ဂုာ်ကျဲးစၢးမၤဂ့ၤထီၣ် နတၢ်ဖးလံာ်ဖးလဲၢ် ဒီး နတၢ်သိၣ်လိတက့ၢ်
လံာ်တဘ့ၣ်အံၤ ကမၤစၢၤနၤဒ်သိး နကမၤဂ့ၤထီၣ် နတၢ်ဖးလံာ်ဖးလဲၢ် ဒီးနတၢ်သိၣ်လိအဂီၢ်လီၤ.
လံာ်ပရၢလၢအဟဲလၢ ပှၤပၢဆှၢတၢ်ကမံးတံာ်အအိၣ်
ပသိၣ်လိပှၤဂၤလၢ တၢ်ကစီၣ်လၢအရ့ဒိၣ်ကတၢၢ်လၢ ပှၤဟီၣ်ခိၣ်ဖိအဂီၢ်.
တၢ်မၤလိ ၂
ပာ်ဖျါထီၣ်တၢ်သူၣ်အိၣ်သးအိၣ် ဒီးကတိၤတၢ်လၢပှၤနၢ်ပၢၢ်ဘၣ်အီၤညီတက့ၢ်
နမ့ၢ်သူတၢ်ကတိၤလၢ ပှၤနၢ်ပၢၢ်ဘၣ်အီၤညီန့ၣ် ကမၤစၢၤနပှၤဒိကနၣ်တၢ်ဖိတဖၣ် ဒ်သိးအဝဲသ့ၣ်ကပာ်လုၢ်ပာ်ပှ့ၤ တၢ်ကစီၣ်လၢနတဲတဖၣ်န့ၣ်လီၤ.
တၢ်မၤလိ ၃
သူတၢ်သံကွၢ်တဖၣ်တက့ၢ်
သူတၢ်သံကွၢ် ဒ်သိးကထိၣ်ဟူးထိၣ်ဂဲၤထီၣ် ဒီးကထုးန့ၢ် နပှၤဒိကနၣ်တၢ်ဖိအသး ဒီးသံကွၢ်တၢ်သံကွၢ် ဒ်သိးကပာ်ဖျါထီၣ် တၢ်ဂ့ၢ်လၢ အရ့ဒိၣ်န့ၣ်တက့ၢ်.
တၢ်မၤလိ ၄
တဲဖျါထီၣ်တၢ်ဂ့ၢ်လၢ အဘၣ်ထွဲဒီးလံာ်စီဆှံအဆၢတက့ၢ်
ကွၢ်တၢ်ဂ့ၢ်လၢအမ့ၢ် တချုးလၢ နဖးလံာ်စီဆှံဒံးဘၣ်န့ၣ် တဲဖျါထီၣ်တၢ်ဂ့ၢ်လၢ အဘၣ်ထွဲဒီးလံာ်စီဆှံတဆၢလၢ နကဖးအီၤန့ၣ်ဒ်လဲၣ်.
တၢ်မၤလိ ၅
ဖးလံာ်လီၤတံၢ်လီၤဆဲးတက့ၢ်
တၢ်ဖးလံာ်လီၤတံၢ်လီၤဆဲးန့ၣ် မ့ၢ်ဝဲကျဲတဘိလၢ ကမၤစၢၤပှၤဂၤဒ်သိး အဝဲသ့ၣ်ကသ့ၣ်ညါထီၣ်ဝဲ ယဟိဝၤယွၤအဂ့ၢ်လၢအမ့ၢ်အတီန့ၣ်လီၤ.
တၢ်မၤလိ ၆
ၡဲပၠးလံာ်စီဆှံအဆၢတဖၣ်အခီပညီတက့ၢ်
မၤစၢၤနပှၤဒိကနၣ်တၢ်ဖိတဖၣ် ဒ်သိးအကနၢ်ပၢၢ်ထီၣ်ဝဲ လံာ်စီဆှံအဆၢအံၤ ဒီးတၢ်ဂ့ၢ်လၢနအဲၣ်ဒိးတဲန့ၣ် ဘျးစဲလိာ်အသးဒ်လဲၣ်န့ၣ်တက့ၢ်.
တၢ်မၤလိ ၇
တၢ်ဂ့ၢ်တၢ်ကျိၤလၢအဘၣ် ဒီးပနာ်န့ၢ်အီၤသ့
ဒ်သိးနပှၤဒိကနၣ်တၢ်ဖိ ကသ့ၣ်ညါထီၣ် တၢ်ဂ့ၢ်လၢအဘၣ်လီၤတံၢ်လီၤဆဲးအဂီၢ် သူတၢ်ဂ့ၢ်တၢ်ကျိၤလၢ ပှၤနာ်န့ၢ်အီၤသ့တက့ၢ်.
တၢ်မၤလိ ၈
သူတၢ်အဒိလၢအကဲဘျုးတက့ၢ်
မၤဂ့ၤထီၣ်နတၢ်စံၣ်တဲၤတဲလီၤ ခီဖျိသူတၢ်အဒိလၢ အထုးန့ၢ်ပှၤသးဒီး နၢ်ပၢၢ်ဘၣ်အီၤညီတက့ၢ်. နမ့ၢ်မၤဒ်န့ၣ်န့ၣ် နပှၤဒိကနၣ်တၢ်ဖိ ကနၢ်ပၢၢ်ထီၣ် တၢ်ဂ့ၢ်လၢအရ့ဒိၣ်လီၤ.
တၢ်မၤလိ ၉
သူတၢ်ပီးတၢ်လီတမံၤမံၤလၢ ပှၤကထံၣ်အီၤဒီးထုးန့ၢ်ပှၤသးအဂီၢ်တက့ၢ်
ဒ်သိးနပှၤဒိကနၣ်တၢ်ဖိတဖၣ် ကနၢ်ပၢၢ်ထီၣ်ဒီး တိၢ်နီၣ်ဝဲတၢ်ဂ့ၢ်မိၢ်ပှၢ်ကန့ၢ်အဂီၢ် သူတၢ်ပီးတၢ်လီတဖၣ်လၢ ပှၤကထံၣ်ဒီးထုးန့ၢ်ပှၤသးအဂီၢ်တက့ၢ်.
တၢ်မၤလိ ၁၀
ဆီတလဲကလုၢ်အထီၣ်အလီၤတက့ၢ်
နမ့ၢ်ဆီတလဲ နကလုၢ်အထီၣ်အလီၤ, မၤဒိၣ်ထီၣ် မၤဆံးလီၤနကလုၢ်, ဒီးတဲအီၤချ့ချ့ မ့တမ့ၢ် တဲကဘှၢလီၤအီၤန့ၣ် ကထိၣ်ဟူးထိၣ်ဂဲၤထီၣ် နပှၤဒိကနၣ်တၢ်ဖိတဖၣ်လၢ ကမၤထွဲဝဲတၢ်လၢ အမၤလိဘၣ်ဝဲတဖၣ်လီၤ.
တၢ်မၤလိ ၁၁
တဲလၢတၢ်သးဆူၣ်အပူၤတက့ၢ်
ပာ်ဖျါထီၣ်နတၢ်သူၣ်ဆူၣ်သးဆူၣ် ခီဖျိတဲတၢ်လၢ တၢ်သးဆူၣ်အပူၤ. နမ့ၢ်မၤဒ်န့ၣ်န့ၣ် နပှၤဒိကနၣ်တၢ်ဖိ အသးတဒံဝ့ၤဒံဝီၤလၢၤဘၣ်.
တၢ်မၤလိ ၁၂
ပာ်ဖျါထီၣ်တၢ်အဲၣ် ဒီးတၢ်ဒိသူၣ်ဒိသးတက့ၢ်
နမ့ၢ်တဲတၢ်လၢ တၢ်သူၣ်ဘျၢသးဘျၢအပူၤန့ၣ် မ့ၢ်ဒၣ်နပာ်ဖျါထီၣ်န့ၢ်နပှၤဒိကနၣ်တၢ်ဖိတဖၣ်လၢ နသးအိၣ်အဝဲသ့ၣ်လီၤ.
တၢ်မၤလိ ၁၃
ပာ်ဖျါထီၣ်တၢ်ဂ့ၢ်တၢ်ကျိၤၡဲၡဲဒ်သိး ပှၤကသ့ၣ်ညါတၢ်လၢကဘၣ်မၤထွဲဝဲန့ၣ်တက့ၢ်
မၤစၢၤနပှၤဒိကနၣ်တၢ်ဖိတဖၣ် ဒ်သိးအဝဲသ့ၣ် ကနၢ်ပၢၢ်ထီၣ်ဝဲလၢ တၢ်လၢ နသိၣ်လိအီၤတဖၣ်ကကဲဘျုးလၢ အတၢ်အိၣ်မူအပူၤဒ်လဲၣ်န့ၣ်တက့ၢ်. တကးဒံးဘၣ် မၤစၢၤအီၤဒ်သိး ကသ့ၣ်ညါဝဲလၢ တၢ်လၢအမၤလိဘၣ်ဝဲတဖၣ်န့ၣ် ကဘၣ်မၤထွဲဝဲဒ်လဲၣ်န့ၣ်တက့ၢ်.
တၢ်မၤလိ ၁၄
ပာ်ဖျါထီၣ်တၢ်ဂ့ၢ်မိၢ်ပှၢ်ၡဲၡဲတက့ၢ်
မၤစၢၤကမျၢၢ်တဖၣ်ဒ်သိး ကသးစၢၢ်ဆၢ နတၢ်စံၣ်တဲၤတဲလီၤတက့ၢ်. ပာ်ဖျါထီၣ်လီၤတံၢ်လီၤဆဲးလၢ တၢ်ဂ့ၢ်အရ့ဒိၣ်တခါစုာ်စုာ်န့ၣ် ဘျးစဲလိာ်သးဒီး တၢ်ဂ့ၢ်တၢ်ကျိၤလၢ နတိာ်ပာ်အီၤလၢနကတဲအီၤ ဒီးတၢ်စံၣ်တဲၤတဲလီၤအခိၣ်တီဒ်လဲၣ်န့ၣ်တက့ၢ်.
တၢ်မၤလိ ၁၅
တဲဖျါထီၣ်နတၢ်နာ်လၢ တၢ်သူၣ်ဆူၣ်သးဆူၣ်အပူၤတက့ၢ်
တဲဖျါထီၣ်နတၢ်နာ်လၢ တၢ်သူၣ်ဆူၣ်သးဆူၣ်အပူၤတက့ၢ်. ပာ်ဖျါထီၣ်လၢ တၢ်လၢနတဲအီၤတဖၣ်န့ၣ် နနာ်လၢအမ့ၢ် တၢ်မ့ၢ်တၢ်တီ ဒီးမ့ၢ်တၢ်လၢအရ့ဒိၣ်တက့ၢ်.
တၢ်မၤလိ ၁၆
တၢ်ကတိၤဟ့ၣ်ဂံၢ်ဟ့ၣ်ဘါ ဒီးတၢ်ကတိၤမၤမုာ်ထီၣ်ပှၤသး
တဘၣ်တဲဆါအီၤတဂ့ၤ လၢတၢ်န့ၣ်အလီၢ် ဟ့ၣ်ဂံၢ်ဟ့ၣ်ဘါအီၤတက့ၢ်. ဒီးဖဲနဟ့ၣ်ဂံၢ်ဟ့ၣ်ဘါအဝဲသ့ၣ်အခါ ဒ်သိးအဝဲသ့ၣ်ကသ့ၣ်ညါထီၣ်တၢ်မ့ၢ်တၢ်တီလၢ စီဆှံအပူၤအဂီၢ် သူလံာ်စီဆှံတက့ၢ်.
တၢ်မၤလိ ၁၇
တဲတၢ်ကတိၤလၢ ပှၤနၢ်ပၢၢ်ဘၣ်အီၤညီတက့ၢ်
မၤစၢၤနပှၤဒိကနၣ်တၢ်ဖိဒ်သိး အဝဲသ့ၣ်ကနၢ်ပၢၢ် တၢ်ဂ့ၢ်လၢနတဲတဖၣ်တက့ၢ်. ပာ်ဖျါထီၣ်တၢ်ဂ့ၢ်လၢအရ့ဒိၣ်တဖၣ် လီၤတံၢ်လီၤဆဲး.
တၢ်မၤလိ ၁၈
တဲတၢ်ဂ့ၢ်လၢအကဲဘျုးလၢ နပှၤဒိကနၣ်တၢ်ဖိအဂီၢ်တက့ၢ်
မၤစၢၤနပှၤဒိကနၣ်တၢ်ဖိဒ်သိး အဝဲသ့ၣ်ကဆိကမိၣ်ထံတၢ်တက့ၢ်. နမ့ၢ်မၤဒ်န့ၣ်န့ၣ် အဝဲသ့ၣ်ကတူၢ်ဘၣ်ဝဲလၢ အသ့ၣ်ညါထီၣ် တၢ်ဂ့ၢ်အသီတမံၤမံၤလၢ အကဲဘျုးလၢအဝဲသ့ၣ်အဂီၢ်န့ၣ်လီၤ.
တၢ်မၤလိ ၁၉
ဂုာ်ကျဲးစၢးဒ်သိး ကနုာ်လီၤလၢ ပှၤဒိကနၣ်တၢ်ဖိအသးပူၤတက့ၢ်
မၤစၢၤနပှၤဒိကနၣ်တၢ်ဖိတဖၣ် ဒ်သိးအဝဲသ့ၣ် ကအဲၣ်ယွၤ ဒီးအကလုၢ်ကထါလံာ်စီဆှံ.
တၢ်မၤလိ ၂၀
တၢ်ကတိၤကျၢၢ်တံၢ်လၢအကဲဘျုး
နတၢ်ကတိၤကျၢၢ်တံၢ်လၢ အကဲဘျုးန့ၣ် ကထုးန့ၢ်ဝဲ ပှၤဒိကနၣ်တၢ်ဖိအသး ဒ်သိးကတူၢ်လိာ်ဒီးမၤထွဲဝဲ တၢ်ဂ့ၢ်လၢအဝဲသ့ၣ် မၤလိဘၣ်တဖၣ်န့ၣ်လီၤ.
မၤနီၣ်မၤဃါ နတၢ်လဲၤထီၣ်လဲၤထီတဖၣ်တက့ၢ်
ဖဲနဂုာ်ကျဲးစၢး မၤဂ့ၤထီၣ် နတၢ်ဖးလံာ်ဖးလဲၢ် ဒီးနတၢ်သိၣ်လိအခါ မၤနီၣ်မၤဃါ နတၢ်လဲၤထီၣ်လဲၤထီတဖၣ်တက့ၢ်.
တၢ်ဂ့ၤအဂၤလၢ နကဘၣ်သး
တၢ်ဂီၤမူပိာ်ထွဲလိာ်အခံ
ဂုာ်ကျဲးစၢးမၤဂ့ၤထီၣ် နတၢ်ဖးလံာ်ဖးလဲၢ် ဒီး နတၢ်သိၣ်လိတက့ၢ်—တၢ်ဂီၤမူတဖၣ်
မၤဂ့ၤထီၣ် တၢ်ဖးလံာ်ဖးလဲၢ် မ့တမ့ၢ် သိၣ်လိတၢ်လၢပှၤမဲာ်ညါ.