Miracle
Anywhere Jesus go, people wey dey sick dey come meet am make e help dem, and e dey make dem well. E even bring one small girl wey don die come back to life.
Jesus Choose 12 Apostles
Wetin make Jesus choose dem? You still remember their name?
Jesus Teach People for Mountain
Jesus teach many people wey gather better lesson.
Jesus Teach Im Disciples How to Pray
Which kind things Jesus sey make im disciples continue to dey ask?
Jesus Give Many People Food Chop
Wetin this miracle teach us about Jesus and Jehovah?
Jesus Waka for Top of Water
How you think sey the apostles go feel when dem see this miracle?
Jesus Open One Man Eye for Sabbath Day
Why e be sey no be everybody like wetin e dey do?
Jesus Bring Lazarus Come Back to Life
When Jesus see as Mary dey cry, e come start to dey cry. But dem no cry tey, before dem start to dey happy.
The Last Passover
Jesus teach im apostles fine fine lesson as dem dey chop their last food together.
Dem Catch Jesus
Judas Iscariot and many people wey carry sword and stick go the Garden of Gethsemane, make dem for catch Jesus.
Peter Sey E No Know Jesus
Wetin happen for front of Caiaphas house? And wetin happen to Jesus for inside the house?
Jesus Die for Golgotha
Wetin make Pilate sey make dem kill Jesus?
Jehovah Bring Jesus Come Back to Life
After some days wey Jesus die, wetin come happen?
Jesus Appear to People Wey Dey Catch Fish
Wetin Jesus do wey make the disciples know sey na im?
Jesus Go Back to Heaven
Before e go, e tell im disciples some other things wey dem go dey do.
God Give Jesus Disciples Holy Spirit
Which miracle holy spirit make dem do?
Dem No Let Anything Stop Dem
Pharisee and other people wey kill Jesus want stop the disciples to dey preach. But their plan no work.
Jesus Choose Saul
Saul na person wey dey give Christian wahala well well because e hate dem, but that one go soon change.
God Give Cornelius Holy Spirit
Why God tell Peter sey make e go Cornelius house, even though sey e no be Jew?
The Good news Reach Different Different Place
Apostle Paul and people wey join am start the preaching for far far place.
Person Wey Dey Guard Prison Learn About God
Why dem put Paul and Silas for prison? How person wey dey guard prison take learn about God?
Paul and Timothy
Their two work together as friend and dem preach together for many years.
Dem Send Paul Go Rome
Apostle Paul face many wahala for road, but e no let anything make am weak.
The Things Wey John See
Jesus show am different different things wey go happen for front.
‘Make Your Kingdom Come’
The things wey Jesus show John show how God Kingdom go change our life for the earth.
