Omuri obu bwire, Abahamya ba Yehova nibabona eby’okurya by’omwika bakoresize inteneti kukira kare kona. Konka omu tucweka twingi tw’ensi, benetata bingi tibari kubasa kubona intaneti. Abandi batwire omu tucweka ahu intaneti eri kukunda kucweka, egenda mpora ninga oshanga etariho na kace.

Konka hati benetata na banyanyazi bingi nibabasa kubona ebitabo na za vidiyo aha rubuga rwitu batine na intaneti! Eco nikibasika kita?

Ebibina bimwe ebitine intaneti bikahebwa akakoreso ka JW Box ngu kabakwase kubona intaneti. Nikaba karimu akoma ka intaneti, puroguramu ezakozirwe n’ekishenge ca za kompiyuta c’ahari Beteli n’ebitabo na za vidiyo ebiri kurebeka ahari jw.org. Buri kabokisi nikagura dora eziri kuhika ahari 75.

Benetata na banyanyazi nibija aha Nju y’Obukama bigura esimu zabo, rero bihaho ebitabo na za vidiyo. N’abine amasimu agatari aha murembe na bo nibabasa kubyihaho. Mbwenu shi ekibina caba kitine intaneti, ni bata oku bari kubasa kongera omuri JW Box ebiri aha murembe? Burijo ofisi neyoherereza ebibina furashi emwe eri kugura dora eziri kuhika ahari 4, eriho ebiri ahari jw.org ebiri aha murembe, rero bazicomeka ahari JW Box.

Ni bata oku JW Box yayambire benetata? Omuzehe otwire omuri Kongo Kinshasa ori kwetwa Nathan Adruandra, akagamba ati: “Kikanshaba obwire buringwa ndi kwihaho durama eri kugira ngu: ‘Ayi Yehova ninkwesiga,’ n’eri kugira ngu: Yijuka muka Loti ahari intaneti, konka zikanga kurugaho kandi bikanshasha. Hati nimbasa kwihaho ezo vidiyo nkoresize esimu yange. Kandi ahakuba ndi omuzire, nikinkwasa kwegesa ge abana bange.”

Mwenetata ori kukwasa ebibina by’omuri Nayigeriya kukoresa JW Box akagamba ati: “Benetata nibareba JW Box nk’ekiconco eki Yehova yabahire. Bakashemererwa munonga ahakuba bari kubasa kutunga ebitabo na za vidiyo ebi turi kukoresa omu kwegesa abantu Bibuli.”

Twa JW Box oturi kurenga aha 1700 tukoherezibwa omuri Afurika, Oseyaniya n’omuri Amerika y’amashuma kandi hariho entebekanisa y’okutwohereza omu bindi bibina byingi kukizaho. Ni nkahe ahu twayihire esente z’okukora ebyo byona? Nituziha omu sente eziri kuyamba omurimo omu nsi yona ezi abantu bingi bari kuhayo bakoresize donate.pr418.com. Nitubasima munonga ahabw’ebyo biconco ebi muri kuhayo.